Исмат Хушевга: Устозингиз Шароф Убайдуллаевдан кўнглимиз қолди…
«Дунё ўзбеклари» Бош муҳаррири Исмат Хушевга
Шароф Убайдуллаевни шу пайтга қадар овозини эшитсак, ўлган отамиз тирилиб келгандай суюнар эдик. Ўзбекистондек ёпиқ жамият муаммоларини жасорат билан дадил тилга олгани учун у кишини эшитганда — Хўжа хизрни кўргандай бўлардик.
Ўзбекистонда шундай жасоратли, имон эътиқодли, инсоф диёнатли адолатпеша бир инсон билан замондош эканимиздан фахрланардик.
Лекин яқинда бизнинг бу қувонч ва орзуларимиз саробга айланди. ББС ўзбек хизматининг ходими Паҳлавон Содиқ билан Шароф Убайдуллаев қилган суҳбатни эшитиб, устимиздан бир пақир совуқ сув қуйиб юборилгандай бўлдик.
Кечагина «Ўғри ва муттаҳам» деб тўғри ва ҳақиқий ном билан атаб келаётган Мирзиёевни Шароф Убайдуллаев шунақа мақтадики, бу сўзларни эшитиб, у киши эмас биз уялиб кетдик.
Устозингиз, энди билсак, аслида иккиюзламачи ва ўйинчи, сиёсий масхаравоз одам экан. Шундай талантли ва тажрибали, ҳаётнинг оқу, қорасини кўрган ва билган одам бирданига буқаломундай ўзгариб қолса, жуда ёмон бўларкан.
Эссиз, бизнинг у кишига қўйган меҳру муҳаббатимиз. Эссиз, иймон ва эътиқод…
Муаллим,
Ўзбекистон.
Шароф Убайдуллаевга
Ассалому алайкум Шароф ака.
Мен Сизни ҳурмат қилардим ва яхши кўрардим.
ББС даги нутқингиздан кейин Сиздан нафратланадиган бўлдим.
Ижодкор одам, бировнинг шоҳ тожини кийиб, тахтга ўтирганини кўрганидан кейин бунақа бирданига ўзгарадиган бўлмаслиги керак.
Уят Сизга.
Минҳожиддин,
Тошкент.
«Дунё ўзбеклари» интернет нашрига
Шароф Убайдуллаевни ҳар гал эшитсам, юрагимга қувонч оқиб кирарди. Эртанги кунимизга умид уйғонарди.
У кишига ниҳоятда ҳавас қилардим. Бу йил ўнинчини битирган қизимни яхши ният билан шу кишидай бўлсин деб журналистика факультетига ўқишга қўйдим. Лекин киролмади.
Бундан бир куйган бўлсам, кеча ББС дан Шароф Убайдуллаевни эшитиб, яна бир куйдим. Рости у кишини умуман таний олмадим.
Бошимизга солинаётган барча балоларнинг асл эгаси бўлган қатағон Бош вазирни мақтаб, кўкларга кўтариб юборгани учун ҳалиям ўзимга келолмаяпман…
Ҳалима, ўқитувчи.
Самарқанд
Исмат ака.
Шароф Убайдуллаевни ББС да эшитиб, Сизга хат ёзишга қарор қилдим.
Бош вазир Шавкат Мирзиёев агар ҳокимиятга келса, бошимизга итнинг кунини солиши мумкин экан. Буни менга ўтган йили унинг зуғумидан ўлиб қутулган отам айтган эди.
Отам Жиззахдаги пахта трестида ишларди. Бугун отам билан бирга ишлаганларнинг аксарияти қамоқда. Уларга йўқ пахтани қўшиб ёзишни вилоят ҳокими буюрган. Ҳокимга эса Мирзиёев.
Шароф аканинг ўзлари бу ҳақда «Озодлик»дан ҳар доим очиқ ва баралла гапирар эдилар. Биз энди адолат бўлади деб юрган эдик. Лекин Тангри бизга буни ҳам кўп кўрди.
Шароф ака нега энди бирданига ўзгариб қолдилар, десак, Шавкат Мирзиёев президент бўларкан.
Унда бизни худо урадию…
З.
Жиззах,
Ўзбекистон.
Исмат Хушевга.
Шароф акадан кўнглимиз қолди, шуни у кишига айтиб қўйинг, илтимос.
Сиз у киши билан яқинсиз, биламиз…
Абдувоҳид Исломов,
Вашингтон шаҳри,
Америка Қўшма Штатлари.
Азиз ва қадрли Исмат ака Хушев.
