Фарғона: Президент топшириғи асосида уй-жойлар берилди…
Дунёга келган чақалоқдаги бокиралик, поклик ва беғуборлик аслида бир умрга сақлаб қолиш учун берилади. Аммо яратган иньом этган умр кейинчалик қисмат, тақдир, пешона дея изохланувчи не-не сўқмоқлардан ўтмайди дейсиз. Аслида эса у СИНОВ. Уни ирода билан қаршилаш, машаққатлар учраганда елкадош бўлиш онг ва жамиятнинг уйғунлигига боғлиқ. Таажжуб, дунёда неча миллиард ахоли бўлмасин, барчасининг тақдири ўзгача.
Фарғона туманининг Ўрта қишлоғидан бўлган Салимахон Маткасирова оиладаги етти фарзанднинг бири эди. Онаси, отаси, бошқа яқинларидан ажраб қолди. Яхшихамки акаси бор экан. Болаликдан кўзи оғрир эди, 8-синфни тугатиш чоғида батамом кўрмай қолди. Балоғат ёши арафасидаги қиз боланинг кўзи ожизлиги камхарж оила ташвишини икки қилди. На чора, тақдир экан дедилар. Орадан йиллар ўтиб Салимахонга хам ўз тенгги чиқди. Оила қурдилар. Битта фарзанд дунёга келди. Фалакнинг кажрафторини қарангки салгина қувончли кунлар хам узоқ чўзилмади. Салимахон қўлида ўғли билан бева қолди.
– Энди қаёққа бораман, деган хаёл бутун вужудимни тирнаб ташлаган эди, ўшанда, — дейди у. – Эримдан кейин унинг ота-онасига “кўзи ожиз” ва боқиманда келин керак бўлмай қолди. Ота ховлимиздаги тўртта чоғ-чоғ хоналарда акам Абдуқаххорнинг тўрт ўғли оилалари билан яшарди. Бу хоналарда ақалли дахлиз хол йўқ эди. Охир-оқибат ошхонани бўшатиб беришди, менга… Шу ерда ўғлим улғайди, касб-хунар коллежини битириб қўшни қишлоқдаги бир фермер қўлида сувчилик қилади, хозир. Топганини аранг тирикчиликка етказамиз…
Салимахон яшайдиган ховлида улардан ташқари 18 жон, 5 оила бор. Қишлоқда иш ўрни муаммоси тўлиқ ечимини топмаган. Норғулдек 4 йигит оиласи, бола-чақаси, ота-онасини боқаман деб дуч келган ишни қилаверадилар.
-
Худодан менга ато этган неъмати – азиз жонимни қайтариб олишини илтижо қилиб сўраган тунлар хам бўлди…
Салимахоннинг ёруғ дунёни бутунлай кўрмай келган қорачиқлари ёшга тўлди. Кейин бир оз сукут қилдида,
-
Бир куни йиғлаб ётиб ухлаб қолибман, тушимда ховлимизга оқ от кириб келиб бошини сарак-сарак қилди, ортидан эргашдим, узоқда бир нурни кўрдим. От юравер ортимдан дегандек мен томон қараб қўярди. Уйғониб кетдим. Карангки, шу куни уйимизга хокимиятданмиз деб бир неча одамлар келди. Мен билан сухбатлашиб кўнглимга далда бериб, президентимиз Шавкат Мирзиёев зориққанларни панохига олганини айтишди. Кейин яна бошқалар келишди. Энди мени ишонтиришди. Менга янги қурилган уч хонали уй ажратишибди. Дастлабки тўловини Президент совғаси деб қабул қиласиз, дейишди.
Салимахоннинг юзлари ёришиб кетди.
– Мендаги тушкунлик ўрнини хаётга, келажакка ишонч эгаллади. Демак, мен хам шу жамият аъзоси, шу давлатнинг тўлақонли фуқароси эканманда, деб қувондим. Бугун мен дунёга қайта келгандек, қайта туғилгандек хис қиляпман, ўзимни!
