Шавкат Мирзиёевга уйи тортиб олинган ҳарбий олим мурожаати…
Ўзбекистон Республикаси Президенти
вазифасини вақтинча бажарувчи,
Бош вазир Ш. М. Мирзиёев,
Ўзбекистон Инсон ҳуқуқлари Мустақил ташкилоти раиси И.Адилов, “Дунёўзбеклари” интернет нашри Бош муҳаррири Исмат хушев ва барча ОАВга
Тошкент шаҳар, Мирзо Улуғбек тумани Б.И.Й.
кўчаси 2 -уй 13- хонадонда ижарада яшовчи
Қурбонов Исроилжон Исакович томонидан
Т А К Р О Р И Й М У Р О Ж А А Т
PM GOV га портали шикоятларни тақсимлаш бўлими бошлиғига: – Менинг мурожаатимга Олий суднинг юзаки жавобидан норозимман. Сиздан илтимос мурожаатимни коррупцияга тегишли бўлмаган, виждонан ва мантиқан фикрлай оладиган коррупцияга қарши кураша оладиган идорага, агар бундай идора
йўқ бўлса Ш.М.Мирзиёвнинг шахсан ўзларига беринг.
Ҳурматли PM.GOV портали фидойилари! Минглаб жабрланган фуқароларнинг аризаларни ўрганиб, уларни тегишли вазирлик ва идораларга тақсимлаш жуда мушкул жараён. Лекин, мазлум инсонларга ёрдам бериб хайрли иш қилаётганлигингиз Сизларга таскин ва қувват беради деб ўйлайман. Бошлаган эъзгу ишларингизда Сизларга Яратганнинг Ўзи куч ва сабр берсин!
Такрорий мурожатим этишдан мурод шулки, биринчи мурожаатим Олий Суд ва Прокуратура идоралари, Мудофаа вазирлиги ўртасидаги коррупция тўғрисида эди. Сизлар эса менинг аризамни мен ва оиламга нисбатан содир этилган жиноятни хасўшлаб, ишнинг ҳақийқий ҳолатини яшириб уларга шериклик қилган маҳкамалардан бири бўлган Олий судга юборибсиз.
Мурожаатимиз ижобий ҳал этилмайди, чунки Олий суд раиси Мудофаа вазирининг яқин одами. Олий суд раиси қабулида бўлганимда, у ошкора: – Президент қарори бажарилиши шартмас., деган ва тақдим этилган ҳужжатларни (туман ва шаҳар суди қарор ва ажримлар) ўрганиб чиқмасдан туриб Мудофаа вазирлиги берган сохта маълумот асосида жавоб хати ёзган.
Ушбу жавобларда Мудофаа вазирлигида 5 йил 3 ой (аслида, собиқ Иттифоқ даврдаги ҳарбий хизматни ҳисобга олинган ҳолда 5 йил 8 ой), Фавқулодда вазиятлар вазирлигида 4 йил 6 ой ҳарбий хизмат қилган қилган ҳарбий олимнинг таркибида икки нафар ногирон бўлган оиласини парчалаб кўчага ҳайдаб, у оиласи билан 2002 йилдан буён яшаб келган хонадон қандай қонуний асосга биноан Мудофаа вазирлигига мутлақа алоқаси йўқ Ҳарбий прокуратуранинг Гулчеҳра Турсунова деган бева ходимасига берилди деган саволга жавоб йўқ!
Муҳтарам Шавкат Миромонович!
Сиздан муваққат Президент ва Бош вазир сифатида Мудофаа вазири Қ.Бердиевдан, антиконституцион қарор ҳал қилув қарорини қўллаётган Олий суд раиси Ш.Ғозиевлардан ана шу саволга жавоб талаб қилишингизни сўрайман!
Исроилжон Қурбонов
30.11.2016 йил.
тел. 268-00-69, (+99893) 392-65-90
Илова: 12.11.2016 йилдаги мурожаат нусхаси. 3 –бет.
Ўзбекистон Республикаси Президенти
|
Н А З О Р А Т Т А Р Т И Б И Д А О Ч И Қ
М У Р О Ж А А Т
ФИБ Мирзо Улуғбек туманлараро судининг 04.03.2015 йилдаги ҳал қилув қарорини ўзгаришсиз қолдирган ФИБ Тошкент шаҳар аппеляция судлов ҳайъатининг 12.05.2015 йилдаги № 3-529/15 – сонли адолатсиз ажримини бекор қилиш тўғрисида
Ўзбекистон Республикаси Конституциясининг 13, 16, 24, 63 – моддалари
тартибида.
1983 йили Тошкент Давлат университетини тугатиб йўлланма бўйича Ўзбекистон Фанлар Академияси Ядро физикаси институтида 1998 йилгача ишлаш жараёнида фан номзодлик диссертациямни ҳимоя қилдим. Уйланганман, бир ўғил ва икки қиз фарзандим бор.
