Ғафур ЙЎЛДОШЕВ: АНДИЖОНГА ҚАЙТАЙЛИК, БОЛАМ…

---

Ғафур  ЙЎЛДОШЕВ

 

АНДИЖОНГА ҚАЙТАЙЛИК БОЛАМ

 

(Андижон изтироблари туркумидан)

 

Киндик қонлар тўкилган юрт у,

Аждодларнинг қабрларидан –

Муҳаббатлар кўкарган юрт у,

Андижонга қайтайлик болам.

 

Ватаним деб қон тўккан отам,

Пахтазорда яшаган онам,

Ҳар қаричда терлар ҳиди бор,

Андижонга қайтайлик болам.

 

Тупроғида бобом-энам бор,

Тупроғида отам-онам бор,

Тупроғида меросимиз бор,

Андижонга қайтайлик болам.

 

Деворлари нурамадими?

Узумлари шўрлашмадими?

Ҳовлига ёт бўйламадими?

Андижонга қайтайлик болам.

 

Доғда қолар ёғийнинг бари,

Соямизга поёндоз ёзар –

Бизни сотиб кун кўрганлари,

Андижонга қайтайлик болам.

 

***

«Дунё ўзбеклари» учун махсус

МАҚОЛАНИ ДЎСТЛАР БИЛАН БАҲАМЛАШИНГ