Фарғонанинг машхур Чимён қишлоғи тепасидаги Гулшан махалласида Чўлпоной Сойназарова турмуш ўртоғи Икромжон Сойназаров ва икки фарзанди билан олти сотихли хонадондаги тўртта хўжаликка қўшни бўлиб яшайди. Ўзи биринчи, эри иккинчи гурух ногирони.
-
Кўзим ғира-шира кўради, бир оёғимдаги ўсимта туфайли уни кесиб ташлашган. Мен энди шу ногирон эримдан бошқа одамга керак эмасман, деб ўйлардим. Давлатимизга, президентимиз Шавкат Мирзиёевга чексиз рахматлар айтаман, менга ўхшаган ғариблар ва кўнгли чўкканларни химояларига олишибди.
Чўлпоной боласини бағрига босиб йиғлаб юборди. Икромжон қадрдон овоз келган томон юриб уларнинг елкасидан тутди.
-
Мен оила бошлиғи бўлиб бирон ватан эгаси бўла олармиканман, деб кўп куюнар эдим, оллох Президентимиз қалбларини мехр, мурувватга тўлатди, бизга хам янги қурилган уч хонали уй ажратишди. Мўжаз ховлиси хам бор экан. Парранда, чорва боқаман. Чўлпонойга тикув машинаси совға қилинди, у зехни билан чок топиб тикяпти… Кўмакка, мурувватга мухтож эдик, минг қуллуқ давлатимизга, лекин боқиманда эмасмиз, иккимизда хам яшашга ихтиёқ туғилди, қўлимиздан келганича ишлаб, уйнинг қолган қийматини ўзимиз тўлаймиз.
Тошлоқ тумани Жарқишлоқ махалласидаги ховлиларнинг бирида Дилафруз Қамбарова икки нафар фарзанди билан ота-онасининг уйида яшайди. Ўзи иккинчи гурух ногирони. Атиги 3 сотихли ховли дарвозасидан 4 хўжалик аъзолари кириб-чиқадилар… Янги қуриб фойдаланишга топширилган уйларнинг бирига Дилафруз фарзандлари билан кўчиб келди.
Ўзбекистон Республикаси Президентининг топшириғига асосан мехнатга лаёқатлилик даражаси чекланган хотин-қизларни молиявий қўллаб-қувватлаш, бандлигини таъминлаш ва уй-жойга мухтожларини бошланғич бадал суммаси тўланган холда намунавий уй-жой билан таъминлаш мақсадида вилоят хокимлиги, вилоят “Халқ қабулхонаси” ишчи гурухлари томонидан жойларда ўрганишлар олиб борилиб, 27 нафар фуқаронинг рўйхати шакллантирилди. Қисқа вақт ичида уларнинг барчаси учун уй-жой қурилди. Дастлабки уч хонадон эгаларига уй калитлари Ўзбекистон Республикаси Президентининг “Халқ қабулхонаси”, вилоят хокимлиги, кенг жамоатчилик ташкилотлари вакиллари иштирокида тантанали равишда топширилди.
-
Хар бир хонадон ётоқ, мехмонхона, ошхона мебеллари билан, хатто уй-рўзғор буюмларигача жихозлаб қўйилибди. Телевизор, тикув машинаси, ховлида боқиш учун икки бош қўй… Бир мухтожнинг бошини силаш шунчалар бўлар-да! Минг ташаккур, Президентимизга, — дейди биз билан сухбатда Гулшан МФЙ раиси Қирғизов Авазбек.
-
Биз Президентимиз топшириғи асосида келгуси йилда мехнатга лаёқати чекланган хотин-қизлар учун яна 38 та шу каби дастлабки бадали тўланган уй жойлар қуриб берамиз, — дейди Фарғона вилоят хокими Шухрат Ғаниев.
