“Бугун эрталаб соат 6 да бир катта ёзувчи телевизордан латифа айтаяпти одамларни кулдириш учун. Ахир кеча, куннинг иккинчи ярмида Эркин Воҳидов қазо қилган эдику?! Ҳукумат жамики кўнгилочар эшиттиришларни телевидениедан олиб ташламайдими?!” – деди публицист Шароф Убайдуллаев Шоирнинг вафоти муносабати билан Озодликка берган махсус суҳбатида.

Суҳбатдан олинган яна бир неча узинди:

“Айб биринчи навбатда ёзувчиларимизда, уларнинг раҳбарларида. Мана шу читтакларни, мана шу қуёнларни раҳбарлик лавозимларига қўйиб қўйишган ва улар ҳаммамизнинг юрагимизга читтакнинг, қуённинг суратини кўчирган”.

“Сенат Эркин Воҳидовнинг обрўсини кўтарган эмас, Эркин Воҳидов Сенатнинг обрўсини кўтариб турар эди”.

“Ёзувчилар союзининг раиси Муҳаммад Али бугун телефон қилиб, “Эркин Воҳидовнинг уйи қаерда”, деб сўрабди…”

OzodNazarPlus: Шароф Убайдуллаев Эркин Воҳидов ҳақида