Дубайда шу кунга қадар Шароф Убайдуллаевнинг этагида намоз ўқиса бўлади деб юрардик.
Лекин минг афсуски, адашган эканмиз.
ББС даги суҳбатини эшитиб, жуда ғазабландик.
Одам ҳам шунақа лўттибоз бўладими?
Исмоил, Исроил ва Исомиддин Азизовлар,
Бирлашган Араб Амирлиги
Исматжон Хушевга Буюк Британиядан мактуб
Сизнинг Шароф акага ҳурматингиз баланд эканини билсамда айтмоқчиман: Шароф аканинг ББС даги суҳбатини тинглаб у ҳақдаги фикрим 180 градусга ўзгарди. Мен ҳам у кишини сизга ўхшаган жасур ва принципал журналист деб билардим ва унинг чиқишларига ва мақолаларига қатор ижобий комментлар ёзгандим.
Шароф акани сизга таққослаб кўрайлик: Сизнинг Каримов ва Мирзиёев ҳақидаги фикрингиз замон ўзгарсада ўзгармай қолаяпти. Ҳатто Мирзиёевни «Самарқандга гўр кавлашга жўнатишди, унга тахт етмайди» деган башоратингизнинг шошма-шошарлик билан айтилганинида тан олдингиз. Бу том маънодага мардлик.
Шароф акачи, Кариммовга бир оғиз ҳам танқидий гап айтмасди, Мирзиёевни ер билан яксон қилиб, ҳатто ҳақоратлашгача борарди. Бугун эса Каримовни аждаҳо, Мирзиёвни эса даҳо деб мадҳ қилишга тушди. Шароф ака Каримов ҳақида «Қора юрак» деган фелетон ёзса мен ажабланмаган бўлардим.
Майли бу ҳар кимнинг ўз иши. Нима бўлганида ҳам 80 га яқилашган Шароф акага «Кунгабоқар»лик қилиш ярашмайди.
Дуои салом билан
А.Хоразмий,
Буюк Британия
«Дунё ўзбеклари»дан:
Таниқли ва машҳур ўзбек журналисти, устозимиз Шароф Убайдуллаевнинг ББС даги суҳбатига муносабат билдирилган юзга яқин мактуб, телеграмма, хат, СМС ва телефон қўнғироқлари, Файсбук тармоғидан келган матн ва номаларнинг фақат айримларинигина, уларни ҳам таҳрир ва қисқартириш билан эълон қилдик, холос.
Биз ҳурматли устозимизнинг ББС даги биргина суҳбати ўқувчи ва мухлисларда шунча кўп фикр ва мулоҳаза уйғотади деб сира ўйламаган эдик.
Ҳали почтамизда тўпланиб қолган, эълон қилинмаган хатлар ҳам бор.
Канададан Жавоҳир, Самарқанддан Хадича Хусанова, Москвадан Юлдуз ва Саида, Аброр ва Муҳиддин, Полшадан Зарифа, Адолат, Ойбек, Варшавадан Собир, Дилбар, Дилдора, Анголадан Муниса, Кубадан Зайнобиддин, АҚШдан Диля, Дилмурод ва Баҳодир, Шаҳрисабздан Самандар бобо, Чироқчидан Ойхол Самиева, Хоразмдан Фарҳод, Сингапурдан Малоҳат, Абу Даби (БАА) дан Ойгул, Прагадан Шамсиддин, Ганновер (Олмония) дан Азиза, Муқаддас, Салима, Швециядан Садриддин, Олмалиқдан Содиқ, Истанбулдан Зокир, Толиб ва Саманбойлар ҳам Шароф Убайдуллаевнинг ББС даги суҳбати ҳақида ўз танқидий фикр ва мулоҳазаларини ёзиб юборишган.
Биз устозимиз Шароф Убайдуллаевнинг фикр ва қарашларига баҳо берадиган ҳуқуққа эга эмасмиз. У киши ўзига ва сўзига масъул бўлган, тажрибали ва ҳушёр одам. Шавкат Мирзиёев ҳақида шундай фикрга келган бўлсалар, демак, бу у кишининг ҳуқуқи.
Буни муҳокама қилиш ва у кишига маломат тошини отиш, аслида, керак эмас эди. Одобсизлик бўлади.
Лекин эркин ва демократик жамият матбуотининг қонун ва қоидаларидан келиб чиқиб, қолаверса, ўқувчиларимизнинг бизга ишонч ва умид билан чин кўнгилдан ёзган хат ва мактубларини инобатга олиб, уларни эълон қилишга қарор бердик.
