Бахтиёр Шоҳназаров: Бизни ишонтиринг ислоҳотизга!
Янги бошлиқ келди, янги тартиблар,
Ҳаммани янгилар, янги котиблар.
Дейди “Қани энди, азиз одамлар –
Ислоҳот бошлаттик, ишонаверинглар!”
Бир насл улғайди аллалар билан,
Онглар заҳарланмиш яллалар билан,
Атроф тўла ачиган каллалар билан
Жиққамуш турли хил ғоялар билан.
Бизга қилар эди бошқалар ҳавас
Ибн Сино бу юртдан, улардан эмас!
Навоий ғазалин лекин ўқимас,
Хоразмий телфони қўлда бўлса бас!(1)
Одам кўнглидагин айтолмас мудом,
“Қулоқлар” “орган”га гап ташир – тамом!
Бири ҳалол бўлса, иккиси харом,
Бу менинг фикримдир, эркинми калом?
Узоқни кўрмаслик қайси элда бор?
Юртнинг ақллари бўлиб мардикор
Юрса чет элларда эзик, хор-у зор
Парво йўқ ҳокимда, ҳамма – пахтакор.
Пахтага қул бўлди пахтакор халқим,
Шўролар давридан шу ишга маҳкум
Тўлибдир Оролга заҳар ва заққум,
Кўл ўрнида янги жой, оти – “Оролқум”.
Керакдир катта пул иқтисодизга,
Очкўзлар болтасин урар илдизга,
Ўзбекнинг бир бойи келмас юртизга,
Таъсир қилмасмикин ислоҳотизга?!
Халқнинг бойликлари ўмарилганда,
Эски маликалар “милярд” деганда,
Ўғри ялло қилиб юрар экан-да?!
Бу мавзу бормикин ислоҳотизда?
Миллат вакиллари гўё тишлаб мум,
“Одоб сақлар”, акс ҳолда обрў – гулдур-гум,
Олқишлаб бошлиқни, айлар тараннум.
Керакми ислоҳот унга? Бу – мавҳум.
Фармон чиқарилди – деди «одобрям» (1),
Кейин бекор бўлди – деди «бўлманг кам».
Тайинсиз қўғирчоқ кўпайган бирам!
(Долларни айтманг сиз – ҳисоблар дирҳам).
Ўзбекдан “элита” қилар бўлди ор, (3)
Отимни “Боря” деб танитмам зинҳор!
Давлат тили бурчакда ўтирар ночор,
Кўр ҳассасин йўқотар эди-ку бир бор?!
Гоҳида кирилмиз, баъзан лотинча,
Яна бири дейди “керак отинча”,
Тилимиз – аралаш, бу ҳам “вақтинча”?!
“Нормальный бўп қолар” деб “тонг отқунча”.
Фикримни қийналиб тилга оламан:
Бир пуллик ғоялар бўлар толомон
Истарми ҳукумат онгсиз оломон!?
Ўзгариш бўлурми “тахти Сулаймон”?
Чорасин тополмай одамлар хайрон,
Бўлибдур бу ишдан кўнгиллар вайрон,
Тополмас Бахтиёр дардиға дармон –
Уни ишонтиринг ислоҳотизга!
1) Қўл телефони Хоразмийнинг алгоритмидан келиб чиқиб яратилганини ғарб дунёси тан олди.
2) Русча: “одобряем” – “маъқуллаймиз”, “қўллаб-қувватлаймиз” феълининг истеҳзоли қўлланиш шакли.
3) “Элита” – жамиятнинг кўзга кўринган бой-бадавлат табақаси.–
Бахтиёр Шоҳназаров
Toronto, Canada
Ҳалқ ўта ишонувчан!
Ислоҳотларга ишонганимизга БЕШ ой бўлди хисоби.
Энди эса ўша ишончни оқлаш масаласи кўндаланг турибди!!!
Муҳокама қилишни эса янги варақдан бошладик;
1.Ички душманлар қаршилиги.
2.Коррупция.
3.Президент жуда тўғри айтаяпди,лекин аторофидагилар айтганни қилмаяпди.
