Исмат Хушев: МХХ раиси Рустам Иноятовнинг ҳам қуёши ботган кўринади…
1.
«Озодлик» радиосининг саволларига жавоб берарканман, Ўзбекистонда инқилобий ўзгаришлар бошланганини эътироф этган эдим.
Ва бу инқилобий ўзгаришларни, не ажабки, ўзбек мухолифати эмас, балки Шавкат Мирзиёев амалга ошира бошлаганини қувонч ва ҳаяжон билан тилга олган эдим.
2.
Бугун бизга етиб келган энг сўнгги хабарга кўра, МХХ нинг салкам чорак асрлик раҳбари, генерал полковник Рустам Иноятов ҳам, ниҳоят, истеъфога кетади деган гаплар пайдо бўлди.
Мен бу гап сўзлар ҳали ўз исботини топмай туриб, нега бирданига халққа билдиришга журъат этдим?
Сабаби шуки, бу идора Мирзиёевдан берухсат, унинг аралашувисиз Самандар Қўқоновга яна қўшимча «срок» қўшиб бергани янги раҳбарни ғазаблантирган бўлса керак деб ўйлаган эдим.
«Озодлик» ва «ББС», қолаверса, «Дунё ўзбеклари» жар солиб, бутун дунёга бу адолатсизликни ёйганидан сўнг, Мирзиёев тезда Қўқоновни озодликка чиқарган эди.
Мен ўшандаёқ Иноятовнинг тагига сув кетса керак деб ўйлаган эдим.
Чунки, Ўзбекистон Олий раҳбариятига яқин бўлган мулозим сифатида мен сиёсий маҳбусларга бундай бемаъни «срок» қўшиб беришлар фақат ва фақат МХХ (СНБ) рухсати билангина амалга ошишини яхши билардим…
3.
Хуллас, Ўзбекистонда ростдан ҳам инқилобий ўзгаришлар содир бўлаяпти.
Иноятовнинг ўрнига ким келса ҳам, у энди Ўзбекистоннинг янги Президентига ва бугунги янги дунёга юз очиши, ўз касбий фаолиятида одамгарчилик ва инсонийлик туйғуларини ўзининг асосий ва энг муҳим хислат ва фазилати деб билиши керак.
Соғлом ва конструктив мухолифат учун Ватан дарвозаларини ёпиш каби ноинсоний ва шармандали сиёсатдан тамомила воз кечиши лозим. Инсонни ўз туғилиб ўсган Ватанидан жудо қилишга, унга мамлакат дарвозаларини абадий ёпиб қўйишга ҳеч кимга рухсат берилмаган!
Буни бугунги Ўзбекистоннинг янги раҳбарлари ҳам, МХХ нинг бўлажак амалдорлари ҳам яхши ва мукаммал билиб қўйишлари керак!
Бугунги шонли ва суронли давр, тараққий этган ва ривожланган давлат ва мамлакатларнинг замонавий ва дунёвий сиёсати ҳар бир давлат раҳбаридан энг аввало шуни талаб қилади…
4.
Рустам Иноятов билан бирга Ички Ишлар вазири, Адҳамбек Аҳмадбоев ва Инвестиция, савдо, ташқи иқтисодий алоқалар вазири, МХХ генерали, Исмат Хушевнинг Каримовдан кейинги устози — Элёр Ғаниевларнинг ҳам сиёсий қуёшлари сўнган кўринади.
Буларнинг ҳаммаси келаётган кейинги ҳафтада маълум бўлади.
Русларда: «Доживём до понедельника!» деган бир гап бор…
Биз бунга яна қўшимча қилиб, «Поживём, увидим» деб мақолага нуқта қўйсак, не ажаб…
5.
Ҳа, ростдан ҳам Ўзбекистонда инқилобий ўзгаришлар давом этаяпти.
Мақолага якун ясашдан олдин яна шуни айтмоқчимизки, бу дунёда ҳар бир янги раҳбар ҳокимиятга келганидан сўнг, ўз ишонган командаси билан ишлаши керак.
