Профессор Марат Зоҳидов ёзувчи Эврил Туронга 500 доллар ёрдам пули берди…

---

 

1.

Бугун Мамадали Маҳмудовдан яна хат олдим:

“Исматбек салом !

Кечаси сизнинг нарсаларингизни тийиқсиз иштиёқ билан ўқиб чиқдим. Унинг жунбушга келтирувчи тўлқинларида… ухлолмадим. Барини фикр бўлагидан ўтказдим. Ўзбекни бутунлай хонавайрон қилган, ҳолдан тойдирган, дунёга сочган, қарзга ботирган шулар бўлади. Инсон боласи шунча ҳам озкўз бўладими?

Милиардлар ! Тирилионлар !…

Одамнинг кўзи тупроққа тўлмагунча бойликка тўлмайди, деб бежизга айтишмасакан. Юракдан ёзгансиз. Холис, очиқ ёзгансиз, шунинг учун улар одамни ўзига тортади, ўйлашга мажбур этади.

Воқеалар ичида бўлганингиз, мавзуни яхши билганингиз бир қадар сеҳр қувватини берган. Бунинг устига ҳеч ким инкор қилолмайдиган далил, асослару рақамлар… Кишини ҳайратга солади. Бир сўз билан айтсам, ҳеч кимнинг юраги бетламаган «уммонда сузаяпсиз». Одамни ютиб юборувчи уммонда … Бўронли ва доувлли уммонда…

Тангри сизни ҳалокатлардан сақласин!…

Энди уч -тўрт сўз айтсам балки ўринли бўлар,балки ўринсиз. Мен 8 июлдан 20 июлгача (санаториядан сўнг) бир кулбада ижарада турдим. Емоғим ўзимдан эди. Ўша профессор А.Хоразмийнинг 85 ни учма-уч етказдим. 20 июлдан 30 июлгача қоялар билан ўралган тоғдаман… Бир дўстимнинг юзи ҳисобига …

Унинг отини мавриди келганда очиқлайман.

Ҳамма нарса қиммат. Эшон оиласи билан «Чинор»да тўрт соат (еб -ичиб) ўтиргани учун бир миллион саккиз юз минг сўм тўлабди.

Аҳвол шунақа, Исматбек.

Мен энди туғёнли асарлар билан Чингапўра орқали танишиб бораман. Гулюз Туроннинг қадри билинаяпти. Уч -тўрт кун ичида сизга суратлар билан бир мақола юбораман.

30 июль, 2017 йил, Оқтош.

Омон бўлинг!
Ҳурмат билан Эврил Турон”

 

2.

Шу кунга қадар Бўстонлиқнинг энг сўлим ва хушманзара гўшаси “Оқтош”да дам олиб келаётган таниқли ўзбек ёзувчиси Мамадали Маҳмудов бу қутлуғ ошённи тарк этиб, бошқа жойга кўчгани ҳақида муқаддам хабар қилган эдик.

Таниқли ўзбек ёзувчиси “Дунё ўзбеклари” саъйи ҳаракати билан яна янги гўша – Помир тоғ тизмаларидаги сойлар ва шаршаралар маскани бўлмиш Бурчмуллонинг нарёғидаги Юсуфхона томонларга – Янғиқўрғон ва Мозорсой атрофидаги дам олиш зонасига кўчиб ўтди:

– Бу томонларга охирги марта Муҳаммад Солиҳ билан чиқиб дам олган эдик. Шунга ҳам салкам ўттиз-қирқ йил бўлиб қолибди. Сойлиқдаги “Оқтош” санаториясида салкам икки ой дам олдик. Бунинг учун Сизга ва “Дунё ўзбеклари”нинг менга ёрдам қилган барча ўқувчиларига раҳмат айтмоқчиман. Бу ернинг бетакрор табиати, меҳрибон ходимлари соғлигим тикланишида катта ёрдам берди. Санатория Бош врачи, ажойиб инсон, меҳрибон ва ғамхўр шифокор Абдушукурдан жуда миннадорман.

