Рўзиқул: Минг бор сизни эсладим, Ота, Номард дӯстлар санчганида ниш…
Отажонимга
Беш йилдирки, қалбимда ӯкинч ,
Беш йилдирки, излайман Сизни .
Уй тӯрида асрайман энди
Маъюс боққан суратинггизни .
Йиллар ӯтди осуда, нотинч ,
Ӯтди баҳор, ӯтди ёзу қиш.
Минг бор сизни эсладим, Ота ,
Номард дӯстлар санчганида ниш .
Умрим Сизла хотиржам эди ,
Яшар эдим ғамлардан йироқ .
Бундай дамлар ғаниматлиги
Хаёлимга келмабди бироқ .
Куз ҳам келди, сарғиш япроқлар ,
Тӯкилмоқда пойимга бир – бир .
Оҳ, Отажон, сизни сӯроқлаб ,
Юрагимни эзғилар недир .
Болалигим, беғуборлигим,
Қайга кетди, қайларга кетди .
Олисларда кӯм – кӯк баҳорим ,
Хазонларнинг шивири етди …
Беш йилдирки, қалбимда ӯкинч ,
Беш йилдирки, излайман сизни .
Яшаяпман, бағримга босиб
Маъюс боққан суратинггизни.
Рўзиқул Алимардон,
Тожикистон
