Бугун пойтахтимиздаги Минор қабристонига зиёратга боргандим. Йўл юзида Ўзбекистон Халқ шоири Рауф Парфининг қабри эътиборимни тортди. Анчадан бери ҳеч ким келмагани шундай кўриниб турибди. Ҳамма ерни ўт босиб кетган, бир даврлар кимдир ўтказган атиргуллар ҳам сувсизликдан қуриб ётибди. Бу ҳолатни суратга тушириб, сайтга жойлаштирмоқчи ҳам бўлдим-у, аммо гуноҳга ботишни истамадим.
Ўз даврида энг машҳур шоирларимиздан бири бўлган ушбу ажойиб сўз заргарининг қабри минг афсуски бугунги кунда хароб бир аҳволда ётибди. Оила аъзоларидан, ҳеч бўлмаса шогирд ва ҳамкасбларининг ҳам биронтаси келиб, тиловат қилиб, сал у-бу ерни тозалаб қўйса бўлмасмикан?! Йўл юзидан жойлашган қабр олдидан жуда кўп одам ўтади. Ўша инсонлар орасида ҳам сал ўтларни тозалаб қўядиган бирон виждонли киши топилмабди-да…
Одамлар ҳозирги турли ташвиш-муаммолар билан югуриб, керак пайт энг охирги маскани бўлмиш қабристонда ётган авлод-аждодлари жойидан хабар олиб қўймаслиги жуда ачинарли.
Бундай хароб, ўт ўсиб кетган қабрлар жуда ҳам кўплиги мени ҳайрон қолдирди. Биргина Хотира ва қадрлаш куни ёки Ҳайит айёмлари куни озгина вақтга келиб кетишлари етарли эмас назаримда. Вақти-вақти билан авлодлар ётган манзилларни тозалаб туриш, озода сақлаш ўзбеклар қонига сингиб кетган одатлардан бири эканлигини бора-бора унутиб қўймасак бўлгани…
Сўзимиз сўнггида марҳум ижодкор, Ўзбекистон халқ шоири Рауф Парфи ижодига оид бир машҳур шеърни келтирамиз.
Сени кутдим куйиб оташда
Ойлар ўтди ва йиллар ўтди,
Лекин сендан бўлмади хабар.
Ёлғиз сени мен ёлғиз кутдим,
Кута бериб хун бўлди жигар.
Karim Bahriev prichom betta.
Uyat, sharmandagarchilik. Bu o`zbeklar hech qachon odam bo`lmaydi deganda Yusuf Juma va A.Po`latlar to`gri aytishgan ekan.
Bu qabriston Karim Bahrievning uyi yonida. Uning rasmlarini va taqrizlarini taqativ, maqtanguncha qabrini tozalasa bo`lardi…