Исмат Хушев: Қаҳрамон аёл Маҳбуба Зокировага қасида
Исмат Хушев: Қаҳрамон аёл Маҳбуба Зокировага
(Ўн йил муқаддам ёзилган шеър)
|
|
Исмат ХУШЕВ
(Канада)
Моҳи Рамазоннинг бир жумасида,
«Озодлик» дунёга тарқатди хабар:
– Ўзбекларнинг Олий Маҳкамасида
Бир аёл ҳақ гапни айтди бу сафар!
Наҳотки ёлғоннинг йўлини ёпдинг,
Бу не кароматинг бўлди эй фалак!
Сен бу Маҳкамага қайдан йўл топдинг,
Андижондан келган довюрак малак!
Шунча самимият, шунча ҳалоллик,
Шунча шижоатни қайдан ололдинг?
Олий Суд юзига боққанингча тик,
Миллион юракларга титроқ сололдинг.
Зулм ва ҳақорат ҳоким Ватанда,
Намойиш этолдинг гўзал исённи.
Менда йўқ жасорат бор экан санда,
Кўзини очдинг-ку Ўзбекистонни!
Кўзларини очди бу кўҳна олам,
Сесканиб уйғонди мудроқ кўнгиллар.
Энди юрагимни тирнамас алам,
Токи тирик экан сендек сингиллар!
Қонхўр ҳукуматни ҳамкор деб билган,
Россия, Хитойга аччиқ сабоқ бу!
Улар хаёлини паришон қилган,
Маҳбуба исмли дилбар маёқ бу!
Зулмнинг қоронғу йўлкаларини,
Бир ғужум нур бўлиб ёрита олдинг.
Ўзбекнинг эгилган елкаларини,
Кўтариб дардини арита олдинг.
Гўзал Руминия гўшаларида,
Номинг дуо билан тилларда достон.
Тешиктош ва Ўшнинг кўчаларида,
Бошланган дейишди сендаги исён…
Бугун тақдир сенинг қўлингдан тутди,
Хориж ва ҳибсда қолди эркаклар…
Синглим, ўн олти йил умримиз ўтди,
Сармаст юртбошидан тинглаб эртаклар.
Олис Канаданинг сўлим шаҳридан,
Таъзимлар йўллайман Маҳбуба синглим.
Ислом Каримовнинг зулму-қаҳридан,
Энди хавотирлар беҳуда, синглим!
Энди тонглар яқин, инқилоб яқин,
Шўрлик ҳурриятнинг тикланур қадди.
Энди мамлакатда бўлса бир чақин,
Унга ҳукуматнинг етмайди ҳадди…
«Мени қамайсизми?» – дема, эгма бош!
Сени паноҳида асрайди Эгам.
Эртага нур сочиб чиқади қуёш,
Ҳали Ватанимга қайтаман мен ҳам!
Умринг узоқ бўлсин, ғам кўрма сира,
Барча балолардан асрасин Оллоҳ.
Тўртта фарзандинг ҳам ҳалол, бокира,
Ўсиб улғайишсин! Омин! ИншоОллох!
2005 йил, Торонто шаҳри, Канада
«Дунё ўзбеклари» учун махсус
МАҚОЛАНИ ДЎСТЛАР БИЛАН БАҲАМЛАШИНГ
1 Comment
-
Tangrim dini -Turkiylar dini:
Ismat aka
Man andijonliklarni yaxshi bilaman. Hammasi dinga berilib hech kimga quloq solmaydigan bo’lib ketishgan. Hamma ayb o’zlarida bo’lishi mumkin. Hokimiyat ham etti marta o’lchab bir marta kesadi.
Leave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
5 шарҳ
Бу шеър менимча 5 йил олдин қайсидир нашрда чиққан эди. Ажойиб ёзилган, ёрқин, оддий, ҳаммага тушинарлии, тарихий маънога бой. Исмат ака журналистикада ҳаммани қойил қолдирган эдингиз, шеъриятда ҳам сизга беш кетдим. Шеърларингиз устозингиздикига ўхшаб кетади.
Ажойиб, хакконий ва тарихий шеър битган экансизу, аммо устозга хурмат деб нашр килмаган экансиз шекилли хурматли Исмат ака!
Сармас юртбошидан эртак эшитиб катта булган болалар бугун болаларини юртда колдириб узлари дунё эшигида мардикор. Эртакларни болалари хар куни эшитаяпди, свет учган пайтлари ота оналари жунатган пулга бозорга чикишиб бозорлик килиб келишаяпди.
