Исмат Хушев: Оқ саройми, Кўк сарой? («Қурултой»ни тинглаб)
«Озодлик» мухбири Абдулла Искандарнинг янги ижодий ютуғи
Рейтинги баланд муаллифлар — «Қурултой»нинг бугунги меҳмонлари
Ўзбекистоннинг собиқ раҳбарлари: Ким қайси бинода ишлаган?
Салимбойнинг саройи АҚШ Президентининг Оқ саройидан баланд…
1.
«Озодлик» радиоси кейинги йилларда яратган энг катта ютуқ шуки, у одамларни уйғоқ фикрлашга ва ўз эрки учун фаол курашишга ундамоқда ва руҳлантирмоқда.
Бу борада айниқса Абдулла Искандар олиб бораётган «Қурултой» эшиттиришининг хизмати беқиёсдир.
Буюк Британияда яшовчи ватандошимиз Акмалжоннинг янги қурилаётган Президент резидецияси ҳақидаги долзарб фикрлари «Қурултой»нинг бу галги дастурига мавзу бўлди…
2.
Бугунги дастур иштирокчилари Ўзбекистон ичкариси ва ташқарисида обрў эътиборли, мамлакат ижтимоий сиёсий ҳаётида рейтинги баланд бўлган нуфузли кишилардан иборат эди.
Унда Тошкентдан машҳур ўзбек журналисти Шароф Убайдуллаев, Америка Қўшма Штатларидан «Америка овози» мухбири Навбаҳор Имомова, таниқли дипломат ва сиёсатшунос Тошпўлат Йўлдошевлар иштирок этишди.
Абдулла Искандарга «Озодлик»нинг энг ёш ва истиқболли мухбири Азиз Нур ҳамкорлик қилди.
Унда мулоҳазали дил сўзлари «Қурултой»га мавзу бўлган Лондондаги Акмалжон ҳам шахсан қатнашди ва бу борадаги ўз муносабатларини янада ойдинлаштирди…
3.
Эшиттиришда — халқнинг пулига қуриладиган давлат резиденциялари халқ билан маслаҳатлашиб, кейин қурилиши керак деган фикр янгради.
Акмалжон келаётган ҳар бир янги президент ўзи учун янги сарой ва резиденциялар қурса, халқни ким ўйлайди деди қайғуриб. Бундан кўра одамлар учун завод ва фабрикалар қурилса, иш ўринлари яратилса, биз ҳам чет элларда хор бўлиб юрмасдик деб яхши гапларни айтди.
Навбаҳор Имомова АҚШ Президентлари учун қурилган «Оқ уй» тарихига тўхталиб, унинг бюджети ва сарф харажатлари ҳар йили Конгресс муҳокамасидан ўтишини факт ва далиллар билан асослаб берди.
Ўзбекистон халқи ҳам ўз чўнтагидаги маблағи ҳисобига қуриладиган ва фаолият юритадиган бундай сарой ва иншоотлар учун кетадиган харажат ва буромадларни билиши лозимлиги ҳақида гапирди.
Тошпўлат Йўлдошев ўз сўзида Мирзиёевнинг қилаётган барча яхши ишлари ва ўзгаришлари бир томон, бугунги сарой қурилиши бир томон бўлганини, бу унинг барча ижобий ишлари устига қора чизиқ тортиши мумкинлиги ҳақида куйиниб гапирди…
4.
Шароф Убайдуллаев эсини таниган кейинги 40-50 йилдан бўён АҚШ президентлари фақат битта давлат резиденцияси — «Оқ уй»да яшаб келаётганини айтаркан, Салимбойнинг саройлари уларникидан ҳам баланд ва маҳоватли экани ҳақида яхши ва ўринли бир ўхшатиш қилди.
Абдулла Искандар ўзининг профессионал журналистик маҳорати ва салоҳиятидан келиб чиқиб, ҳар бир иштирокчига сўз бераркан, уларнинг ортиқча ҳис ҳаяжонини ҳам ўз вақтида жиловлаб тура олди. У ўзининг қувваи ҳофизаси кенглиги, ижтимоий сиёсий ҳаётнинг турли қатлам ва соҳаларини яхши билиши, иштирокчиларнинг билими ва тажрибасини тўғри баҳолай олиши билан ҳам ҳамиша ажралиб туради.
Шароф Убайдуллаевга сўз бераркан, олдинги Ўзбекистон собиқ раҳбарлари қайси биноларда ишлаганлиги ҳақида ҳам ўринли савол беришни унутмади.
