Ниҳоят шўрлик ва жафокаш ўзбек халқининг ҳам бошида офтоб кўринди.
Не қувончки, халқимиз шу кунларда инқилобий ўзгаришлар жараёнини бошидан кечиряпти.
Ҳар куни яхши ва мунаввар бир янгилик қучоғида кўз очаяпмиз. Ватан ичкарисида ҳам, ташқарисида ҳам одамларнинг қалби қувончга тўла, руҳлари тетик, кўзларида ёш.
Тангрим бизга юборган эркинлик ва озодликнинг бу кутилмаган бахт ва содатидан барча карахт ва лол.
Ҳолбуки бу муборак кунларни биз сал кам чорак аср кутиб яшадик…
2.
Не бахтки, Шавкат Мирзиёев ўз раҳбарлигини — халқ билан мулоқотдан бошлади.
Ҳолбуки, биз чорак аср халқдан қочиб, писиниб яшашни одат қилдик.
Давлат ва ҳукумат идораларини қалин ва темир панжаралар билан ўраб олдик.
Одамларга қулоқ тутмай яшасак ҳам, ҳаёт ўтаверади, муаммолар ўз ўзидан ҳал бўлаверади деб ўйладик.
Халқнинг арзу-додини эшитишдан ҳазар қилдик. Ва бу билан уларни одам ўрнида кўрмай қўйдик…
3.
Бу йил — Халқ билан мулоқот йили деб эълон қилинди.
Виртуал қабулхона ҳам аслида — Мирзиёев ҳокимиятга келган илк кунлардан эътиборан халқ билан очиқ ойдин мулоқот йўлида ташланган дастлабки хайрли қадам эди.
Негаки, одамларнинг қалбида дарду изтироблар, саволсиз жавоблар тўпланиб қолган эди.
Сайловда Мирзиёевнинг юқори баҳо олишининг бош калити ҳам аслида халқ билан мулоқотда бўлди…
4.
Халқ билан мулоқотнинг тури кўп.
Авваламбор, ҳеч бир раҳбар халқ идеалини ҳурмат қилмай туриб, ҳурмат қозониши мумкин эмас.
Буни Мирзиёев яхши тушунган ва Бош вазирлик чоғидаёқ теран англаб етган кўринади.
Бугунги муборак кунларга етиб келолмай, яқинда вафот этган Ўзбекистон Қаҳрамонлари Эркин Воҳидов ва Абдулла Ориповлар ўзбек халқининг том маънодаги идеаллари эди.
Ўлганларидан кейингина ойнаи жаҳондан уларнинг муборак овозларини эшитдик.
Ҳолбуки, анча йиллардан бўён расмий матбуот ва ЎзТВ улар учун ёпиб қўйилган, эл суйган, лекин шоҳ суймаган Қаҳрамон ижодкорлар давлат саҳналаридан тамомила узоқлаштирилган эдилар.
Ўз халқига қайтиши ва ойнаи жаҳондан кўриниши учун улар ўлишлари керакмиди?
5.
Ҳукмдор учун ўз элининг арз ва шикоятларини эшитиш — бу энг сўнгги чора.
Агар шуни у ўз вақтида йўлга қўймаса, «ғишт қолипдан кўчиши» — халқ кўчаларга чиқиб кетиши мумкин…
Буни Мирзиёев дастлабки кунданоқ тушуниб етди.
Халқ билан мулоқотнинг энг онг олий тури, биринчи галдаги вазифаси — халқ идеалларини ҳурмат қилиш ва унинг овозига қулоқ солиш демакдир.
Шунинг учун ҳам Мирзиёев — халқ юрагига қулоқ солишни давлат даражасига кўтарди…
6.
Мен Шавкат Мирзиёевни анчадан бўён кўрмаган ва маърузасини эшитмаган эдим.
Куни кеча Конституция кунига бағишланган йиғилишдаги нутқини тинглаб, давлат ва ҳукуматнинг орден ва медалларини топширишдаги сўзларини эшитиб, рости жуда ҳайрон қолдим.
Халқимиз ҳам анчадан бери давлат раҳбарининг соф ўзбек тилидаги мулоқотини жуда соғиниб қолган экан.
