"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Карлов ўлдирилган жойда ўзбек элчиси ҳам бўлган

Бош мақола | 19/12/2016 20:36-     31738 марта ўқилди

Shukhrat Babajan
ЭЛЧИША ЎЛИМ ЙЎҚ ДЕЙИШАДИ…
Анқарада Россия элчиси елкасидан ўқ еб ўлди
Анқарадаги замонавий санъат галереясида рус фотосуратчилари кўргазмасининг очилиш маросимида ваъз ўқиëтган Россиянинг Туркиядаги элчиси Андрей Карлов елкасидан ўқ еди.
Кўргазма бўлаëтган залга «полицияданман» дея кирган костюм шимли киши аввалига осмонга ўқ узиб «даф бўлинг ҳаммангиз» дея бақирган. Кейин эса элчининг елкасидан ўқ узган.
Қотил элчининг елкасидан отаркан¸ «Ҳалабда ўлдирилган норасида гўдаклар учун қасос оламан. Оллоҳу Акбар» дея ҳайқирган.
Одамлар зални тарк этганидан кейин қотил элчига қараб яна ўқ узган.
Аснода қотил турк махсус кучлари тарафидан ўлдирилган.
Рус элчиси касалхонада ўлди .
Россиянинг Сурияда олиб бораëтган ҳарбий ҳаракатларига жавобан қуролли ҳужум уюштирилгани иддао қилинмоқда.

 

