ДОНАЛЬД ТРАМП: ЎЗБЕКИСТОН ЎЗИ ҚАЕРДА ЖОЙЛАШГАН?
ДОНАЛЬД ТРАМП: ЎЗБЕКИСТОН ЎЗИ ҚАЕРДА ЖОЙЛАШГАН?
Ҳар нима бўлгин-у, инсоф билан бўл, деган нақл бор халқимизда. АҚШда бўлаётган президентликка сайлов доирасида Республикачилар партияси вакили Дональд Трамп Портленд шаҳрида бўлиб ўтган митингда сўзлаган нутқи инсонни ҳайратга туширади. Бошқа давлатлардан мусулмонларни Қўшма Штатларга киришини тақиқлаш ғоясини илгари сурди бу номзод қурғур.
Сомали, Марокаш, Сурия, Афғонистон, Филиппин, Ироқ, Покистон ва Яман билан бирга Ўзбекистон фуқароларини ҳам АҚШга киришини тақиқлаш кераклигини айтган Трамп шундай бетаъсирликка бордики, ҳатто йиғилганлардан бу Ўзбекистон ўзи қаерда жойлашган(!) деб сўрашга ҳам юзи борди.
Мана сизга Америка, мана сизга бу “демократия кафолати” бўлган, “инсон ҳуқуқлари олий даражада таъминланган” мамлакатнинг президенти бўлишга чоғланган шахснинг савияси ва дунёқараши! Ўзбекистоннинг қаерда эканини билмасдан туриб, юртимизнинг террор ўчоғига айлантириб юбормоқдалар. Наҳотки, сайловда овоз олиш учун оғзига келганни вайсаш билан бошқа бир мамлакатнинг номини ёмонотлиққа чиқараётганини тушунмаган бўлса бу Трамп?!
Ўзбекистондагидек тинчлик ва осойишталик таъминланган давлатлар дунёда бармоқ билан санарли эканини бугун ҳар ким яхши билади. Жаҳонда халқаро терроризмга қарши жиддий курашни илк бошлаган ҳам Ўзбекистондир. Юртбошимиз халқаро минбарларда бу борада бонг урган маҳалда кетини қимирлатмаган баъзи мамлакатлар ҳақиқий хавф эшикка келганда, Президентимиз илгари сурган фикрларни кечикиб бўлсада, кун тартибига қўйдилар.
Ўзбекистонда тинчликка раҳна солишга уринган террористик ва экстремистик руҳдаги ташкилотларни айнан АҚШ томонидан турли воситалар орқали қўллаб-қувватланиб, уларга сиёсий ва диний ҳуқуқи чекланганлар мақомлари берилиб келгани ҳаммага равшан. Бугун энди, Ўзбекистон айбдор бўлдими сиз етилтирган жинлар чироқдан чиқиб кетган бўлса??
Террорчининг Ватани, миллати, дини бўлмайди. Агар бўлганида эди, Ҳақ таоло томонидан берилган олий неъмат – инсон ҳаётига зомин бўлишдек шайтонийлик гирдобига тушмасди. Шунинг учун террорчиликда айбланаётган қайсидир бир шахс туғилган мамлакатга тап тортмасдан терроризм ўлкаси номини бериш на сиёсатга, на дипломатияга, на инсонийликка, на ақлга, на фаросатга тўғри келади. Демак, Трамп аталмишда буларнинг ҳеч бири мавжуд эмас.
Дональд Трамп каби “донишманд”нинг АҚШ президенти бўлиш эҳтимолида дунёни нима кутиши мумкинлигини тасаввур қилиш ҳам инсонни ўйга толдиради. Наҳотки, АҚШнинг уч юз миллиондан ортиқ аҳолиси ичида бошқа номзод топилмаган бўлса?
Эй, жаноб Трамп! Маълумот учун айтиб қўяй, Uzbekistan is located in Central Asia! География, 7-синф ўқувчиси дунёнинг исталган ўлкасини харитадан кўзи юмуқ кўрсата оладиган мамлакат!
Дилмурод Жумабоев,
Наманган,
“Дунё ўзбеклари” учун махсус
7 шарҳ
МАҚОЛАНИ ДЎСТЛАР БИЛАН БАҲАМЛАШИНГ6 комментариев
-
Trumpga qarshi gapirish kerak emas balki Trumpning gapidan xulosa qilib boshqa xato va terrochilik qilmaslikni o’rganish kerak. Mana shunda milliy manfaatlarimizga foyda keladi. Trumpga qarshi gapirib yana terrorchilikni avj oldirsangiz o’zingizga va o’z halqingizga zarar bo’ladi xolos.
-
Дилмуродга раҳмат. Трампга қарши биз айтолмаган гапларни айтгани учун. Дунё ўзбекларига раҳмат шу талантли йигитни Намангандан топиб, кашф қилгани учун.
-
Axmad Xorazmiy
Siz bu yerda xatga javob berishiz kerak ekan. Haqiqatdan arablarning aybini amerikaliklarning bo’yniga urush mumkinmi?
Siz umuman amerikaliklar haqida bunaqa fikrga qanday kelgansiz. O’zizning fikringizmi bu? yoki machitdagilarning fikrimi? -
Яхши мақола экан. Дилмурод дўстим, мана шунақа фойдали ишлар билан шуғулланинг. СНБнинг топшириғи билан ўзбек мухолифатига тош отишни йиғиштиринг. Бу давлат ва бу тузум бугун бор, эртага йўқ.
-
Afg’onistonni qonga botirgan Alqoida arablarning guruhi edi. Endi Bush bo’lib qoldimi? Yoki arablarning aybini Amerikaliklarga ursa bo’laveradimi?
