Озодлик”даги ноозод, аламзада ва тарафкаш журналистлар ҳақида…

---

 Мен “Озодлик” радиосини кейинги пайтларда икки ёқлама ўйин ўйнаётгани, номигагина холислик қилиб яна эски одатларига қайтаётганини кўриб рости ёқамни ўшладим.

Сўз эркинлиги, фикр хилма-хиллиги яхши нарса бўлсада, қачонки унга холис ёндошилмаса бундай эркин минбарни кимга кераги бор? Одамлар аҳмоқ эмас, кимни ким эканлигини жуда яхши билади.

Кейинги пайтда чуқур ўйласам “Озодлик” ичидаги муҳит носоғлом гуруҳбозлик, таниш-билишчилик, маҳаллийчилик асосига қурилган экан.

Бу учун бутун масъулият ва жавобгарлик радио раҳбари Алишер Сиддиқни бўйнидадир. У радиога раҳбар бўлиб келганидан бўён адолатсизлик ва таниш билишчилик бу жойда кенг авж олди. Буни радиога маблағ ажратиб, уни молиялаштираётган АҚШ конгрессидаги раҳбарлар билиб қўйиши керак.

Баҳодир Чориев уларни танқид қилиб, Вашингтонда қатор пикетлар ўтказганидан кейин Озодлик қўрқиб қолиб, ноилож унга эфер берадиган бўлди. Бу лўттибозларни мана шундай қилиб танқид қилиш ва қўрқитиш керак, шекилли.

Энди аниқ фактларга ўтадиган бўлсам масалан Абдулла Искандар нуқул бир ёқлама фикр билдираётган, Ўзбекистон ичидаги ижобий ўзгаришларни кўришни мутлоқо истамаётган, мухолиф қарашдагиларга сўз беришни хохлайди.

Масалан, Ўзбекистонда президентлик сайловлари ўтган куннинг эртаси куни эферга берилган эшиттиришда Шуҳрат Бобожонов тўрт кишидан фикр олди. Фарҳод Иноғомбоев агар имкон берилса, Ўзбекистонга қайтишини айтди, холос.

Қолган уч киши сайловни ҳам, Президент этиб сайланган Мирзиёевни ҳам фақат ёмонлашди, ўзгаришлар бўлишига ишонмасликларини билдиришди.

Буларга қўшимча қилиб яна шуни ҳам айтишим керакки, Бобожоновларнинг радиодаги маҳаллийчилиги яққол сезилиб тўради, эферга таклиф қилган кишиларга диққат билан эътибор қилинса, албатта.

Бу мутлақо нотўғри сиёсат. Бу радионинг сиёсати эмас, шахсан Шуҳрат бу ерда олиб бораётган кўролмаслик ва аламзадалик сиёсати бу. Нега шу ерда Мирзиёевни ёқлайдиганларга ҳам тенгма тенг сўз берилмади? Масалан, мени ҳам ўшалар қаторида сўзга таклиф қилиб, эфер беришса бўлардику. Лекин чақиришмади. Чунки мен Хоразимдан эмасман, Қашқадарёданман.

Сарвар Усмон тажрибали журналист бўлсада негадир илимли, фикрлайдиган одамларни таклиф қилмай қўйди айниқса кейинги пайтда, у таклиф қилган драматург Санжарали Имомов ва Фарғоналик Абдусалом Эргашев “Озод назари” даги чиқишлар чойхонадаги гаплар даражасида бўлди, буни ўзи ҳам  тан олди.

Садриддинга келсак, билимли мулоҳазали журналист, лекин мустақил ҳаракат қилишга унга йўл бермайдилар назаримда.

Бу юқорида санаб ўтган журналистлар билимли, ақилли тажрибали бўлган билан Ватанпарвар, фидоий бўлмаса бундайларни юртга умуман кераги йўқ. Шуни яхши билайлик ақилли, билимли, тажрибали одам нияти тўғри бўлмаса катта зарар, бузғунчиликлар келтириши мумкин. Мен буни умумий маънода айтаяпман.

Яқинда “Дунё ўзбеклари”да “Хасан аравакаш” тахаллуси остида мақола ёзган биродаримизни танқидий, холис фикр ва қарашларини ўқиган эдим. Лекин бир оз вақт ўтиб ҳафсалам пир бўлди. Чунки танқидий мақола эълон қилинган кунининг эртасигаёқ “Озодлик” журналистларини ҳимоя қиладиган иккинчи мақола Тошкентлик Комилжон номидан эълон қилинди.

