Сдиков ЕРМЕКБОЙ: – “МУНОЖОТ”НИ ЎҒРИЛАРДАН ТОЗАЛАШ КЕРАК…

Бош мақола, Инсон ва қонун, Муҳокама учун мавзу | 08/30/2018 12:58 AM 10845 марта ўқилди

Сдиков ЕРМЕКБОЙ: – “МУНОЖОТ”НИ ЎҒРИЛАРДАН ТОЗАЛАШ КЕРАК…

Ўзбекистон Мусулмонлари Диний идораси раиси

Усмонхон Алимов муфтий ҳазратлари,

Беруний туман ҳокими ва прокурори,

Ўзбекистон Инсон ҳуқуқлари “Эзгулик” жамияти

раиси А.Ташановларга

Қорақалпоғистон Республикаси, Беруний тумани,

Абай ОФЙ да яшовчи 12.01.1980 йилда туғилган

Сдиков Ермекбой томонидан

О Ч И Қ М У Р О Ж А А Т

Мен Беруний туман “Муножот” тоғида жойлашган “Кат – Қалъа- Тур” сайёҳлик фирмаси ишчисиман. Фирмамиз туризм бўйича лицензия олганидан сўнг Беруний туман Султон Увайс бобо зиёратгоҳи собиқ имом – хатиби Жумабой Матёқубов сизларнинг ҳужжатларинг сохта, бу жой зиёратга қарашли., деб бир неча йил ишлашимизга тўсқинлик қилиб келганди.

Жумабой мулла ишдан кетганидан сўнг, зиёратгоҳнинг янги раҳбари Нурадин Юсупов ҳам “Сандибек – Айнагул” фирмаси раҳбари Сандибек Дўсмонов билан шартнома тузиб тўсқинликнинг давом эттирмоқда. Бу фирманинг туризм бўйича лицензияси бўлмасада, от ва туялар билан зиёратга келувчиларга сайёҳлик хизмати кўрсатмоқда.

Нурадин муллани биз яхши диндор одам деб ўйлаган эдик. Лекин, унинг ҳам 4 та хотини бўлиб, “Сандибек – Айнагул” фирмасида ишлаётганларнинг аксарияти ўзининг ва хотинларининг қонунга итоатсиз жиноятга мойил қариндошларидан иборат экан.

Муножот тоғи яқинида оқ тошлар бўлиб, уни майдалаб “шпаклёвка” сувоғи тайёрлаб қурилишда ишлатадилар. “Сандибек – Айнагул” фирмаси бу ерда жойлашиб олгач, кечаю – кундузи ана шу ана тошларни ҳеч қандай ҳужжатсиз юк машиналарига ортиб, қурилиш фирмаларига сотади. Бундан ташқари янги уй қураётганларга пахта ва бошқа экин майдонларидан тупроқ ўғирлаб сотади. Яна бир қанча одамлари чўлдаги ноёб саксавулларни кесиб улгуржи сотиб бойлик орттирмоқда.

Туман солиқчилари манфаатдор бўлмаса, не учун Сандибекнинг бу ишларини кўрмасликга олишади. Барча ўғирилар қатори бу фирма ҳам ўғринча сотилган мармар ва тупроқ учун солиқ тўламай, бойлик тўплаш билан машғул. Сандибекнинг акаси Ойбек Дўсмоновнинг 3 та “Камаз”, Газ – 53 машинаси ҳамда экскватори бўлиб, улардан мармар тош, тупроқ, саксовул сотишда фойдаланади. Яқинда ана шу Ойбек телефон орқали бошини айлантириб катта пул ваъда қилиб Матниёзовов Алишер деган йигитнинг аёлини йўлдан ургани фош бўлди. Пул қутурттирган Ойбек бир оилани барбод қилиб, бири 13, бири 9 яшар болани тирик етимга айлантирди. Матниёзов Алишернинг хотини билан Ойбекнинг телефондаги ёзувларини далил қилиб ёзган аризаларини туман ИИБ бошлиғи ҳам оқибатсиз қолдирди. Ойбек Дўсмоновни укаси Сандибек ва Нурадин мулла қўллаб тургани учун у жавобгарликга тортилмади. Нурадин Юсупов ана шулар билан ҳамкорликда топган пулига қисқа фурсатда ҳамма уйларини ремонт қилиб, жиҳозлаб, конденционергача ўрнаттириб, иккинчи хотинидан бўлган ўғлини ҳам ўқишга киритиб олди.

Зиёратгоҳ имом – хатиби Нурадин мулла ва “Сандибек – Айнагул” фирмаси раҳбари Сандибек, Ойбек Дўсановларнинг жиноий қилмишлари ҳақида қисқа баён этилганлардан хулоса қилиб, шахсан мен Қорақалпоқ Республикаси фуқороси сифатида Сизлардан: – табаррук Султон Увайс бобо зиёратгоҳи ҳамда Муножот тоғини бундай ўғри, бузғунчи кимсалардан бутунлай тозалаш керак деб ҳисоблайман ва бу ноқонуний ишларга тез кескин чоралар кўрилишида амалий ёрдам беришларингизни сўрайман!

Ермакбой Сдиков

20.08.2018 йил

+99897 401 80 84

Фото иловалар: 5 варақда.

Ваше обращение было успешно отправлено в Виртуальную Приемную Президента Республики Узбекистан!

Номер обращения 86743-s/19