4.Анави тадбиркорни қамаб қўйишмаганида зўр бўларди.
Ва яна минглаб важу карсонлар.
Шу бугунги кунгача душман томонидан бирон кимса тегишли жазосини олгани эмас!!!
Аммо оддий ҳалқ томонидан талофатлар яққол аниқ бўлиб турибди.Ҳаттоки уриб ўлдирилган тадбиркор ҳам бор.Яна айтишларича бир неча тадбиркор ном нишонсиз эмиш.Эртага аниқлик киритишга харакат қилиб кўраман.Нима бўлса ҳам ёлғон бўлиб чиқсин деб турибман.
Битта тадбиркор Олим Сулайманов қамалгани эса ишончни 90фоиздан ошириб синдириб ташлади.
Душанбедан бугун учиб келиши лозим бўлган самалёт қайтарилган.Сабаби эса номаълум.Биронта судьяга ёки казога ёқмагандир.Балким Каримов 21аср хисобидан учмасин деб васият қилгандир.
ЭНГ АСОСИЙСИ;МЕНИНГ БОРИШИМГА,ҲАЛҚИМИЗ ВА ВАТАНИМИЗ РАВНАҚИ УЧУН ВИЖДОНАН ИШЛАШИМГА ПРОКУРАТУРА,ХАТИРЧИ ВА ТОШКЕНТ СУДИНИНГ АЙРИМ ХОДИМЛАРИ ТИШ ТИРНОҚЛАРИ БИЛАН ҚАРШИЛИК ҚИЛИШМОҚДА.
УЛАРНИНГ ГАПЛАРИ БИТТА;КЕЛАДИГАН БЎЛСАНГИЗ ҲАР ҚАНДАЙ ЙЎЛ БИЛАН БЎЛСА ҲАМ ҚАМАТАМИЗ ДЕЙИШДИ.
ЯНА ҚАНАҚА ИШОНЧ ТЎҒРИСИДА ГАП БЎЛИШИ МУМКИН.
МАМЛАКАТДА КИМ ХЎЖАЙИН БИЛОЛМАЙ БОШИМИЗ ҚОТГАН.
ЛИ КУАН Ю БИР КУНДА ТАРТИБ ЎРНАТГАН;
ЁНИДАГИ УЧ КИШИНИ ҚАМАГАН “УЛАРНИ НИМА УЧУН ҚАМАГАНИНИ ЛИ КУАН Ю АНИҚ БИЛГАН,ҚАМАЛГАНЛАР ҲАМ НИМА УЧУН ҚАМАЛГАНЛАРИНИ АНИҚ БИЛГАН”
ҚОЛГАНЛАР ШУНГА ҚАРАБ ТАРТИБГА КЕЛГАН,ТАМОМ!!!
БИЗДА ШУ ДАВР ИЧИДА БИТТА ТАДБИРКОР УРИБ ЎЛДИРИЛДИ,БИТТАСИ ҚАМАЛДИ,АВИАРЕЙС БЕКОР ҚИЛИНДИ.
ҚОЛГАНЛАР ШУНГА ҚАРАБ ФИКР ҚИЛАДИ.
ҲОЗИРЧА ДУШМАН ТОМОННИНГ ҚЎЛИ БАЛАНД КЕЛИБ ТУРИБДИ.
1959 ЙИЛДА КУБА РЕВОЛЮЦИЯСИДАН КЕЙИН ҲАМ КОРРУПЦИЯ ТИНМАГАЧ.
ЧЕ ГЕВАРА “ФИДЕЛЬ-ХОКИМИЯТ ДАРАХТИНИ СИЛКИТ УЛАР ТУТДАЙ ТЎКИЛСИН” ДЕБ ҲАЙҚИРГАН ЭКАН.
БУГУН ШАВКАТ МИРОМОНОВИЧ ХОКИМИЯТ ДАРАХТИНИ СИЛКИТМАС ЭКАН ХЕЧ НАРСА ЎЗГАРМАЙДИ!
Коил гап юк