Исмат ака, нега бу ўйинчи журналистларни доимо ҳимоя қиласиз. Уларни ичи бошқа, сирти бошқа. Тўғри улар ҳам нимадир қилаяпти. Ўзбек жамиятини демократлаштиришга кумаклашаяпти, буни эвазига отни калласидек чет эл валютаси ойлиқ олишади. Сиз билан биздек кундузи ишлаб, кечалари ўйқуни чала қилиб, қатор мақолаларни кунгилли равишда фидоийлик эвазига текинга ёзишмайди.

Энди Озодликдан шахсан ўзимнинг нега хафа бўлганимга келсак.

Мен мамлакатимизга янги давр ва эркинлик шамоллари кириб келаётганини ўз вақтида пайқадим.

Юртимизга муносиб, халқ дардини ҳис қиладиган, узоқни кўра оладиган, замон билан ҳамнафас, иродали, тараққиёт асоси эркинлик эканлигига шубҳа қилмайдиган Шавкат Мирзиёевдек кучли шахсни сиёсий ҳокимят тепасига келаётганини шахсан мен биринчилардан бўлиб, сезиб, ҳис қилиб, сентябрь ойидаёқ Исмат Хушевнинг “Дунё ўзбеклари” нашрида “Мен Мирзиёевга овоз бераман!” деган ўз мақоламни юбордим ва у тезда сайтда эълон қилинди.

Шу пайтда баъзи одамлар ўстимдан кулишди.  Нега уни кўр-кўрона кўкларга кўтаряпсиз деб ҳайрон қолганлар ҳам бўлди. Ҳозир эса уни мақтайдиган қаҳрамонлар кўпайиб кетди, бу ҳам бир қонуний табиий ҳолатдир.

Умримда ўзимни мақтаган инсон эмасман, биронта раҳбарга бунчалик ишонганим йўқ. Мамлакатимиз иккинчи президенти ҳақида ёзган ҳар учала мақоламда биронта жойида асосиз мақтаган жойим йўқ.

Лекин “Озодлик”ка бир неча бор мурожаат қилсам ҳам, улар менга сўз беришмади. Улар нафақат менга, балки ўзбек мухолифатининг жуда кўп вакилларига ҳам сўз беришмайди.

Масалан, Исмоил Дадажон кейинги йилларда Озодликдан гапиролмай ўлиб кетди. Абдураҳим Пўлатов, Юсуф Жума, Насрулло Саидов ва бошқа яна кўплаб мухолифат намоёндаларига ҳам бу тарафкаш ва гуруҳбоз радио умуман сўз бермай келади. Тошпўлат Йўлдошевдек тажрибали инсонларга ҳам жуда кам сўз беришади.

Яхшиямки улар Исмат Хушевнинг “Дунё ўзбеклари” нашри орқали ўз сўзларини айтиш имконига эгалар.

Масалан, мана бугун Сирожиддин Ислом тошкентдаги сиёсий шарҳловчи Турсун Қоратоев билан Ўзбекистоннинг ташқи сиёсати борасида суҳбатлашди. Бир тийинга қиммат суҳбат бўлди. Қоратоевдай тажрибали сиёсатчи Сирожиддин Исломнинг оддий саволлари қаршисида шошиб, ўзини тамомила йўқотиб қўйди. Унинг асосий мақсади Ислом Каримовнинг қўшнилар билан бўлган ноинсоний ва кўролмаслик сиёсатини бошдан оёқ оқлаш бўлди, холос.

Бундай кераксиз мулоқотлар ўқувчиларга нима беради? Яна ўша аламзада ва кўнгли кир диктатор сиёсатини мақташдан “Озодлик”ка нима наф. Нега бундай тарафкаш маддоҳларга сўз берилганда уларнинг шармандасини чиқариш ўрнига, бемаъни фикр ва зарарли қарашларини элга тадбиқ этишимиз, қўшниларга нисбатан зулмкорлик ва истилочилик сиёсатини бутун дунёга тарғиб қилишимиз керак?

Нима бўлганда ҳам “Озодлик”ни аудиторияси кенг, ўз вақтида биз ҳам жамоатчиликка ўз фикр қарашларимизни билдиришни истаган эдек. Лекин кукрагимиздан итаришиб сизга минбар йўқ деб айтишди.

