Шафқатсиз ўлим дилбар инсон, шоир, журналист ва таржимон, таниқли жамоат арбоби Насриддин Муҳамамадиевни орамиздан олиб кетди. У кишини таниган кишилар барча билан бирдек самимий муносабат қилгани учун “душмани йўқ одам” дейишарди.
Мудом иш билан машғул, бу ишдан у ишга, тадбирдан тадбирга шошиб юрадиган Носир ака билан истиқлолимизнинг дастлабки йилларида Ўзбекистон Миллий ахборот агентлигида бирга ишлаган эдик. Халқаро ахборот таҳририяти Бош муҳаррирликларида у кишига ўринбосар бўлган эдим. Талабчан, аммо бир оғиз ҳам қаттиқ гапирмайдиган бу ажойиб инсон билан учраштирганига тақдирдан беҳад миннатдорман.
Насриддин акадан мен кўп нарсаларни ўргандим. Шеъриятда “Наво бўлса Навоийнинг навосидек наво бўлсин” дея мезонларни белгилаган бўлсалар, кейинги йилларда Қашқадарё, Насаф ва насафийлар тарихи ҳақида теран тадқиқотларни амалга оширдилар. Халқаро “Олтин мерос” хайрия жамоат фонди Туркия бўлими билан биргаликда “Ўзбекистон” китобини турк тилида нашр қилдирган эдилар.
Ўзбекистон Байналмилал маданият маркази директори сифатида мамлакатимизда ижтимоий тотувлик ва бағрикенгликнинг янада барқарор бўлишида муносиб ҳисса қўшдилар.
2015 йилдан буён Насриддин Муҳаммадиев Халқаро “Олтин мерос” хайрия жамоат фондининг Васийлик Кенгаши раиси ҳам эдилар.
Амирқул Каримов,
Халқаро “Олтин мерос” хайрия жамоат фонди раиси
Насриддин Муҳаммадиев (Носир Муҳаммад)
1946 yilning 2 dekabrida Qashqadaryo viloyatining Yakkabog‘ qo‘rg’onida o‘qituvchi oilasida tug‘ilgan. 1968 yili Toshkent Davlat universitetining filologiya fakultetini imtiyozli diplom bilan bitirib, «Toshkent oqshomi» gazetasi tahririyatida o‘z mehnat faoliyatini boshladi.
1969-70 yillarda harbiy xizmatda bo‘ldi va undan qaytib yana «Toshkent oqshomi» gazetasidagi ishini davom ettirdi. Milliy universitetning sharqshunoslik fakulteti qoshidagi kechki 2-yillik fors tili kursini bitirib, 1976-79 yillari Eronda fors tili tarjimoni bo‘lib ishladi.
1983 yili «Yoshlik» jurnaliga ishga o‘tib, 1985-93 yillari jurnalning mas’ul kotibi bo‘ldi. 1993 yili O‘zbekiston Milliy axborot agentligining xalqaro axborotlar tahririyati bosh muharriri etib tayinlandi.
1994 yili Tashqi ishlar vazirligiga ishga o‘tdi. Dastlab Matbuot xizmatida, keyinchalik «Jahon» axborot agentligida faoliyat olib bordi.
1995 yili Berlinda xalqaro jurnalistika bo‘yicha ikki oylik kursni bitirdi.
1996-99 yillari O‘zbekistonning Turkiyadagi elchixonasida Matbuot kotibi bo‘lib ishladi. Elchixonadagi ishi davomida Anqara universitetining turk tilini o‘rganish markazida ta’lim oldi. Turk tilida «O‘zbekiston» qo‘llanmasini nashr etdi. Uning tashabbusi bilan Amir Temur va Alisher Navoiyga bag‘ishlangan tadbirlar o‘tkazildi.
N.Muhammadiyev O‘zbekiston Jurnalistlar uyushmasi (1972) va Yozuvchilar uyushmasi (1989) a’zosi, 20 dan ortiq she’riy va ilmiy-ommabop kitoblar muallifi. Matbuotda uning siyosiy va madaniy mavzulardagi maqolalari muntazam e’lon qilinadi.
1980-1996 yillari u O‘zbekiston televideniyesi va radiosining shtatsiz xalqaro sharhlovchisi sifatida tanildi.
1999-2005 yillarda O‘zbekiston Respublikasi Prezidenti Matbuot xizmatining yetakchi konsultanti bo‘lib ishladi. 2005 yildan buyon Respublika baynalmilal madaniyat markazi direktori.
Abdixamid Pardayev: Насриддин Муаммадиев бағри кенг, ажойиб, дилкаш инсон эди. Белинскийнинг яхши гапи бор: маърифат одамларни тенглаштиради. Бинобарин, журналистика, наср ва назм — биз ижодкорларни биродарга айлантирди. Насриддин ака ана шундай туғишгандай яқин биродарларимиздан эди. Унинг ўрни узоқ билинади. Насриддин аканинг қариндош-уруғларига, ёру биродарларига, барчамизга сабр берсин. Аллоҳ раҳмат қилгани рост бўлсин.
Яхши инсон эдилар. Хар доим табассум билан юрардилар. Жойлари жаннатда булсин
Юлдуз Орипова: Жойлари жаннатдан булсин…илохим…. охиратлари обод булсин….омин….
Fatima Sattarova: Худо рахмат килсин….
Дильбар Хайдарова: Жойлари жаннатдан бўлсин, дейишга зўрға тил борадия… Ўзбекнинг улуғларидан эдилар.
Abdixamid Pardayev: Насриддин Муаммадиев бағри кенг, ажойиб, дилкаш инсон эди. Белинскийнинг яхши гапи бор: маърифат одамларни тенглаштиради. Бинобарин, журналистика, наср ва назм — биз ижодкорларни биродарга айлантирди. Насриддин ака ана шундай туғишгандай яқин биродарларимиздан эди. Унинг ўрни узоқ билинади. Насриддин аканинг қариндош-уруғларига, ёру биродарларига, барчамизга сабр берсин. Аллоҳ раҳмат қилгани рост бўлсин.
Насриддин акани талабалик давримиздан бери билардим. Жуда самимий, камтарин, очик, кўнгил,суҳбати ширин инсон сифатида хотирамда қолганлар. Вафотларини эшитиб ишонгим келмади… Начора, ўлим ҳақ. УСТОЗни Аллох, раҳмат қилсин. Яқинларига сабри жамил ато этсин.