Ўйнаши билан телефон суҳбати ошкор қилинган аёл қиссаси
Published on May 1, 2016
OzodMikrofon эшиттиришига мурожаат қилган тошкентлик 33 яшар аёл хуштори билан хуфёна телефон суҳбатлари ёзиб олиниб, яқинларига ошкор қилинганини иддао қилмоқда. Унинг даъвосича, хушторининг хотини Тошкент вилояти ИИБдаги қариндоши кўмагида мобил ширкатига буюртма берган ва икковлоннинг телефон суҳбатлари ёзиб олинган тасма яқинларига эшиттирилгач, аёл икки боласи билан кўчага қувилган.
Шу кунда икки боласи кўчада қолганидан арз қилган тошкентлик 33 яшар Дилфуза (аёлнинг исми ўзгартирилди — таҳр.) ўзи ва хуштори Ўзбекистондаги мобил ширкатларидан бирининг (иддао суриштирилаётгани боис, ширкат номи ҳам ҳозирча ошкор қилинмаётир — таҳр.) хизматидан фойдалангани ва уларнинг суҳбати ўзларидан яширинча ёзиб олинганини даъво қилди:
«Ўтган йилнинг 20 июлидан 20 августигача … номерида бўлган суҳбатларнинг ёзиб олинган дискини у кишининг (ўйнашининг — таҳр.) хотинини органларда ишлайдиган акаси олиб берган. У дискни менга, ота-онамга эшиттиришди. Шу билан эрим мени кўпчиликнинг ичида талоқ қилди ва бирга қуриб битирган уйимиздан икки болам билан чиқарворди.
Мен, майли, хато қилдим, тан оламан, бунга сабабларим бор. Лекин, мобил кампаниясининг нима ҳаққи бор — менинг шахсий суҳбатимни мендан беркитиб ёзиб олиб, уни бошқаларга беришга, мени шантаж қилишга?!» деб иддао қилди Дилфуза.
ОЗОДЛИК
2 шарҳ
Leave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
Бошкаларга сабок булсин. Энди ачишибтида…
Dilafruz
03.07.2016 at 21:07 (Edit)
Ajab bupti bunaqa ifloslar kupayib bunaqa ifloslarga ollohni lanati bulsin