Шундай қилиб, юрак жарроҳлиги амалиётидан сўнг анча заифлашиб қолган соғлигини “Оқтош”да тиклаётган улуғ ўзбек ёзувчиси бу ердаги сафарини якунлаб, янги манзилга кўчиб ўтди. Мамадали Маҳмудовнинг шу кунларда кайфияти яхши, руҳи тетик.

Ўн етти йиллик адолатсиз ҳибсдан сўнг ниҳоят дунё ҳамжамияти талаби билан озод қилинган таниқли ўзбек ёзувчиси яқин-яқинга қадар озодликда ҳам таъқиб ва тазйиқда яшаганини ўқувчилар яхши билишади…

3.

“Дунё ўзбеклари” Мамадали Маҳмудов атрофида содир этилган бу исканжа ва носоғлом муҳит унинг соғлигига жиддий зарар етказгани ҳақида ўз ўқувчиларини мунтазам хабардор қилиб келди. Юрак жарроҳлиги амалиёти қаршисида қолган камбағал ва ночор ёзувчини моддий ва маънавий қўллаб қувватлаш ҳақида ўзининг ер юзидаги барча ўқувчиларига мурожаат қилди, бутун дунё бўйлаб бонг урди.

Ер юзининг турли бурчакларидан Тошкентдаги Юрак клиник касалхонасига ёрдам пуллари оқиб кела бошлади. Номард ва бешафқат тақдирнинг аччиқ ва аянчли қисматига йўлиққан жасоратли ва матонатли ёзувчига юборилган бу пуллар жарроҳлик амалиёти учун, ундан кейинги жонланиш ва тикланиш, оёққа туриш жараёнидаги жуда қиммат ва камёб дори дармонлар учун сарф этилди.

Ўн етти йиллик турма ва зиндон азобларидан ниҳоятда толиққан тана ва руҳнинг икки карра содир этилган жарроҳлик амалиётларига дош ва бардош бериши ниҳоятда камёб ҳол эди. Бунинг устига ёзувчининг етмишдан ошганини ҳам ҳисобга олсак, бу энди бориб турган мўъжиза эди.

Энг аввало Тошкент Юрак клиникасининг қўли гул ва моҳир шифокорлари ёрдами билан, қолаверса, ер юзидаги бутун дунё ўзбекларнинг астойдил дуоси, моддий ва маънавий қўллови билан бу мўъжиза рўй берди – адиб мухлисларининг орзуси ижобат бўлди: Юрак жарроҳлик амалиёти яхши ўтди.

Ёзувчи секин аста оёққа тура бошлади…

4.

Икки жарроҳлик амалиётидан сўнг ниҳоятда ҳолдан тойган ёзувчи энди – Тошкентнинг тор ва дим кўп қаватли “Дом”ида эмас, балки минг дардга даволи Бўстонлиқдаги баҳаволи оромгоҳлардан бирида дам олиши лозим эди.

“Дунё ўзбеклари” ва ёзувчининг оила аъзолари маслаҳатлашиб, Мамадали Маҳмудовни Сойлиқ қишлоғидаги энг сўлим ва хушманзара “Оқтош” дам олиш масканига жойлаштиришга қарор қилинди. Ёзувчи ва унинг қаровчиси учун бугунга қадар ҳар бири ўн икки кунлик бўлган йўлланма (путевка) нархидан қатъий назар –  беш-олти маротаба сотиб олинди. Тошкентда ҳаво ниҳоятда дим ва иссиқ бўлгани боис, Мамадали ака яна бир муддат тоғли ва баҳаволи зоналарда қолиши лозим.

