Улуғ ҳофиз Дадахон Ҳасан «Озодлик» ва «Америка овози»нинг азиз меҳмони

---

Published on Oct 5, 2016

Ўзбекистонда таниқли ҳофиз Дадахон Ҳасан шу йил 4 декабрида мамлакатда бўлажак президент сайловида ўз райини президент вазифасини бажарувчи Шавкат Мирзиёевга овоз бермоқчи.

Бу ҳақда ҳофиз Озодлик билан суҳбат пайтида маълум қилди.

Дадахон Ҳасан Ўзбекистондаги ижтимоий, иқтисодий ва сиёсий вазиятга ўз мавқесини қўшиқлари орқали ифодалаш билан танилган.

1960-йилларда лирик қўшиқлари билан ўзбеклар орасида танилган Дадахон Ҳасан 80-йиллар охирларига келиб ўзининг сиёсий қўшиқлари билан шуҳрат топди.

У миллий-озодлик руҳидаги қўшиқлари учун Совет даврида таъқибларга учраган.

Жумладан, 1976 йилда Тошкентдаги Свердлов номидаги концерт залида ўтган концертдан кейин Дадахон Ҳасанов милиция томонидан ушланиб, беш кун давомида вақтинчалик сақлаш камерасига қамаб қўйилганди.

90-йиллар бошида Дадахон Ҳасан қамоққа олиниб, Ички ишлар вазирлиги ертўласига ташланди.

76 ёшли Дадахон Ҳасан 2005 йилги Андижон ҳодисаларига бағишлаб қўшиқ куйлагани учун президент Ислом Каримовни ҳақорат қилганлик ва жамоат хавфсизлигига таҳдид солганликда айбланниб, уч йилга шартли жазога ҳукм қилинганди.

1992 йилдан бошлаб Дадахон Ҳасановга Ўзбекистон телевидениеси ва радиосидагина эмас, балки тўйларда ва кўпчилик тўпланган бошқа жойларда ҳам қўшиқ куйлаш тақиқланган.

ОЗОДЛИК

Dadaxon Hasan: O’zbekning kuni 4-dekabrdan boshlanadi. Hofiz bilan suhbat

Published on Oct 6, 2016

“Amerika Ovozi” AQShning Xyuston shahrida mehmon bo’lib turgan taniqli hofiz, siyosiy faol Dadaxon Hasan bilan Skype orqali muloqot qildi. Sobiq prezident Islom Karimovni zolim deb bilgan taqiq va ta’qibdagi san’atkor Shavkat Mirziyoyev prezident bo’lishiga va adolat bilan davlatni boshqarishiga umid bildirdi. Odil Ruzalievning Dadaxon Hasan bilan suhbatini tomosha qiling.

Америка овози

МАҚОЛАНИ ДЎСТЛАР БИЛАН БАҲАМЛАШИНГ