Юсуф Жума. Ўзбекистон Президентига очиқ хат….
Юсуф Жума. Ўзбекистон Президентига очиқ хат. Ёхуд ўлган элни тирилтиришнинг ягона йўли
Эрон халқларининг ичкилик ва ишқ сафо хатларидан иборат бўлғон адабиётдан бошқани билмовчи болаларимиз янги мактабларга кириб дин ва дунё учун фойда бературғон лозим нарсаларни ўқисинлар.
Абдурауф Фитрат. (3-том, 210 бет)
Эл ҳам қуш.
Икки қаноти бор.
Бири тарих—ўтмиш.
Иккинчиши — адабиёт — ўгит.
Тарихи зўр, адабиёти зўрлар лочиндай, қанотлари ожизлар чумчуқдай.
Бизда шонли тарих, шонли адабиёт бор — афсуски, қанотлари кесилган. Бу қанотлар кўп кесилди — эронийлар кесган, араблар кесган, ўрислар кесган. Энг охирида ёвуз Ислом Каримов кесди бу қанотларни — нишон қолдирмади. Қанотсиз қуш ўлади. Ўлик лочиндан чумчуқлар ҳам кўп баланд учадилар.
Сизнинг китоб ҳақидаги қарорингиз ўлик элни тирилтириш қанотларини қайтариб беришга илк қадам деб тушунаман. Лекин бу қарорни англайдиган, китобни китобдан фарқлайдиган борми?!
Тарихчилар орасида балки топилар, лекин шоиру ёзувчилар орасида йўқ.
Тарих Бобо Туркдан Ўғизхонгача, Ўғизхондан Ателлахонгача, Улуғ Култегиндан Буюк Соҳибқирон Амир Темур ҳазратларигача, Босмачилар деб аталмиш буюк курашчилар курашигача, Буюк Абу Райҳон Берунийдан Аҳмад Донишгача мактабда мукаммал ўргатилиши шарт.
Адабиёт Тенгсиз бобомиз Валмакидан (Рамаяна), Тенгсиз донишманд Вясдан (Моҳобҳорат) тўла таржима этилиб, Ҳазрати Аҳмад Яссавийгача, Улуғ Маҳмуд Қошғарийу улуғ Култегин битикларидан, Юсуф Хос Ҳожиб ўгитларию, Мақсуд Шайхзодагача, Гўрўғлидан “Алпомиш”гача ўргатилиши шарт.
Ҳозирки Тарих ва адабиёт дарсликларини ёқиб ташлаш лозимки, токи кимдир ўқиб адашмасин.
“Ойдин, Лола — ғоз бўлди
Ўйинимиз — соз бўлди…”
шеърларини
Ёхуд Серқуёш, ҳур ўлкам… дай бачкана гимнларни ёдлатиш не ҳосил беради — Мардикорлар ва қуллар — ўлик қуш!
Сиз Мақсуд Шайхзоданинг “Мирзо Улуғбек” даги Темур манологи билан Ўзбекистон Мадҳиясини солиштиринг, ёнма-ён қўйиб ўқинг. Сўздан сўзнинг фарқини биласиз.
“Ердан ернинг, эрдан эрнинг фарқи бор” дейди Улуғ Махтумқули.
Мисол учун уч шоирдан уч байт:
Мақсуд Шайхзодадан:
Самарқанддан бир йўталсам бунинг зарбидан—
Ёриларди халифаю Бағдоднинг ўти.
Алишер Навоийдан:
Темурхон наслидан Мирзо Улуғбек,
Ки олам кўрмади Султон анингдек.
Абдулла Орифдан:
Серқуёш ҳур ўлкам, элга бахт нажот
Сен ўзинг элларга йўлдош, меҳрибон.
Ҳатто Ҳазрати Навоий улуғ Шайхзода олдида нақадар ожиз.
Абдулла Ориф байти байт эмас, сўзлар чиқиндиси. Мен унинг мадҳиясини сатрма сатр таҳлил этиб ўзи тириклигида эълон қилганман. Мадҳия дегани Мақсуд Шайхзоданинг юқоридаги тенгсиз байтидек бўлиши шарт.
Бугунки, “шоир” “ёзувчилар” буни англамайдилар. Буларки ҳеч ким, лекин Сиз ҳайкал қўямиз деган буюкларнинг энг маҳшурлари Ғофур Ғулом билан Абдулла Ориф ҳақида бир далил:
Саъдий Шерозийнинг Гулистонидан:
Бир куни Шайх уйига ўғри тушди. У ҳар қанча ахтарса ҳам ҳеч нарса тополмай хафа бўлди. Буни кўрган Шайх ўғрининг кўнгли ўксимасин деб ўз остидаги гиламни унинг оёғи остига ташлади. (65-бет)
Икки шоир бир бирини ўқимасдан бир темада бир хил ёзиши мумкин. Афсуски, Ғофур Ғулом бу ҳикоятнинг шеърий парчаларини таржима қилган. “Менинг ўғригина болам” ўғригина шоирнинг ўғрилиги.
