Матназар: Фақат сен ғам чекма, фақат сен хуш қол, Навоий кўчаси, ўттизинчи уй.
Hamidbek Yusupov shared his photo — with Nargiza Turabek Qizi and Guzaloy Matyoqubova.
Журналистика оламига шу қутлуғ даргоҳ орқали кириб келганман.
Бугун ушбу шеърни ўқиб қалбим алланечук бўлди
Hamidbek Yusupov to Матназар АБДУЛҲАКИМ
* * *
Мен бутун кетаман, алиф қаддим дол,
Барча ёмғирларинг, осмон, ерга қуй.
Фақат сен ғам чекма, фақат сен хуш қол,
Навоий кўчаси, ўттизинчи уй.
.
Ҳар бир деразангда чақнар бир қуёш,
Ҳар саҳифангда бир бахт кўрсатади бўй.
Сен улуғ бир шодлик, қутлуғ бир кўз ёш,
Навоий кўчаси, ўттизинчи уй.
.
Сен туфайли умрим пок бир мутолаа,
Дардларим шарҳлари сўзга сиғмас ўй.
Тошларни эритган оташин нолам,
Навоий кўчаси, ўттизинчи уй.
.
Ғариб юрагимнинг муҳташам шони,
Ўкранган бир наво, титранган бир куй.
Сенда қолаётир жонимнинг жони,
Навоий кўчаси, ўттизинчи уй.
.
Қароқларга қалқар қон бўлиб бағир,
Не бахт, не кулфат ишқ – сўрамаёқ қўй.
Кимга не ёмонлик қилгандим ахир,
Навоий кўчаси, ўттизинчи уй.
.
Ҳар дилдин ўзга бир ўтда қовурар,
Ким у деган «Севги – кўпга келган тўй».
Ҳижрон шамоллари мени совурар
Навоий кўчаси, ўттизинчи уй.
.
Тола сочига ҳам бермайлик озор,
Майлига мен ёнай, майлига, сен куй.
Муҳаббатсиз не-не қасрлар мозор,
Навоий кўчаси, ўттизинчи уй.
.
© Матназар АБДУЛҲАКИМ
