“Сизга бахтдин тахт тилаймиз, толедин бошизга тож…” (Эркин Воҳидовдан)

Ош беришнинг ҳам хосияти катта.

Айниқса, қиз фарзандингизни турмушга узатиш муносабати билан ана шу маросимни уюштирсангиз, сизни билган ва ҳурмат қилган дўстларингиз атрофингизда жамулжам бўлишади. Чин дилдан қутлашади.

Анчадан буён кўришолмай юрган дўстларнинг дийдорига, суҳбатларига нима етсин. Дўстимиз Муҳаммаджон қизлари Дилафрўзнинг никоҳ тўйи муносабати билан “Уч чинор” тўйхонасида ош берганида ана шу хурсандчиликка яна бир карра гувоҳ бўлдик.

Муҳаммаджоннинг ва қудалари Жўрахон ҳожи отанинг “Қизириқ” дан келган қариндошлари барчаси мамнун бўлишди. Эл ардоғидаги машҳур санъаткорлар, шоиру фузалолар, олиму уламоларнинг дийдори ва дуолари икки ёш қалбнинг бахтини берсин деган хайрли ниятлар билан уйғун бўлиб кетди.

Тўйлари ярашадиган жумлайи жаҳон ҳавас билан қарашадиган озод, обод ва ҳур Ўзбекистонимизга кўз тегмасин, осойишталик ва тинчлик барқарор бўлсин!