“Озодлик”нинг ноозод ва гуруҳбоз раҳбарлар қўлидаги банди журналистлари шуни яхши билишсин, озодлик ва демократия дегани фақат ўз хоразмлик землякларингни ёки Алишер Сиддиққа яқин одамларни эферга бериш дегани эмас.

Озодлик ва демократия дегани худди Исмат Хушевнинг “Дунё ўзбеклари”дек ҳаммага бир хил кўз билан қараш, ёқса, ёқмаса, ҳаммага бир хил минбар бериш ва ҳамманинг сўзини эшитиш дегани.

Отабек Тошев,

Норвегия, Осло.

“Дунё ўзбеклари” учун махсус

15 шарҳ

1. Mirrakhmat Muminov

   12/11/2016 at 3:46 PM  (Edit)

   Бу одам тилга олган мьахаллий журналистларни ишлари хакида бир неча ой олдин радиосухбатда айтган фикрларимдан кегин умуман мен хам кора руйхатга кирдим:))) Озодликни килаетган ишлари мени гинамдан кура каттарок булгани учун хам бу мавзуни кутармадим. Нима булса хам уша журналистлар битта хакикатни билишлари керак! Бу микрафон сизга отангиз еки кариндошиз томонидан мерос колмаган, хозир балким осмон терасидадирсиз, аммо ишдан кетган куниз сиз хам ерга тушасиз!

   REPLY
   • Professor Karshi F.Hasanov

     12/11/2016 at 4:48 PM  (Edit)

     Фикрингизга тўла қўшиламан, Мирраҳмат.

     REPLY
2. Ismat Khushev

   12/11/2016 at 3:39 PM  (Edit)

   Kamoliddin Yoldash Озодликни мана шу одамга бериш кк. Бир соатга.

   REPLY
3. Тахлилчи

   12/11/2016 at 3:09 PM  (Edit)

   Озодликдагиларни ичида куркув бор. Мирзияев давай келингла йул бердим деса нима булади. Кариялар боромайди. Боромосанг бушат жойни дейди. Чунки булани битасини жойига Тошканда 5та одамни ишга олади. Шунчун улар Мирзияевга атака килишмокда. Нима булса хам Озодликни булими Тошканда очилмасин учун жанж кивоттилар.

   REPLY
4. Sokin

   12/11/2016 at 8:02 AM  (Edit)

   Шуҳрат Бобожон “Ноозодлик” радиоси журналистларига саводсизлик бўйича рейтингда 1 ўринда, Сирожиддин 2 ўринда, қолганлари улардан кейин туради. Шуҳратнинг фейсбукдаги ўзбек миллатини ерга уриб қоралаб ёзгани гаплари унинг нақадар паст кетганини кўрсатади. Исмат Хушев ўзини ўша радиода, яъни “Ноозодлик”да чиқиб туришини ўйлаб, бу саводсизларни қанча мақтамасин, бу унга обрў келтирмайди, балки улар билан бир даражада эканини кўрсатади холос.

   REPLY
5. Дубай

   12/11/2016 at 6:04 AM  (Edit)

   Ким нима деса десин, “Озодлик” радиоси Бирлашган Араб республикасидаги биз энг севиб тинглайдиган радио.

   REPLY
6. Axmad hoji Xorazmiy

   12/11/2016 at 1:35 AM  (Edit)

   Мен Отабек Тошевнинг мақолалари ва комментларини ўқиб бораман. Асосан асосли ва жўяли ёзади. Манашу мақоласидаги С.Ислом ва Т.Қоратаев суҳбати ҳақидаги фикрлари ҳам асосли.

   Лекин “Озодлик” ва унинг ходимлари ҳақидаги фикрларини холис деб бўлмайди.

   Шухрат Бобожонни Мирзиёев ҳақида ижобий фикр билдирадиганларга сўз бермаётганлигида айблаган. Бу нафақат нотўғри, ҳатто Ш.Бобожонга нисбатан туҳмат ҳам.

   Сабаб шуки, кейинги икки ойда мен “Озодлик” радиосида 3 марта чиқдим ва учаласида ҳам Мирзиёев тўғрисида фақат ижобий гапларни айтдим. Мен айтган биронта ҳам гап қисқартирилмасдан эфирга берилди.

