ШАВКАТ МИРЗИЁЕВНИНГ МАЖЛИСДАГИ АЧЧИҚ СЎЗЛАРИ СТЕНОГРАММАСИ
Буни аниқ телевизорда кўрсатишмайди!
*****
МИРЗИЁЕВНИНГ МАЖЛИСДАГИ АЧЧИҚ СЎЗЛАРИ СТЕНОГРАММАСИ (ёзма матни)
Маълумотларга кўра, Тошкент шаҳрида 30 май куни видеоселектор йиғилиши ўтказилган. Ҳукумат йиғилишини Президент Шавкат Мирзиёев бошқарган.
Йиғилишда Бош вазир ва унинг ўринбосарлари, Президентнинг Давлат маслаҳатчилари, тегишли вазирлик ва идоралар, хўжалик бирлашмалари раҳбарлари иштирок этган. Шунингдек, видеоконференция орқали Тошкент ва Нукус шаҳарлари, вилоятлар марказида ташкил этилган студияларда Қорақалпоғистон Республикаси раҳбарияти, маҳаллий ҳокимликлар, вазирлик ва идораларнинг ҳудудий тузилмалари, корхоналар раҳбарлари, тадбиркор ва инвесторлар қатнашган (иқтибос ЎзАдан олинди).
Йиғилишда сўзлаган президент вазир ва раҳбарлари кескин танқид қилиб, уларни баланд овозда қаттиқ койиган.
30 май куни тушдан кейин «Озодлик» радиосида шу йиғилишдан ёзиб олиб жўнатилган қисқа аудиоёзув нашр қилинди.
Кўринишидан бу ёзув одатдагидек, телеэфирга берилаётган президент расмий нутқларидан кескин фарқ қилади.
Қуйида ўша 3 дақиқалик президент сўзлари ёзиб олинган аудиоёзувни матн(текст)га кўчирдик.
Агарда ўша аудиоёзувни эшитолмаган бўлсангиз ёки бунга техник имконингиз чекланган бўлса, марҳамат, матнни ўқиб чиқишингиз мумкин.
*****
Стенограмма:
(Мирзиёев шиддат билан баланд овозда сўзлайди):
— …Нимага керак! Бунақа банкир нима учун керак! Булунғур (Самарқанд вилояти-У.Б.)да энг камида 2 та ёки 3 та банк бор. 4 та! 30 тадан бўлса нечта одам? 120 та одам. У 30 та эмас, кўп банк, катта банк. Ўша 200 та одам нима иш қиляпти? Ҳеч бало қилмаяпти!!!
(Президент залда кимгадир юзланиб):
— Ўзинг сўрагин, сан иқтисод комплексининг раҳбари бўлгансан. Биров сўрайдими улардан, биров пишагини пишт дейдими уларни, банкирларни?! Санга бўйсунмайди. Бўйсунмайди! Вилоят банкири у Булунғурга етиб бормайди, ҳеч қачон. Уни вақти йўқ, обед қилиши керак, Самарқандда. Ухлаши керак яхшилаб, хўриллаб, обеддаям бориб ухлаб келади, яхши овқат ҳам еб келади. У банкирда у, вой-вўўўўй! Шу ўзига хон, ўзига бек у! Булунғурда уни биров пишагини пишт демайди. Ҳар ойда шерикчиси бор, пулни олиб кириб турибди, тамом! Бу ҳақиқат! 4 та банк бўлган давлат идораси ўша, 4 та банк, 120 одам энг камида…
Энди уйма-уй юриб, уйма-уй (!!!) юриб халқимизни тадбиркор қилишга банклар вакил…
(бирдан столни ёки минбарни уриб, баланд овозда):
— Хаджаев! Хаджаев! Хаджаев!!! Яна бир марта Саидолим, шуни айтяпсанми, бу ноинсофларга? Ё сенга ҳам чора кўришим керакми?
(Залдан паст овозда кимдир гапиради, овозини англаб бўлмайди. Афтидан, у ўша Хаджаев бўлса керак.-У.Б.)