Ростини айтиш керак, сиримизни қандай яширамиз, кўп йиллар давлат раҳбарининг қайси тилида гапираётганини англаб етолмасдик.
Халққа қарата ҳуда беҳуда: «Ҳаммангизни бағримга босаман», «Сизни севаман!», «Бутун Ўзбекистон — менинг фарзандларим!», «Барчангизни юрагимда жам қилишни орзу қиламан!», «Ҳаммаларингизни бир бир қучоғимга ва бағримга босаман!» демасдан ҳам, ҳақиқатни тинглаб туриб ҳам халқ бағрига кириб борса бўларкан-ку…
Залда Мирзиёев сўзлаётганда одамларнинг тош қотиб, бутун вужуди билан қулоққа айланганини кўрмаслик ва сезмаслик мумкин эмас.
Сайловолди сафарларда ҳам Мирзиёев соф ўзбек тилидаги моҳир нотиқлик фазилатини бир неча бор намоён эта олди.
Масалан, Қорақалпоқистонда: «Мен ўзбеклар билан бирга қорақалпоқ хақлқининг ҳам фарзандиман!» деганида залдагилар унинг бу оташин ва халқпарвар нутқини узоқ давом этган гулдурос қарсаклар билан кутиб олишди.
Жиззахда гапира туриб, узоқ йиллар юксак давлат постларида бенуқсон ишлаган Шароф Рашидовга кўрсатган ҳурмат эътибори қошида ҳам жиззахликлар лол бўлишди. У ерда ҳам Мирзиёевга ўзларининг чуқур ҳурматини ўринларидан туриб, узоқ ва давомли қарсаклар билан намойиш этдилар.
Ўзбекистоннинг бошқа вилоятларидаги ҳамкасбларимиз ҳам Мирзиёев нутқи ҳар гал алоҳида меҳр ва эътибор билан тингланганини эътироф этишди.
Уларнинг шоҳидлик беришича, Мирзиёев нутқида — унинг ўзбек тилидаги бой грамматикаси, она тилимизнинг гўзал талаффузи ва салоҳияти алоҳида намоён бўлди.
Ва ниҳоят Тошкент шахридаги учрашувда ҳам унинг сўзга чечанлиги ўзининг юқори нуқтасига — эпопеясига етди.
Залда ўзбек бўла туриб, ўз тилини яхши билмаган бир қатор собиқ давлат мулозимлар, жумладан Исмоил Жўрабеков, Зокиржон Алматов, Козим Тўлаганов, Бахтиёр Ҳамидов ва бошқалар ҳам бор эди.
Улар раҳбарлик чоғларида нуқул рус тилида гапирганлари боис, ўша куни Мирзиёевнинг соф ўзбек тилидаги гўзал нутқини тинглаб, ажиб бир ҳайрат ва ҳавасларга ошно бўлиб ўтирган бўлсалар, не ажаб…
8.
Лекин шахсан менинг назаримда янги давлат раҳбарининг соф ўзбек тилидаги энг гўзал нутқи, ўз она тилидаги самимий ва чин юракдан сўзлашувининг энг баланд авжи — Коституция куни муносабати билан бир гуруҳ Ватандошларимизга орден ва медаллар топшириш чоғида рўй берди десам, муболаға бўлмас.
Яширмайман, мен Мирзиёевни олдин ҳам кўп учратган ва суҳбатлашган эдим. Лекин кечаги тантанали маросимдаги нутқини тинглаб, рости, уни таний олмай қолдим.
Унинг сўз бойлигини, залдагиларга бўлган эҳтиром ва эътиборини, гапираётгандаги самимийлиги ва табиийлигини, сўзга ва комплиментга чечанлигини, давлат раҳбари учун энг муҳими — самимиятини кўриб, унга жуда ҳавас қилдим…
9.
Бугун хориждаги баъзи ватандошларимиз ва ҳамкасбларимиз Шавкат Мирзиёевга ишонч билдираётганларни «маддоҳлик» ва хушомадгўйлик» касалига чалинганликда айблаб турган бир пайтда, мен негадир Ўзбекистоннинг янги раҳбарига ишонгим келади.
