Юсуф Жума. Акром Йўлдош Нукус турмасида — у тирик!!!
Юсуф Жума. Акром Йўлдош Нукус турмасида — у тирик!!!
Акром Йўлдошев беш йил бурун ўлган эмиш. Бу ғирт ёлғон!
“Озодлик”нинг ва ББC нинг Ўзбек бўлимлари билибми билмай Каримовга ишлашади.
Манбалари ҳам МХХ.
Гулнора Каримова жиноятлари юзасидан ҳам Каримовга ишлашади. Ота қизлар ораси ёмон эмиш, Каримов компютерни, интернетни билмас эмиш. Гўё Гулнора нопоку Каримов пок, Гугуша жиноятларидан бехабар, бечорагина Каримов.
Унда Компютер учун пул қаёқда?!
Қолаверса, интернет Ўзбекистонда тўсилган. Шўрлик мустабидга қийин. . . Йўқса қизининг нопок ишларига рози бўлармиди?!
Каримов интернетни мухолифатдан яхши билади. Энг замонавий компютерлар хонасида туради.
Акром Йўлдошев Нукус турмасида, 1-қаватда, кириш эшигидан чап тарафда, энг охирги камерада. Бир ўзи эмас. Камерадошлари ҳам ўзидай инсонлар бўлса керак. Тангри уларни асрасин, омон ва озод бўлсинлар!
Акром Йўлдошевни 2010 йил декабр ойида ўз кўзим билан кўрганман. Мен оперлар хонаси олдида турардим. Акром йўлдош ва камерадошлари юқоридан — сайрдан тушишди. Ҳеч қандай оғир хасталиги йўқ. Қадди тик, вазмин, оғир одимларди.
Суддаги видеодаги “иқрор” МХХ иши. Оғзидаги оқ дока уни касал қилиб кўрсатиш ва истаган вақтда ўлдириш учун. Ёзи қиш уч ярим йил Жаслиқдан Нукусга, Нукусдан Жаслиққа “воронок”да йўллар чақир-чуқур, “воронок”да сув яхлайди, оч юпун, ёзда оловнинг ичидай, этап этиб қийнашади.
“Жаслиқ”ни қанчалик билсам Нукус турмасини ҳам шунчалик биламан. “Жаслиқ” Ўзбекистоннинг энг даҳшатли қамоқхонаси, Бухоронинг “Отбозори” ва Нукус турмалари — энг даҳшатли турмалри. Кимни ўлдириш керак бўлса уч зиндоннинг бирида ўлдирадилар.
Жаслиққа бораётганини билган айрим маҳкумлар ўзларини ўлдирадилар. У ерда тутқун бўлгандан ўлимни афзал билишади.
2011 йил май ойида охирги маротаба Нукус турмасига олиб боришди. Шунда ҳам Акром Йўлдошев тирик, соғ эди. Албатта айрим майда касалликлари бордир, лекин оғир хаста эмасди. Тўрт ярим йил бурун тирик инсон қандоқ беш йил бурун ўлган бўлсин!
Жаслиқда Акром Йўлдошевнинг ёрдамчиларидан Расул билан ҳам бир отрядда, ёнма ён камерада эдим. Ниҳоятда тоза йигит. Иқтисод, ишлаб чиқариш пири. Қани имкони бўлса шундай йигитларни бош вазир, ҳокимлар қилиб сайласанг, эл нақадар фаравон яшарди.
Мен уларни ҳар куни эслайман, ачинаман. Тангридан уларга тоқат, озодлик, умр сўрайман. Четдаги калтабин мухолифат билан гаплашсанг кўнглинг айнийди, улар билан гаплашсанг кўнглинг қувонади.
Нега “Озодлик” манбалари — МХХ малайлари сайраб қолишди.
-
Акром Йўлдошнинг жазо муддати охирлади, уни озод этиш талабидан қутулиш учун
-
Мухолифат Ўзбекистонга қайтмайди деган маънода И. Каримов гапиргач, мен ёздим: Мустабид нодон мухолифат ва ярим МХХ — “Озодлик” ва “ББC” сафсата сотаётгандай Каримов мухолифатни юртга қўймайман деяётгани йўқ, уларни ўлдираман демоқда, ўзи ўлганча барчамизни ўлдирмоқчи, Шу жумладан Акром Йўлдошни ҳам. Миш-миш тарқатди, ҳамма кўниккач, ўлдирмоқчи, Тангри асрасин!