Image may contain: one or more people and basketball court
https://www.facebook.com/shukhrat.babajan
Анқарадаги ҳужумда Россия элчиси ўлдирилган
Андрей КарловImage c Андрей Карлов
Россиянинг Анқарадаги элчиси Андрей Карлов отиб ўлдирилган.
(ДИҚҚАТ: Видеодаги манзара кўнгилни хира қилувчидир)
Айни қотилликка Россиянинг Суриядаги инқирозга аралашувидан норозилик сабаб экани англашилмоқда.
Ҳужумда яна бир неча киши яраланган.
Хабарларга кўра, қотил Туркия полициясининг собиқ ходимларидан бири бўлган.
Ҳужумчи Россия элчиси нутқ сўзлаётган пайти ортидан келиб, ўқ узган.
Карлов шифохонага олиб кетилган, аммо орадан кўп ўтмай Россия Ташқи ишлар вазирлиги элчининг вафотини тасдиқлаган.
Россия Ташқи ишлар вазирлиги воизи Мария Захарова «террорчиликка тоқат қилинмайди, биз террорга қарши курашамиз», деб баёнот берган.
АҚШ Давлат департаментининг воизи Жон Кирби марҳумнинг оиласига таъзия изҳор этар экан, «зўравонликнинг ҳар қандай турини қаттиқ қоралаймиз», деб айтган.
Би-би-сининг Туркиядаги мухбири Марк Лоунга кўра, гарчанд Ҳалабдаги вазиятга доир Туркия бўйлаб норозилик намойишлари кечган бўлса ҳам, икки давлат оташкесим борасида ўзаро ҳамкорлик қилиб келаётган эди.
Россия телевизионига кўра, Андрей Карловга «Россия турклар нигоҳида» номли кўргазмада иштирок этаётган пайти ҳужум қилинган.
Видеотасвирлар
Ҳужумчи деб гумонланаётган шахсImage 
Ҳужумчи деб гумонланаётган шахс
Видеотасвирларда Карловнинг нутқ сўзлаётгани пайти ўқ овозлари эшитилади.
Тўппончадан саккиз марта ўқ узилади.
Камера кейин замонавий кийинган ва тўппонча кўтариб олган эркакка қаратилади.
Ҳужумчи «Ҳалабни унутма, Сурияни унутма», дер экан, «Аллоҳу Акбар», дея қичқиради.
Андрей Карлов 62 ёшда эди.
У Совет Иттифоқининг Шимолий Кореядаги элчиси бўлиб ишлаган.
Совет Иттифоқи парчаланганидан кейин Жанубий Кореяга жўнатилади, 2001 йилда эса яна Шимолий Кореяда элчилик вазифасида ишлай бошлайди.
У Туркияда 2013 йилдан бошлаб Россия элчиси бўлган.
Муносабатлар
Ҳужумдан сўнг Туркия президенти Ражаб Тойиб Эрдўғон Россия президенти билан телефонда суҳбатлашган.
Бу ҳақда Туркия президенти маъмурияти воизи айтган.
Андрей Карлов келтирилган шифохонада ташқарисида сўзлаган Анқара ҳокими Мелиҳ Гўкчекга кўра, бу ҳужум Россия ва Туркия ўртасидаги муносабатларга раҳна солишни кўзлаган.
АҚШ, Буюк Британия, Германия ва Франция ҳукуматларининг вакиллари ҳам айни қотилликни кескин қоралашган.
Россия Думасининг халқаро масалалар қўмитаси раҳбари Леонид Слуцкий икки мамлакат ўртасидаги муносабатларга сўнгги фожеа раҳна солмаслигини урғулаган.
«Анқара ва Москва ўртасидаги муносабатлар совумайди, буни бизнинг Анқара ва Ғарбдаги стратегик рақибларимиз қанчалар исташмасин, бундай бўлмайди», деб айтган у.
Туркия мулозимлари ҳужумчи 22 ёшли Мевлут Март Айдинташ эканини айтишган.
У Анқарада қўзғолонларни бостирувчи полиция кучларининг ходимидир.
Россия Ташқи ишлар вазирлигининг воизи элчининг ўлдирилишини «террорчи амал» дея қоралаган.
Мария Захаровага кўра, Туркия қотиллик юзасидан муфассал тергов ўтказиш ва ҳужумга алоқадорларни жазолашга ваъда берган.
Россия ва Туркия президентлари қотилликни қоралашди
Россия президенти Владимир Путинга кўра, Андрей Карловнинг ўлдирилиши икки давлат муносабатларига раҳна солиш учун қилинган иғводир.
«Жиноят содир қилинди, бу сўзсиз Россия ва Туркия муносабатларининг нормаллашувига, Суриядаги тинчлик жараёнига қаратилган иғводир. Россия, Туркия, Эрон ва бошқа мамлакатлар билан Суриядаги инқирозни бартараф қилиш йўлида ҳаракат қилмоқда», деб айтган Владимир Путин Ташқи ишлар вазири Сергей Лавров, Россия Хавфсизлик кенгаши раҳбари Сергей Наришкин ва ФСБ (Федерал Хавфсизлик Хизмати) раҳбари Александр Бортников билан учрашувда.
Путин шунингдек, Россия Федерациясидаги Туркия дипломатик ваколатхоналари қатори Россиянинг хориждаги дипломатик ваколатхоналарида ҳам хавфсизлик чораларини кучайтиришга буйруқ берган.
Туркия президенти Ражаб Тайиб Эрдўғон ҳам Россия элчисининг ўлдирилиши икки давлат ўртасидаги муносабатларга қарши иғво эканини урғулаган.
«Туркия ва Россия ҳодиса юзасидан қўшма тергов комиссиясини ташкил қилади», деб айтган Туркия президенти.
Би-би-си Ўзбек хизмати билан Whatsapp, Telegram ва Viber орқалибоғланишни истасангиз, телефонимиз:+44 78-58-86-00-02
ББС
Карлов ўлдирилган жойда ўзбек элчиси ҳам бўлган
Рус элчиси Андрей Карлов Цар пушка ва учта замбарак ўқи акс этган расм фонида отиб ташланди
19.12.2016
Анқарадаги замонавий санъат галереясида рус фотосуратчиларининг «Россия турклар нигоҳида» кўргазмасининг очилиш маросимида ваъз ўқиëтган Россиянинг Туркиядаги элчиси Андрей Карлов отиб ўлдирилди.
Баъзи манбаларга кўра, Мерт Олтинтош турк полицияси тезкор гурухи зобити бўлган
Воқеа жойида Ўзбекистоннинг Туркиядаги элчиси Улфат Қодиров ҳам бўлган. Қотил илк ўқни узган пайтда Қодиров биринчилардан бўлиб зални тарк қилган.
Кўргазма бўлаëтган залга «полицияданман» дея кирган замонавий костюм шимли киши аввалига осмонга ўқ узиб «даф бўлинг ҳаммангиз» дея бақирган. Кейин эса элчининг елкасига ўқ узган.
Қотил элчига қараб кетма-кет ўқ узаркан, «Ҳалабда ўлдирилган норасида гўдаклар учун қасос оламан. Оллоҳу Акбар» дея ҳайқирган.
Россиянинг Туркиядаги элчиси Андрей Карлов қотиллик содир этилган пайт Царь пушка ва учта замбарак ўқи акс этган расм фонида нутқ сўзлаётган эди.
Одамлар зални тарк этганидан кейин қотил элчига қараб яна ўқ узган.
Аснода қотил турк махсус кучлари тарафидан ўлдирилган.
Россия расмий манбалари рус элчиси Андрей Карловнинг ўлганини тасдиқлади.
Элтуз мухбирининг аниқлашича, рус элчисини ўлдирган 22 яшар йигитнинг исми Мерт Олтинтош бўлган. Баъзи манбаларга кўра, у ҳақиқатдан ҳам турк полицияси тезкор гурухи зобити бўлган.
Россиянинг Сурияда олиб бораëтган ҳарбий ҳаракатларига жавобан қуролли ҳужум уюштирилгани иддао қилинмоқда.

Eltuz.com

Ўхшаш мақолалар йўқ.

МАҚОЛАНИ ДЎСТЛАР БИЛАН БАҲАМЛАШИНГ

1 Comment

  1. Муносабат:
    20/12/2016 в 05:56-

    Аввал ишонмагандик, ўша ерда ўзбек элчисининг ҳам бўлганини. Кейин бу тасдиқланди. Қудрат Бобожон демак тўғри ёзган. Исмат Хушев ҳам бунинг тўғрилигини билиб, чоп этган. Раҳмат.

    Ответить

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.