Бир амалдор Журналист Абдулла Орифни мақтаб мақола ёзган, интернетда эълон қилинган. Журналист Хоразмликларнинг: “Етти ўлча, етмиш ўлча, лекин оқсоқол айтган жойдан кес”, деган сўзини Абдулла Орифга айтибди. Абдулла Ориф шеър қилибди.
Ахир бу жиноятку!
Абдулла Ориф — даҳо деб ёзади шогирдчалари — қандай даҳо бўлдики, тўртликни ҳам ўғирлаб ёзса.
Абдулла Ориф Улуғ Соҳибқирон Амир Темур ҳазратлари ҳақида ҳам “драматик достон” битган, мадҳиясидан ҳам бачкана — паст:
Соҳибқирон Боязиду Ҳарамани дунё элчилари олдида қабул қилибди. Боязиднинг Мария исмли бир аёлини бир Насронийга ҳадя этибди. Эвоҳ, адолату дин деб умрини тиккан зотга бундай туҳматни ёғийлари ҳам этмаган.
Темур
(Боязидга демоқда)
Кўнсанг, Кўнмасанг!
Уни бирон Насронийга ҳадя этгаймиз!
(Буқаламунни имлаб чақиради)
Никоҳингга олгин буни. . . .
(Абдулла Ориф, 2-том, 433-434 бетлар)
Агар инглиз элининг бирор улуғини шундай таҳқир этса кимдир, ўлган бўлса ўлигини олиб келиб дорга тортади. Бизда нодон — хоин даҳоларга ҳайкал қўядилар.
Ўрис элчиси
Аъло Ҳазрат, Мен ўрисман, Москоw тарафдан
Шарқу ғарбни боғлайдирган бир ҳудудданман.
Темур
Сиз улуғвор бир муҳитда яшайсиз…
(Абдулла Ориф, иккинчи том, 437 бет)
Дунёда Ўрис деган давлат бўлмаган, Соҳибқирон Москвани қилич билан олган. Ўрислар хотинларини ташлаб қочганлар. Аёлари асир олинган, Низомиддин Шомийнинг “Зафарномаси”да — Ҳақиқий тарих битилган. “Бу ялтоқи “даҳо” ақли етмаган ишга уринган. Нодон ва Сотқин эл ичида улуғ бўлиб туғилиш ҳам чексиз бахтсизликдир.
Улуғ Соҳибқироннинг на юрти, на шаъни эгалик!
Калтабин, ёғийпараст “даҳо”си ҳам, ақли шортигидан ҳам калта. “Озодлик”нинг хабарчиси ҳам Буюк Жаҳонгирни ҳақорат қилаверади. Ялтоқиларга ҳайкал эмас, Таҳқирларига чек қўйиш шарт.
Тарихни билмаслик, ё бузиш, душманга сиғиниш — юрту элнинг ўлимига олиб келади.
Агар эл Тенгсиз даҳо Абу Райҳон Берунийни ўқиса, лаънати Қутайбага сиғинмасди. Дунёда бирон эл йўқки, ўзини геноцид — қирғин этган, аёлларини хор этган ёвбошига сиғинса, ўзбекдан бошқа…
Ҳали ҳамон Ёвуз Қутайба Мозори Фарғонада, ҳамон ўзбеклар араблар югурдаги — террорларда араблар манфаатлари бор.
Биз Туркистон, Турон ғоясини эл онгига сингдирмасак эл адашиб юраверади. Ёвлар ва сотқинлар ялло қилаверади.
Эл — қанотлари кесилган қуш тубсиз жарда. Уни бу тубанликдан ҳақиқий тарих, ҳақиқий адабиёт — икки қанот олиб чиқади.
Ўзбекистонда саводсизликни тугатиш курсларини очиш шарт. Ҳарфларни таниш, беш — ўн Тоҳир Маликка ўхшаган онгсизлар китобларини ўқиш савод эмас.
Савод— Култегин битикларини ёдлаш, Маҳмуд Қошғарий девонини билиш,
Савод — Алишер Навоийнинг Мен учун бир халқ ярат, деб Тангрига илитижоси боисларини англаш.
Савод— Берунийдан Аҳмад Донишгача ўрганиш.
Савод — Фитрат. Беҳбудий, Чўлпонларни билиш.
Савод — Абдулла Қодирийнинг “Ўтган кунлар”ини, Мақсуд Шайхзоданинг “Мирзо Улуғбек”ини ёд олиш, тарихни билиш…
Элнинг подшоси ҳам, зиёлиси ҳам, катта-кичиги — бари билиши шарт!
