Президентнинг давлат маслаҳатчиси Наманганда сайёр қабул ўтказмоқда!

Ўзбекистон Республикаси Президентининг виртуал қабулхонаси орқали ҳамда вилоят Халқ қабулхоналарига келиб тушган жисмоний ва юридик шахсларнинг мурожаатлари кўриб чиқиладиган сайёр қабулда вилоятдаги барча ташкилот, муассаса раҳбарлари иштирок этадилар ва кун тартибидаги масала юзасидан ҳисобот беришади.

Наманган шаҳар ва барча туманлар ҳокимликларига учрашувлар ўтказиладиган фаолар залларини, шунингдек вилоят бошқарма ва ташкилотларининг раҳбарлари, соҳа бўйича мутахассислари билан мурожаатчиларнинг масалаларини жойида кўриб чиқиш ва ҳал этиш учун алоҳида хоналар ташкил этилишини ҳамда жиҳозлар билан таъминлаш топширилган.

2017 йил “Халқ билан мулоқот ва инсон манфаатлари йили” деб эълон қилинганлиги муносабати билан Наманган вилоятида жорий йилнинг 3-4 июль кунлари Ўзбекистон Республикаси Президентининг Давлат маслаҳатчиси Турсинхон Худайбергенов томонидан сайёр қабуллар қуйидаги тартибда ўтказилади:

– 2017 йил 03 июль соат 10:00 да Чуст тумани ҳокимлигининг фаоллар залида Чуст, Косонсой ва Поп туманлари учун;

– 2017 йил 03 июль соат 18:00 да Наманган шаҳар ҳокимлигининг фаолар залида Наманган шаҳри ва тумани, Мингбулоқ тумани учун;

– 2017 йил 04 июль соат 09:00 да Янгиқўрғон туман ҳокимлигининг фаолар залида Янгиқўрғон, Тўрақўрғон ва Чортоқ туманлари учун;

– 2017 йил 04 июль соат 17:00 да Учқўрғон туман ҳокимлигининг фаолар залида Учқўрғон, Уйчи ва Норин туманлари учун.

http://namnews.uz