   Таклифим шуки, бировни танқид қилишда, айниқса айблашда эҳтиросларга берилмаслик керак.

   REPLY
7. xorazimlik

   12/10/2016 at 11:06 PM  (Edit)

   Hamma xorazimliklar bulardek mahalliychi emasdir. Bu qanaqa radyo odam ajratsa? Bularda insof-diynat qolmagan,aslida baliq boshidan sasiganga uxshaydi.

   REPLY
8. Axmad Mardonov

   12/10/2016 at 11:01 PM  (Edit)

   БИЗ ОТАБЕКДАН БУНДАЙ ДАДИЛ МАРДАНОВАР МАҚОЛАНИ КУТМАГАН ЭДИК, БИЗНИ ЎЙЛАБ ЮРГАНЛАРИМИЗНИ ЁЗИБДИ. ОТАНГИЗГА МИНГ РАҲМАТ!!!

   REPLY
9. Исмат Хушевга

   12/10/2016 at 10:49 PM  (Edit)

   Тушунмадим, Исмат Хушев доим “Озодлик”ни кўкларга кўтариб мақтаб келади. Сирожиддин Исломнинг ББСдан Озодликка ўтгани ҳақида уни кўкларга кўтариб мақола ёзди. Кейин бу эстафетани устози Шароф Убайдуллаевга берди. У киши аввал Сирожиддинни, кейин Шуҳрат Бобожонни осмонларга олиб чиқдилар мақтаб. Бугун энди яна уларни ерга уриш бошланди. Ахир камчилик қаерда бўлмайди. Озодликнинг қилаётган улкан ва кенг кўламли ишларини ҳаммамиз билиб, тан олиб, кўриб турибмиз-ку. Шахсан мен бу ерда нохолислик бор деб ўйладим. “Озодлик” ҳамманинг ҳам кўнглини ололмаслиги мумкин. Лекин улар шу кунларда олиб бораётган ишни кўрмаслик асло мумкин эмас. Адолатли ва холис бўлайлик, жаноб муҳаррир.

   REPLY
10. Toshkentdan

    12/10/2016 at 10:48 PM  (Edit)

    ——————————————————————————–

    Бундай мақолани ёзилиши “Озодлик”ни ҳаёлига ҳам келмаган бўлса керак. Улар ўйлашади “ўзимиз хон куланкамиз майдон” деб. Ибратли қилаётган ишларидан, зарарлари ҳақиқатдан ҳам кўп. Чунки бу ерда ишлаётган журналистлар ишсиз қолишидан қурқиб қорин ғамини олдинга қўйади. Шу туфайли фидойликни кутиш улардан ёзда қор сўраш билан баробар. Шундай бўлсада ҳеч булмаганда ҳар икки томонга бир хил имкон берса бўларди шунга ҳам фаросати етмади Алишер ва бошқаларни.

    Ушбу мақолани ёзиб жуда тўғри қилибсиз Отабек! Биз қандай демократия қурушни ўзимиз биламиз. Ҳеч ҳам ихтиёжимиз йўқ, чеккадан ақил ўргатишларига. Америка ёки Европаси энди бизга ақил ўргатиб қолибтида. Кўрдик кейинги ўн беш йил ичида юқоридаги давлатлар кирган юртлар қонга буланяпти. Бундай ҳаракатлар демократияни сунъий тиқиштириш сабаблидир.

    Исмат ака холислигингизга гап йўқ! Ўз вақтида чиққан долзарб мақоладир. “Озодлик” ҳам меҳнат қилади буни тан оламиз. Лекин ҳақиқатдан ҳам журналистик холислик буларда етишмайди.

    Муаллиф битганларига тан бердим, маҳорат билан анча мувазанатли керакли жойигача олиб борилибди. Танқиддан хулоса қилиб олишса керак.