Йўқса бу ўлик эл тирилмайди. Оллоҳ, Оллоҳ деб арабу, пирсиён, ўриснинг оёғини ялаб, унга эгилиб юраверади.
Саводсизлик тугатиш курсларини энг аввало элнинг мараз қисми бўлган, ижодкорлар, санъаткорлар деб аталган фикрсиз онгсизларга “Жаслиқ” қамоқхонасида очиш шарт.
Элни онгсиз этган, элни бир мараз мустабидга юкинтирган шу маддоҳлар, яллачилар эмасми?!
Менда имкон бўлса бу мараз, сотқин галага саводсизликни тугатиш курсларини дорнинг сиртмоғида очардим.
Бутун аҳолини мактабларда — саводсизликни тугатиш курсларида мажбурий ўқитиш шарт. Онгсиз ота она қандай қилиб фарзандини онгли қилсин?!
Қуш уясида кўрганини қилади дейдилар. Бизнинг қушлар — болалар инида нимани кўраяпди. Яллачиларнинг ялласи, Юлдузу — Озод деганларининг яллалари, ғийбат, ош- ошаш, қулликка ҳозирлик…
Жиннига кошона қуриб берсанг ўчоқ ёқаман деб уйни ёқади. Жиннига меҳри бор одам, энг аввало жиннини тузатиш чорасини излаши шарт.
Эл онгли бўлса — элнинг камоли,
Эл онгсиз бўлса — элнинг заволи.
Жиннидай — элнинг душмани энг аввало ўзи! Элни жоҳил элдан қутқариши шарт.
Тенгсиз Соҳибқирон — Амир Темур ҳазратларининг икки қиличлари синмас, тенгсиз бўлган.
Бири ҳикмат.
Бири Тарих.
Улуғ зотга китоби бошида “қўй ўғриси Темур” деб туҳмат этган Ибн Арабшоҳ тан олиб дейдики:
Илму ҳикмати денгиз қаъридай тубсиз, Шарқу ғарб тарихининг ҳам отаси, ҳам онаси!
Шундоқ онг лозим бўлган эл тирилмоғи учун. Ўлган Турон тирилмоғи учун!
5 август, 2017 йил.
«Дунё ўзбеклари»дан:
Юсуф Жуманинг буюк шоир, устозимиз Абдулла Ориповга ва умуман ўзбек ижодкорларига нисбатан чексиз бир ғазаб билан ёзган бу мақоласини ўқиб, бир неча кун ўзимга келолмай юрдим. Муҳаррирликнинг нони аччиқ ва тахир бўлади деб шунга айтсалар керак-да.
«Мен суйган ва меҳр қўйган улуғ бир шоирни нега ҳақорат қиласан!» деб, бу мақолани эътиборсиз қолдирсам ҳам бўларди. Лекин унда мен ҳур фикрлик ва демократия тамойилларига амал қилмаган, бировнинг фикри ёқмагани боис, уни чоп этмасам, касбимга ва халқимга адолатсизлик қилган бўламан.
Шунинг учун ҳам, ғарбда кенг тарқалган: «Мен Сизни ҳурмат қиламан, лекин фикрингизга умуман қўшилмайман!» деган машҳур файласуф ақидасидан келиб чиқиб, уни эълон қилишга қарор бердим.
Кимнинг ким эканлигини эса, унинг бир бутун ижоди, ўзбек адабиётига қўшган залворли улуши кўрсатади. Замон зайли ва ҳукмдорнинг майли билан Мадҳияга айланган бир дона шеъри эмас…
Исмат Хушев,
«Дунё ўзбеклари» Бош муҳаррири,
8 август, 2017 йил, Торонто шаҳри, Канада…
МАҚОЛАНИ ДЎСТЛАР БИЛАН БАҲАМЛАШИНГ
Har kanday istedod — uni bergan zotni rozi kila oladigan holatlarga sarflanishi bilangina kadrlanishi. mumkin … Amerikada otilgan . Invalid Fazliddin Yokub .
