Исмат Хушев: Қўқоновнинг озод этилиши — Мирзиёевнинг яна бир жасорати!
Ўзбекистон — ўзгаришлар палласига кирди.
Мирзиёевнинг бир гуруҳ зиёлилар билан тасодифий суҳбати беиз кетмади…
Каримов томонидан 24 йил қамоқда қолган Самандар Қўқонов Мирзиёев шарофати билан озодликка чиқди…
1.
Ўзбекистонда тарихий воқеа содир бўлди — Самандар Қўқонов озодликка чиқарилди.
Бу ҳақда биринчи бўлиб таниқли ўзбек журналисти, оташқалб устозимиз Шароф Убайдуллаев «Озодлик» орқали бутун дунё ўзбекларини фавқулоддаги қувонч ва ҳаяжон билан хабардор этдилар.
У кишининг кўзда ёш билан айтган хушхабарларини биз ҳам олис Канадада йиғлаб эшитдик….
2.
Дарҳақиқат, бу хабарни биринчи бўлиб «Озодлик»нинг Тошкентдаги салкам махсус мухбирига айланиб қолган донишманд устознинг муборак овозидан эшитиш ҳам бизга алоҳида қувонч ва ҳаяжон бағишлади.
Самандар ака ҳали озодликка чиқмай туриб, қамоқхона бошлиғининг Шароф Убайдуллаевга сим қоқиб, бу хабарни бутун дунё ўзбекларига етказинг деб айтишида ҳам мен бугун ажиб бир янгилик ва яхшилик кўрдим.
Ўзбекистон ростдан ҳам яхши ва муборак кунларга юз тутмоқда…
3.
Энди бевосита Самандар Қўқоновнинг озод этилиши ҳақида.
Бугун «уруш тугаганидан сўнг» қаҳрамонлар ҳам кўпайиб қолди.
Лекин инсоф ва диёнатни ўртага қўйиб айтганда, Самандар Қўқоновнинг озод этилишида «Озодлик» радиосининг хизмати беқиёс бўлди.
У кишига сентябрь ойи охирларида «зона тартиб қоидаси»ни бузди деган ўйдирма ортидан «срогига срок» қўшиб берилганидан сўнг, «Озодлик» радиоси олиб борган инқилобий кураш ҳамманинг ёдида бўлса керак.
«Озодлик»нинг ўша кунги эшиттиришларига қайта разм солсангиз, бу ҳақда биринчи бўлиб Шароф Убайдуллаев бонг уриб чиқди. У киши Самандар Қўқоновга қилинган бу адолатсизлик узоққа бормаслигини айтиб, унинг янги йилга қадар озодликка чиқарилишини башорат қилдилар.
Сўнг «Озодлик» мухбири Сирожиддин Ислом Самандар аканинг ўғли билан бўлган изтиробли суҳбатни кўзда ёш билан эълон қилди. Бу суҳбатни биз ҳам кўзда ёш билан эшитдик.
Ва ниҳоят учинчи бўлиб «Озодлик» — Самандар ака қамалган ўша лаънати кунлар шоҳиди сифатида Исмат Хушев билан суҳбат уюштирди.
Биз бу суҳбат мазмунини ва унда кўтарилган гап-сўзларни такрорлаб ўтирмай, ўша интервью матнини бугун яна қайта эълон қилишни маъқул кўрдик…
4.
Исмат Хушев: «Каримовнинг тутуруқсиз амбицияси туфайли Қўқоновнинг 24 йил умри хазон бўлди»
Мустақил Ўзбекистон тарихида қамоқда энг узоқ қолаётган сиёсий маҳкум Самандар Қўқоновга жазо муддатининг яна 3 йилу 5 кунга узайтирилгани ўзбек ижтимоий тармоқлари фойдаланувчиларининг кескин эътирозларини уйғотди.
Ўзбекистон парламентининг собиқ депутати 72 яшар Самандар Қўқонов 1993 йил ёзида давлат мол-мулкини талон тарож қилишда айбдор деб топилиб, 20 йиллик қамоқ жазосига ҳукм этилган.