     

    REPLY
11. Ёзувчилар уюшмасидан

    12/10/2016 at 7:22 PM  (Edit)

    Муҳаммадёқуб Ҳамроев “Дунё ўзбеклари” орқали Лангарни, уни хароб қилган юқори мансабли мулозимларни доим гапириб келади. Номма ном, далил исбот билан. Лекин уни бирор марта ҳам “Озодлик” суҳбатга тортмади. Гапларини текшириб, халқ муҳокамасига чиқармади. “Дунё ўзбеклари”нинг “Озодлик” радиосидаги тарафкашлик, маҳаллийчилик ва ва ожизлик каби иллатларни жамоатчилик муҳокамасига олиб чиққанини табриклаш керак. Лекин, айни пайтда – “Озодлик” радиосининг Ўзбекистондаги адолатсизликларни очиш ва бартараф этиш борасидаги сайъ ҳаракатларини қадрлаган ва эътироф этган ҳолда, албатта…

    REPLY
    • Мамаёқуб Ҳамроев

      12/10/2016 at 11:59 PM  (Edit)

      Отабек Тошевнинг мақоласи айни пайтида ёзилган муҳим ва долзарб мақола бўлибди.

      Айниқса бу мақолани ўқиб, “Ёзувчилар уюшмаси” тахаллуси остида фикр билдирган биродаримиз ҳам ҳақ гапларни айтибдилар. Ўқиб, бошимга осмонга етди, ҳақиқатни ҳам тан олувчи ижодкорлар бор экан Ўзбекистонда деб.

      Тангрим рози бўлсин бундай адолатпарвар ва диёнатли инсонлардан.
      Тўғри мен Озодлик радиосига 2013 йиллардаёқ мурожаат қилган эдим.
      Бир маротаба билмасдан сўз бериб қолишди ва дархол узиб қўйишди.
      Чунки Лангарнинг талон тарож қилинишида Турдимов Эркин Оқбўтаевичнинг хеч қандай алоқаси йўқ,бутун босқинчиликлар устида Қуролов ва унинг Тошкентдаги устунлари турибди деганим бўлди,тамом!
      Алишер Сиддиқга барча расмлар ва видеоматериалларни тақдим қилдим.Бўлиб ўтган воқеаларнинг ипидан игнасигача,хаттоки соат ва минутигача ёзиб бердим.
      Бир неча маротаба мурожаатларимдан кейин эса биз ушбу материалларни нашр қила олмаймиз,сизга ҳам эфирдан вақт ажрата олмаймиз,чунки фактлар етарлик эмас деган жавоб олдим.
      Кейин Алишернинг ўзига узун қилиб битта хат ёздим тамом.
      Хатимда унинг тилини нима билан қисишганлигини,қанчага сотилганлигини,аниқ фактлар бўла туриб,менинг кимлигим ва қаерлик эканлигим,ишлаган идорамгача аниқ бўла туриб нима сабабдан мени тинглай олмасликлари ва эфирга узатиша олишмасликлари ва яна ўнлаб ҳаққоний саволлар бор эди.
      Энди Алишернинг ўзи билади қайси йўл билан уни жим қила олишганликларини.
      Менинг фикрим бўйича эса,мана шу орадан ўтган йиллар ичида Лангарнинг бир неча миллион долларлик мол мулки ваҳшийларча талон тарож қилинди.
      Ўша бойликлар эвазига Қуролов бугунги кунгача нафақат ОЗОДЛИК радиосини,балким бир неча ГЕНЕРАЛЛАРНИ ҳам унини ўчирган,тилдан қолдирган.Майдароқ офицерларни ўзи ҳоҳлаганидай уришиб сўка олади.
      Бу фактга сизларнинг ўзларингиз мана неча йилдан буён шоҳидсизлар.
      Уч ҳафта бурун ОРГАН ходими НЕЪМАТ дегани менинг қўлимдан келмади ёрдам қилиш,Қуроловдан бориб кечирим сўраш керак,ЭГИЛГАН БОШНИ ҚИЛИЧ КЕСМАЙДИ,АГАР КЕЧИРСА ОТАНГ БЕМАЛОЛ УЙГА ҚАЙТАДИ ДЕБДИ.
      АНА КЎРДИНГИЗМИ,МЕН ҚУРОЛОВДАН КЕЧИРИМ СЎРАШИМ КЕРАК ЭМИШ!
      МЕНГА БУНДАН 14ЙИЛ ОЛДИН БОЛА ЧАҚАНГ БИЛАН ЙЎҚ ҚИЛИБ ЮБОРАМАН ДЕГАН КИМСАДАН КЕЧИРИМ СЎРАШ.
      МХХ,МВД,ПРОКУРАТУРА,СУД ВА ЯНА АЙРИМ КАЗОЛАР ҚУРОЛОВГА БЎЙСИНИШИ,УНИНГ АЙТГАНИ БИЛАН ИШЛАШИ МУМКИН.
      АММО МЕН УЧУН,ЭНГ БИРИНЧИ ЎРИНДА ВАТАНИМ ВА ОР НОМУСИМ ТУРАДИ.
      ОЗОДЛИК РАДИОСИ МАСАЛАСИДА;АГАРДА ЮРТИМИЗГА ДУНЁ ЎЗБЕКЛАРИ КЎЧИБ БОРСА ВА ЯНА ЎЗ МАТБУОТИМИЗ ВИЖДОНАН ИШЛАБ БОШЛАСА БИЗГА ОЗОДЛИК РАДИОСИ МУТЛОҚ КЕРАК БЎЛМАЙ ҚОЛАДИ.
      ОТАБЕК ЖУДА ДОЛЗАРБ МАСАЛАНИ КЎТАРИБДИ.МАНА ЁЗСА БЎЛАР ЭКАНКУ!
      ХОРАЗМ ВА ДИНИЙ ЭКСТРЕМИЗМ РАДИОСИ БЎЛИБ БЎЛДИ.
      САРВАР УСМОН БИЛАН САДРИДДИН АШУР ОБРЎСИНИ САҚЛАБ ТУРИБДИ.
      ШАРОФ УБАЙДУЛЛАЕВ ВА ИСМАТ ХУШЕВНИНГ ЧИҚИШИНИ ЭШИТСА БЎЛАДИ.
      ХОЛИСЛИКНИ ВА ҲАҚҚОНИЙ ЖУРНАЛИСТИКАНИ ЎРГАНИШСА ЎЗЛАРИГА ЯХШИ.
      АЛИШЕР СИДДИҚ ИШЛАБ ТУРСА РАДИО ЁПИЛАДИ.
      МАСЛАНИНГ ЭНГ АСОСИЙСИ АҚШ БИЗГА ЧИН ДЎСТ ЭМАС.БИЗДА ҒАВҒО БЎЛИБ ТУРСА УЛАРДА БАЙРАМ.
      ДУНЁ ЎЗБЕКЛАРИ ТУФАЙЛИ БУТУН ДУНЁ ЛАНГАРНИНГ БОСҚИНЧИЛАРИНИ ТАНИДИ.
      ИСМАТ АКА ВИЖДОНИНИ СОТА ОЛМАЙДИ,ҲАР КИМГА ҲАМ ЧЕСТЬ ИМЕЮ ДЕБ АЙТИШ НАСИБ ҚИЛАВЕРМАЙДИ.
      ИСМАТ АКА ТОШКЕНТДА ДУНЁ ЎЗБЕКЛАРИНИ ОЧИБ ИШНИ БОШЛАСЛАР,БИР ОЙ НАРИ БЕРИСИ ОЗОДЛИК ЎЗ МАВҚЕИНИ ЙЎҚОТАДИ!!!