Мақсадимиз – умр бўйи ўз халқи озодлиги, мустақиллиги  учун курашиб, “Ўлмас қоялар” каби асарлар ёзиб, алал оқибат ўн етти йиллик умри мустақил давлат турмасида ноҳақ хароб бўлган ёзувчининг тамомила оёққа туриб кетишини таъминлашдан иборат. Буларнинг ҳаммаси учун – “Жаслиқ” зиндонларидан омон қолиб, минг бир ўлимларни доғда қолдирган ва ниҳоят ўз халқига қайтаётган матонатли ва диёнатли ёзувчини моддий тарафдан қўллаб қувватлашни яна бир оз давом эттиришимизга тўғри келади.

“Дунё ўзбеклари” бизни бу гал ҳам тўғри тушунишади ва сўзимизни ерда қолдиришмайди деб умид қиламиз…

R.S: Мамадали Маҳмудовга ёрдам пули юбормоқчи бўлганлар ёзувчининг қизи Ватан билан боғланишлари мумкин: +998 93 5850887. Ёки бизга юборилган пул рақамини айтсалар, кифоя…

5.

“Дунё ўзбеклари” бундан беш-олти ой муқаддам қаламга олган – махсус хизмат идораси томонидан ёзувчи атрофида содир этилаётган таъқиб ва тазйиқлардан бугун асар ҳам қолмади. Биз Мамадали аканинг кейинги ҳаётини ипидан игнасигача дунё ўзбекларига билдириб турганимиз ўз самарасини берди.

Бугун Мамадали Маҳмудов суратда кўриб турганингиздек, анча ўзига келиб қолди. Бугун унинг атрофидан одам аримайди. “Оқтош”га деярли ҳар куни жасоратли ёзувчини излаб мухлис ва ўқувчилар, дўсту биродарлар, сафдош ва қишлоқдошлар тез тез келиб туришибди. Яқинда таниқли журналист, инсон ҳуқуқлари ҳимоячиси Абдураҳмон Ташанов ўғли билан келиб, ёзувчини зиёрат этиб кетган бўлса, куни кеча ҳуқуқшунос ва адвокатлар Руҳиддин Комилов, Собир Эргашевлар келиб, ёзувчи аҳволидан хабар олишди.

Биринчи президент Ислом Каримовнинг кадрлар сиёсати бўйича Давлат маслаҳатчиси бўлиб ишлаган, профессор  Мавлон Умрзоқов, Ислом Каримовнинг биринчи матбуот котиби бўлган таниқли ўзбек журналисти Шароф Убайдуллаев, Тошкент олий ўқув юртларининг бир гуруҳ профессор ва ўқитувчилари шулар жумласидандир.

Таниқли давлат ва жамоат арбоби Мавлон Умрзоқов Мамадали акага яқинда “Эл юрт ҳурмати”  ордени билан мукофотланган рафиқаси Ҳалима Худойбердиеванинг қизғин ва оташин саломини топширди. Устозимиз Шароф Убайдуллаев “Озодлик” ва ББС” радиолари номидан ёзувчини соғайиб кетгани билан астойдил қутлади.

Ўзбекистон Президенти Шавкат Мирзиёев бошлаб берган янги давр насимлари, ўзбек халқи руҳини кўтараётган яхши ҳаёт муждалари эди бу.

Мамадали Маҳмудовдек ўз юрти ва халқи учун жон фидо қилишга ҳам тайёр турган элпарвар ижодкорга бугунги ўзбек жамиятининг меҳру муҳаббати рамзи эди бу. Қолаверса, Ўзбекистондан олис – Канадада чоп этилаётган “Дунё ўзбеклари” –  Ўзбекистон Ёзувчилар уюшмаси қилиши лозим бўлган ишни қилганидан далолат эди бу.

