Страсбург суди ватандошимиз Али Феруз ҳимоясига келди…
“Новая газета” мухбири Али Ферузнинг иши Страсбургдаги судда кўрилиши давомида уни Ўзбекистонга чиқариб юбориш мумкин эмас.
Шу мазмундаги талабномани Инсон ҳуқуқлари бўйича Европа судининг Россия маъмурлари номига жўнатгани тўғрисида “Мемориал” инсон ҳуқуқлари маркази юридик директори Кирилл Коротеев Фейсбукдаги саҳифасида эълон қилди.
Сешанба куни Москванинг Басманний туман суди “Новая газета”нинг Али Феруз тахаллусга эга ва келиб чиқиши ўзбекистонлик бўлган журналисти Худойберди Нурматовни Россиядан депортация қилиш тўғрисида қарор қабул қилган эди.
2 август куни Али Феруз суд қарори ортидан ўз жонига қасд қилгани, аммо журналистни суицидни охирига етказишдан суд ижрочилари тўхтатиб қолгани хабар қилинган эди.
Ўзбекистон ватандоши экани айтилаётган Худойберди Нурматов март ойида миграция қонунчилигини бузганликда айбланиб Москвада қўлга олинган эди. У тез орада ҳибсдан озод қилинган. Журналист Ўзбекистонга қайтадиган бўлса у ерда уни террорчи ташкилотга аъзоликда айблашлари мумкинлигини иддао қилмоқда.
Россия ҳукумати Али Ферузга вақтинчалик бошпана беришдан бош тортган.
Москвада Али Ферузни Ўзбекистонга депортация қилмаслик талаби билан пикет ўтказилди
Москвадаги президент маъмурияти биноси олдида 3 август куни фаоллар “Новая газета” мухбири Али Ферузни Ўзбекистонга депортация қилмаслик талаби билан пикет ўтказдилар. Бундай пикетлар Петербург, Вильнюс ва Берлинда ҳам ўтказилгани хабар қилинди.
“Чегара билмас мухбирлар”, Amnesty International ва Human Rights Watch халқаро ташкилотлари ҳам Россия ҳукуматидан Али Ферузни депортация қилмасликни талаб этаётир.
Human Rights Watch ташкилотининг Россиядаги дастурлари раҳбари Таня Локшина:
-Али Феруз 2008 йилда маҳаллий хавфсизлик хизмати ходимлари томонидан икки кун ушланиб, калтаклангани ва қийноқларга солинганидан сўнг Ўзбекистондан қочиб чиққан. У Ўзбекистонга қайтарилса яна даҳшатли қийноқларга солиниши мумкин. Россия уни Ўзбекистонга қайтармаслиги керак, -деб баёнот берди.
«Новая газета» муҳаррири Дмитрий Муратов эса Али Ферузни Европа давлатларидан бирига олиб чиқиб кетилиши юзасидан музокаралар олиб борилаётганини айтди.
Сешанба куни Москванинг Басманний туман суди “Новая газета”нинг Али Феруз тахаллусга эга ва келиб чиқиши ўзбекистонлик бўлган журналисти Худойберди Нурматовни Россиядан депортация қилиш тўғрисида қарор қабул қилган эди.
2 август куни Али Феруз суд қарори ортидан ўз жонига қасд қилгани, аммо журналистни суицидни охирига етказишдан суд ижрочилари тўхтатиб қолгани хабар қилинган эди.
Ўзбекистон ватандоши экани айтилаётган Худойберди Нурматов март ойида миграция қонунчилигини бузганликда айбланиб Москвада қўлга олинган эди. У тез орада ҳибсдан озод қилинган. Журналист Ўзбекистонга қайтадиган бўлса у ерда уни террорчи ташкилотга аъзоликда айблашлари мумкинлигини иддао қилмоқда.
Россия ҳукумати Али Ферузга вақтинчалик бошпана беришдан бош тортган.
Tangri qo’llasin Ali Feruzni
Россияда хаммани огзида шу гап.качон кийнок тухмат деган ишакнинг ифлос ишларга чек куясиз халкбошимиз Мирзиеев