Укиб анча фикир килдим
Жаноб еки Ser Yusuf Juma езган барча китобларни еддан биламан мисол келтирган шоир еки езувчиларни хам барча асарларини укиганман лекин бир комментда езилганидек шезифрения эмас аслида бошка нарса
Инсонди калбида тантилик етишмаса хосил буладиган давосиз дард
Жуда куп холатларда хатолик
Нима биз 30- йилларга кайтяпмизми хаммани мажбурлаб укитиш кк нима узбекистонда яшаетган 130 дан ошик бошка миллат вакилларини хакки е хукуки йукми
Нима инсонларни адабиет е шерият е тарихдан бошка киладиган иши йукми
Нима Энди электр тармоги муаммолари еки газ системалари муаммолари Билан шугилланадиган мухандис таерлаш урнига тарихчи килишимиз керакми
Нима доктор акушер хирург терапевт кардиолог стаматолог анколог урнига шоир тарбиялашимиз керакми
Миллат адабиети ва тарихи качон укилади качонки уша давлат иктисодиети мукаммал булса качонки медицина ривожланса качонки машинасозлик ривожланса
Янги мустакил булгар даврда бирорта конструкторлик бюроси узбекистонда мерос буб колдими узимизда медицина еки техника сохасида етук лабараьориялар колганмиди ???? Мана нима учун йирик корхоналар йук булди мана нима ун йилига 35-40 минг инсон хиндистонга кетяпти мана нима учун йилига 50-60 млн$ пул факат тиббий туризмга сарф буляпти
Э огайни чала савод Жума бир нарсани бил
Сан езаетган когоз чикариш учун етук кимегар машина музандиси булиши кк кулингдаги калам еки ручка мана 25 йилдирки чикмайди узбекистондан чунки у европани энг юкори технологиясида чикади
Сан айтган тарихда битта урок еки тешани Европа еки Япония сифатида ясолмаган усталар замонига хавас килиб яшашни таклиф киляпсан
Ва нихоят уша интернетга кириш ва компютерда езиш учун энг асосийси ЭЛЕКТР ЭНЕРГИЯ СИ керак валломат
Бунт гуманитар фан вакили эмас кучли билимга эга мухандис кимегар геологлар командаси биргаликда чикаради
Уларга тарих шерият ва фалсафани кераги йук битта максади керак микдорда электр энергияси чикариш
Нима учун десанг санга ухшаганлар езиши учун компютерга электр керак
Уйда емиши булса кийм кеяаги оила мошинаси булса укийдиган одам узи укиб олади
Зурлик Билан факат нацистлар еки комунистлар укитади
Бу валломат бекорга жасликка кирмаган экан биринчи марта суд хкук органлари хеч качон адашмаслигига амин булдим
Бир нимаси булмаса шудгорда куйрук на килур
Ўзбек эл токи ориятсиз, лаганбардор ва қўрқоқ деган лаънат тамғасини бутунлай ўзиники қилиб олишдан иҳоталаниши учун ҳам миллатга Юсуф Жумалар керак… «Жаслиқ» аталмиш дўзахдан гўё мулла минган эшакдек ювош ҳолида чиқмасликдек жасорат учун таҳсинлар ўқийман. Ваҳоланки бошқалар Каримовни қовоқ-тумшуғига кўзлари тушган заҳотиёқ бу «ювошлик»ни сўзсиз ўзлаштириб бўлишганди.
Ҳақиқатдан тарихни ўрганишни бошидан бошлаш керак. Моду Тангриқут, Баламбер, Атилла, Бумин ва Истеми ҳоқонларни яхшилаб ўрганиш керак. Тангри тарихини ҳар биримиз ўрганишимиз керак. Бизнинг тарихимиз ислом дини келганидан кейин бошланган эмас!
Haqiqatdan tarixni o’rganishni boshidan boshlash kerak. Modu Tangriqut, Balamber, Atilla, Bumin va Istemni hoqonlarni yaxshilab o’rganish kerak. Tangri tarixini ham o’rganishimiz kerak. Bizning tariximiz islom dini kelganidan keyin boshlangan emas!