Яна бир марҳум маҳкум ҳақида. Энг охирги ўғри аталган Йўлдошни ҳам Нукус турмасида ўлдиртирди. Заҳарладилар, чириб ўлди. Турмада ҳам инсонлигини йўқотмаган, ҳаммага борини едирган.
Яна бир муҳим ҳақиқатни айтай:
Акром Йўлдош Андижон воқеаларига бошчилик қилди дейиш ғирт тентаклик. Андижон воқеаларини мустабид Каримов бошқарди. Катта сиёсий ўйин эди. Рангли инқилобларни тўхтатиш учун Москва билан Москва малайи Каримовнинг ўйини.
Акром Йўлдошдай сиёсий маҳкумларга ҳаво ҳам ўлчаб берилади.
“Бахти қаро яхши билур бахти қаронинг дардини”— дейди буюк Бобораҳим Машраб.
Наҳотки, барчанинг эси кетган?!
Нега ўттиз миллиондан ошиқ элдан бири сўрамайди: “Нега ўн йилдан ошиқ вақтда ўзининг қайердалигини маълум қила олмаяпдию, қандай қилиб исённи бошқарсин?! ”
Кўзи очиқларни ҳеч бўлмаса Акром Йўлдошни омон сақлаш масаласида ҳаракат қилишга чорлайман.
Акром Йўлдошлар ўлими — фақат оилаларининг эмас, миллатнинг фожеаси. Мен Акром Йўлдошнинг Нукусдалигини қариндошлари ҳам билмаслигини билмасдим, йўқса бурунроқ ёзардим.
Жаслиқ ва бошқа зиндонларда кўрганларим ҳақида китоб ёзганман, Озодликнинг ўзбек бўлими бошлиғи Алишер Сиддиқ “Озодлик” учун сўраганди.
Нотантилик қилди — сўзида турмади.
Бу ишлари учун Алишер Сиддиқ ва Шуҳрат Бобожонлар албатта жавоб берадилар. Алишер Сиддиқ “ББC” дан Озодликка келиб қандоқ бошлиқ бўлиб кўкарганини фақат ахмоқларгина англамайди, бизда эса оммавий ахмоқлик!
Шуҳрат Бобожон сиғинадиган бути ҳақида бир оғиз ҳақиқатни айтсам миллатга хиёнат этди, хотираларим мен учун эмас, миллат учун муҳим эди. Бу Шуҳрат Бобожон ва маҳалладошларининг биринчи хиёнати эмас, охиргиси ҳам эмас. Бу тўда сотқинликларидан миллат параконда бўлди. Акром Йўлдошлар зиндонларда.
Алқисса ББC ва Озодликнинг ўзбек бўлимларини буткул тозалаш керак, барининг ўрнида биргина Жаҳонгир Муҳаммад ишласа, миллат учун, минг карра фойдали бўларди. У “Америка овози”да ишлаганда мустабидга ларза соларди. Афсуски, юртдаги ўзбеклар қанчалик курашмаса, четдаги ўзбеклар ҳам шунчалик курашмайди, курашмаган эл ўлади.
2016 йил 11 январ
Yusuf Juma. Akrom Yo’ldosh Nukus turmasida
Akrom Yo’ldoshev besh yil burun o’lgan emish. Bu g’irt yolg’on!
“Ozodlik”ning va BBC ning O’zbek bo’limlari bilibmi bilmay Karimovga ishlashadi.
Manbalari ham MXX.
Gulnora Karimova jinoyatlari yuzasidan ham Karimovga ishlashadi. Ota qizlar orasi yomon emish, Karimov kompyuterni, internetni bilmas emish. Go’yo Gulnora nopoku Karimov pok, Gugusha jinoyatlaridan bexabar, bechoragina Karimov.
Unda Kompyuter uchun pul qayoqda?!
Qolaversa, internet O’zbekistonda to’silgan. Sho’rlik mustabidga qiyin… Yo’qsa qizining nopok ishlariga rozi bo’larmidi?!