-
И.Хушевга раҳмат, шу мақолани сайтга такрор қўйгани учун. Чунки бу мақола нафақат долзарб, асосли ҳам ёзилган.
Энди иқтидорли журналист Д.Жумабоевга бир маслаҳат:
«Трампбой, Ўзбекистон Марказий Осиёда жойлашган!»,деганингиз етарли эмас. Дунё таниган Ўзбекистонни билмаган «саводхон» Трамп Марказий Осиё қаерда жойлашганини қаердан билсин.
Шунинг учун Трампга: «Ўзбекистон деган давлат сенга ўхшаган бир аблаҳ (Буш), террорчи деб қонга ботирган Афғонистоннинг ёнида жойлашган», десангиз балки тушинар.
Leave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
Дилмурод бу мақоласи билан менинг ярадор юрагимга малҳам қўйди.
Бу йигит олдин ўзбек мухолифатни балчиққа ботирган мақолалар ёзарди. Оқни кўра била туриб, қора дегани учун мен ундан нафратланардим. Жумладан сиздан ҳам. Сиз кейинчалик мухолифатга тош отишни тўхтатиб, тўғри ва адолатли, инсоний йўлга ўтдингиз. Бу йигит ҳам бундан кейин мана шунақанги мақолалар ёзса, яхши бўларди. У анча жиддий, билимли йигитга ўхшайди. Мана шу мақоласини муҳтарам олимимиз Хоразмий домла айтганларидай, инглиз тилида ҳам эълон қилса, нур устига аъло нур бўлурди. Сиз бу муаллифнинг туғилган куни муносабати билан эълон қилган табригингизда унинг инглиз тилини яхши билишини ҳам айтиб ўтгансиз. Мустақилликнинг 25 йиллиги муносабати билан вилоятлардаги ўзгаришлар ҳақида яхши нарсалар бераяпсиз. Дилмуродбекни ҳам бу хайрли ишга жалб этсангиз, Наманганда ҳам яхши ўзгаришлар жуда кўп. Бу бошқа мухолифат сайтларида кўринмайди. Улар фақат ғаразгўйлик ва қоралаш билан овора Ўзбекистонни. “Дунё ўзбеклари”ни тез орада катта обрў эътибор топишининг асосий сабаби ҳам мана шу бағрикенглигингиз ва худо берган журналистик истеъдодингиз. Омадингизни берсин.
Дилмурод баракалла
Hey islomparast o’zbeklar o’z ayog’ingizga bolta urmang. O’z ayog’ingizga bolta ursangiz sizni boshingizga dron bilan urishadi.
Сизнинг олдин ўзбек мухолифатини ҳақорат қилиб ёзган мақолаларингизни ўқиб, Сиздан ва Исмат Хушевдан нафратланардим. Исмат Хушев кейинги бир йилда бу нафратдан имкон қадар чиқиб кетишга муваффақ бўлди. Бунга унинг сайтида эълон қилинаётган ўзбек ҳукумати ва хусусан СНБ ҳақидаги аналитик ва танқидий мақолалари сабаб бўлди. Сиз аслида ақлли ва билимли йигитга ўхшайсиз. Лекин шуни яхши билиб қўйинг: Ўзбек халқи ва давлати ҳеч қачон Ислом Каримовнинг 25 йиллик қатағон ва диктатура сиёсатини истамаган. Буни аслида сиз ҳам истамайсиз. Мен буни яхши биламан. Лекин била туриб, кўра туриб, ёлғон гапиришни нима деб айтиш мумкин? Агар ўзбек ҳукуматининг ақли ва фаросати бўлса эди, улар Исмат Хушевга ўхшаган асл журнат лситларни чет элларда хор қилиб қўймай, Ўзбекистонга чақириб олиб, улардан халқ ва давлат манфаати йўлида фойдаланган бўларди. Буни сиз ҳам яхши биласиз. Бу давр абадий деб ўйламанг. Эрта бир кун Сизни дордан мана шу сайтда қилган чиқишларингиз ва Исмат Хушевнинг очиқ ойдин кўрсатмалари қутқазиб қолиши мумкин. Нафақат сизни, бугунги каримов тузумининг барча мулозимларини, иноятов бошчилигида албатта. У ўзбек халқининг энг бош жиноятчиси. Шуни унутманг.
Amerikada radikallashganlar Ulug’bek Qodirov, jamshid muxtarov va fazliddin qurbonov kabilar o’zbeklarni hali ko’p yomonotliq qiladi. Bu dindor fanatiklar o’zbek halqining milliy manfaatlariga zarar qilmoqda. Mana Trump endi o’zbeklarni Amerikaga kelishni taqiqlamoqchi!!!!!! Buni nima ekanligini tushunadimi bu dindorlar????
Мана шу журналист йигитнинг ёзганлари менга ёқади, тўғриси. Чунки унинг ёзганларини ўрисчасига айтганда ТОПОРОМ НЕ РУБИШ. Мана шу мақолани инглиз тилига ҳам таржима қилиб нашр қилиш лозим.
Энди икки оғиз “Дунё ўзбеклари”нинг демократик маҳорати ҳақида
Эътибор берсангиз Д.Трамп ҳақидаги иккита материални ёнма-ён берган. Бу иккита мақолани ўқиган кўпчилик ўқувчи Трампни қўлламаса керак.
Бироқ Б.Чориевнинг Трампни қўллашида асоси бор. Унинг Ҳ.Клинтондан ҳақли равишда кўнгли қолган.