Халқаро ташкилотлар ва ўзбек мухолифати Самандар Қўқонов марҳум президент Ислом Каримов сиёсатига қарши чиққани ва мухолифатдаги «Эрк» демократик партиясини қўллаб-қувватлагани учун жазоланганини таъкидлаб келади.
Самандар Қўқоновга жазо муддати 2014 йилда дастлаб уч йилга узайтирилди, кейинроқ бу муддат бир йилга қисқартирилди.
Шу йилнинг 7 октябрда Зарафшон шаҳар суди Самандар Қўқоновни «қамоқхона тартибини мунтазам бузишда айблаб» унга берилган жазо муддатини яна 3 йилу 5 кунга узайтирди.
Ўзбекистон Олий Мажлиси 12 октябрда Конституциянинг 24 йиллиги муносабати билан амнистия қарорини қабул қилди ва унда 60 ёшдан ошган маҳкумларни озод этилиши шартлиги алоҳида таъкидланган.
Хўш, Самандар Қўқонов нима учун деярли чорак асрдан буён панжара ортида қолмоқда?
Аслида у нега қамалган эди?
Канададан журналист Исмат Хушев ўзининг «Дунё ўзбеклари» веб сайтида шу кунларда айни саволларга, ўзи гувоҳ бўлган воқеларга таяниб, жавоб беришга ҳаракат қилди.
Исмат Хушевнинг ишонишича, «Каримовнинг тутуруқсиз амбицияси туфайли» Самандар Қўқоновнинг 24 йил умри хазон бўлди.
ОzodNazar рукнида журналист билан айни мавзуда суҳбат борди.
ОЗОДЛИК
5.
Яна шуни алоҳида таъкидлашни истардимки, кечгина уч йилу 5 кун муддат қўшиб берилган сиёсий маҳбус Самандар Қўқоновнинг фавқулодда озод этилиши — бу ҳеч қандай сайлов олди «совғалари» эмас.
Мен айрим манбаларга суяниб, тўла ишонч билан шуни айтаманки, бу Шавкат Мирзиёевнинг қатьиятли сиёсатидан яна бир ёрқин нишонадир.
У марҳум Президентнинг руҳини безовта қилмаган ҳолда — Каримов томонидан йўл қўйилган оғир хатоларни бирма бир, қадамба қадам жой жойига қўйиш ва тўғрилашни бошлади.
Тошкент шаҳри ичида марҳум президент маршрути бўйлаб умрбод ёпиб ташланган қанчадан қанча тупик ва тор кўчалар собитқадамлик билан очиб ташланди. Ишбилармонлар йўлидаги қанчадан қанча ғовлар махсус қарорлар билан ечила бошланди.
Шаҳар енгил нафас ола бошлади. Одамларнинг руҳиятида уйғониш пайдо бўлди…
Бу йилги пахта мавсумида ҳам зўракилик ва қўшиб ёзиш ҳоллари кескин камайди.
Баъзи вилоятлар етмиш фойизда қолиб кетса ҳам, уларнинг қўшиб ёзиш механизмига болта урилди.
Буларнинг ҳаммаси Шавкат Мирзиёевнинг узоқни кўзлаб, донишмандлик билан иш тутиши маҳсулидир…
6.
Яна бир гап.
Ўтган шанба кунларининг бирида — Абдулла Орипов вафоти муносабат билан берилган маърака ошида иштирок этган бир гуруҳ таниқли ўзбек зиёлиларининг Шавкат Мирзиёев билан бўлган фавқулоддаги учрашуви ҳам диққатга сазовордир.
Самандар Қўқонов озод этилиши масаласида — «Озодлик» бонг уриши билан бир қаторда, зиёлиларнинг ўша шанба кунги Мирзиёев билан бўлган ўша дўстона учрашуви ва очиқ мулоқоти ҳам изсиз ва самарасиз кетмади.
Давлат раҳбарининг зиёлилар билан бевосита мулоқоти — жамият ҳаётида нақадар муҳим ўрин тутишини яна бир бор кўриб ва билиб турибмиз.
Ҳолбуки, Ислом Каримовнинг тоталитар ҳукмронлик даврида фавқулоддаги бундай дилкаш ва самимий мулоқотларни фақат тушда кўриш ва фақат орзу қилиш мумкин эди, холос…
7.