Karimov internetni muxolifatdan yaxshi biladi. Eng zamonaviy kompyuterlar xonasida turadi.
Akrom Yo’ldoshev Nukus turmasida, 1-qavatda, kirish eshigidan chap tarafda, eng oxirgi kamerada. Bir o’zi emas. Kameradoshlari ham o’ziday insonlar bo’lsa kerak. Tangri ularni asrasin, omon va ozod bo’lsinlar!
Akrom Yo’ldoshevni 2010 yil dekabr oyida o’z ko’zim bilan ko’rganman. Men operlar xonasi oldida turardim. Akrom yo’ldosh va kameradoshlari yuqoridan — sayrdan tushishdi. Hech qanday og’ir xastaligi yo’q. Qaddi tik, vazmin, og’ir odimlardi.
Suddagi vidiodagi “iqror” MXX ishi. Og’zidagi oq doka uni kasal qilib ko’rsatish va istagan vaqtda o’ldirish uchun. Yozi qish uch yarim yil Jasliqdan Nukusga, Nukusdan Jasliqqa “voronok”da yo’llar chaqir-chuqur, “voronok”da suv yaxlaydi, och yupun, yozda olovning ichiday, etap etib qiynashadi. “Jasliq”ni qanchalik bilsam Nukus turmasini ham shunchalik bilaman. “Jasliq” O’zbekistonning eng dahshatli qamoqxonasi, Buxoroning “Otbozori” va Nukus turmalari — eng dahshatli turmalri. Kimni o’ldirish kerak bo’lsa uch zindonning birida o’ldiradilar. Jasliqqa borayotganini bilgan ayrim mahkumlar o’zlarini o’ldiradilar. U yerda tutqun bo’lgandan o’limni afzal bilishadi.
2011 yil may oyida oxirgi marotaba Nukus turmasiga olib borishdi. Shunda ham Akrom Yo’ldoshev tirik, sog’ edi. Albatta ayrim mayda kasalliklari bordir, lekin og’ir xasta emasdi. To’rt yarim yil burun tirik inson qandoq besh yil burun o’lgan bo’lsin!
Jasliqda Akrom Yo’ldoshevning yordamchilaridan Rasul bilan ham bir otryadda, yonma yon kamerada edim. Nihoyatda toza yigit. Iqtisod, ishlab chiqarish piri. Qani imkoni bo’lsa shunday yigitlarni bosh vazir, hokimlar qilib saylasang, el naqadar faravon yashardi. Men ularni har kuni eslayman, achinaman. Tangridan ularga toqat, ozodlik, umr so’rayman. Chetdagi kaltabin muxolifat bilan gaplashsang ko’ngling ayniydi, ular bilan gaplashsang ko’ngling quvonadi.
Nega “Ozodlik” manbalari — MXX malaylari sayrab qolishdi.
-
Akrom Yo’ldoshning jazo muddati oxirladi, uni ozod etish talabidan qutulish uchun
-
Muxolifat O’zbekistonga qaytmaydi degan ma’noda I. Karimov gapirgach, men yozdim: Mustabid nodon muxolifat va yarim MXX — “Ozodlik” va “BBC” safsata sotayotganday Karimov muxolifatni yurtga qo’ymayman deyayotgani yo’q, ularni o’ldiraman demoqda, o’zi o’lgancha barchamizni o’ldirmoqchi. Shu jumladan Akrom yo’ldoshni ham. Mish-mish tarqatdi, hamma ko’nikkach, o’ldirmoqchi, Tangri asrasin!
Yana bir marhum mahkum haqida. Eng oxirgi o’g’ri atalgan Yo’ldoshni ham Nukus turmasida o’ldirtirdi. Zaharladilar, chirib o’ldi. Turmada ham insonligini yo’qotmagan, hammaga borini yedirgan.
Yana bir muhim haqiqatni aytay:
Akrom Yo’ldosh Andijon voqealariga boshchilik qildi deyish g’irt tentaklik. Andijon voqealarini mustabid karimov boshqardi. Katta siyosiy o’yin edi. Rangli inqiloblarni to’xtatish uchun Moskva bilan Moskva malayi Karimovning o’yini.
Akrom yo’ldoshday siyosiy mahkumlarga havo ham o’lchab beriladi.