Ўз хоҳишим билан 1998-2008 йилларда Қуролли Кучлар таркибидаги Мудофаа ва Фавқулодда вазиятлар вазирликлари тизимларида ҳарбий хизматни ўтаб ёши чегараланганлиги муносабати билан (собиқ Иттифоқ даврдаги ҳарбий хизмат ҳисобга олинмаган ҳолда) заҳирага бўшатилдим ва ТМЭК томонидан менга 2-гуруҳ ногиронлиги белгиланди.
Мудофаа вазирлиги тизимидаги хизматим даврида 2002 йили Мирзо Улуғбек тумани Буюк ипак йўли кўчасидаги 137 “б” – уйнинг икки хонали 46 – хизмат хонадонини беришганида Улуғбек қўрғончасидаги бир хонали квартирамни сотиб пулини шу хизмат хонадонини таъмирлаб, яшайдиган холатга келтириш учун ишлатдим.
2014 йили Мудофаа вазирлиги тизимидаги хизматни ўташ даврим 5 йил 3 ойни (аслида, собиқ Иттифоқ даврдаги ҳарбий хизматни ҳисобга олинган ҳолда 5 йил 8 ой) ташкил қилганлиги ва ҳарбий хизматни Фавқулодда вазиятлар вазирлиги тизимида давом эттирганим учун доимий рўйхатдан ўтган ҳолда яшаб келган хизмат хонадонидан: – мени, турмуш ўртоғим, ўғлим ва икки қизимни икки хонали бошқа турар жой билан таъминланмаган ҳолда чиқариб юборишни., сўраб фуқаролик судига даъво критишди. Суд: – оилада икки нафар нафақадаги ногирон борлигини инобатга олиб Мудофаа вазирлиги даъвосини рад этиш тўғрисида., ҳал қилув қарори чиқарган эди.
Ушбу суд қароридан норози бўлган Мудофаа вазирлиги биз яшаётган хонадонни тортиб олиш учун турар жойни мен 4 йил 6 ой ҳарбий хизмат қилган Фавқулодда вазиятлар вазирлигига ажратиб беришини сўраб, аслида бир муаммо бўйича иккинчи марта фуқаролик судига даъво киритди. Суд икки вазирлик ўзаро келиша олмаганлиги туфайли бу даъвони ҳам кўришни рад этган эди.
Мудофаа вазирлиги раҳбарияти ёвуз мақсадини руёбга чиқариш учун битта муаммо бўйича учинчи маротаба, яъни оиламизни уч бўлакка парчалаб: – бир қисми, яъни 3 нафарини Ўзбекистон Республикаси уй- жой кодекси талабларига хилоф равишда ётоқхонага жойлаштириш, катта қизимни кўчага чиқариб ташлаш ва хонадоннинг янги эгаси бевалигини ҳисобга олиб ўғлимни шу хонадонда қолдириш., тўғрисида фуқаролик судига такроран даъво киритди.
Мудофаа вазири Қ.Бердиевнинг содиқ мулозимлари ўз ваколатларидан унумли фойдаланиб, балки суистеъмол этган ҳолда асоссиз даъволарини рад этган судьяларни алмаштириш ва сохта маълумотлар тақдим этиш эвазига барибир ўз ёвуз ниятларини амалга оширдилар. Даъвогарларнинг олдин икки марта рад этилган даъвосини юритувга олган ФИБ Мирзо Улуғбек туманлараро суди судьяси А.Назаров Ўзбекистон Республикаси Конституциянинг 63-моддасига биноан жамият ва давлат муҳофазасида бўлган оила ва унинг аъзолари ҳуқуқларини поймол этувчи ўта ноинсоний, адолатсиз ҳал қилув қарори чиқарди.
Оиламизнинг уч нафари яшаши учун Мудофаа вазирлиги оилавий ётоқхона, Президентимизнинг 14.09.2007 йилдаги ПП-694 сонли қарорига асосан 2007-2015 йиллар мобайнида реконструкция қилиниб хонадонларга айлантирилиши лозимлигидан Мудофаа вазирлиги ҳамда судъялар хабардор бўлишган.
Натижада, олдинги суднинг 2014 йилдаги қарори ўз қонуний кучида бўлишига қарамасдан, суд ижрочилари 2016 йил 15 февраль куни бутун оиламизни зўравонлик билан кўчага ҳайдаб, биз 2002-2016 йиллар давомида яшаб келган хонадонга ҳарбий прокуратура ходимаси бўлган бир бева аёлни киритиб қўйдилар. Суд қарорига биноан ўғлим ушбу хонадонда доимий рўйхатда қолган бўлсада, унинг бева аёл билан бирга яшаши мумкин эмаслиги боис у ҳам бошпанасиз қолди.
