Нуруллоҳ Муҳаммад Рауфхоннинг ‘Бу кунлар’и. 1-қисм
Нуруллоҳ Муҳаммад Рауфхоннинг ‘Бу кунлар’и. 1-қисм
Таниқли адиб Нуруллоҳ Муҳаммад Рауфхон (Нурулло Отахонов)»Бу кунлар» номли янги асарини интернетда ўқувчилар ҳукмига ҳавола этган.
Ёзувчининг расмий веб саҳифаси — nurullohuz.com да чоп этилган асар Ўзбекистон ҳақида ҳозирга қадар мамлакат ичкарисида ёзилган асарлардан ўзининг танқидийлиги билан ажралиб туради.
Адибнинг ўзи «ҳужжатли сиёсий-ижтимоий ҳикоялар» деб атаган асарда Ўзбекистондаги ўзгача фикрловчилар, жумладан, диндорлар ва сиёсий мухолифатга қарши репрессиялар қораланади, мамлакатнинг янги тарихидаги фожиали воқеалар борасида ҳукуматнинг расмий нуқтаи назари савол остига олинади.
Муаллиф президент Ислом Каримовни, ўз таъбирича, халқни «Оллоҳ берган эркинликлардан маҳрум қилиш», «шафқатсизлик ва ҳокимиятни сақлаб қолиш йўлида ҳеч нарсадан қайтмаслик»да айблайди.
«Бу кунлар»нинг эълон қилиниши муаллиф Туркияга ижодий сафар қилган паллага тўғри келган.
Паҳлавон Содиқ Нуруллоҳ Муҳаммад Рауфхон билан Истанбулда учрашган.
Ман укиб чикдим, койил жасоратли одам экансиз. Хакикат, хакикат, лекин качонлардир бизнинг юртда халол шариат, дин, одиллик булган деган фикрни сиздиргансиз. Бу нарса булмаган хатто Амир ТЕМУР ЗАМОНИДА хам, хонларимиз маишатпараст, бузук булишган, уз халкини эзган факат…
Давлат Мустақиллиги – улуғ неъмат, кўпқиррали жавҳар. Унинг асосий қирралари ўз ифодасини топган бирламчи ҳужжат Мустақиллик Декларациясидир. Давлат ҳокимияти ана шу бирламчи ҳужжат ҳақиқатларини мана 26 йилдан бери юзага чиқармай келаяпти. Лекин “Бу кунлар” китобида Мустақиллик Декларациясининг 12 бандидан биронтаси келтирилмаганининг сабаби мен учун қоронғу. Ахир, биз интилган Мустақилликнинг асосий қирралари ифодаланган бошқа бирон расмий ҳужжат йўқ-ку. Пастда, мисол тариқасида, Мустақиллик Декларацияс ининг иккита бандини келтираман.
9. ЎзССРнинг давлат мустақиллиги фуқаролар, сиёсий партиялар, жамоа ташкилотлари, оммавий ҳаракатлар ва диний ташкилотларнинг давлат ва жамият ҳаётини бошқаришда уларнинг тенг ҳуқуқий имкониятларини рўёбга чиқаришнинг зарур шартидир.
10. ЎзССР давлат ҳокимияти фақат демократик асосда ЎзССРнинг қонунчилик, ижроия ва суд ҳокимиятларига бўлинади, улар ўз функцияларини ЎзССР халқининг манфаат ва эҳтиёжридан келиб чиқиб бажаради, миллатларнинг ва элатларнинг тенг ҳуқуқлилигини таъминлайди. Шунингдек, озчиликни ташкил қилган гуруҳлар ўз фикри ва манфаатларини ҳимоя қилиши учун имконият яратиб беради.
Мустақиллик Декларациясининг бу иккита банди амалда ишлаяпти деса бўладими?