Менинг бу ишончимга унинг қисқа фурсатда мамлакатда амалга оширган инқилобий ўзгаришлари сабаб бўлган бўлса, эҳтимол.
Биламан, янги раҳбарга «суюкли устози»дан қолган оғир ва ниҳоятда залворли бўлган сиёсий ва иқтисодий меросни қабул қилиб олиш осон эмас.
Лекин у — халқ билан мулоқот қилиш сиёсатидан чекинмаса, одамларга қулоқ солиш иш услубини оғишмай давом эттирса, уларнинг руҳини кўтариб, ўзига ишонтира олса, ёруғ ва мунаввар кунларга етишига ишонаман.
Ismat aka xamirdan qil sug’irgandek qilib tasvirlabsiz. Jurnalist aslida shunday bulish kerak. Bulaytgan voqiylarni odamlar qulog’iga yg’dek quyishni bilish lozim. Mana shuning uchun ham 100 minglab odamlar mehrini qozondingiz. Omadingizni bersin hech ham kam bulmang.
Ҳурматли Исмат ака! Ҳақиқатни очиқ ойдин ёзишда сизга тенг келадиган журналист йўқ.
Ҳақиқатдан ҳам собиқ раҳбарнинг гапларини таржимон бўлмаса тушунмайдиганлар ҳам мўл эди. Чорак асрдан зиёдроқ раҳбарлик қилиб ҳам ҳалқнинг тилини ўрганмасдан ўтиб кетдилар.
Ҳалқимизнинг ёдида қолиб кетган “танка” сўзларини битталаб санаб ўтибсиз.
Айниқса барака топгур сўзи аскияга ҳам чиқиб кетганлиги рост.
Қанчалик улкан қурилишлар қилмасин, мамлакатни куч билан бўлса ҳам тинч ушлаб турмасин, маҳаллий ҳалқнинг қалбига йўл оча олмаса, ҳалқ билан очиқча мулоқот қила олмаса ҳалқнинг хотирасидан жуда тез ўчади, унут бўлади.
Давлат раҳбари ақл билан иш тутмаслиги қандай оқибатларга олиб келишини, агар адолат нуқтаи назаридан ёндашиб, ҳалқ билан мулоқатга очиқча киришса ҳар қандай фалокатнинг олдини олиб қола олишини биз собиқ раҳбар тимсолида АНДИЖОН ҚОНЛИ ВОҚЕАЛАРИ ВА НАМАНГАНДА ЖУМА НАМОНГОНИЙЛАР ТОМОНИДАН БОШЛАНИШИ МУМКИН БЎЛГАН ҚОН ТЎКИШНИ ҲАЛҚ БИЛАН МУЛОҚАТ ОРҚАЛИ тўхтатиб қолганига гувоҳ бўлган эдик.
Биринчи раҳбарнинг ҳаракатига қараб бошқа раҳбарлар ҳам ўзгаради.
Яхши томонларга ўзгариш ҳалқимизни жуда хурсанд қилиб юборди.
Энг ёқмай турган жойи кўплаб кечаги кундаги маддоҳлар оёғини қўлига олиб олишгани бўлаяпди.
Энди кадрлар алмашинуви бошланиб, ростгўй инсонлар курсиларни эгаллаб бошлашса маддохлар хам йўқолади.
Исмат ака,
Сизнинг ўзбек тилингиз жуда чиройли. Сизда ўзбек тили санъати бор. Айниқса Абдулла Ориповга ўқиган видолашув нутқингиз таҳсинга сазовор. Мирзиёев ҳам самимий лекин сиздан қолиб кетади. Тўғри Мирзиёев мулоҳозали ўйлаб гапиради. Сизни мен Пушкинга ўхшатаман. Пушкин шунақа сиздақа эҳтиросли ва оташин шоир бўлган.
Буни мақтов деб қабул қилманг. Бу тўғри гап. Мен сизни керак бўлса танқид ҳам қилганман. Лекин сиз мард бўлиб чиқаргансиз. Энди бу мақтовдан талтайиб кетмаслигингизни ҳам биламан.