Ўзбекистон Республикасининг Конституциясининг 24-моддасида: – Яшаш ҳуқуқи ҳар бир инсоннинг узвий ҳуқуқидир., 16 – моддасида эса: – Бирорта ҳам қонун ёки бошқа норматив ҳужжат Конституция нормалари ва қоидаларига зид келиши мумкин эмас., дейилган. Доимий турар жойидан оиласи билан ҳайдаб чиқарилган инсон энди ўша узвий ҳуқуқидан қаерда ва қандай фойдаланиши мумкин?! Шу боис, Ўзбекистон Мудофаа вазирлиги Тошкент тумани Уй-жойдан фойдаланиш қисми даъвосини қаноатлантириш орқали оиламизни парчалаб юборган ФИБ М.Улуғбек туманлараро судининг 05.03.2015 йилдаги ҳал қилув қарори ва уни ўзгаришсиз қолдирган ФИБ Тошкент шаҳар аппеляция инстанцияси судининг 12.05.2015 йилдаги антиконституцион ажримини инсон ҳаётига қарши тажоввуз деб ҳисоблайман!
Фарзандларим шу уйдан мактабга ва институтларга борган, вояга етган. Уларга ўзлари ўсиб улғайган хонадондан ажралиш жуда оғир руҳий талофат бўлди! Бизга ажратилган ётоқхона торлиги ва яшаш учун яроқсизлиги у жойда яшамаймиз. Поликлиника, ижтимоий таъминот ва бошқа шунга ўхшаш идораларга боғлиқлигимиз боис юқорида кўрсатилган манзилда ижарада турибмиз.
Ўтган икки йил давомида бошимизга тушган ушбу фожиалик муаммони адолатли ҳал этишни сўраб Ўзбекистон Республикаси Президенти, Олий суд, Бош прокуратурага мурожаатларим оқибатсиз қолди.
Олий суд раиси Ш.Ғозиев қабул чоғи муқаддам ҳарбий судда хизмат қилганилигини таъкидлаб: – ҳарбий хизмат даврингиз 10 йилдан ортиқ бўлганлиги билан Президент қарорини ижросини таъминлаш шарт эмаслигини ҳамда ҳужжатлар билан танишиб чиқиб ёзма жавоб беришини., айтди. Юборилган ёзма жавобда эса Мудофаа вазирлиги тақдим қилган сохта маълумотлар асосида (ҳатто даъвогар тақдим этган маълумотлар сохталиги суд қарорларида ўз тасдиғини топганлигига ҳам эътибор бермасдан) рад жавоби юборган.
Агар, хонадоннинг янги бева эгаси ҳарбий прокуратура ходимаси эканлигини инобатга олинса прокуратура идораларига мурожаат қилиш ҳам самарасиз бўлиши аён кўриниб турибди. Конститутцион суд эса конститутциянинг оила тўғрисидаги моддаси бузилиши уларнинг вазифасига кирмаслигини маълум қилди. Маҳалла фуқаролар йиғини ва қўшнилар, ҳатто Омбусман томонидан билдирилган эътирозларни инобатга олишмади.
Хонадон эшигини бузиб мол-мулкимизни (кийим – кечак, дори дармон, ҳужжатлар, маблағ ва бошқа кундалик эҳтиёж буюмлар) олиб чиқиб, эшикни муҳрлаб, ўзимизни кўчага ҳайдашганида 1937 – йилги қатағон қурбони бўлган ватандошларимиз тортган зулмнинг бир томчисини биз ҳам тотгандек бўлдик.
Нафақат Ўзбекистон, ҳар қандай давлатнинг қонун, низом, фармону қарорлари ўша давлатнинг Конституциясига мувофиқ бўлиши шарт! Чунки, ҳар қандай давлатнинг Бош қомуси аввало шу мамлакат фуқоролариниг қонун билан қўриқланадиган ҳақ – ҳуқуқлари муҳофаза этишга асосланган. Юқоридаги каби Конституция ва ҳаёт мантиғига хилоф қонун ва қарорлар кейинчалик бартараф этиш мушкул бўлган ҳуқуқий оқибатлар келтириб чиқараверади.