Мирзиёевнинг халққа нақадар яқинлигини — бугунги сайлов олди учрашувлари ва нутқларидан ҳам яққол кўриш ва ҳис қилиш мумкин.
Унинг Ўзбекистон муаммоларини ва халқ ҳаётини нақадар чуқур билиши мамлакат аҳлини, одамларни лол қолдирмоқда.
Президентликка асосий номзоднинг Ўзбекистон бўйлаб барча вилоятларда таралаётган нутқлари ҳам тарихий воқеа бўлди.
Халқимиз соф ўзбек тилидаги бунақанги ёрқин ва самимий нутқларни анча йиллардан бўён соғиниб кетгани сезилиб қолди…
Мирзиёев қайси вилоятда сўзга чиқса, унинг оташин ва мазмундор нутқи — беихтиёр ўрнидан қўзғолган одамларнинг гулдурос ва давомли қарсакларига уланиб кетмоқда.
Масалан, у Қорақалпоғистонда минг кишилик залга мурожаат қилиб: «Мен ўзимни ўзбек халқи билан бир қаторда қарақалпоқ халқининг ҳам фарзанди деб биламан!» деганида залда янграган гулдурос қарсаклар узоқ вақт тинмасдан акс садо бериб турди.
Ёки Жиззахда: «Ўзбекистоннинг асл фарзанди, жамоат ва давлат арбоби Шароф Рашидов юз йиллиги арафасида Жиззахни унинг номи билан аташ ҳақидаги таклифи янграганда кўзларига ёш қалқиган халқнинг жўшқин туғён урганини кўриб, халқ Ўзбекистннинг янги раҳбарига қай даражада меҳр қўй бошлаганини яққол кўриш мумкин…
8.
Энди бугун айтилиши лозим бўлган энг муҳим ва асосий гапга ўтсак.
Ўзбекистонда Ислом Каримов вафотидан сўнг давлат бошқаруви ишончли ва адолатли қўлга ўтаётганига мен бугун заррача ҳам шубҳа қилмайман.
Мен «Озодлик»орқали бутун дунёга жар солиб: «Бугун Ўзбекистонда Шавкат Мирзиёев ва Рустам Иноятовлар томонидан давлатни куч билан тортиб олиш, унга зўравонлик билан эгалик қилиш жиноятлари амалга ошди!» деб айтган эдим.
Энди бугун ўша гапларимга қўшимча қилиб, яна қуйидагиларни ҳам айтмоқчиман: «Яхшиям ўшанда айнан Шавкат Мирзиёев куч ишлатиб бўлса ҳам, давлат бошқарувини қўлга олган экан. Агар шундай қилмаганида, бошқа бирови ҳокимиятга келиб қолганида, билмадим нима бўларди…»
Ҳар қалай Самандар Қўқонов бугун ҳам ҳибсда қолиши аниқ гап эди…
Сўнгсўз ўрнида:
Самандар Қўқонов тимсолида Шавкат Мирзиёев бугун 25 йилдан бўён боши эгик ва кўнгли синиқ, қадди дол ва кўзи ёшли Ҳақиқатни ҳам қамоқдан чиқарди.
Ниҳоят чорак асрлик турғунлик ва бузғунликдан сўнг ўзбек халқининг ҳам елкасига офтоб тегаётгани муборак бўлсин…
Исмат Хушев,
«Дунё ўзбеклари» Бош муҳаррири,
Торонто шаҳри, Канада
25 ноябрь, 2016 йил.
13 шарҳ
МАҚОЛАНИ ДЎСТЛАР БИЛАН БАҲАМЛАШИНГ1 Comment
-
Аҳмад Тошқулов:
«У кишининг кўзда ёш билан айтган хушхабарларини биз ҳам олис Канадада йиғлаб эшитдик…» Сизга минг раҳмат Исмат ака! Биз ҳам кўзимиздаги қувонч ёшлари билан Самандар акани кутиб олдик.
Leave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
Ойнинг ун беши коронгу булса, ун беши еругдир деганлари рост экан. Илохим, бундан буенги еруг кунларинг чин булсин, буюк халким!