Ниҳоятда мазмунли, дилдан чиқариб ёзилган таҳлилий мақола. Ўзбекистондаги расмий матбуот нашрлари уни кўчириб босишлари керак. Президентимиздан халқнинг умиди жуда катта. Халқ ўртасида, насиб этса яқин келажакда Ўзбекистон Жанубий Корея, Сингапур сингари юксак тараққий этган мамлакатлар қаторидан ўрин олади, деган ишончлар юрибди.
Ismat aka xamirdan qil sug’irgandek qilib tasvirlabsiz. Jurnalist aslida shunday bulish kerak. Bulaytgan voqiylarni odamlar qulog’iga yg’dek quyishni bilish lozim. Mana shuning uchun ham 100 minglab odamlar mehrini qozondingiz. Omadingizni bersin hech ham kam bulmang.
Ҳурматли Исмат ака! Ҳақиқатни очиқ ойдин ёзишда сизга тенг келадиган журналист йўқ.
Ҳақиқатдан ҳам собиқ раҳбарнинг гапларини таржимон бўлмаса тушунмайдиганлар ҳам мўл эди. Чорак асрдан зиёдроқ раҳбарлик қилиб ҳам ҳалқнинг тилини ўрганмасдан ўтиб кетдилар.
Ҳалқимизнинг ёдида қолиб кетган “танка” сўзларини битталаб санаб ўтибсиз.
Айниқса барака топгур сўзи аскияга ҳам чиқиб кетганлиги рост.
Қанчалик улкан қурилишлар қилмасин, мамлакатни куч билан бўлса ҳам тинч ушлаб турмасин, маҳаллий ҳалқнинг қалбига йўл оча олмаса, ҳалқ билан очиқча мулоқот қила олмаса ҳалқнинг хотирасидан жуда тез ўчади, унут бўлади.
Давлат раҳбари ақл билан иш тутмаслиги қандай оқибатларга олиб келишини, агар адолат нуқтаи назаридан ёндашиб, ҳалқ билан мулоқатга очиқча киришса ҳар қандай фалокатнинг олдини олиб қола олишини биз собиқ раҳбар тимсолида АНДИЖОН ҚОНЛИ ВОҚЕАЛАРИ ВА НАМАНГАНДА ЖУМА НАМОНГОНИЙЛАР ТОМОНИДАН БОШЛАНИШИ МУМКИН БЎЛГАН ҚОН ТЎКИШНИ ҲАЛҚ БИЛАН МУЛОҚАТ ОРҚАЛИ тўхтатиб қолганига гувоҳ бўлган эдик.
Биринчи раҳбарнинг ҳаракатига қараб бошқа раҳбарлар ҳам ўзгаради.
Яхши томонларга ўзгариш ҳалқимизни жуда хурсанд қилиб юборди.
Энг ёқмай турган жойи кўплаб кечаги кундаги маддоҳлар оёғини қўлига олиб олишгани бўлаяпди.
Энди кадрлар алмашинуви бошланиб, ростгўй инсонлар курсиларни эгаллаб бошлашса маддохлар хам йўқолади.
Исмат ака,
Сизнинг ўзбек тилингиз жуда чиройли. Сизда ўзбек тили санъати бор. Айниқса Абдулла Ориповга ўқиган видолашув нутқингиз таҳсинга сазовор. Мирзиёев ҳам самимий лекин сиздан қолиб кетади. Тўғри Мирзиёев мулоҳозали ўйлаб гапиради. Сизни мен Пушкинга ўхшатаман. Пушкин шунақа сиздақа эҳтиросли ва оташин шоир бўлган.
Буни мақтов деб қабул қилманг. Бу тўғри гап. Мен сизни керак бўлса танқид ҳам қилганман. Лекин сиз мард бўлиб чиқаргансиз. Энди бу мақтовдан талтайиб кетмаслигингизни ҳам биламан.
Qolaversa Mirziyoev ham rus maktabni bitirgan ko’rinadi. Agar shunday bo’lsa o’zbek tilida samimiy va ravon gapirishi albatta havas qilsa arzigulik.
Men ham samimiy, chin dildan gapirishiga tan berdim. Umid qilamanki Mirziyoev atrofidagi laganbardorlar tuzog’iga tushmaydi deb.