Ўзбекистон халқ шоираси Ҳалима Худойбердиевага таъзия…
«Дунё ўзбеклари»дан:
Тошкентдан яна фожеали хабар келди.
Ўзбекистон халқ шоираси Ҳалима Худойбердиеванинг тўнғич набираси бугун 25 ёшида оғир бетобликдан сўнг дунёдан кўз юмди.
Таниқли шоиранинг катта ўғли Улугбекнинг тўнғич фарзанди вафоти, айни пайтда шифохонада даволанаётган Ҳалима Худойбердиевага қанчалар оғир ва изтиробли эканини тасаввур қилиш мумкин. Ҳалима опа яқингинада суюкли дилбанди Умиджондан жудо бўлган эди.
Бугун номард ва бевафо тақдир у кишига яна бир кучли зарба берди. Катта ўғли Улуғбекнинг фарзандини орамиздан олиб кетди.
Биз ўз хотиралар китобимизда Улуғбекнинг уйланиш тарихи ҳақида ўзимиз гувоҳ бўлган ширин ва бетакрор эсдаликлар ҳақида ёзган эдик. Улуғбек асли қўқонлик бўлган ажойиб инсон, таниқли ишбилармон Маҳмуджон Мелиқўзиевнинг қизига уйланган эди.
Бугун уларнинг катта фарзандлари — Ҳалима опа ва Мавлон акаларнинг тўнғич набиралари вафот этганини эшитиб, юрагимда кучли оғриқ турди…
Тангрим — оғир айрилиқ ва азоб исканжасида қолган улуғ ўзбек шоирасига мададкор бўлсин.
Таъзиямизни қабул этинг, Ҳалима опа.
Яратган Эгам Сизни ўз паноҳида асрасин…
Исмат Хушев,
«Дунё ўзбеклари» Бош муҳаррири,
30 апрель, 2017 йил, Торонто шаҳри, Канада…
МАҚОЛАНИ ДЎСТЛАР БИЛАН БАҲАМЛАШИНГ
Tangrim sabr bersin. Tangrim hamma narsani ko’rib turibdi. Hammamiz Tangrim oldida javob beramiz. Yosh yigit ekan. Tangrim ajrini o’zi beradi.
Нақадар даҳшатлик фожеа, ушбу таъзияномани кеча ўқиган эдим аммо таъзия билдириб шарх ёзишга ўзимда бир қудрат топа олмадим.
Шундай вақтлар бўладики хатто худога шак келтиришга, унинг хукмларига қарши исён кўтаришга ва адолатсизлик қачон бархам топади эй худо деб жар солишгача мажбур бўласан экан.
Ҳалқимизнинг буюк шоираисига Ҳалима опага ва Мавлон акаларга чуқур ҳамдардлик билдириб қоламан.
Марҳумни Яратган эгам раҳматига олсин, жойлари жаннатдан бўлсин.
Яқинларига сабр тоқат тилаймиз.
Якинларига сабр тилаймиз! Оллохим рахматига олсин!
Оллох бунчалар синовларинг куп. Мавлон ака Халима Опа чукур кайгудаман. Чин калбимдан билдираётган тазиямни кабул килинг. Мавлон ака шундай огир дамда кузимда ёш билан ёнингизда хамдардман. Оллох бевакт орамиздан олган набирангизни уз рахматига олсин. Сизга ва Халима опага Оллохдан сабр тилайман. Бундай дамда Сизнинг матонатингизни Оллох янада мустахкам килсин
ҲЕЧ КИМНИНГ БОЛАСИ
ЎЛМАСИН
Майли қиш эртароқ баҳор кеч келсин,
Майли довул қўпсин, совуқ ел елсин.
Яшнаган чечаклар бевақт сўлмасин,
Ҳеч кимнинг боласи ўлмасин!
Майли замин титраб, осмон йиғласин,
Ташвишлар замину, ерга сиғмасин.
Ошиқлар ҳасратда кўксин тиғласин –
Ҳеч кимнинг боласи ўлмасин!
Боласи ўлганнинг ноласи оғир,
Кўзларидан сизган жоласи оғрир.
Бу қайғунинг юки, моласи оғир –
Ҳеч кимнинг боласи ўлмасин!
Булутлар тарқаса офтоб балққайдир,
Дарёлар қуриса яна оққайдир,
Фарзанд доғи тирик гўрга тиққайдир –
Ҳеч кимнинг боласи ўлмасин!
Канчалик огир мусибат…. жойлари жаннатдан булсин …..
Оллохим рахматига олсин.
Sabr tilaymiz!
Аллох рахмат килсин! Якинларига сабр тилаймиз!
Ey Xudoim, bu yana qanday kurgilik!
Mavlon aka va Xalima opaga sabr-toqat, bunday og’ir qismatni kutarishga kuch-quvvat bersin Iloxim.