Янги журнал нашри учун маблағ топиш илинжида нуфузли бизнес элитадаги дўстларимиз таклифи билан Ўзбекистонга – Салимбой номи билан машҳур кишининг салтанатига сафар қилдик.
Аввалига бир оз иккиланиб йўлга чиққан эдик, лекин сафаримиз ҳар томонлама унумли ва мароқли бўлди.
Эшитишимизча, Салимбой эркин кураш билан шуғулланувчи спорт мактабидан етишиб чиққан авторитет.
Бугунги кунда у нафақат бизнес оламида, балки Ўзбекистондаги сиёсий ва молиявий давраларда ҳам танилган одам.
Айтиш мумкинки, у мамлакатдаги энг бой одамларнинг биринчи учлигида.
Ҳар гал биз Тошкент кўчаларида мана шунақанги ваҳимали машиналар карвонида сафар қилардик.
Дачани суъратга олиш баҳонасида мен навбатдаги зиёфат “азоби”дан қутулиб қолдим.
Ва алал-оқибат Сиз кўриб турган Тошкент вилоятидаги мана шу бетакрор табиат ва хаёл суриб турган гўзал хоним суратларини мангуга муҳрлаш ва Сизларга улашиш бахтига муяссар бўлдим.
Тун ярмида эса биз – шўх ва сархуш даврадошлар билан Ўзбекистон пойтахтидан 80 километр узоқликдаги Чорвоқ денгизига чўмилишга бордик…
Салимбой нафақат ишбилармонлар даврасида, балки маданият ва санъат дунёсида ҳам таниқли одам.
У дунёдаги жуда кўп лойиҳаларини, маданият ва санъат гўшаларию даргоҳларини маблағ билан таъминлаб, спонсорлик қиларкан.
Дарвоқе, унинг барча костюм шимлари, оёқ кийимлари, уйи, қароргоҳи ва дачасидаги барча мебеллари таниқли ғарб дизайнерлари томонидан буюртма асосида тайёрланган ва ўзининг махсус герби билан йўғрилган.
Салим Абдувалиев айни пайтда эркин кураш бўйича Ўзбекистон спорт Ассоциасининг Президенти ҳам.
Билишимча, кураш тушиладиган томошагоҳ ҳам Салимбойнинг шахсий маблағига қурилган ва ҳозир ҳам унинг ҳисобидан фаолият олиб боради.
Салимбойнинг атрофида унинг ёрдамчилари томонидан эртадан кечгача хўжайиннинг ишончи учун “парда ортидаги” сирли ва пинҳоний курашлар давом этаётганини ҳам сезиш мумкин.
Айёр ва нозик дидли Москвадаги сурбетларча иккиюзлилик фонида бу, ҳар қалай, жуда оддий ва содда бир ҳол эди биз учун.
Биз учун махсус уюштирилган спорт мусобақаси ва концерт дастуридан сўнг бар, ресторан ва зиёфатхоналардаги тинимсиз ичкиликларни бу гал кўтара олмадим…
Эрталаб, тонг ғира-ширасида бош оғриғи баҳонасида эллик граммни отволиб, мени тоққа олиб боришларини илтимос қилдим.
Чамаси икки соатлардан сўнг мен аллақачон мана шу Сиз кўриб турган чўққилар бағрида эдим ва саҳарги бош оғриғидан энди асар ҳам қолмаганди.
Салимбойваччанинг кенжа ўғлининг исми Жасур экан.
Унинг менга ҳамроҳлиги боис тунги ресторандаги можародан эсон-омон қутулиб қолдим.
Йўқса, ҳолимга вой бўлиши аниқ эди…
Ростини айтганда – айб менда эди, кўп ичилганди.
Лекин Жасур маст бўлмади. Балки у умуман ичмас.
Тунги ресторандаги нохуш ҳол ҳам Ўзбекистондаги Салимбой салтанатига қилган ғаройиб сафаримиз кайфиятини барибир бузолмади…
Ismat aka. Gofurboy haqida ham maqola bering iltimos. HOZIR U QAERDA VA NIMA ISH BILAN MASHGUL. nega uzbekistonni tark etdi nima uchun va kim uchun. MIRODILBOY QAERDA…
Salimboyga shon sharaf!
salimboyga qoyil qolish kerak. 27 yildan bo`yon prezident ham, bu ham yashab kelishyapti tahtni hech kimga bermay…
Ismat aka. Gofurboy haqida ham maqola bering iltimos. HOZIR U QAERDA VA NIMA ISH BILAN MASHGUL. nega uzbekistonni tark etdi nima uchun va kim uchun. MIRODILBOY QAERDA…