Исмат Хушев Юсуф Жумага минбар берди, бирок афсус у минбарни ёкиб юборди. Ю. Жуманинг узи ёзганидек, «жиннига кошона куриб берсанг, учок ёкаман деб уйни ёкади…»
Юсуф Жумадек фикрлай олиш учун азизларим хеч булмаганда тарих чархпалагини 600 йил оркага кайтариб Сохибкирон Амир Темур замонасига хаммамиз сафар килишимиз керак. Чунки юкоридаги шархлардан келиб чикиб айтадиган булсам Юсуф Жумани дилидаги хакчил сузларни тушунганлардан кура, тушунмаганлар купчиликни ташкил килади. Тушунмаганларни хам тугри тушуниб, уларни бирор нарсада айблашга тулаконли асосимиз йук. Сабаби орадан 600 (олти юз!) йил утди! Бу давр ичида дунёни зир титратаган буюк Турон империясидан узаро жанжаллар ва мазхаббозлик муаммолари гирдобида ковурилиб, бир огалари урисни юртида, бир инилари олис европани бир бикинида кузлари маюс, таркок ва мусичадек ювошсираган элат ва улус колди. Бу элат эса Юсуф Жума айтмокчи на уз тарихини биладилар, на уз адабиётини укий оладилар. Бу араб боскинчилигидан бошланган мустамлакачилик сиёсатини, мугул истибдоди хунрезликларини бошидан кечирган, ва Урис империясини 200 йилдан бери гох чор россияси, гох коммунислар давлати куринишидаги боскинчилик сиёсатларини натижасидир! Якин утган утмишда россияни атом бомбаси бор экан, агар ташласа ер юзини йук килиб юборар экан деган куркув билан 75 йил бошлармизни кутармай мустамлакачиларга содик булган давлатлар куриб бошимиз осмонда хурсанд булиб юрдик. Энди уйлаб карасам бу атом бомбасини бутун истибдод сиёсатини уз кулида ушлаб турувчи куроли булган экан! Ва бундай холатда Юсуф Жума айтган кунларга етишиш менимча у киши ёзганларидек осонликча руй берадиган вокелик эмас… Буни шундай эканлигини у кишини узлари жуда яхши тушунадилар. Бош кутариб курган хаётлари давомида нимаки кургулик курган булсалар ана шу хур фикрлилиги оркасидан булганлиги бугун энди хеч кимга сир эмас. Юсуф Жума учун бу кун энди хамма иш осон! У хеч кимни фикри билан хисоблашмайди! Хохласанг шу, хохламасанг ана катта куча. Мени фикримча бу энг нотугри йул! Алишер Навоий бобомиз ёзганларидек:
Мени мен истаган ўз суҳбатига аржуманд этмас,
Мени истар кишининг суҳбатин кўнглум писанд этмас.
Мен хозир Юсуф Жумани худди шу газалдаги кимсага ухшатгим келади… Илмлари хакикатдан кучли. Буни факат нодон одамгина инкор этади. Лекин бу илмларини бизларга бундай купол куринишда етказиш менимча акс натижа билан якунланади. Хамма фикрни хам босиклик билан етказиш менимча олим одамни жохил одамдан фарк килдириб туради. Юсуф Жумадан керак булса минг чандон имлга эга булган инсонлар хам бу кишичалик уз халкига терс муносабатда булмаган.
Юсу Жума, агар Исмат ака мардлик килиб Сиз ёзган маколани эълон килмаганида, Сизни ёзганларингиз узингиз билан кетарди бокий дунёга… Шунинг учун хам Сиз минг карра хак булган такдирингизда хам агар бу хаклингиздан халкни туриш турмушига наф келтирмас, буни хеч кандай ахамияти йук оддий одамлар учун. Демакки Сиз Сиз мана шу юртни фарзанди экансиз, мана шу юртни мана шу жамиятни одамлари, халки билан хисоблашишга мажбурсиз! Чунки Сиз яшаётган Америка халки учун бу гапларингизни бир центлик кизиги йук! Сиз шу юрт учун шу юрт одамлари учунгина фойдангиз тегиши мукин. Агар ки бу халк Сизни фикрларингизни кабул килса! Сизнинг радикал куринишдаги маколалрингиз эса факат узингизга карши булаётганлигини Сизга етказиб куйишни лозим топдим. Менимча Сиз хам онангизни корнидан бегунох булиб тугилганингизча тугри Америкага кетмагансиз. Шу юртни тузини тотгансиз. Шунинг учун хам узбек халки Сизга эмас, Сиз халкка карздорсиз! Ёзаётган маколаларингизни укиган одам тассавурида эса Сиз узингизни бегунох фариштадай халкни эса канча булса шунча тахкирласа булаверадиган бир матохдай курасиз.
Шунинг учун хам хар бир маколангиз укиган укувчида Сизга нисбатан яхши тассурот колдириши жуда хам кийин… Сизни тушунган тушунади, тушунмаган эса радикал инсон экан деб куя колади.
Юсуф Жума шизофрения дардига чалинган бедаво бемор холос. Унинг ёзганларини жиддий кабул килмаслик керак.
Ҳурматли дўстлар!
Биз шундайин бир талотўп даврдан яъни узоқ бир кечувдан чиқдикки,бугунги кунга келиб эса кўзи очиқ сўқирларимиз нақадар кўп эканлигини ҳали ҳам онглаб етканимиз эмас.
Мен Юсуф Жуманинг ҳақиқати олдида бош эгиб таъзим қилишим баробарида Исмат Хушев акамизнинг мардлиги ва тантилиги олдида тиз чўкиб таъзим қиламан!!!
Мустабид тузумнинг бир жабрдийдаси бўлган Абдулла Ориповни ана ўша тизимнинг яна бир жабрдийдаси Исмат Хушев акамиз имкони борича қийин даврларида қўллаб турдилар,обърўларини сақлаб умрларига умр қўша олдилар!
Нима бўлган тақдирда ҳам Абдулла Орипов умри поёнида ўзлигига қайта олдилар.