Собиқ СССР – номига шўро давлати деб аталсада, халқ ва миллат эмас барча соҳада биринчи ўринда давлат манфаатлари устивор бўлгани сабабли охир – оқибатда таназзулга учраб, сохта коммунистик мафкура жаҳон сиёсий саҳнасидан бадарға бўлди! Ватанимиз Истиқлолга эришганидан сўнг марҳум Президентимиз Ислом Каримов: – кучли давлатдан, кучли фуқоролик жамияти сари., деган умумбашарий шиорни ўртага ташлаб, энди Ўзбекистон давлатида миллат ва халқ манфаатлари устивор эканлигини дунёга овоза қилди. Ана шу ҳаёт мантиғига асосланган ғоя асосида жамиятнинг ҳуқуқий пойдевори бўлмиш қонунлар таҳрир этилди. Атамалар, номлар ўзгарди. Абдулла Қодирий, Чўлпон каби юзлаб миллат қаҳрамонларини қатағон этган КГБ аталмиш ташкилот – Миллий хавфсизлик қўмитасига айланиб, миллат ҳимоячиси мақомига эга бўлди. Тарихий хотира, кўҳна қадриятлар тикланди. Чор Руссияси ва коммунистлар жаллод дея қоралаган буюк Амир Темур бобомизнинг улуғвор ҳайкали Ватанимиз пойтахти қоқ марказида савлат тўкиб турибди!
Инсон ҳуқуқлари Миллий маркази ташкил этилди. Тилимиз давлат тили мақомига эга бўлди. Мустақил Ўзбекистон давлати – Бирлашган миллатлар ташкилоти аъзоси бўлди…
Ушбу иқтибосларни таъкидлашдан мурод шуки, ҳануз давлат манфаати устивор бўлган шўро мафкураси таъсиридан қутула олмаган айрим мансабдорлар, суд, ҳуқуқ тартибот идораси ходимлари муҳим ҳаётий масалаларни ҳал этишда фуқороларнинг ҳақ – ҳуқуқларидан давлат манфаатларини устун қўйиш орқали ҳуқуқий демократик ислоҳатларга зимдан қаршилик кўрсатиб, оддий фуқороларнинг қомусий ҳуқуқларини поймол этишда давом этмоқдалар!
Шу фожиа боис, судларга қатнаб бир мен эмас кўплаб ҳарбий хизматчилар турли асоссиз важлар билан турар – жойларидан маҳрум этилганлигига ҳам гувоҳ бўлдим. Афсуски, бу ишларнинг бошида шахсан Мудофаа вазирлиги раҳбарияти турибди.
Мудофаа вазирлигига мутлақа алоқаси йўқ Ҳарбий прокуратуранинг Гулчеҳра Турсунова деган бева ходимасини уй билан таъминлаш учун, тинч яшаб турган ҳарбий олимнинг оиласини парчалаб кўчага ҳайдашдан тоймайдиган бундай совуқ қалбли инсонларга Ватан ҳимоясини ишониб топшириш мумкинми?!
Муҳтарам Шавкат Миромонович!
Уяси бузулган қуш чирқиллаб нола қилади. Ердан узулган дарахтнинг илдизлари қақшайди. Онгли ҳаётимнинг асосий қисмини ўз Ватанимга хизмат қилишга бағишлаб, ёшим бир жойга етиб набиралик бўлган бир пайтимда уйимни тортиб олиб оиламни парчалаб ташладилар., деб хорижий давлатлардан бошпана сўрашни ўзимга эп кўрмайман.
Сиз катта ҳаёт тажрибасига эга давлат арбоби сифатида жамиятимизнинг асосий бўғини бўлмиш оилага бундай салбий муносабат хатарли оқибатларга олиб келишини теран англайсиз. Ушбу ҳуқуқсиз ҳолимда мен буни муҳтарам Мудофаа вазири Қ.Бердиев ва унинг мулозимларига англатишим мушкул.
Мен ва оила аъзоларим учун ўта оғир бу вазиятда адвокат ёллаб ҳуқуқларимни ҳимоя этишга имконим йўқ. Шу боис, уяси бузулган қуш каби айни ҳолатда менинг Сиздан бошқа ҳимоячим йўқ! Юқорида баён этилганлар ҳамда қонун барчага баробар деган таомилга амал этилган ҳолда Сиздан:
Ҳарбий прокуратуранинг бир фарзанди бўлган бева ходимасини Мудофаа вазирлиги бизга ажратган оилавий ётоқхонадаги 311 – хонага кўчириб, икки нафари ногирон жами беш кишидан иборат оиламизга уй-жой кодекси ва Президентимизнинг 16.09.2007 йилдаги ПП-694 сонли қарори талабларига мос ҳолда турар жой билан таъминланишида амалий инсонпарварлик
ёрдами беришингизни сўрайман!
Шу муносабат билан Сизга эъзгу ишларингизда
Яратганнниг Ўзи ҳамиша мададкор бўлишини тилаб,
камоли эҳтиром ила –
Исроилжон Қурбонов
12.11.2016 йил.
Isroil_61@mail.ru
Тел: 268 00 69 уй
392-65-90 мобил.
Диққат!!! Қуйидаги маълумотларни сақлаб олинг:
Мурожаат рақами:
82426-s/16
Мурожаат ҳолатини текшириш коди:
073189f382
Кўриб чиқаётган ташкилот: |
Олий суд |
Мақом: |
Янги |