      REPLY
12. Temurbek

    12/10/2016 at 4:46 PM  (Edit)

    Отабек Тошев энди ўзизга келдингиз. Яхши ёзибсиз, лекин диний масалаларни яна четлаб ўтибсиз. Турсун Қоратоев нима учун Тожикистон билан виза тизими қўйилганлигини тушунтираётган эди. Бунинг сабаби Жума Намангоний ва Тоҳир Йўлдош каби диндорларнинг Тожикистонда гражданлик уруши олиб бораётганлигини сабаб келтирди. Лекин Сирожиддин Ислом унинг гапини бўлиб бу ҳақда гапирмасликка мажбур қилди. Сирожиддин Ислом аслида диний экстремизм ва терроризм ҳимоячиси. Абдулла Искандар ҳам диндорларни суҳбатга чорлаб диндорларни ҳимоя қилади. Керак бўлса Қуръондан суралар келтиради. Эстремизмга мойиллиги сезилиб туради.

    REPLY
    • Akmal

      12/11/2016 at 5:05 AM  (Edit)

      Temurbek, Islomga qiziqib, Qur’on va hadislardan iqtibos keltirish ekstremizm emas, hammamiz musulmonmiz har holda. Shuhrat Bobojon esa dunyoviy qarashdagi inson, otaturkchi, sekulyarizm tarafdori. Buni uning Facebook’dagi sahifasini o’qib ko’rib anglashingiz mumkin.

МАҚОЛАНИ ДЎСТЛАР БИЛАН БАҲАМЛАШИНГ