Ҳали ҳам қайта олмаганлар қанча???
Юсуф Жума ҳақиқатдан ҳам ўзга бир оламдан.
Унинг ҳақиқатларини яқин келажак тарихимизда аста секин онглаб бошласак не ажаб!
Чорак асримизда саънатимиз ва маданиятимиз анча саёзлашгани бор ҳақиқат!
«ЎЗБЕКИСТОНДА ТЎРТ МИЛЛИОН МИЛИЦИЯ ВА ТЎРТ МИЛЛИОН АРТИСТ БОР» деган гапларни эшитиб эдик.
Қадимги замон РИМ императори бўлган НЕРОН «ҚУЛЛАРНИ КЎПАЙТИРМОҚЧИ БЎЛСАНГ,МУСИҚА ЯРАТ» деган экан.
Буюк Абдулла Қодирий «Ўткан кунлар»ни 23 ёшида ёзган экан.
Бугунги ёшларгина эмас,қолган аҳоли қатламларида ҳам уни онглайдиганлар сони жуда озчиликни ташкил қилади.
Буюк шоирамиз Гулчеҳра Нуруллаева сўзи билан айтадурғон бўлсак;
«БЎЙИ БАЛАНД,ОНГИ ПАСТЛАР» керагидан ортиқча бўлиб кетди.
Мен қарийиб 10 йилдан буён Россиядаман.
Онгли фикрлайдиган,Ватанимизнинг эртасини ўйлайдиган,Ватан деса жонини бера оладиган,Юсуф Жума ва Исмат Хушевлар истайдиган инсонларимиз бармоқ билан санарлик!
99 фоизи учун пул биринчи ўринда!
Бўлди бошқа ёзмайман,юрак дош бермайди.
Юсуф Жумани Юсуф Жума тушунади!
Ватанимиз ва ҳалқимизнинг душманлари билан аёвсиз ва омонсиз жангга киришган ва шу йўлга ўз жонини тиккан Исмат акамизнинг бомбаданда даҳшатлик мақолаларига бир шарҳни ўз номидан ёза олмаган оммадан нимани ҳам кутса бўлади.
БИЗГА АБДУЛҲАМИД ЧЎЛПОННИНГ «ГЎЗАЛ ТУРКИСТОН» МАДҲИЯСИ КЕРАК БУКУН!
МЕН БИР ПАЙИТЛАР ЯЪНИ 2015 ЙИЛДА ЁЗИБ ЭДИМ.ИСМАТ АКАМИЗ НАШР ҚИЛГАНЛАРИ БОР ЭДИ.
УЛУҒ ШОИР ДЕНГИЗИ ҲАМ САРОБ ЧИҚДИЁВ,
ЙЎҚ ДЕНГИЗНИНГ ТЎФОНИДА ҒАРҚ БЎЛДИ ҲАЛҚИМ!
БИЗ ИШОНГАН ЧЎҚҚИЛАРГА НАҲОТ ЧИҚДИ ЁВ,
ЯШАШ БИЛАН ЯШАШИДА ФАРҚ КЎРДИ ҲАЛҚИМ!
АРЗУ ДОДЛАР ЕТМАГАЙДИР ОҚ САРОЙЛАРГА,
ЎЗИНГ ЁНМА ЎЗИНГ КУЙМА КУЛ БЎЛГУНИНГЧА!
ҲАЛҚДАН КЎРА ПУЛ АЪЛОДИР БУ БОБОЙЛАРГА,
ҲАЛҚИМ УЙҒОН ЭРКИНГ СЎРА ҚУЛ БЎЛГУНИНГЧА!
***********************
БОТГАН ҚУЁШ ҚАЙТДИ ЮРТГА СЕН ҚАЙТМАЙСАНМИ,
ЎЗ БОЛАНГНИ МАҲКАМ ҚУЧИБ,СЕВИБ ЭРКАЛАБ,
МЕҲР БЕРИБ «ОЛПОМИШИМ» ДЕБ АЙТМАЙСАНМИ?
ҚАЙТАҚОЛГИН СИНГЛИМ МЕНИНГ,ОПАЖОНГИНАМ,
УЙДА КУТАР КЕЛАЖАГИМ «ҚАҚАЖОНГИНАМ»!
ЮСУФ ЖУМА ОРЗУ ҚИЛГАН БОТИРЛАР ЎССИН,
ҚЎЛ БЎЛМАЙИН ЎЗ ЮРТИНИНГ ЭГАСИ БЎЛСИН!
ОБОД ВАТАН ВА ҲАЛҚИМНИНГ ЭРТАСИ БЎЛСИН,
ОНА ЮРТНИНГ АРДОҚЛИ БИР ЭРКАСИ БЎЛСИН!
