"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин:

[fdx-switch-link]

Нодира Бегим: Ёдинг боғларида кезарман танҳо…

Маданият ва Санъат | 14/07/2017 08:59- 33417 марта ўқилди

Нодира Бегим

Сочасан ғазабинг, оғрийди кўнглим,
Фалакка термулар чашмим – қароғим.
Сабрим суянчиғи менга ёр бўлар,
Ёлғизлик азобин ҳис этган чоғим.

Киприклар силайди кўздаги ёшим,
Шодлигим тонгида ёғар ёмғирлар.
Юрагимни безар жабру жароҳат,
Менга бағрин очар ноаён сирлар.

Ёдинг боғларида кезаман танҳо,
Хаёллар сураман узундан-узун.
Озорлар дилимга тош каби ботар,
Бу ҳаётни қаттиқ севганим учун.

Тупроқдан яралган азиз жонимни
Яшадим гоҳ гирён, гоҳида хандон.
Ҳануз тоқатимни синайсан, тақдир,
Ҳаёт, ташвишларинг тугамас ҳамон.

Сабр нафасига тўлганда кўнглим,
Фирдавс боғларидек яшнайди фалак.
Саждалар рукнига таянган олам
Бирнинг Борлигидан келтирар дарак.

Ёдинг боғларида кезарман танҳо…

Нодира Одинаева .14.07.2017.

Image may contain: 1 person, standing and outdoor

Comments

Abdixamid Pardayev

Ёдинг боғларида кезаман танҳо,
Хаёллар сураман узундан-узун.
Озорлар дилимга тош каби ботар,
Бу ҳаётни қаттиқ севганим учун!

Нодира Бегим

* * *

Билиб-билмай хато қилсак, узримизни айтамиз,
Ар-Раҳмону Раҳимдирсан, бир кун Сенга қайтамиз,
Синов эрур бу умримиз, хом сут эмган бандамиз,
Айбимизга бўлиб Ғофир, Ўзинг кечир, ё Оллоҳ!

Икки олам ҳарорати бордир азал ишқингда,
Идрокимиз осмон қадар ўсар Сенинг фикрингда,
Айбимизни яширгайсан, диллар доим зикрингда,
Ҳар заррада бўлиб Зоҳир, Ўзинг кечир, ё Оллоҳ!

Тугамайди бу дунёнинг илтижою ноласи,
Эътиқоддан сабоқ бергай икки олам ораси,
Амрингда бор азал-абад чорасизлик чораси,
Иймондирсан дилда Собир , Ўзинг кечир, ё Оллоҳ!

Дилдан умид жой олганда, чекингайдир хавф-хатар,
Сени таниб олган дилга кўкдан келгай хушхабар,
Қуръон сўзи янграб турса тил ва дилда ҳар сафар,
Қиёматлар бўлмас содир, Ўзинг кечир, ё Оллоҳ!

Дардлар бериб, сўнг ортидан дармон берган Ўзингсан,
Жисм учун ер, кўнгил учун осмон берган Ўзингсан,
Орзу билан бирга не-не армон берган Ўзингсан,
Ҳар юмушга бўлиб Қодир, Ўзинг кечир, ё Оллоҳ!

2 июль 2016 йил . Кадр кечаси .

Image may contain: cloud, sky and nature

Нодира Бегим

Image may contain: cloud, sky, outdoor, nature and water

Нодира Бегим

* * *

Менинг пешонамга битилган тақдир
Умримни айламиш буткул беқарор.
Ўтган ҳар лаҳзамиз ғанимат, ахир,
Яхши кунда дийдор насиб этсин, ёр!

Ишқимиз юртига йўл олгувчи тез
Ҳижрон карвонлари турибди қатор.
Меҳримизни дариғ тутмайлик бу кез,
Яхши кунда дийдор насиб этсин, ёр!

Энди олислардан кимдир келгувчи
Адоқсиз йўлларга термулмаймиз зор.
Ғамбода юракка таскин бергувчи
Яхши кунда дийдор насиб этсин, ёр!

Тубсиз хаёлимдан кетмайди сира,
Ғамгин дилга тунлар келтирган озор.
Ёдим деворларин тирнар хотира…
Яхши кунда дийдор насиб этсин, ёр!..

Нодира Одинаева

https://www.facebook.com/profile.php

МАҚОЛАНИ ДЎСТЛАР БИЛАН БАҲАМЛАШИНГ

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.