Бунга жавобан Шароф Убайдуллаев Ўзбекистоннинг олдинги раҳбарлари Акмал Икромов, Усмон Юсупов, Амин Эрматович Низов, Собир Камолов Нуриддин Акромович Муҳиддиновлар Фанлар Академиясининг ҳозирги биноси жойлашган (Гоголь кучаси — 70) бинода ишлашганини, МарказҚўм биноси олдин шу ерда жойлашганини тарихдан яхши хабардор бўлган собиқ Марказқўм ходими сифатида мароқ билан ҳикоя қилиб бердилар. Шароф Рашидов ҳам қисман шу бинода ишлаган экан.
Ўзбекистон Компартияси Марказий Комитетининг ҳозирги олти қаватли биноси 1960-64 йиллардаТошкентнинг Тупроққўрғон даҳаси (ҳозирги Анҳор бўйи)да КПСС Марказий Комитети Сиёсий бюроси Қарори билан тўрт йил ичида қурилиб, фойдаланишга топширилганини айтиб бердилар.
Шароф аканинг бу фактларни яхши билишига сабаб, у киши Шароф Рашидов билан бирга ишлагани, Ислом Каримовнинг МарказКомдаги биринчи матбуот котиби бўлганлиги билан изоҳланади…
5.
-Халқнинг пулига қуриладиган ҳар бир қурилишга халқнинг розилигини олиш керак, — деди пировардида Шароф Убайдуллаев.
— Ҳар бир президентга биттадан «Оқ сарой» ё «Кўк сарой» қолдираверсак, халқнинг аҳволи нима бўлади? Ислом Каримов бир умр президентлик курсини бировга бермай келди. Энди «Оқ сарой»ни ҳам абадий меники қилиб қолдиринглар деб ўлишидан олдин васият қилиб кетганми, нима бало деб ажабланди журналист. Музейга нимани қўйишади унинг ташкилотчилари? Президент одамларни урган гулдон ва ё кулдонларними? Мажақланган кресло ва стулларними? Ер остида бўлса ҳам, ер устидагиларни ҳамон қақшатиб тураверадими?
Жасоратли журналист Шароф Убайдуллаевнинг «Оқ сарой» — музейга айлантиришилиши ҳақидаги янги ҳукумат қарорига бўлган ўринли эътирози эди бу…
6.
«Дунё ўзбеклари» Абдулла Искандарнинг журналистик маҳоратига олдин ҳам бир неча бор тўхталиб ўтган.
Хусусан, Абдулла Орипов билан «Озодлик» тарихида қоладиган бебаҳо суҳбати ҳақида гапирганмиз.
Унинг бугунги эшиттириши ҳам ўз мазмун моҳияти ва профессионаллиги билан узоқ йиллар одамлар шуурида жаранглаб турса ажаб эмас…
Бугунги Қурултой — Абдулла Искандарнинг журналистик ижодида яна бир қадам олға силжиш бўлди деб далил айтиш мумкин…
Исмат Хушев,
«Дунё ўзбеклари» Бош муҳаррири,
Торонто шаҳри, Канада, 12 январь, 2017 йил…
Шароф Убайдуллаев: «Оқ сарой»да ўрнатилган эшитиш жиҳозлари янг раҳбарни ҳуркитган…
Суратда: «Дунё ўзбеклари» Бош муҳаррири Исмат Хушев Шуҳрат Бобожонов (Абдулла Искандар) билан «Озодлик»нинг Прагадаги Бош қароргоҳида…
«Дунё ўзбеклари» учун махсус
3 шарҳ
МАҚОЛАНИ ДЎСТЛАР БИЛАН БАҲАМЛАШИНГLeave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
Men ham eshitib kurdim. Hurmatli Sharof akamizni algaymerga uxshatib quyibdi. Muxbirning savoli boshqa, u odamning javobi boshqa. Buni menimcha suhbatni yozib olib savolni keyin orasiga tiqqib quyganidan bulsa kerak. Masalan muxbir Turkiya haqida savol beraypti Sharof akamiz boshqa narsa haqida gapiradilar. Nima keragi bor bunday qilib shunday katta obruli akamizni yomon kursatib. Men radioga ham koment atshladim bu kashtachilik deb. Lekin gaplarimzi faqta Ismat akaning saytida chiqadi. Qolganlarda ham takror galar.
2 шарҳ
АНДИЖОНДА ТАДБИРКОР СУДДА ЕНГИЛДИ!!!
НОҲАҚ ҚАМАЛГАНЛАР ВА ҚАСДДАН ЎЛДИРИЛГАНЛАР ТАҚДИРИ БИЛАН БИР ИНСОН ҚИЗИҚАЁТГАНИ ЭМАС.
КУЧ ИШЛАТАР ТИЗИМЛАРИДА АДОЛАТ САРИ ЯРИМ ҚАДАМ ОЛДИНГА ТАШЛАНГАНИ ЭМАС.