“Baxti qaro yaxshi bilur baxti qaroning dardini”— deydi buyuk Boborahim Mashrab.
Nahotki, barchaning esi ketgan?!
Nega o’ttiz milliondan oshiq eldan biri so’ramaydi: “Nega o’n yildan oshiq vaqtda o’zining qayerdaligini ma’lum qila olmayapdiyu, qanday qilib isyonni boshqarsin?!”
Ko’zi ochiqlarni hech bo’lmasa Akrom Yo’ldoshni omon saqlash masalasida harakat qilishga chorlayman.
Akrom Yo’ldoshlar o’limi — faqat oilalarining emas, millatning fojeasi. Men Akrom Yo’ldoshning Nukusdaliginiqarindoshlari ham bilmasligini bilmasdim, yo’qsa burunroq yozardim.
Jasliq va boshqa zindonlarda ko’rganlarim haqida kitob yozganman, Ozodlikning o’zbek bo’limi boshlig’i Alisher Siddiq “Ozodlik” uchun so’ragandi. Noer chiqdi — so’zida turmadi.
Bu ishlari uchun Alisher Siddiq va Shuhrat Bobojonlar albatta javob beradilar. Alisher Siddiq “BBC” dan Ozodlikka kelib qandoq boshliq bo’lib ko’karganini faqat axmoqlargina anglamaydi, bizda esa ommaviy axmoqlik!
Shuhrat Bobojon sig’inadigan buti haqida bir og’iz haqiqatni aytsam millatga xiyonat etdi, xotiralarim men uchun emas, millat uchun muhim edi. Bu Shuhrat Bobojon va mahalladoshlarining birinchi xiyonati emas, oxirgisi ham emas. Bu to’da sotqinliklaridan millat parakonda bo’ldi. Akrom Yo’ldoshlar zindonlarda.
Alqissa BBC va Ozodlikning o’zbek bo’limlarini butkul tozalash kerak, barining o’rnida birgina Jahongir Muhammad ishlasa, millat uchun, ming karra foydali bo’lardi. U Amerika ovozida ishlaganda mustabidga larza solardi. Afsuski, yurtdagi o’zbeklar qanchalik kurashmasa, chetdagi o’zbeklar ham shunchalik kurashmaydi, kurashmagan el o’ladi.
2016 yil 11 yanvar
Суратда: Исёнкор ўзбек шоири Юсуф Жума Америка Қўшма Штатларида
«Дунё ўзбеклари» учун махсус
3 шарҳ
МАҚОЛАНИ ДЎСТЛАР БИЛАН БАҲАМЛАШИНГLeave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
Yusuf uka! Birinchidan”Ozodlik”va”Bi bi si”radiolari Akram Yo’doshevning 5 yil oldin o’lganligi hukumat versiyasi ekanligini aniq tiniq qilib yozgan. Ikkinchidan radio muxbirlarini sotqinlikda va mahaliychilikda ayblabsiz. Mayli Akrom Yo’ldosh tirik bo’lsin, ollohim unga uzoq umr bersin. Muxolifatga ham tosh otasizmi-ey…
Qoyile.. Bu hukumat uyinlari odamni toza joniga tegdi.
Yusuf aka sizga rahmat, bu kuz ochuvchi habar bulibdi. Ozodlikni habarlari rostanam 1 taraflama, haqqoniylik, holislik yuqligini allaqachon anglaganmiz. Agar uzi bilmagan holatda Karimov foydasi ishlagan bulsa, g’irt ahmoq ekan bular.
Alloh hamisha salomat qilsin sizni.
Бу одамни гапида жон бордай. Озодлик агар Узбекистон хукумати билан бирга ишламаса, албатта Озодлик Узбекистон душмани хисобланарди. Бундан хулоса ясангки, Озодлик вакиллари ёки уларнинг оила аъзолари кандай килиб Узбекистонга бемалол кириб чикиб юришибди. Шахсан узим уз кузим билан курдим, Озодликда ишловчиларнинг оила аъзолари Прагадан Узбекистонга учишди. Агар Узбекистон Озодликни овозини учирмокчи булса, у ерда ишлайдиганларни оила аъзоларига босим ва тазйик утказган булмасмиди…