Етмиш ёшдан аллақачон ошган, Ислом Каримовнинг чорак асрлик ёлғонлар устига қурилган салтанатини яратганлар, хусусан, МХХ (СНБ) раиси энди бу янги командада бўлмаслиги лозим.
Нашримизни кузатиб боринг…
Ismat aka sizda otni boshidek yrak bor ekan. Qoyi qolish kerak. Bu yzganlaringizni Uzbekistonda hamon ko’p kishi qurqib o’qiydi. Sizni odamlarni kozini ochishda xizmatingiz biqys. Ijodlaringizga omad yr bo’lsin.
Menimcha Mirziyoev kimgadir yana «srok» qo’shib berganiga emas, balki boshqa qudratliroq masalalar uchun olgan bo’lsa ham ishdan ularni. Meni oldin o’ylaganimday presidentlikka to’laqonli kelmasdan turib katta lavozimdagi viloyat hokimlari va vazirlarni boshatmadi. Ular agar lavozimidan ozod etilgan bo’lsa (bugun bo’lmasa ertaga, hech kimga lavozim aslida uzog’i bilan 10 yildan ortiq berilmasligi kerak, shunda rivojlanish, ochiqlik bo’ladi)asosiy sababi butun dunyoga sentyabr oyidan boshlab tarqalgan asossiz xabarlar, ya’ni O’zbekistonni Mirziyoev emas aslida Inoyatov boshqaryapti va uni yordamzisiz hokimiyatga kela olmas edi degan qabilida. Albatta kelishmasdan ishlab bo’lmaydi, lekin bu degani Mirziyoev q’og’irchoq degani emas edi. Ayniqsa Rossiya matbuotida, qolaversa chet el matbuotlarida ham asossiz xabarlar juda ko’p bu mavzuda. Mirziyoev bu bilan 2 quyonni birdaniga uradi, birinchidan bunaqa be’mani mish-mishlarga chek qo’yiladi va tizimni isloh qilishni imkoniyati ko’payadi.
Ҳурматли Исмат ака!
Ўзингизнинг хабарингиз бор мен бир неча йиллаб айнан мана шу идора ва шахсан унинг раиси Рустам Иноятовдан жуда катта умид қилиб яшадим.
Ушбу идора ўз номи билан МХХ-МИЛЛИЙ ХАВФСИЗЛИК ХИЗМАТИ.
Аммо лекин бирон бир маротаба бўлсин, юзлаб ёзилган аризаларим инобатсиз, эътиборсиз қолдирилди.
Майли бу ҳам етмаганидек мени қора руйхатларига киритиб қўйишгани ҳақидаги ҳабарни эшитдим.
Ўзингизга маълум, мен хеч қачон ўзим учун бирон нарса сўраган эмасман, ҳаттоки ўша ўғирлашагн миллионлаб доллар бойликларни ҳам талаб қилмадим. Вайрон бўлган, талон тарож қилиниб яксон қилинган юртимнинг озгина ҳавоси, суви ва тирик қолган ҳалқини берингиз мен қайта тиклайин, боғу бўстон қилайин, ҳалқимизни иш билан таъминлайин деб минглар маротаба ёздим.
РУСТАМ ИНОЯТОВГА БУНДАН БИР ЙИЛ МУҚАДДАМ ЭНГ ОХИРГИ МУРОЖААТИМНИ ЁЗГАНИМДАН КЕЙИН ҲАМ ЖАВОБ БЎЛМАГАЧ;
ЛАНГАРДАГИ ТАЛОН ТАРОЖЛИКЛАРГА 100% КАРИМОВ,
РУСТАМ ИНОЯТОВ ХАМ 100 ФОИЗ,
АДХАМБЕК АХМАДБОЕВ 50 ФОИЗ АЙБДОР ДЕБ ХИСОБЛАБ ТУРАМИЗ ДЕБ ЁЗГАН ЭДИМ. БУЛАР ТАРИХНИНГ ЗАРВАРАҚЛАРИДА ТУРИБДИ.