Ёзувчининг оғир ҳаёти ҳақидаги тўғри ва ҳақ сўз, очиқлик ва ошкоралик, моддий ёрдам пулларининг ҳалол ва шаффофлиги, бир сўз билан айтганда – матбуот кучининг қудрати ва шарофатидан нишона эди бу…

 

R.S:

Мамадали Маҳмудовга ер юзининг турли бурчакларидан ёрдам пули юборганлар рўйхати эса бугун 30 июль, шанба кунига келиб, қуйидаги ажойиб ва ғаройиб бир манзарани касб этди:

11 шарҳ

1. Мамаёқуб Ҳамроев

   05/27/2017 at 2:13 PM  (Edit)

   Ҳурматли дўстлар!
   Дарҳақиқиат Исмат акамиз ёзганларидек, ушбу суратда Мамадали ака анча ўзларини тиклаб олган холатдалар ва бу хали соғайиш жараёнининг бошланғич палласидир.
   Миллионлаб инсонларнинг чин юракдан қилган дуолари бу буюк инсоннинг омон қолишига сабаб бўлган бўлса,
   Исмат ака Хушев бошчилигидаги Дунё Ўзбеклари сайти “ҚОРА КУЧ”ларни маъшум режаларидан қайтара олди ҳамда шунинг баробарида ўз вақтида ҳам ижобий, ҳам руҳий, ҳам маънавий, ҳам моддий ёрдам бера олди.
   Ҳурматли Исмат ака сизнинг беғубор қувончингиз барчамизга кўчди.
   Қизил гуллар қучоғида ўз меҳнати мевасини кўрган заҳматкаш боғбон каби қувонмоқдасиз!
   Метин иродалик жасур инсон Мамадали акага ушбу муборак Рамозон кунларида мустаҳкам соғлик саломатлик тилаган ҳолда, бўлажак улкан ишларда муваффақиятлар тилаб қоламиз!

   REPLY
2. Самарканд

   05/27/2017 at 7:16 AM  (Edit)

   Жасур инсон Мамадали Махмудовга соглик саломатлик , узок умр тилаймиз

   REPLY
3. Axmad hoji Xorazmiy

   05/27/2017 at 12:11 AM  (Edit)

   Моҳи Рамазоннинг бошланишида Мамадали аканинг юзидаги шижоатни кўриб қувондим. Бу кунларга етишда аввало Аллоҳнинг ҳохиши, қолаверса Хушевнинг сайъи-ҳаракатлари катта рол ўйнади.

   REPLY
4. Bashorat Eshova

   05/26/2017 at 6:17 PM  (Edit)

   Ассалом алайкум Мамадали ака. Куринишингизга гап йук! Мен сизни шу энг огир касални хам енгиб утишингизга ишонар эдим, чунки сиз ирдаси каттик матонатли сиз. Хамиша сог булинг.

   REPLY
5. комиссар катани

   05/26/2017 at 4:38 PM(Edit)

   Донишмандлар: “Одамларни мушкулини осон килиш кулингдан келмаса, акалли бир огиз ширин суз билан кунглини кутар” – дейишган. Виждони уйғоқ одам адолатнинг топталишига бефарқ қарай олмайди. Сиз ана шундай инсонсиз. Фақат вазият тақозо этган тақдирда майдонга отилиб чиқиб, кахрамонлик курсатадиган одамлар орамизда купчиликни ташкил килади. Лекин умрини буюк мақсадлар сари чарчамай, толиқмай тинимсиз сафарбар этиб бориш, бу фазилатни доимий, кундалик фаолият мезонига айлантириш – ҳақиқий қаҳрамонлик аслида мана шу. Мен Сизни танимайман. Лекин Сизга караб мана шу гапларни айтмокчиман: Сиз “Узбекистон Кахрамони” унвонига лойик инсонсиз. Чунки бу унвон Узбекистон халкига хизмат килишда мардлик ва жасорат курсатганларга берилади. Мен аминман, устозимиз Шукрулло айтганидек “сувдан холва” ясалган жиноят ишларига якин кунларда нукта куйилади. СИзга соглик саломатлик тилайман. Жасоратингиз, матонатингиз олдида таъзим киламан.