Бизга ОЗОД ВА ОБОД ВАТАН БУГУН КЕРАК,
БИЗ БУГУН БУЮК БЎЛИШИМИЗ КЕРАК!
Бу яъни Юсуф гирт ахмок
Assalomu alaykum,
Yusuf aka fikirlaringizga to’la qo’shilaman.
Tarihiy kitob, ayniqsa buyuk ajdodlarimiz haqida, millat uchun eng mustahkam qanot bo’lishi kerak.
Biz hozirgi ahvolni nafaqat tanqid qilishimiz balki o’rnak bo’ladigan asarlarni ham aytishimiz kerak. Masalan, turk birodarlarmizdan o’rnak olsak bo’ladi. Bittagini misol: Sulaymon Shohning o’gli va Usmoniylar davlatining asoschisi Ertugrul haqida hozirgi kungacha 91 seriyali kino olishgan. Bir necga tillarga tarjima qilingan. Hatto rus tilida ham bor. ( https://youtu.be/lx7DvJqJrgw ) Uni davomini (92 seriya) hamma intizorlik bilan kutyapti. Bu bizning ham, barcha turkiy halqlar tarihining bir bo’lagi halos. Bunaqa misollar qancha? Nima uchun buni O’zbekiston da televideniya ko’rsatmaydi. Uni o’rniga har hil karis, hitoy, hind va lotin amerikasi seriallarini ko’rsatib millatni zaharlaydi?
O’rislar yoki boshqalar bizning tarihimizni o’girlab qaerga ham oborib yashirib qoya olar edi? Buni imkoni yoq agar millat o’zligini esdan chiqarmasa.
Amir Temur va Al Buhoriy kabi minglab ajdodlarimizdan quruq fahlanishning o’zi yetarli emas. Bu fahrni ildizlarigahca avlodlarga yetkazish tarihchi va adabiyot olimlarning zimmasida bo’lsa ham aslida bu millatning har bir vakili, har bir oila boshligi zimmasida.
Ха хакикатданам Юсуф ака бошка дунедан.
ДУНЁДА БИР ИНКОР КИЛИБ БУЛМАС БУЮК ХАКИКАТ БОРДИР ЯЪНИ ИНСОН ДЕГАН МАХЛУК УЗ ЯРАТУВЧИСИНИ ТАНИМАСА ВА УНГА СИГИНМАСА….АФСУСКИ …БУНДАЙ ИНСОН; Ё….ТОШ… Ё…ДАРАХТ Ё…БУЛОК ВА ХАКОЗОО ХЕЧ БУЛМАГАНДА УЗИНИ АХМОК БОШИ ИЧИДАГИ АРЗИМАС МИЯСИГА БУЛСА ХАМ СИГИНИБ ЯШАЙДИ
…ШУЛАРДАН БИРИ ЮСУФ ЖУМА БУЛСА КЕРАК…УЗБЕКДАРНИ КОЛОК ВА КАМБАГАЛ ВА МАРДИКОР БУЛИБ ЮРИШИГА АРАБ ВА ИСЛОМ ДИНИНИ ЗАРРА АЙБИ ЙУК…БАЛКИ АЙБ УЗБЕКЛПРНИ НАППА НАКД УЗИДА…АРАБ КЕЛИБ…ЙИЛЛАБ ТОПГАНИНГНИ НА ЭРИНИ ВА НА ЕРИНИ ТАЙИН ЙУК АРТИСТЛАРГА БИР КУНДА КИСТИРИБ ЮБОР ДЕМАГАН…ЁКИ СЕН КОРЕЙСГА ТЕККИН…ЁКИ МАМА РОЗА БУЛИБ ДОМ КУЛУТУРА ОЧИБ ЖАЛАБХОНА КИЛГИН ДЕМАГАН.
И.Хушев СурКаш (мард)лигини намаён қилибди менинг комментимни ўзгаришсиз нашр қилиб, ташаккур.
Вақт ҳакамдир, деганидан келиб чиқиб адолат нуқтаи назаридан айтганда Каримов Ю.Жумани «Жаслиқ»қа тиқиб тўғри қилган экан, дейсиз беихтиёр.
Кўз олдингизга бир келтиринг, Ю.Жуманинг қатор шаллақиёна шеърлари ва манабу очиқ хатга ўхшаган «доҳиёна фалсафий» таклифларини ўзбекистонда ТВ ва СИМ да эълон қилсангиз, одамлар унақа демократик СМИга тупирмайдими?!
Ўтган улуғларни бир — бирига қарши қўйиб, руҳларини чирқиллатган, ҳасад касалига чалинган бу шоир энди Абдулла Орипов ва улуғ Навоийга тош отипти. Абдулла Ориповнинг тирноғига ҳам арзимасанку! Улуғ Навоий қаёқдаю, Шайхзода қаёқда?