ҲАТТОКИ АЧЧИҚ ШЕЪРЛАР ҲАМ ЁЗДИМ;
АТОРОФ ЖИМ-ЖИТ ЎЛИК СУКУНАТ,
НЕЧА КУНКИ ТЎЛИҚ СУКУНАТ!
ТИРИКЛАР КУТГАНИ МАЙЛИ БИР САРИ,
ЎЛИКЛАР КУТМОҚДА ТИК ТУРИБ БАРИ!
ГЕНЕРАЛЛИК ШАЪНИ ҚОЛГАНМИ СИЗЛАРДА ДЕБ.
НЕ АЖАБКИ МЕН ШУНЧА ЙИЛЛАРДАН БУЁН ЎҒРИЛАР ВА ВАТАН ХОИНЛАРИ,ҲАЛҚИМИЗ ВА ДАВЛАТИМИЗ ДУШМАНЛАРИ БИЛАН БИР САФДА ТУРГАН АЙРИМ ПОГОНЛИЛАР БИЛАН ҲАМ ТЕНГСИЗ ЖАНГ ОЛИБ БОРМОҚДАМАН.
БУЛАР КИМ, КИМ ДЕБ АТАШИМИЗ МУМКИН!
ЎЗБЕКИСТОН ДАВЛАТИНИНГ КУЧ ИШЛАТАР ТИЗИМЛАРИНИНГ ОЛИЙ ФОРМАЛАРИНИ КИЙИБ ОЛИШГАН.
ЭНГ ЮҚОРИДАН ТОКИ ПАСТГАЧА ЎЗ ОДАМЛАРИ ҲАЛҚИМИЗ ШЎРИНИ ҚАЙНАТИШ БИЛАН ОВВОРАЛАР.
АГАР МИРЗИЁЕВ АНА ШУ ХАЙРЛИК ИШНИ АМАЛГА ОШИРСАЛАР БУ САФАР БАЛИҚ БОШИДАН ТОЗАЛАНГАНИ БЎЛАДИ.
АЙНИҚСА ИККИ ҚОП ДЕВЗИРА ГУРУЧГА СОТИЛИШГАНЛАРИНИ ЎҚИБ КЎЗЛАРИМГА ЁШ КЕЛДИ.
НАХОТКИ ИНСОН ЎЗ НАФСИ УЧУН ШУ ДАРАЖАДА ПАСТ КЕТА ОЛСА, АГАРДА ЎША ГУРУЧГА САБЗИ ,ПИЁЗ, ГЎШТ ҲАМ ҚЎШИБ БЕРИШСА КЕЙИН КЎРИНГ ТОМОШОНИ.
БУ ОШНИ ЕГАНЛАР БЎКИРИБ, ПИШҚИРИБ ҚАНЧА ОДАМНИНГ БОШИГА ЕТАДИ.
АММО НИМА БЎЛГАНИ ТАҚДИРДА ҲАМ МХХ ВА МВД ИДОРАСИНИНГ ХОДИМЛАРИ ОРАСИДА ИНСОФЛИК ВА ВИЖДОНЛИК, ЎЗ ОР НОМУСИНИ ПУЛГА СОТМАЙДИГАН МИНГЛАБ ИНСОНЛАР БОР.
ЎШАЛАР БИЗДАНДА КЎРА КЎПРОҚ КУТИБ ТУРИШИБДИ ХОИНЛАРНИНГ КЕТИШЛАРИНИ, ЎЗ САФЛАРИНИНГ ТОЗА БЎЛИШИНИ.
МИЛЛИОНЛАБ ЮРТДОШЛАРИМИЗ, МИЛЛАТДОШЛАРИМИЗ ДУНЁ БЎЙЛАБ ОВВОРАЮ САРСОНЛАР, ВАТНГА БОРИШГА ОЛОВДАН ҚЎРҚГАНДЕК ҚЎРҚИШАДИ.
ИНСОН ВАТАНГА ТАЛПИНИБ ЯШАЙДИ.