Ёлгонларни телевизорда, хакикатларни кучада куриб улгаяётган бу авлод энди эртакларга ишонмайди. Озодлик ёзишича куни кеча Сурхондарёда 16 та усмир иш жойларини химоя килишиб ОРГАН боскинчилигига карши чикишибди ва хибс килинибди. Олпомиш авлоди “ЁШ ГВАРДИЯ”си булиб тарихда колишса ажаб эмас вакти келиб.
Бизнинг Лангар халки хам 2003 йилларда Прокуратура ва милиция кумагидаги боскинчиликларга карши чикишиб куплаб ВАТАНПАРВАРЛАРИМИЗ КАМАЛДИ, КУККИСДАН ЮРАК КАСАЛИ БИЛАН УЛИШДИ! ОРГАН ХОДИМЛАРИ АКТИВИСТЛАРНИ КУРКИТИШДИ, УЛАРНИНГ КУЛЛАРИДА КИМНИНГ ФАРЗАНДИ КАЕРДА ЯШАЙДИ, УКИЙДИ ЁКИ ИШЛАЙДИ ТУЛИК МАЪЛУМОТЛАР МАВЖУД ЭКАН.
КЕЛГАН ОРГАНЧИЛАР ХАЛКГА КАРАТА СИЗЛАРНИНГ ФАРЗАНДЛАРИНГ НАРКОТИК БИЛАН ЁКИ БОШКА САБАБЛАР БИЛАН КАМАЛИШИНИ ХОХЛАСАНГИЗ КУРАШНИ ДАВОМ ЭТТИРИНГ ДЕБ ХАЛКНИ ТИНЧИТГАН ЭДИ.
Буйин эгмаганлар йук килинди! Юртимиздаги бугунги боскинчиликлар худди Берлинда бораётган охирги жангларга ухшаб кетади. Душман Оксаройдами, девонхонадами, КОНСТИТУЦИОН СУДДАМИ хеч ким билмайди, аммо хар бир жиноятнинг боши ва охири бор!
Чораги утиб, ками колди. Казолар кузларини каттарок очсалар, боскинчиликларга чек куйсалар яхши булар эди. Ха деб айтилаверса, кайтарилаверса РОСТ гап хам жонга тегади, бу ерди энди доим ёлгон гап суяклардан хам утиб кетди. Билмайдику кушиги эскирганига икки срок булди. Карс экки кулдан чикади дейишган, мана шу иккала панжа орасида колган бечора халкдан кечирим сураш ва хакикатни тиклаш даври келмадимикан???
Халкимиз ута кечиримлик, иккала томоннинг хам хакикий айбдорларини хакконий жазолаш, эндиги кузланаётган боскинчиликларни тухтатиб кола олади! Ислом Абдуганиевич бу сафар халкимиз дардини хам ростакамига эшитсалар нур устига нур булар эди. Мен хам иккиланиб бошладим, Кодиров ва Мустафоевлар хали хам угирлик устида эканликларидан, боскинчиликлар тухтамаётганлигидан кейин нима хам деб уйлай.
Рустам Расулович мамлакат ва халк хавф остида, эртага эса кеч булади!
3 шарҳ
Сиз нафакатгина яхши ёзувчи, балким ажойиб шоир ҳам экансиз. Оллох рози булсин.
2011 da mening 63 yoshga tulishim munosabati bilan bir guruh olim va ijodkorlar imzosi bilan “Yangi dunyo” nashrida katta maqola nashr qilingandi.
Maqola mualliflaridan biriga: “Shoir va jurnanist I.Xushev” deb yozganida, I.Xushev “har kimni ham shoir deb yozavermaslik kerak” deb “shoir” suzini oldirib tashlagan ekan.
Taklifim shu: I.Xushev uzining manashu sherini yaxshilab uqisin-da “Yangi dunyo” hashridan uzr tilasin.
Yana bir taklif: Shu sherga Mahbubaning suratini-da ilova qilish lozim.
Қаҳрамон аёл Маҳбуба Зокировага бағишлаб ёзган шеърингизни ўқиганимда кўзларимдан ёш чиққиб кетди. Бир умир шоирман деб юрганлар ёзганлари сизни ўшбу бир шеърингизга арзимайди. Халқимиз бахтига соғ саломат бўлинг Исмат ака!