   REPLY

6. 1 шарҳ

   1. Аслан

      05/30/2017 at 1:43 AM(Edit)

      Исмат ака, рахмат! Домла тирик, Худога шукур, Сиз бутун бошли Узбекни бирлаштира олдингиз! Рахмат Сизга!!!

      REPLY

7. 5 шарҳ

   1. Bashorat Eshova

      06/09/2017 at 4:47 PM  (Edit)

      Ассалом алайкум Мамадали ака, саломатмисиз? Соглигингиз яхшиланиб оека турганиздан хурсандман.

      REPLY
   2. Jaloliddin

      06/09/2017 at 10:45 AM  (Edit)

      Buyik odamlar taqdiri mashaqatli bo’ladi. Ayniqsa ulardagi bukilmas iroda, kurashib charchamaslik xislatlari boshqa odamlarga namuna bo’ladi. Mamadali aka siz uta toqatli shaxsdirsiz hali uzoq yshaysiz yrtimizdagi erkinlikni albatta ko’rasiz. Jamiyt ozodligini dushmanlari ko’z ungingizda sharmanda-y,sharimsol bo’lgay! Bardam bo’ling!!!

      REPLY
   3. O’zbekxon

      06/09/2017 at 10:33 AM  (Edit)

      Biz juda xursand bo’ldek ancha tetik bo’laytganingizni ko’rib. Xalqimiz baxtiga sog’ayib keting tangrini Uzi qullasin.

      REPLY
   4. Axmad hoji Xorazmiy

      06/08/2017 at 10:51 PM  (Edit)

      Mamadali akani Mavlon aka va Sharof akalar bilan birga kurib shod buldim.
      Bu holat Karimov qatagonining Karimov bilan qushilib ulganiga bir dalolat bulibdi.
      Mavlon akaning, Sharof akaning va Mamadali akaning Halima opaga uxshab orden oladigan kunlari ham yaqinlashaypti chamamda.

      REPLY
   5. Мамаёқуб Ҳамроев

      06/08/2017 at 4:55 PM  (Edit)