Оталарингизга рахмат, атокли давлат арбоби, мухтарам Шавкат Мирзиеев ва узбек халкининг машхур журналисти Исмат Хушев!
МАМАЁҚУБ ҲАМРОЕВ “ИСМАТ АКА ЖУДА ҲАМ ТЎҒРИ АЙТДИНГИЗ, ҲАЛҚНИНГ ДАРДИНИ ИЧ-ИЧИДАН ҲИС ҚИЛАДИГАН РАҲБАР КЕЛДИ.
МЕН БУ ГАПНИ САЙЛОВГАЧА ҲАМ БЕМАЛОЛ АЙТА ОЛАМАН, ЧУНКИ ҲАЛҚ КАРАХТЛИКДАН ЎЙҒОНМОҚДА ВА БУ ҲАЙРЛИК ИШДИ СИЗНИНГ ВА ДУНЁ ЎЗБЕКЛАРИНИНГ ҲАМ ҲИЗМАТИ БЕҚИЁСДИР.
СИЗНИНГ МИРЗИЁЕВ ҲАҚИДАГИ ИЖОБИЙ, ОТАШҚАЛБ НУТҚЛАРИНГИЗ ВА ФИКРЛАРИНГИЗ МИЛЛИОНЛАБ ҲАЛҚИМИЗНИНГ ҚАЛБ БУЛОҚЛАРИНИ ОЧИБ ЮБОРДИ.
УРУШ ТУГАСА ҚАҲРАМОНЛАР КЎПАЯДИ, МАЙЛИ КЎПАЙСИН!
АММО ҲАЛҚ ЎЗИ БИЛАДИ КИМНИНГ КИМ ЭКАНЛИГИНИ. СИЗНИ ҲАМ, ШАРОФ АКАНИ ҲАМ, ДАДАХОН ХАСАН, ЭВРИЛ ТУРОН, МУХАММАД ИСМОИЛ, ЖАХОНГИР МУХАММАД, ҲАМРОҚУЛ АСҚАР, КАРИМ БАҲРИЕВ, ГУЛЧЕХРА НУРУЛЛАЕВА, ЮСУФ ЖУМА, ОТАБЕК ТОШЕВ ВА МИНГЛАБ ПОК НИЯТЛИК ИНСОНЛАРИМИЗНИ ЧИН ДИЛИМДАН ТАБРИКЛАЙМАН”. ДЕБ АЙТГАНЛАРИ ЮРАГИМНИ ЖУНБУШГА КЕЛТИРДИ. ИЛОИЙ АЙТГАНЛАРИНГИЗ КЕЛСИН!
Islom Karimov qanday bulsa uni shunday qilib ko’rsatadigan payit keldi. Uni ibratli tomonlari faqat aytiladi ana endi esa salbiy tomonlari ham imkon qadar aytilishi kerak. Shavkat Mirziyev juda to’gru yuldan boraypti otasiga ming rahmat.
Самандар Қўқоновни озод этилишида нафақат “озодлик” Исмат Хушев ва Шароф Убайдуллаевни хизматлари биқиёсдир. Исмат ака сиз “озодлик” радиосида ўз чиқишингизда Самандар акани ноҳақ қамалганини очиб ташладингиз булар бари изсиз кетмади.
САМАНДАР ҚЎҚОНОВНИ ОЗОДЛИККА ЧИҚҚИШИ, БУ ЎЗБЕКИСТОНДА ЭРКИНЛИК ШАБАДАСИНИ ЭСАЁТГАНИДАН ЯҚҚОЛ ДАЛОЛАТДИР.
Мен И.Хушевнинг “С.Қўқоновнинг озод этилиши Ш.Мирзиёевнинг жасорати!”, деганига тўла қўшиламан.
Ўрни келганида Шайх З.Мисрий айтмиш “Аъвом учун ҳам хос учун ҳам бирдай тушинарли” бўлиши керак бўлган бир нарсани айтай:
Мен доим Ж.Муҳаммад, С.Қўқонов кабиларнинг И.Каримовнинг юзига қараб ҳақорат қилганларини қаҳрамонликка йўйиб юраман.