Хулоса қилиш ва сабоқ чиқариш ҳар кимнинг ўзига, доно фикрига ҳавола…
Исмат Хушев,
«Дунё ўзбеклари» Бош муҳаррири,
Торонто шаҳри, Канада,
19 сентябрь, 2016 йил
Мирзиёев ‘Оқсаройга кўчиб ўтди’
-
15 Сентябр 2016
Ўзбекистон Миллий Хавфсизлик Хизмати раиси Рустам Иноятов 13 сентябр куни марҳум президент Ислом Каримовга ҳурмат бажо келтириш учун Самарқандга ташриф буюрган Бирлашган Араб Амирликлари ички ишлар вазири Сайф бин Заидни кутиб олган ва унга ҳамроҳлик қилган.
Бу камдан-кам кўриниш берадиган ўзбек махсус хизматларининг қудратли раҳбари учун мисли кўрилмаган очиқликдир.
71 ёшли жаноб Иноятов мамлакатнинг кейинги президенти ким бўлишида муҳим воситачи ролини ўйнайдиган шахс сифатида кўрилади.
Аммо унинг ўзи шахсан президентликка даъвогар эмас, деб ишонилади.
Айни пайтда президентнинг собиқ матбуот котиби, журналист Шароф Убайдуллаевнинг айтишича, Бош вазир ва вақтинча президент вазифасини бажарувчи Шавкат Мирзиёев аллақачон Ҳукумат уйидан Оқсаройга кўчиб ўтган.
Биз Шароф Убайдуллаевни суҳбатга тортдик ва аввалига Рустам Иноятов ҳозирда очиқликка чиқмоқдами, деб сўрадик.
Видеони YouTube каналимизда ҳам томоша қилинг
Исмат акага қойил! Ҳатто ўз устозини ҳам айаб ўтирмабди. Шароф ака март, бағри кенг инсон менимча хафа бўлмаса керак.
Шароф Убайдуллаев, Жаҳонгир Муҳаммад — ҳар иккаласи ҳам Шавкат Мирзиёев ҳақида тўғри ва бор гапларни айтишган. Улар бир нарсани билишар гапираётгандир. Тажрибали кўпни кўрган журналистлар бўлса. Биз буларни танқид қилишга савиямиз етмайди. Мана Отабек Тошев ҳам эрта индин эълон қилинажак мақоласида: «Мен Мирзиёевга овоз бераман!» деб баралла айтаяпти. Исмат Хушевнинг адолатли ва холис, талантли ва обьектив журналистик позицияда турганидан нишона бу.
Шароф акадек ўзбек журналистикасининг отахони ҳатто адашган, ҳатоликка йўл қўйган тақдирида ҳам, у кишини ҳурматини жойига қўйишимиз, кўп бўлса дилига текмасдан одат доирасида ўз фикримизни билдиришимиз керак. Шу ўринда мен Исмат Хушев акамизга яна бир марта — мардлиги ва холислиги учун қойил қолдим. Адолат ва диёнат бор жойда ҳатто ўз устозини ҳам аяб ўтирмади…
Ассалому алайкум ҳурматли Исмат ака ҳамда Дунёнинг Ўзбеклари!
Бир муддат айрим сабаблар муносабати билан сайтда кўринмасдан туришга мажбур бўлдим ва ниҳоят барча ҳавотир ва қийинчиликлар ортда қолди деб ўйлайман.
Душманларим етим қолишди!!!
Энди асосий масалага қайтсак:Ҳалқимизнинг буюк фарзанди Шароф Убайдуллаевнинг айтган гаплари мағзини тўлиқ чақиб,чуқур мулоҳаза қилиб кейин фикр билдирсаларингиз яхши бўлар эди!
У киши чорак аср тарихимизни,қувончларимиз ва фожеаларимизни,сабаб ва оқибатларини чуқур таҳлил қилган ҳолда,келажакда яхши кунлар келади деган жуда катта умидлар билан ўз фикр мулоҳазаларини ўртоқлашдилар.Ўзларининг ҳолис фикрларини билдирдилар.
Ислом Каримов шахсига эса кўхна тарих ўз баҳосини берди,бераяпди ва яна бераверади!!!
«Ҳалқингга яраша раҳбарингни бераман»!дейилган муқаддас китобларда.
Пахта соҳасида бўладими ёки бўлмасам ҳар қандай бошқа бир соҳада қўшиб ёзиш,ўз ҳизмат вазифасини суъистемол қилиш ёки бир беайб инсонга қайсидир бир казонинг ёки кимнингдир буйруғи билан туҳмат қилиб жабр қилиш ва жавоб бериш вақти келганида дооод солиб ўша важларни рўкач қилиш ва ўзининг айбсизлигини исботлашга уринишларнинг барчаси СОТҚИНЛИК,ВАТАН ХОИНИ,ҲАЛҚ ВА ДАВЛАТ ДУШМАНИ БЎЛГАН КИМСАЛАРНИНГ ҲОЛАТИДИР.