МЕН 2002 ЙИЛДАН 2007 ЙИЛНИНГ ОХИРИГАЧА ХУДДИ ПАРТИЗАНЛАРДЕК ЯШАШГА МАЖБУР БЎЛДИМ. МИЛИЦИЯ,ПРОКУРАТУРА ВА СУД ИДОРАСИНИНГ АЙРИМ КАЗОЛАРИ ВА АЙҒОҚЧИЛАРИ ТУНУ КУН ҚУВҒИНГА ОЛИБ ТУРИШДИ.
ХУДДИ ФАШИСТЛАР БОСИБ ОЛИШГАНДЕК ЭДИ.
БУГУНГИ КУНДА ЎША ТАЪҚИБ ТУГАГАНИ ЭМАС. УЛАРНИНГ КАЗОЛАРИ ЭНДИ КЕТСА, МАЙДАЛАРИ ЎЗИ СОТАДИ УЛАРНИ.
ВАТАННИ БОЙЛИКГА АЛИШТИРГАНЛАР ХАЛИ ХАМ ОРАМИЗДА, ЮРТНИНГ РОВОЖЛАНИШИ УЧУН, ҲАЛҚИМИЗНИНГ БАХТИ УЧУН СОТҚИНЛАРДАН ВОЗ КЕЧМОҚ КЕРАК.
ЯХШИ ХАБАРЛАРНИ КУТИБ ҚОЛАМИЗ!!!!
Сизни ҳамиша СНБ нинг агенти деб келишади. Чунки истаган пайтда бемалол Ўзбекистонга бориб келгансиз. Нью Йорк ва Вашингтондаги консул ва элчилар ҳам Торонтога бориб Сиз билан учрашиб қайтишарди. Бу ҳақда ўзингиз эълон қилган суратлар сайтингизда ҳозир ҳам турибди. Мана бугун бу мақолани эълон қилганингиздан кейин, агар эртага бу гап сўзлар исботини топмаса, Сиз яна ўзбек халқини атайлаб чалғитган СНБ нинг ҳақиқий агенти бўлиб тарихда қолаверасиз…
«Дунё ўзбеклари»дан:
Агар исботини топса, унда нима бўлади? Мени «Агент»ликдан чиқарасизми? Мен буни истамасдим…
Агар Мирзиёев Сиз айтгандай Иноятовни ишдан олиб, МХХ ни қайта мясоробкадан ўтказиб, фаолиятини ўз синчков назоратига олса, бу идорага ўзининг садоқатли одамини тайинласа, ўйлайманки, МХХ халққа юз буради ва ўзининг ҳақиқий касбий фаолияти билан ниҳоят шуғуллана бошлайди. Нима бўлганда ҳам ҳали ўз тасдиғини топмаган, лекин биз учун ўта муҳим ва долзарб бўлган бу воеани оммалаштирганингиз учун ҳам Сизни ҳурмат қиламиз ва яхши кўрамиз…
Раҳмат!
«Дунё ўзбеклари»дан:
Шошиб мақолани эълон қилганимиз боис баъзи хатоларга йўл қўйганимизни ўз вақтида билдирганингиз учун Сизга ўз миннатдорчилигимизни билдирамиз…
Журналистикада энг муҳими — одамларни воқеа ва ҳодисалардан ўз вақтида хабардор қилиш лозим. Бу гап сўзларнинг қай бири исбот топади, қай бири топмайди, бу энди бошқа масала. Шу маънода Исмат Хушев олис Канадада яшаса ҳам, Ўзбекистон Олий раҳбариятидаги янгиликлардан биздан олдин огоҳ бўлишига мен илгари ҳам бир неча маротаба гувоҳ бўлганман. Шунинг учун ҳам мен, масалан ҳозир И.Хушевни ўқиб, Дубайдан Тошкентга — қизимга, Москвага — куёвимга, Гарвард университетида ўқиётган ўғлимга ва самарқанддаги рафиқамга телефон қилиб, Ўзбекистондаги бўлажак ўзгаришларни айтиб бердим. Энг қувончлиси шундаки, олдин улар «Дунё ўзбеклари»ни улар ўқий олишмасди. Энди эса юртимизда ҳам бу ажойиб сайт бемалол очиладиган бўлибди…