"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Ҳофиз Комилжон Отаниёзов таваллудининг 100 йиллик байрами кенг нишонланди

Бош мақола | 21/07/2017 14:30-     10209 марта ўқилди

 Ҳофиз Комилжон Отаниёзов таваллудининг 100 йиллик байрами нишонланди

июл 21, 2017
Ўзбекистон халқ артисти Комилжон Отаниëзовнимнг бу сурати илк бора эълон қилинмоқда.
Ўзбекистон халқ артисти Комилжон Отаниëзовнимнг бу сурати илк бора эълон қилинмоқда.
Бирваркайига тўрт республиканинг халқ артисти Комилжон Отаниëзовнинг таваллуд куни Ўзбекистонда илк бор давлат миқëсида нишонланмоқда. Ўзбек ашулачилигида Озарбайжон торини урф қилган ҳофиз Комилжон Отаниëзов туғилган кунга 21 июль куни 100 йил тўлди.
Бу сана муносабати билан Ўзбекистон президенти расмий табрик йўллади:
“Маданий ҳаётимиздаги улкан воқеа – халқимизнинг ардоқли фарзанди, Ўзбекистон халқ артисти Комилжон Отаниёзов таваллудининг 100 йиллик байрами билан сиз, азизларни, атоқли санъаткоримизнинг авлодларини, шогирдлари ва минг-минглаб мухлисларини, бугунги анжуманга ташриф буюрган хорижий меҳмонларимизни, бағрикенг, юксак маънавиятли Хоразм элини самимий муборакбод этаман”, деб бошланади Ўзбекистон президентининг ЎзА агентлиги эълон қилган табрикномаси.
Давлат раҳбари Комилжон Отаниёзовнингўзбек мусиқа санъатига қўшган ҳиссасини “буюк”, деб баҳолади.
Бу сана арафасида Тошкентдаги “Туркистон” саройида Комилжон Отаниëзов ижодига бағишланган кеча бўлиб ўтди.
Ўзбекистон Маданият вазирлиги томонидан таниқли ҳофиз таваллудининг 100 йиллигига бағишлаб ташкил этилган адабий­-мусиқий тадбирда қатнашган филолог олим Машарип Сапаровнинг айтишича¸ тадбир катта мусиқа байрамига айланиб кетган.
Ўзбекистон Республикаси маданият вазирининг биринчи ўринбосари Минҳожиддин Ҳожиматов очиб берган бу тадбирда мусиқашунос олим Отаназар Матёқубов ва бошқа санъаткорлар қўшиқчи ижодий мероси ҳақида гапирган.
Каримов иқтидори даврида ҳофизнинг 80 ва 90 йиллик юбилейлари ўтказилмаган ва унинг Урганч шаҳридаги ҳайкали йиқиб ташланган эди. Бундан ташқари Отаниëзов исми мусиқа билим юрти ва филармониядан олиб ташланган эди.
“Маҳтумқули ғазаллари Комилжон Отаниëзов ижросида” деган монография муаллифи¸ филолог олим Машарип Сапаровнинг айтишича¸ ҳофизни эслаш тадбири янги раҳбарият ташаббуси билан амалга ошган.
Ҳофизнинг 100 йиллик юбилей тантаналарини муносиб тарзда ўтказиш тўғрисидаги қарор Президентнинг ўтган йил ноябрида вилоят сайловчилари вакиллари билан бўлган учрашувда қабул қилинган эди.
Комилжонимни ëд этсам
Озодликнинг “Чодирҳаëл” дастурида Комилжон Отаниëзов ижод йўлига уни таниган ва билганлар билан суҳбат асосида нигоҳ ташладик.

Комилжон Отаниëзовнинг 100 йиллиги нишонланди

Комилжон Отаниëзовнинг 100 йиллиги нишонланди
http://www.dunyouzbeklari.com/wp-content/uploads/2017/07/100-йиллик.mp3
Ўзбекистон халқ шоири Омон Матжон Озодлик билан суҳбатда Комилжон Отаниëзовни тоғ чўққисига ўхшатди
— Хоразмда тоғлар йўқ дейишади¸ мен эса тоғлар бор деб айтаман. Фақат бу тоғлар одам қиëфасида зоҳир бўлган. Огаҳий¸ Мунис каби шоирлар Ҳожихон¸ Комилжон каби ҳофизлар Хоразмнинг тоғларидир¸ деган шоир Озодлик билан суҳбатда ҳофизга атаб ëзган шеъридан парча ўқиди:
— Руҳимга бир садо келур Комилжонимни ëд этсам
Дилга нурли наво келур Комилжонимни ëд этсам
Қадим денгиз Орол тўлар¸ Сир¸ Жайҳунга ҳаëл тўлар
Тўлин бўлар¸ ҳилол тўлар Комилжонимни ëд этсам
Дилларда бор соғинч зиë¸ ишқ боис айланур дунë
Шу бир номда минг ҳикмат жо ¸Комилжонимни ëд этсам…
ОЗОДЛИК

Ўхшаш мақолалар йўқ.

МАҚОЛАНИ ДЎСТЛАР БИЛАН БАҲАМЛАШИНГ

1 Comment

  1. Мухлис:
    22/07/2017 в 01:51-

    Тўғрисини айтсам мен ҳам К.Отаниёзовнинг ашаддий мухлислариданман. Шу боис, бу ажойиб материални таёрлаган «Озодлик»чи Шухратга ҳам, уни бизнинг севимли сайтимизда чоп қилган Исмат ака сизга ҳам катта раҳмат.

    Ҳозирда 70 ёшни қоралаган Г.Матёқубова ва А.Хоразмийларнинг суҳбати жуда таъсирли бўлди. Уларнинг икаласи ҳам Комилжон ака билан бевосита мулоқатда бўлган. Комилжон акани ўзбек санъатининг Пайғамбари десак, бу икаласи саҳобалари бўлиб чиқади.

    Суҳбатни тингласангиз, Хоразмий домла Комилжон акадан дуо олган экан, унга хизмат қилган экан. Бундай одамлар ҳозир саноқли қолган. Хоразмий домлани ҳам Комилжон аканинг Туркистон саройида ўтган 100 йиллик тантаналарига таклиф қилиш керак эди. Ўша ерда Комилжон аканинг партияга ўтмагани, шу боис унга қаҳрамонлик унвонини беришмагани ҳақида тантана қатнашчиларига ўзлари айтиб берганларида қандай яхши бўларди.

    Ответить

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.