(10-15 сониядан кейин Хаджаевни тинглаб бўлиб, Мирзиёев сўзида давом этади):
— Сан ўзинг айт! Банкингга пиёда юриш, албатта, ёқмайди. Ё ёқадими? Йў, ёқадими ё йўқми? Ёқмайди! 10 йил маза қилиб юрган одамни ҳозир ишлатиш ўзи бўладими! Ҳ-ҳе (мийиғида кулгандек-У.Б.), у санга бўйсунадими, маза қилиб юрибди-ку, ойлигини вақтида олади, биздан кўп олади, кечир, хафа бўлма, порани олади! 3 та кредит берса 3 та кредитни берган (олган демоқчи-У.Б.) одам ҳар куни унга салом беради.
(баланд овозда ўхшатиш қилади):
— Ассалом алайкуууууууум Эшмат акаааа!!!
Ҳокимга салом бермайди, банкка салом беради. «Тошмат акаўўўў», дейди.
Уни юриши ҳам ўзгариб қолади, дарров банкирни. Бу ҳақиқат! Ердаги ишчи-да! Бизда тизим тепада бор, пастда мутлақо тизим йўқ десак, ишоновринглар. Агарда бу тизимни маҳкам ушлаб, Тошкентда ўтирган Азимовга ўхшаганлар пастга тушиб ишлаганда, бу нарса бўлмасди. Шу ҳолатга келтирдик энди, иқтисодий комплексни.
На эгаси бор, на сўрови бор! Йўқ! Эгасиям йўқ, сўровиям йўқ! Ҳа буларни ишлатиш керак-ку, булар нима учун одамлар норози (столни уриб), ўзи шуларни ишламагани учун одамлар норози (столни муштлаб, жаҳл билан). Агар уйга бориб, шу кредит бериб, ишлатаман деган одам ҳеч қачон давлатга душман бўлмайди! Ҳеч қачон!!!
Бизни халқимиз шундайки, кредит бермаса ҳам уйимга келди-я, дейди. Худога шукур, вазият ўзгарипти, ноинсофга инсоф берипти, дейди.
(баланд овозда):
Инсоф берибди, дейди!
— Ҳа, инсоф бериштириш сани қўлингда! А, сан иқтисод комплексининг каттаси, нима уларни чақириб, бир нима демайсан?
Сан ҳам молиядан қўрқасан! Нимага десанг, молияни ҳар битта раҳбари Тошкентда ўтирганни ишдан олади. Сани ишдан олишим керак!
Ҳали 50 фоизини ишдан ҳайдайман, районда ўтирган молиячиларни.
Ҳаммаси бездельник! Нимага жавоб беради у, ноинсофлар!
Мана шу гапларни бугун аччиқ бўлсаям сизларга…
(шу ерда овоз ёзуви ўчади).
Тамом!
*****
Аудиоёзувни матнга
Улуғбек Бакиров кўчирди.
31 май, 2017 йил,
Норвегия
Жон куйдириш, куюнчаклик мана шундай бўлади!
ЎЗБЕКИСТОН РЕСПУБЛИКАСИ ОАВ ЛАРИ ВА ЮҚОРИДАН ТОРТИБ ТО ҚУЙИН РАҲБАРИЯТГАЧА КАРАХТ ВА ГАРАНГ,КЎР ВА СОҚОВ ҲОЛАТДА.
ВА АЛБАТТА ШУ БИЛАН БИР ҚАТОРДА ЗИМДАН ЭСКИЧА ИШ УСЛУБИДА БАРДАВОМ ИШЛАШАЯПДИ.
АХБОРОТ АВ ТАХЛИЛНОМА ЭШИТТИРИШЛАРИНИ ТИНГЛАБ ТУРИБ ХУДДИ ЭРТАКЛАР ОЛАМИГА ТУШИБ ҚОЛГАНДЕК БЎЛАСИЗ.
ЎЗЛАРИ НИМА ДЕБ ГАПИРАЁТГАНЛИКЛАРИНИ ҲАМ БИЛМАЙДИГАН ДАРАЖАГА ТУШИБ ҚОЛИШГАН.
ШАВКАТ МИРОМОНОВИЧ ЎЗ НУТҚЛАРИДА ИСЛОМ КАРИМОВНИНГ ХУРМАТНИ ЖОЙИГА ҚЎЙИБ ТУРГАНЛИГИ УЧУНГИНА ЎТГАН РАҲБАРНИ МАҚТАБ ҚОЛИШАДИ ВА ШУ ЖОЙНИНГ ЎЗИДА ҚАТОР ЙИЛЛАРДАН БУЁН ЕЧИЛМАЙ ҒОВЛАБ КЕТГАН МУАММОЛАР БУГУНГИ КУНДА ЯШИН ТЕЗЛИГИДА ҲАЛ БЎЛАЁТГАНИ ҲАҚИДА БАЁНОТ БЕРИШАДИ.