Лекин бунинг иккинчи томони ҳам бор. Каримов (ёки бошқа президент) қанчалик золим бўлмасин, у ўзбекистон ҳалқининг кўпчилиги томонидан сайланган. Демак президент ўзбекистон ҳалқи ва давлатини тамсил қилади. Уни ҳақорат қилиш ўзбекистон ҳалқини ва давлатини ҳақорат қилиш билан тенг ҳисобланади.
Шундай экан, сўз эркинлиги, демократия экан деб оғзига келганни гапиравериш, ҳатто президентни ҳам ҳақорат қилавериш тўғри бўлмайди, менимча.
Марҳум Каримовнинг золим, диктатор эканлигига мен ҳам қўшиламан. Лекин у Сталин, Туркманбоши (С.Ниёзов) кабилар олдида паришта деса арзигулик эди.
Бир кўз олдингизга келтиринг, Каримов ўрнида Ниёзов бўлганида Ж.Муҳаммад, С.Қўқонов, Ш.Мирсаидов, М.Умрзоқов кабиларнинг аҳволи нима бўлишини!
Каримовни мутлоқа ёмон дейдиганларга маслаҳатим, Каримовга сидқидилдан хизмат қилиб, кейин ундан жабр кўрган И.Хушевнинг бецеллерга айланган “Оқланмаган ишонч қиссаси” китобини диққат билан яна бир бор ўқинг.
Mirziyoevga xamdu sano aytib maqtayverishni kamroq qilsak yaxshi bolardi Uni yaxshi inson ekanligi rost,shu biz Uzbeklarni shu huqsonimiz uta zararli,kim raxbar bolsa darrov osmonga obchiqib maqtayveramiz natijasini bilib kurib xulosa qilmaymiz,Karimovni xam zolim qilgan uzimiz bu bizga saboq bolmaganligi kurinib turibdi,kuzimizzi kattaroq ochish vaqti kelmadimikan
Samandar akani ozodlikga chiqqani xaqiqatda zur xushxabar,,Mirziyoevga raxmat,,xali anchagina millat gullari xali qamoqda qolishmoqda,,negadir ajoyb inson talantli jurnalist Dilmurod Saidni xech kim eslamayabdi,xabaringlar bolsa u bn uchrashuvga ketayotgan 5 yoshli norasida qizi va ayoli avtoxalokatga uchrab vafot topishgandi keyin onalari xam vafot etdi shuncha musibatlar ozmikin ukamizga.Ismat aka siz vijdonli insonsiz sizdan iltimos shu fidoyi ukamiz xaqida xam yozing gapiring jim turmaylik ajab ermas yaxshi kunlar yakin bolsa
Исмат ака, Самандар Куконовнинг озод этилиши Узбекистонда жуда катта реакция берди.. Илохим, бошка хонадонларда хам туйлар булсин.
Мақола бугунги ўзбек матбуотда эълон қилиниши лозим ва зарур бўлган мақола экан. Нега шундай таҳлилий ва асосли мақолаларни бизнинг матбуотимизда бериш мумкин эмас?
Nega Samandar Qo’qonov haqida 5-10 yil avval gapirilmadi?
Balkim ertaroq qomoqdan chiqishi mumkin edi. Masalan Evril Turon va Yusuf Jumalar chiqdi-ku ertaroq?
Muxolifat va Ozodlik Samandar Qo’qonovni 23 yil “unitib” qo’yishgan edilar menimcha. Endi bunaqa “unitishlar” bo’lmasin endi.
ОФАРИН СИЗГА ҲУРМАТЛИ ИСМАТ АКА!
УШБУ САТРЛАРНИ ЎҚИЯПМАНУ КЎЗЛАРИМДАН ОҚАЁТГАН ШОШ ҚАТОР ЁШЛАРИМНИ ТЎХТАТА ОЛМАЯПМАН, ТЎХТАТИШНИНГ НИМА КЕРАГИ БОР ЎЗИ!
ЧУНКИ БУ ЁШЛАР ҚУВОНЧ КЎЗ ЁШЛАРИ, МАЙЛИ СЕЛ БЎЛИБ ОҚСИН.