Қаранг: — «Менда имкон бўлса бу мараз, сотқин галага саводсизликни тугатиш курсларини дорнинг сиртмоғида очардим.,» яхшиям бу сассиқтака ҳокимят тепасида эмас. Шахсан мен исёнкор эмас, ғирт иғвонинг уяси бўлган юсуф чумонинг хатини эълон этганлиги учун Исмат Хушевдан норозиман…
И.Хушевнинг «Дунё ўзбекларидан» деган шархи бўлмаганида «Бу сайт жиннихонанинг ахлатхонасига айланибди» деган бўлардим.
«Самарқанддан бир йўталсам бунинг зарбидан–
Ёриларди халифаю Бағдоднинг ўти»
Ноҳатки Ю.Жумадан бошқа тушинмайдиган ушбу сатрларни Шайхзода ёзган бўлса?!
Бу ҳам етмагандай бу сатрларни Навоийдан ҳам устун деса бу «буюк» шоир. Кечагина А.Оримповни «Даҳо», «Устозим» деб улуғлаганди. Энди уни саводсизга чиқараяпти. Мана сизга сўз эркинлиги!
Мен Ю.Жуманинг автобиографиясидан хабарим йўқ. Бу одам мактабдан кейин биронта даргоҳда таҳсил олганми?
Шу очих хатни президент ўқиса Д.Трапмга қўнғироқ қилиб: «Буни Каримов биноидай даволаган бўларди. Сизлар олиб кетдингизлар, курс лечениясини тугатмай. Энди бирон руҳий касалхонада даволанглар у бечорани» дейишига шубҳа йўқ.
Муҳтарам И.Хушев ўзингиз таъкидлагандай ҳурфикрилик демократиясига амал қилсангиз менинг шу комментимни ўзгаришсиз нашр қилинг.
“Самарқанддан бир йўталсам бунинг зарбидан–
Ёриларди халифаю Бағдоднинг ўти”
Бу киёсий сатрлар дустим. Одам организмида ут деган бир орган булади. Агар у ёрилса одам ногирон булиб колади, менимча. Узр бунга тулик маълумотим йук, лекин керакли органлигини биламан. Мана шуни худди уша даврдаги Багдод халифасини бир жони-ути мисолида Максуд Шайхзода ёзаяптилар. Яъни Амир Темур бобомиз Самаркандда туриб бир йуталганларида Багдод халифасини куркувдан ути ёрилиб кетаркан. Билингки бу билан Амур Темурдан уша даврнинг энг кучли давлати Багдод халифалиги салтанати хам зиррилаган, куркувда турган!
Alisher Navoiyni «Arbain»ini oqiganmikin Yusuf Juma. Amir Temur, Cholpon, Mirzo Ulugbek musulmon bolganliklarini bilmasmikin. Qodiriy vafotidan oldin ikki rakat namoz oqivolay deb saldattan soraganini oqimaganmikin .Voqelikni qabul qila bilish ham aqlli odamni ishidir, musulmonman deb yurgan uzbek millatini haqorat qilish esa nodonlik.
Рахмат Сизга! Мен худди мана шу саволарни туза олмаётувдим. Лекин бекорга овора булсаиз. Юсуф Жума бирор марта изох колдирмайди, аникроги мен курмаганман жавоб ёзганларини. Бу инсон бир карасанг совук, бир карасанг иссик, бир карасанг узок, бир карасанг якин… Очиги балким биз у кишичалик билимга эга эмасдирмиз. Лекин биздан куп билимга эга дегани бошкалар билан хисоблашмаса булаверади деганимаску, тугрими? Жуда жуда сирли инсон экан, бу одам энди билсам. Гаройиб тилсимот… Менимча бу кишини хар доим ичини нимадир кемиради, нимдадандир доим норози булиб юрадилар. Бирор марта кулиш у ёкда турсин жилмайганларини хам курмадим… Худди бошка сайёрани одамига ухшайдилар тавба… Хатто ёзганлари хам бу кишини бошка дунёдан эканлиги гуёки тасдиклаб тургандай…
Хур фикрли шоирга тан бермай иложимиз йук! Бу маколани уз танасидан пичок каби суйилганига карамай эълон килган Исмат акага эса иккки баробар тан бердим! Азизлар биз Узбеклар хозир мана шу маколани укиш оркали энг тарихий дамларни бошимиздан кечирдик! Сабаби бир томондан Узгалар фиридан юз фоиз узгача фикрлайдиган инсон ва уз Устозига отилган зарбага мардларча туриб берган Исмат ака! Мен иккала инсонга хам, бирини хур фикрига иккинчисини мана шу хур фикрликни тан олишига ТАН БЕРДИМ!!!