ИСЛОМ КАРИМОВ ЎЛИМИ ҲАҚИДА ЭШИТГАН ПАЙТИМ ҲАЁЛИМГА КЕЛГАН ЭНГ БИРИНЧИ ФИКР «ЭНДИ ЛАНГАРИМ ТИКЛАНАДИ,БЎРИТОШ МУСТАФОЕВ ВА МУРОДУЛЛО ҚУРОЛОВЛАР ЎҒИРЛИКЛАРИНИ ТЎХТАТАДИЛАР,ВАТАНГА ҚАЙТИБ ҲАЛҚИМГА ҲИЗМАТ ҚИЛА ОЛАМАН ЭНДИ,БАРЧАСИ ОРТДА ҚОЛДИ»ДЕБ ЎЙЛАДИМ.
АЗОБДА ВА ҲАДИКДА ЎТГАН 15 ЙИЛЛИК УМРИМ БИР СОНИЯДА УНУТ БЎЛГАНДЕК БЎЛДИ.
ШАВКАТ МИРЗИЁЕВ ШАХСИГА ТЎХТАЛАДИГАН БЎЛСАК.МЕНГА ЭНГ БИРИНЧИ ЎРИНДА МАНЗУР ВА МАЪҚУЛ БЎЛГАН ҲАРАКАТЛАРИДАН БИРИ ИСЛОМ КАРИМОВ ВА УНИНГ ХОТИРАСИГА БЎЛГАН ҲУРМАТИ БЎЛДИ.
ФАҚАТ МАРД ЙИГИТЛАРГИНА ШУНДАЙ ЙЎЛ ТУТА ОЛАДИ.ШАРОФ АКА ИБОРАСИ БИЛАН АЙТАДИГАН БЎЛСАК,ЭНДИ БИЗ ҲАҚИҚИЙ ШАВКАТ МИРЗИЁВНИ КЎРАМИЗ,БИЛАМИЗ ВА БАХОСИНИ БЕРА ОЛАМИЗ.
ШАРОФ АКА ИЛГАРИ ҲАМ БИЛАР ЭДИЛАР АСОСИЙ АЙБДОРЛАР КИМЛАР ЭКАНЛИКЛАРИНИ,БУЛОҚНИНГ БОШИДАН КИМЛАР СУВНИ ЛОЙҚАЛАТАЁТГАНЛИКЛАРИНИ,КИМЛАР ЭНГ КАТТА ПОРАҲЎРЛАР ЭКАНЛИКЛАРИНИ ВА ҲОКОЗОЛАРНИ.
БУГУНГИ КУНЛАРДА ҲАМ УЛАРНИНГ НОМЛАРИНИ АЙТИШ ЎТА ҲАВФЛИ,УЛАР ҲАЛИ КАТТА КУЧГА ЭГА.
РУСТАМ ИНОЯТОВ ТЎҒРИСИДА БИЛДИРГАН ИЖОБИЙ ФИКРЛАРИ ҲАМ ИНСОНДА ЖУДА КАТТА УМИД УЙҒОТАДИ.БИЗ ЭНДИ БИЛСАК АЖАБ ЭРМАС РУСТАМ ИНОЯТОВНИНГ АСЛИДА ҚАНДАЙ ИНСОН ЭКАНЛИГИНИ!!!
БУГУНГИ ЎТИШ ДАВРИДА ҲИССИЁТЛАРГА БЕРИЛМАЙ,ЎТГАН ИНСОНЛАРГА ТОШ ОТМАЙ,БИРГА ИШЛАГАНЛАРНИНГ БАРЧАСИНИ БИТТА ҚОЛИПГА ЖОЙЛАМАСДАН ЭНГ БИРИНЧИ ҚИЛИШИМИЗ БЎЛГАН ИШИМИЗ;
ЖОНАЖОН ЎЗБЕКИСТОНИМИЗНИ ВА ЖАФОКАШ ҲАЛҚИМИЗНИ БУЮК КЕЛАЖАКГА ОЛИБ БОРИШ БЎЛИШИ ЛОЗИМ.
КИМНИНГ ҚЎЛИДАН ВАТАН ВА ҲАЛҚ БАХТИ УЧУН НИМАИКИ ЯХШИ ИШЛАР КЕЛСА БИР ЁҚАДАН БОШ ЧИҚАРИБ ИШЛАР ЗАМОН КЕЛГАНЛИГИ РОСТ БЎЛСИН.