ЖАННАТ КАБИ ЖОНАЖОН ЮРТИМИЗДА ХАР ДОИМ ҲАЛҚПАРВАР ЗИЁЛИЛАРИМИЗ БЎЛИБ КЕЛИШГАН, ҲАЛҚНИНГ ВА МИЛЛАТНИНГ ДАРДИ БИЛАН ЯШАШГАН ВА ЎЛИБ КЕТИШГАНЛАРИ ҚАНЧА, АТАЙЛАБ ЎЛДИРИЛГАНЛАРИ ҚАНЧА!
СИЗ ЖУДА ҲАМ ТЎҒРИ АЙТДИНГИЗ, ҲАЛҚНИНГ ДАРДИНИ ИЧ-ИЧИДАН ҲИС ҚИЛАДИГАН РАҲБАР КЕЛДИ.
МЕН БУ ГАПНИ САЙЛОВГАЧА ҲАМ БЕМАЛОЛ АЙТА ОЛАМАН, ЧУНКИ ҲАЛҚ КАРАХТЛИКДАН ЎЙҒОНМОҚДА ВА БУ ҲАЙРЛИК ИШДИ СИЗНИНГ ВА ДУНЁ ЎЗБЕКЛАРИНИНГ ҲАМ ҲИЗМАТИ БЕҚИЁСДИР.
СИЗНИНГ МИРЗИЁЕВ ҲАҚИДАГИ ИЖОБИЙ, ОТАШҚАЛБ НУТҚЛАРИНГИЗ ВА ФИКРЛАРИНГИЗ МИЛЛИОНЛАБ ҲАЛҚИМИЗНИНГ ҚАЛБ БУЛОҚЛАРИНИ ОЧИБ ЮБОРДИ.
УРУШ ТУГАСА ҚАҲРАМОНЛАР КЎПАЯДИ, МАЙЛИ КЎПАЙСИН!
АММО ҲАЛҚ ЎЗИ БИЛАДИ КИМНИНГ КИМ ЭКАНЛИГИНИ.
БАРМОҚ БИЛАН САНАР БЎЛСАНГ,
ОРТИБ ҚОЛАР БАРМОҒИНГ!
ЧИН КЎНГИЛДАН ЁНАР БЎЛСАНГ,
ТОРТИБ ОЛАР БАЙРОҒИНГ!
ЎРОҚДА ЙЎҚ, МОШОҚДА ЙЎҚ,
ХИРМОНИМДА ҲОЗИРИМ!
БУГУН ОДАМ БЎЛАЯПДИ,
ЎША ЖАЛЛОД НОЗИРИМ!
ЗАМОНАСОЗ ЗАМОНДОШИМ,
ЯНГИ ЗАМОН МУБОРАК!
ТОШ ЎРНИГА ҚАЙТАЯПДИ,
КЎПЧИЛИКГА ЧИН ЮРАК!
АЙНИҚСА ҲАҚИҚИЙ ЎЗБЕКЧА, ОЧИҚ КЎНГИЛ БИЛАН, ЮРАКНИНГ ТУБ-ТУБИДАН АЙТИЛАДИГАН РОСТ ГАПЛАРНИ СОҒИНИБ ҚОЛГАНЛИГИМИЗ БИЛИНИБ ҚОЛДИ.
СИЗ БУНИ ЖУДА ЧИРОЙЛИК ҚИЛИБ ТАЪРИФЛАБСИЗ.
СИЗНИ ҲАМ, ШАРОФ АКАНИ ҲАМ, ДАДАХОН ХАСАН, ЭВРИЛ ТУРОН, МУХАММАД ИСМОИЛ, ЖАХОНГИР МУХАММАД, ҲАМРОҚУЛ АСҚАР, КАРИМ БАҲРИЕВ, ГУЛЧЕХРА НУРУЛЛАЕВА, ЮСУФ ЖУМА, ОТАБЕК ТОШЕВ ВА МИНГЛАБ ПОК НИЯТЛИК ИНСОНЛАРИМИЗНИ ЧИН ДИЛИМДАН ТАБРИКЛАЙМАН.