Мухаммаджон Обидов,
«Дунё ўзбеклари» учун махсус,
Фарғона
Sanjarbek, birorta mamlakatni misol qilib ayta olasizmi: faqirlar yo’q, uysizlar yo’q, ishsizlar yo’q, mahsulotlar hammasi arzon, hamma narsa navbatsiz beriladigan? Bunday ideal davlatning qayerda borligiga qiziqib ketayabman
Жуда хам тугри савол берибсиз, баракалла! Санжарбекни урнига булса хам бир-икки огиз суз айтмокчиман.
Бундай давлат, йук, булмаган булмайди хам! Лекин Президентимиз айтганларидек мамлакат тараккиёти мевали танкид оркали руй беради. Тараккиёт эса уша сиз орзу килган мамлактни куришга «ИНТИЛИШ, ХАРАКАТ» Мана шунга интилган давлатда уша айтилган камчиликлар ижобий ютукларга нисбатан жуда хам оз фоизни ташкил килади. Жонли мисол: Голландияда ана уша сиз келтириб утирган камчиликларни нихоят даража паст фоизда эканлиги билан бирга, жиноятчилар камайиб кетганлиги боис, бошка Европанинг бошка давлатлари фукаролари келишувга оид олиб келтириляпти. Чунки Голландияда уша жиноятчига чип урнатилган браслет такилади ва куйиб юборилади. Ва ундаги чип оркали уни хатти харакати назорат килинади. Ва энг асосийси у одам очикликда узи етказган зарарни,(албатта иктисодий зарар назарда тутиляпти) бирор ташкилот ёки муассасада ишлаб узмагунча у браслет ечмайди. Мана сизга жиноятчиларни туловга мажбурлашни энг оддий ечими. Бизда эса хали бери менимча турмаларни кискартиш эртак дагидай туюлади. Сабаби битта: Халкимиз хукуий давлат куриш йулида уз хукуклари каердан бошланиб каерда тугашини ва мажбуриятларини англаб ета олганларича йук. «Народ достоин той власти, который ею управляют!» Яъни турмуш даражамизни пастлиги биринчи навбатда халкимизни хукукий онги хали хануз шаклланиб улгурмаганлигида. Хак талаб порталга ёзиб шикоят килганни порталчи деб устидан кулишни биламиз. Бошликларга ёкиш учун нима керак булса ортиги билан киламиз, лекин бутун умримиз давомида Узбекистон Республикаси Бош Комусини бирор марта кулимизга олиб укишга на вактимиз, на хохишимиз йук. Шунинг учун бизда хали хам «чупни тикка килиб шу сенга бошлик деса, уни айтганини киламиз»
Бош комусимиз эса Акмал Саидовга ухшаган хукук химоячиларни ва бошка депутат, сенаторларни ишхона, ва хонадонларидаги китоб жавобинини тулдириб турувчи жуда хам чиройли китобга айланиб булган. 25 йилдан бери шу ахвол. Яна 25 йилдан кейин кандай булиши эса бугундан шу соатдан бориб Узбекистон Комусини бирота дукондан узингизни пулга сотиб олиб (бекорга олманг, бирортасидан укишга сураб турманг! Чунки бу холда укимаслигингизга юз фоиз кафилман!)кулларимизга олиб бир марта тулик укиб чикишимизга боглик!
Илохо президентимизни умрлари узун булсин.
Мухаммаджон обидовга!!!
Айтганларингиз рост булсин!!!!
Миллионларча беуй,беун,бегушт,бегаз,бесвет ва нихоят беиш юрганларга хам уй жой,ва бошка керакли нарсалар насиб этсин!?!??!!??
Аммо маколадан эски совет тузумидаги бирни мукофотлаб мингни ишлатишни хиди келаяпти чунки хали бери ахвол бу журналист акамиз айтган даражада эмас.ахир ховлига чикиб атрофга каранг!!!!!!!ташкарида 22-аср а????беш туртта уй берилганлардан колганлар яна неча йил кутишлари керак???
Бирор бир мамлакатда,узбек диёри журналистлари уз призидентларини мактаганчалик урро ур чапаквозлик йуклигини эсласанг….узбек журналистларини айримларига офаринлар айтгинг келади…