Бетавфиқ раҳбарни сўкканим учун, Уч йил ётар бўлсам ётганим бўлсин…
Изтироб
Бетавфиқ раҳбарни сўкканим учун,
Уч йил ётар бўлсам ётганим бўлсин.
Унинг йўқ обрўйин тўкканим учун,
Тўлов берсам борим сотганим бўлсин.
Халқимга қадрингни бил десам агар,
Кураш, ҳақни ошкор қил десам агар,
Бу қутқу аталса давлатга зарар,
Қанча азоб бўлса тортганим бўлсин.
Амалдор дер эса, тузум ‒ мен ўзим,
Фармон фармонимдир, сўз менинг сўзим,
Мен бундай тузумдан ўгириб юзим,
Тамом жиноятга ботганим бўлсин.
Тифлисда халқ узра танк юборган зот,
Шаънин қилар бўлса қонун эҳтиёт,
Ўша зот коммунист бўлса, мен ҳайҳот,
Фирқа дафтаримни отганим бўлсин…
«Дунё ўзбеклари» учун махсус…
1 шарҳ
МАҚОЛАНИ ДЎСТЛАР БИЛАН БАҲАМЛАШИНГLeave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
Эркин Вохидов бу шеъри ўз актуаллигини хозир ҳам йўқотгани йўқ! Бу топилмас шеърларни қаердан топиб сайтга қўяркин Исмат ака, қойил қолиш керак…