МЕН ЭСА ҲАР ДОИМ ҲИЗМАТГА ТАЙЁР ЭДИМ,ҲОЗИР ҲАР ҚАЧОНГИДАН ҲАМ ТАЙЁРРОҚМАН.МАМЛАКАТ МАРМАР ВА ГРАНИТ СОҲАСИНИ ЖАҲОН БОЗОРИГА ОЛИБ ЧИҚИШ,БИР ПАЙИТЛАРДАГИДЕК МИЛЛИОНЛАБ ФОЙДА КЕЛТИРАДИГАН СОҲАГА АЙЛАНТИРИШ ҚЎЛИМДАН КЕЛАДИ.
ЎҒРИ МУТТАҲАМ ВА ПОРАҲЎРЛАР ЎЗЛАРИ ЙЎҚ БЎЛИБ КЕТАВЕРАДИ ЭНДИ!!!!
Жахонгир Мухаммад хам холис сузлади. Демак у кишидан хам кунгилларинг колдими
Шароф ака 20 кунда иккита интервью бериб хаммани энсасини котирди. 30 ёшлик журналист булсалар майли эди.Ёшлари 80га якинлашиб колганда бундай турланиш жуда хунук куринар экан. Аслида уларни ёшидагилар бир пайтлар социализмга сигинган, кейин Каримовга сигиниб уни диктатор булиб етишишига хизмат килган. Энди бундан кейин, бу шармандачиликдан кейин сиёсий шархларни беришни йигиштириб, ёлгиз яратганга сигинсалар яхши буларди. Бе айб факат парвардигор Шароф ака!
Islom Karimovni yomon deganlar bugun Shavkat Mirziyoevga tosh otmoqda. Bular hech qachon rozi bolmagan omadsizlar. Davlat boshlig’i millat faxri. It huraveradi karvon o’taveradi. President halq yuzi. Presidentga hurmat haqqa hurmat.
Sharof Aka Ubaydullaev axmoq odam emas , katta tajriba egasi .
Mirziyoev xalq uchun,Yaxshi ijobiy ishlar qilishiga umid qilamiz.
И.Хушевнинг Шароф аканинг ББСдаги чиқиши ҳақидаги муштарийлар фикрини жамлаб нашр қилишини Шароф ака «Бетга айтган дўстдир» мақоли асосида тўғри қабул қилишига ишонгим келади.
Шароф Убайдуллаев шунча айтган гапларидан назаримда воз кечмайди. Бу учун у кишида мардлик етарли. Шуни яхши билинг фақат аҳмоқ одамгина ўзгармайди. Мен билмадим энди Ш Убайдуллаев қандай қилиб ўзгарганлигини тушинтирар экан.Ҳақиқатдан ҳам машҳур журналист мувазанатни йўқотди. Лекин ҳар қандай ҳолатда ҳам, ўз қобиғимиздан чиқиб бошқалар мустақил фикрини эшитишни ўрганишимиз керак. Мана уч хафтадан бери фақат “дунёўзбекларини” ҳисобга олмаганда хориждаги оммавий ахборот воситалари Бош вазир Шавкат Мирзиёевни нуқул ёмон томонини кўрсатиш билан оввора гўёки у кишини ижобий томони йўқдек. Қачон Сизлар бетараф холис муносабат билдиришга ўрганасизлар. Нима Сизлар ҳам реал шароитдан узилиб қолганмисизлар. Яхшиси Бош вазирни шахсан билганлар гапирсин,ёзишсин. Шахсан мен бу мулозимни биламан. Курган билганларимни ёзмоқчиман.
U kishi Mirziyoevni uzgarishlar qilayotganini olqishlagan xolos, yaxshi niyatda. Nega boshqacha tushunasizlar. Shoir Abdulla Oripov ham endi Hayot yaxshi buladi degabku.
Tushunmadim, Sh. Ubaydullaevning bu mulohazalari «kungaboqarlik» emas-ku, shunchaki Mirziyoev xalqqa yaqinroq deyapti. Ammo bu narsani vaqt ko’rsatadi, keyinchalik xalqqa yanada yaqinroq bo’ladimi yoki u ham real hayotdan uzoqlashadimi! Sh. Ubaydullaev aytganday har qanday yangi rahbar yaxshi o’zgarishlar qilishga intiladi. Qolaversa, hozir butun dunyo qiziqish bilan O’zbekistonga qarab turibdi, qani endi nima bo’lar ekan deb.