      Ассалому алайкум Ҳурматли Исмат ака!
      Сизнинг ва “Дунё Ўзбеклари” ижодий жамоасининг Бутун Туркий элларнинг Буюк фарзанди Эврил Турон тақдирида туб бурилиш ясалишида ва омон қолишидаги хизматларингиз чексиздир.
      Аввалам бор Яратган эгамнинг хохиш иродаси билан ҳалқимиз ва миллатимиз, давлатимиз ва Она Ватанимиз ички душманлардан аста секинлик билан халос бўлиб бошлаганлиги ҳам шу вақтларга тўғри келиб қолди.
      МАХСУС ХИЗМАТ ХОДИМИ РУСТАМ ҳақида телефон рақамларини очиқча ёзиб чиқганлигингиз туфайли унга буйруқ бераётганлар ҳам бироз сергак тортиб қолишди шекилли.
      Сизнинг ўз жонингиздан кечиб бўлса ҳам қаттиқ химоя қила олишингиз ва бу йўлдан қайтара олишмасликларини яхши билганлари учун ҳам ЎЧИБ туришибди.
      Мустақил Ўзбекистонда жуда ҳам қизиқ бир ҳолат мавжуд!
      Қарийиб дунёнинг бирон бир давлатида кузатилмайдиган сирлик ва бир вақтнинг ўзида очиқча жиноий холатлар кузатилади.
      КУЧ ИШЛАТАР ТИЗИМЛАРИНИНГ АЙРИМ ХОДИМЛАРИ, БАЛКИМ КЎПЛАБ ХОДИМЛАРИ ХУДДИ ЧЕТ ЭЛ РАЗВЕДКАСИ ЁКИ ХУКУМАТЛАРИ топшириқларини мунтазам бажариб келишаётгандек.
      Бир замонлар СССР аталмиш хукумат миллатимизнинг ойдинларини бир бошдан қиличдан ўтказган эдилар ва бунинг оқибатида узоқ йиллар бемалол хукмронлик қила олдилар!!!
      Мустақиллик йиллари худди шу йўл тутилиб мамлакатнинг ЮЗ МИЛЛИОНЛАБ ДОЛЛАР ХИСОБИДАГИ БОЙЛИКЛАРИ, ТОННАЛАБ ОЛТИНЛАРИ,ДУРУ ЖАВОҲИРЛАРИ, АСОРИ АТИҚАЛАРИ ЧЕТ ЭЛ БАНКЛАРИГА ОЛИБ ЧИҚИБ ЖОЙЛАШТИРИЛДИ ВА АЛБАТТА УНИНГ ҲУЗУРИНИ ЎША ХОМИЙЛАР КЎРИШМОҚДА.
      БУТУН БОШЛИК ҲАЛҚНИНГ МИЛЛИОНЛАБ АСЛ ФАРЗАНДЛАРИ БУТУН ДУНЁГА ТАРИҚДАН БАТТАР СОЧИЛИБ КЕТИБ “БАРАКА ТОПИБ” КЕЛИШАЯПДИ, РЎЗҒОР ТЕБРАТИШАЯПДИ!!!
      Мамадали Махмудов акамиз матонат тимсоли бўлиб яна қад тиклаяпдилар.
      Йўлланманинг икки уч маротаба чўзилиши албатта сизнинг марҳаматингиз туфайли бўлган.
      Химматингизга балли Исмат ака!
      Агарда сиз давлат миқёсида бирон лавозимда бўлганингизда минглаб арслонларимиз омон қолишган бўлар эдилар, қафаслардагилари аллақачонлар озод бўлишган бўлар эдилар.
      Худо насиб этиб ҳалқимиз ва миллатимиз бахтига хали хизмат қилиш насиб этади сизга!!!
      Сизнинг ушбу чақириғингизга яна минглаб миллатдошлар лаббай деб жавоб берадилар деб умид қиламиз албатта.
      Бирлашган ўзар дейишган, сизу бизнинг қолаверса фарзандалримиз келажаги ва бахти учун курашган ва курашиб келаётган буюк инсонни кўплашиб қўллашимиз шарт.
      Каримов замонасини мақтаб куйлаганларида қачонда қасрлар қурар эдилар.
      Виждони сотмадилар, ҳалқини ва Ватанини сотмадилар!!!
      Ватан хоинлари комадан чиқмай ўлиб кетдилар, миллионлаб доллар бойликлари, тонналаб олтинлари ёрдам бермади!
      Миллионларнинг дуолари бир грамм олтини йўқ буюгимизни ўлим чангалидан қайтиб берди бахтимизга.
      Бизнинг миллат бўлар вақтимиз келди.
      КУЧ ИШЛАТАР ТИЗИМЛАРНИНГ АЙРИМ ХОДИМЛАРИ ВА РАХБАРЛАРИ ЎЗ ЖИНОЯТЛАРИНИ ЯШИРИШ УЧУН ҲАМ БУ БУЮК ИНСОННИ ЙЎҚ ҚИЛИШ ПАЙИДА БЎЛИШДИ ВА ХАЛИ ФИКРЛАРИДАН ҚАЙТИШДИ ДЕЙИШИМИЗГА ЖУДА ЭРТА.
      УЛАРНИНГ ИСМЛАРИ КЕРАКЛИ ИНСОНЛАРДА БЎЛГАНИ УЧУН ҲАМ ТЎХТАБ ТУРИШИБДИ.
      ЖИНОЯТ ЖАЗОСИЗ ҚОЛМАЙДИ ДЕЙИШГАН!!!
      Ғалвирни сувдан кўтарадиган замон келди

      REPLY

“Дунё ўзбеклари” учун махсус

 

МАҚОЛАНИ ДЎСТЛАР БИЛАН БАҲАМЛАШИНГ