МИНГЛАБ НОКАС РАҲБАРЛАРНИ ПРЕЗИДЕНТ ФОШ ҚИЛИБ ТУРСАДА ЎЗ ЭШИТТИРИШЛАРИДА УШБУЛАРНИ КЕНГ ОММАГА ЕТКАЗИШМАЙДИ.
КАСАЛИНИ ЯШИРСАНГ ИСИТМАСИ ОШКОРА ҚИЛАДИ ДЕБ БЕЖИЗ АЙТИШМАГАН.
ҲАЛҚИМИЗНИНГ АСЛ ФАРЗАНДЛАРИ ҲАЛҚИМИЗГА ҲАҚИҚАТЛАРНИ ҲАР ҚАНДАЙ ЙЎЛ БИЛАН БЎЛСИН ЕТКАЗИШАДИ.
МАХФИЙ ХИЗМАТЛАРНИНГ МИНГЛАБ ХОДИМЛАРИ БУРНИНИ ТИШЛАБ ҚОЛИШДИ.
ЧОРАК АСРЛИК ЖИНОЯТЛАРИНИ ВА ЎЗЛАРИНИНГ ДАРОМАД МАНБАЛАРИНИ САҚЛАБ ҚОЛИШ УЧУН БЎЛАЁТГАН ХАРАКАТЛАРИ АСТА СЕКИН ТАНАЗЗУЛГА ЮЗ БУРДИ.
БЎЗ БЎРИ СЎЗИ БИЛАН АЙТАДИГАН БЎЛСАК «ТУРОН ЭЛДАН БОТИР ЧИҚДИ»!
ДУШМАНЛАРНИ ЕНГАДИГАН,
ЎЗДАН КЕЧДИ,ҲАЛҚИМ ДЕДИ,
ВАТАНИМ ДЕБ ЁНГАНИДАН!!!
БУЮК КЕЛАЖАК УЧУН,ҲАЛҚИМИЗНИНГ БУГУНГИ КУНИ УЧУН ЭНДИ КУРАШ БОШЛАНГАНДАЙ!
ДУНЁ ЎЗБЕКЛАРИ ИСМАТ АКАМИЗ БОШЧИЛИГИДА БИРЛАШИБ ҲАҚИҚИЙ ПРЕЗИДЕНТИМИЗГА МАДАД ВА КУЧ ҚУВВАТ БЎЛИШИМИЗ ШАРТ.
АКАМИЗНИНГ СНБ ҲАҚИДАГИ ФОШ ҚИЛУВЧИ ДАҲШАТ МАҚОЛАЛАРИ ШАВКАТ МИРОМОНОВИЧГА ЕТИБ БОРГАН ДЕБ УМИД ҚИЛАМИЗ!
Кичик шрифтда ёзинг илтимос
Ҳурматли Ўзбек!
Мамлакат тарихида шундай бир туб бурилишлар бўладики,албатта ундан олдин унинг енгил шабадаси эсади!
Ушбу шабадани менсимаганларни тарих тўфони супуриб олиб кетади.
Мен ҳам миллионлаб жабрдийдалар қаторида ЧОРАК аср Каримов ва ҳамтовоқлари томонидан талон талон тарож қилинган Ватаним,дунёга тариқдан баттар сочилиб кетган юртдошларим қолаверса келажак авлод бахти учун хурсандчиликдан энг катта шрифтларни топиб ёзганим эди.
Биз бечораларнинг шунча йил тортган азобимиз ариятганига қаршилар хали қалашиб ётибди.
Тиз чўккан жойимиздан тик туришимизни исташмайди.
Ҳаттоки ёзар харфларимиз ҳам бу органга ваҳима бўлиб кўринаяпди деб ўйламасдан илож йўқ.
Ўзбек тахаллусли бу ходим кучли психолог!
Мана шу биргина шархида бир дунё шаъма бор.
«ҚАЧОН ТИЗ ЧЎКУВДИК,ҲАМОН ИЗЗАМИЗ,
СИРҚИРАБ ОҒРИЙДИ ШИШГАН ТИЗЗАМИЗ,
ЎРИНДАН ОЗГИНА ТУРСАК МАЙЛИМУ»!