Рустам ЭРГАШ: МУСУЛМОН ЮРТЛАРДАН ҚОЧАР МУСУЛМОН…

---

Рустам Эргаш 1944 йилнинг 5 майида Тожикистон Республикаси Хатлон вилояти, Фархор ноҳиясининг Дарќат ќишлоѓида таваллуд топган.

Ноҳия марказидаги 2-ўрта мактаб хатмидан сўнг Хўжанд давлат дорилфунунининг ўзбек тили ва адабиёти куллиётига дохил бўлиб, уни 1966 йили тамомлади.

Узоќ йиллар ўрта мактабларда оддий ўќитувчи, илмий мудир, мактаб директори сифатида фаолият юритган. Халќ маорифи аълочиси.

«Њаќќа боќ», «Ќора лола», «Назмий ҳикоятлар» (таржима), «Само ќизи» номли асарлар муаллифи.

Изтиробли сатрлар

МУСУЛМОН ЮРТЛАРДАН ҚОЧАР МУСУЛМОН…

(Ўз юртларидаги урушлару нотинчликлар ортидан Европадан паноњ истаётган њамда бу йўлларда денгизларга ѓарќ бўлаётган инсонларга баѓишлайман)

Дариғо, кўп йилким тўкилади қон,
Мусулмон давлатлар аро беомон.
Гуноҳсиз мусулмон сақлаш учун жон,
Мусулмон бўлмаган юртларга томон,
Мусулмон юртлардан қочар мусулмон.

Шиа-ю суннийлар тополмай тўзим.
Ҳар бири дейишиб:- дини пок ўзим.
Эл бошига тўкар балои азим,
Мусулмон мусулмон қаҳрида бирён,
Мусулмон юртлардан қочар мусулмон.

Дилида инсофу имони йўқлар,
Лаззат олмоқ учун террорист, тўқлар
Мусулмон бошига ёғдириб ўқлар,
Ваҳшат шаробини ичганда шодон,
Мусулмон юртлардан қочар мусулмон.

Аллоҳ номи билан этишиб жиҳод,
Дин пешвоси номин олганмиш жаллод.
Масъум кимсаларни бўғизлар, ҳайҳот.
Мусулмон юртларда тўлгандек чаён,
Мусулмон юртлардан қочар мусулмон.

Бу қандай кўргулик, бу қандай даҳшат?
Мусулмон юртларда кезар разолат.
Бўлгандайин гўё қирғин-қиёмат.
Ўзга юртдан тилаб мозорга макон,
Мусулмон юртлардан қочар мусулмон.

Мусулмон юртларин сарвари, айтинг,
Юртидан юз буриб кетса ислом миллати,
Куймасми виждоним, куймасми бетим?
Элу халқ юртидан бўлиб бемакон,
Мусулмон юртлардан қочар мусулмон…

Рустам ЭРГАШ, Фархор ноҳияси.

“Дунё ўзбеклари” учун махсус

Тожикистондан

МАҚОЛАНИ ДЎСТЛАР БИЛАН БАҲАМЛАШИНГ