Рухсат беринг, Озодбек Назарбеков мавзусига мен ҳам аралашиб кўрай
Бугун қайга қараманг ҳар жойда, ҳар кимнинг оғзида Озодбек Назарбеков “Ёшлар” телерадиоканалига директор этиб қўйилганлиги муҳокама бўлмоқда. Хориж матбуоати бу қарорни танқид қилса, маҳаллий журналистларимиз ёқламоқда. Қисқаси, информацион уруш-жанжал қўтаришган, ўзларича. Қай тараф тўғри-ю, қай тараф нотўғри фикр юритмоқда буни олий ҳакам вақт кўрсатади. Аслини олганда эса икки тараф ўзларининг ёқловчи фикрларини алмашиб олишлари керак. Сабабини исботлашга ҳаракат қилиб кўраман. Тушунсангизлар тушундингиз, тушнмасангиз ўз қарашларингизда қолиб курашни давом этинг.
Ўзбекистон ва Қорақалпоғистон халқ артисти, МХХ ансаблининг аъзоси, эл севган хонанда Озодбкк Назарбековга директорлик керакмиди деган савол туғилади. “Ёшлар” телерадиоканалига директор бўлиш унга умуман керак эмас эди. Агар ақли бутун бўлса унинг ўзи ҳам истамагандир. Аммо юқоридан ҳиммат кўрсатилдими зарурми ёки зарур эмасми бундан қатъий назар раҳмат айтиб бажариш ШАРТ. Акс ҳолда…
Хонандага бу раҳбарлик ортиқчалигининг бир нечта сабаблари бор:
Биринчидан, Озодбек Назарбековни раҳбарлик лавозимига ўтказиш баробарида уни дўззах ўтига ташлашди. Телевидения бугунги кунда … ковловчилар маконига айланган. Бу улуғ даргоҳга тўғри кириб, тўғри чиқиш талаб этилади. “Салом алик” ва “хайр-маъзур”дан ташқари бир оғиз ортиқча гап ҳам бошингизга етади. Шундай жойда Халқ артистининг ишлашини тассовур қилаяпман. Ҳар куни “Ёшлар” телерадиоканалининг тассаруфидаги “Наво”дан тушмайдиган хонанда энди ўзининг қўшиғини ўзининг каналида эфирга бериши ўзига ҳам ноқулай бўлса керак. Агар бу ноқулайликни ҳис этмаса, эслатиб қўйючилар яъни … ковловчилар эслатиб қўйишади. Аниқироғи, дарҳол Режим хизматининг тергов хонасида бош эгиб ҳисобот беришга мажбур бўлади. Менимча, икки-уч маротаба тергов берса қўшиқ айтишни ҳам ташлаб юборса кереак. Яна ҳам аниқроғи, Режим хизматига мазза бўлди.
Иккинчидан, иккита канални бошқариш учун кечаю-кундуз тиним билмай ишлаш лозим. Маъсулиятли раҳбарлик ишларидан бир дақиқа ҳам ортиқча вақт тополмай ижодни ҳам унутиб қўйиши аниқ.
Учинчидан, ҳар куни тўю-тантаналарда икки жуфт қўшиқ айтиб долларларни санаб юрган эл суюги энди тўйларга чиқа олмайди. Одамлар Озодбек Назарбековни яхши кунларига айтиш учун уч ойлаб навбат кутишлар тарихда қолади.
Тўртинчидан, бугунги кунда раҳбарлик – қил устида юриш билан баробар. Яъни озгина ножўя хато, ёки лоқайдлик – барчасига нуқта қўйиш дегани.
Шундай қилиб халқ орасидан чиққан халқ артисти яна халқ ичига сингиб кетишга маҳкум этилди.
Балким мен адашгандирман. Буни вақт кўрсатади.
Ҳурматли курашувчилар, дадона-дона қилиб етказган сўзларимни тушунган бўлсангиз энди қайси позициядан туриб курашиш кераклигини қайтадан ўйлаб кўришингизга тўғри келади.
ШОГИРД
(Шогирд мактубини оққа кўчирувчи:
Шокир Саъдуллаев,
«Дунё ўзбеклари»нинг Тошкентдаги махсус мухбири
«Дунё ўзбеклари» учун махсус
Ўхшаш мақолалар йўқ.
МАҚОЛАНИ ДЎСТЛАР БИЛАН БАҲАМЛАШИНГ
Leave a Comment
Фақат 500 белгигача рухсат этилади. Мақола ёки хабарларни
МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.