ВИРТУАЛ ҚАБУЛХОНАГА ИШОНИБ, ЯҚИНЛАРИМ АРИЗА ЁЗИШГАНИГА ТОКИ БУГУНГИ КУНЛАРГАЧА ҚАТТИҚ АФСУСДАМАН.
БЎРИТОШ МУСТАФОЕВ ЭСА ҲАР ҚАЧОНГИДАНДА ҚАТТИҚРОҚ ҚУТУРИБ КЕТДИ.
КАРИМОВ ЗАМОНИДА БИРОЗ ТЕКРОҚ ТУРГАН ЭДИЛАР, БУГУНГИ КУНДА РОССИЯДАГИ МАНЗИЛИМ, ҚАЕРДА ИШЛАШИМ, ТЕЛЕФОН РАҚАМИМГАЧА ҚИЗИҚТИРИБ БОШЛАДИ.
ШУ ДАВРГАЧА ҚАТНАШМАГАН ЎҒЛИ ШУХРАТ, ПРОКУРАТУРАДИ ИШЛАЙДИ ЭКАН, ЎРТОҒИ НЕЪМАТИЛЛА БИЛАН БИРГАЛИКДА МЕНГА ВА ЯҚИНЛАРИМГА ҚАРШИ ФАОЛИЯТ БОШЛАДИ.
САМАРҚАНДДАГИ ОДАМЛАРИ ҲАМ ОИЛАМГА БОРИБ, ҚАЕРДА ДОМЛА БЎЛИБ ИШЛАШИНГИЗНИ БИЛАМИЗ, РАХБАРЛАР ОГОХЛАНТИРИБ ЮБОРИШДИ ДЕБ КЕТИШИБДИ.
ЭНДИ МЕНГА САРОЙИНИНГ РАНГИ НЕ КЕРАК,
ОДДИЙ ҲАЛҚ АРЗ ДОДИ ЕТМАГАН САРОЙ,
ОЙНИНГ ЎТТИЗИ ҲАМ ҚОРОНҒУ БЎЛГАЧ,
ҚУРУҚ ВАЪДАЛАРНИНГ ЧАНГИ НЕ КЕРАК!
УМИД БИЛАН ЎТДИ ЯРИМ УМРИМИЗ,
ЯРМИМИЗ “ОЗОДМИЗ” ЎЗГА ЭЛЛАРДА,
ПАНЖАРА ОРТИДА ТУРГАН ИНСОНГА,
“ОЗОДМИЗ” СЎЗИНИНГ БОНГИ НЕ КЕРАК!
ОҚСАРОЙДА ОТДИ ҚАРО ТОНГЛАРИМ,
КЎКСАРОЙДА БОТДИ ОППОҚ ТУНЛАРИМ,
ОРЗУЛАР УМИДЛАР СЎНИБ БОШЛАГАЧ,
РАНГСИЗ САРОЙЛАРНИНГ ТОНГИ НЕ КЕРАК!
ОРАДАН ЎТГАН ТЎРТ ОЙ МОБАЙНИДА БИРОНТА ВАТАН ХОИНИ ЁКИ КУЧ ИШЛАТАР ТИЗИМЛАРНИНГ, ЖИНОЯТЛАРИ ТЎЛИҚ ИСБОТЛАНГАН БИРОНТА ХОДИМИ ХАТТОКИ ОДДИЙ ХАЙФСАН ОЛГАНИ ЭМАС!
ҲАЛҚНИНГ МУЛКИНИ ТОЛОН ТАРОЖ ҚИЛИНИШИДА ТОМОШОБИН БЎЛИБ ТУРГАН НАВОИЙ ВИЛОЯТИ ВА ХАТИРЧИ ТУМАНИ ПРОКУРОРЛАРИ НЕЧА ПУЛЛИК КУЗАТУВЧИЛИК БИЛЕТЛАРИГА ЭГАЛАР.
БУЮК ИНСОН ШАРОФ УБАЙДУЛЛАЕВ БОШИГА ҚИЛИЧ КЕЛСА ҲАМ ТЎҒРИСИНИ АЙТА ОЛАДИЛАР.
ДАВОМ ЭТАЁТГАН НОҲАҚЛИК ВА ТАЛОН ТАРОЖЛАРДАН КЕЙИН ҚАЙСИ БИЗНЕСМЕН ЁКИ ЖУРНАЛИСТ БОРИШНИ ИСТАЙДИ ЭНДИ.
yangi prezidenttan keyin bir qancha investorlar Uzbekistonga pul tikmoqchi edi, bunday sharmandali ishlarning ta’siri yaxshi bo’lmaydi…