Исмат Хушев: Ўзбекистон Ички Ишлар вазири истеъфога кетиши керак!
Исмат Хушев:
ИЧКИ ИШЛАР ВАЗИРИ ИСТЕЪФОГА КЕТИШИ КЕРАК!
Ҳаёт гултожи бўлмиш аёлга қўл кўтарган эркак — эркакми?
«Мустақилман!» деб ўз аёлини хор қилган давлат — давлатми?
Милиция — она, опа ва сингилларимизни нега тепади?
Муҳожиротдаги ўзбек журналисти шаҳри
1.
Бир ҳафтадан бўён ҳеч ўзимга келолмайман.
«Озодлик» радиоси эълон қилган — милиция аёл кишини тепаётган сурат ва видеони кўргандан бўён кайфиятим йўқ.
Погонли бир зўравон аёл кишини ураётгани учун эмас, йўқ.
Давлат ва ҳукумат воизи бўлмиш — тинчлик ва осойишталикни сақловчи милиция ходимининг — ерда ётган аёлни бемалол хўрлаётганини кўра туриб, индамай томошо қилиб турган ўзбек халқидан хафаман…
2.
Ерда додлаб ётган аёл — кимнидир онаси, опаси ва ё синглиси.
Уни уриб, сўкиб, юзига ифлос пойабзалини бемалол босаётган зўравон ҳам кимнидир ўғли, акаси ва ё укаси.
Ҳатто ўз уйида ҳам аёл кишига овозини бир парда кўтариб гапиришни одобсизлик деб билган ўзбек эркагига нима бўлди?
Нега у бугун бемалол ўзбек аёлини кўча-куйда ҳам тап тортмай калтаклаши ва тепиши мумкин?
Ўзбекистон — Ўзбекистон бўлиб, тарих — тарих бўлиб ҳали ҳеч қачон аёлларимиз бунчалар хору-зор ва абгор бўлмаган, мулозим ва мелисаларимиз бу қадар ҳаддидан ошмаган эди…
Бунинг сабаби нимада ва кимда?
3.
Бунинг энг биринчи сабаби — кейинги йигирма беш йилда Ўзбекистонда «Мустақиллик» номи билан адолатсиз ва диёнатсиз жамият қурилди!
Бизда — халқ ҳокимияти эмас, балки давлат ва диктатура ҳокимияти, яккаҳокимлик ҳукмрон бўлди.
Диктатура ва яккаҳокимлик ҳукмрон бўлган жамиятда эса — Қонун ва Фармонлар ишламайди. Давлат ва ҳукумат вакилларига чексиз ва чегарасиз ҳуқуқ ва имтиёзлар берилган.
Улар халқни уриб, сўкиб, бемалол ҳақоратлаши ва калтаклаши мумкин. Бунинг учун уларни ҳеч ким уришмайди, жавобгар қилмайди, жазога тортмайди.
Шундай деб энг юқоридан — Президент маҳкамасидан уларга айтилган ва кўрсатма берилган…
4.
Мустақилликнинг кейинги йигирма беш йилида бунга ўхшаш воқеа ва ҳодисаларни Ўзбекистонда истаганча учратиш мумкин.
«Ўйнашмагин арбоб билан — арбоб урар ҳар боб билан» деган шиор бугун ўзбек мулозим ва миршабларининг энг суюкли ва ардоқли шиорларидан бирига айланиб қолди.
Қолаверса, бу шиор бугун Президентга ҳам хуш ёқишини ҳар қадамда, жамиятнинг ҳар жабҳасида бемалол сезиш мумкин.
Шунинг учун ҳам ўттиз миллиондан зиёд каттакон бир халқни — ҳукмдор атрофидаги бир ҳовуч бойваччалар 25 йилдан бўён бемалол ўз куйига солиб, маймундай ўйнатиб юришибди…
5.
Бир ҳафтадирки, ўзбек матбуоти бу воқеага муносабат билдирмайди, билдиролмайди.
Агар ўзбек жамиятида адолат бўлишини энг аввало Президент истаганида эди, матбуотимиз бу воқеага албатта ўз холис ва одил муносабатини билдирган бўлар эди.
Айбдорлар жазоланарди.
Лекин Президентга бу нарса керак эмас. Агар ҳар бир шунга ўхшаш воқеага муносабат билдириб, адолатни тиклаб, айбдорларни жазолайверса, эртага бу халқ унинг бошига чиқиб олиши мумкин.
Шунинг учун ҳам бу нобакор халқни доим қўрқув ва таҳликада, оч ва яланғоч ҳолда ушлаб туриш керак.
Токи, у ўз ҳақ-ҳуқуқини талаб қилиб, кўчага чиқиш ўрнига, оч қорнини тўйдириш, бола-чақаси ва оиласини боқиш ташвиши билан андармон бўлиб юрсин…
6.
Агар мен бугун яшаб турган Канадада шунга ўхшаш воқеа содир бўлса нима бўларди?
Ўша полиция ишлаб турган Департамент бошлиғи ва Полиция Маҳкамаси (вазирлиги) раҳбари ўша куниёқ истеъфо беришади.
Полиция ходими эса ҳибсга олинади.
Бошқача бўлиши мумкин эмас…
7.
«Озодлик»нинг адолатпарвар мухбири Сарвар Усмон билан бўлган суҳбатда аёлни тепган ўша мелиса ходими уялмай-нетмай: «Мен тепганим йўқ!» деб ўзини оқламоқчи бўлади:
– У ерда аёл тепилмаган…
Бу ёлғондан ажабланган журналист ғазабини яширишга уриниб яна сўрайди:
Озодлик: Йўқ. Сизнинг тепаётганингиз акс этган видео турибди-ку.
– Йўқ тепмаганмиз уни. Ҳеч қанақа тепилмаган. У ерда фуқароларнинг олдида қанақасига тепиш мумкин уни.
Озодлик: Оёғингиз билан тепаяпсиз-да энди. Ҳар ҳолда оёғингиз турибди унинг устида…
– Йўқ, йўқ, унақа бўлмаган. У акс эттирилган бўлиши мумкин, бошқа ҳеч қанақа ноқонуний ҳаракат содир этилмаган.
Озодлик: Ҳар ҳолда мен кўрган видеода шундоқ: Сиз тепаяпсиз-да…
– Мен тепилмаган деяпман сизга.
Озодлик: Қандайдир ҳаққингиз борми, шунақа ҳаракат қилишга — тепишга?
– Ҳеч кимнинг ҳаққи йўқ, – деди Фарҳод маҳалласи участка нозири Иззатилла Ҳошимов Озодлик мухбири билан суҳбатда…
Фарҳод маҳалласи участка нозири Иззатилла Ҳошимов билан суҳбат
8.
Эрта-индин Иззатилла Ҳошимовни ишдан олишлари ёки унга хўжам кўрсин учун ҳайфсан беришлари ҳам мумкин.
Лекин бу билан адолат тикланиб қолмайди.
Эртага бошқа ўнлаб погонли Иззатиллалар бошқа юзлаб фиғонли оналарни, опаларни, аёлларни кўча-куйда бемалол урмаслиги ва тепмаслиги учун энг камида — вазирни ишдан олиш лозим.
Ўзбек жамиятидаги бугунги тузумни тубдан ўзгартириш керак.
Бошқа йўл йўқ!
Исмат Хушев,
«Дунё ўзбеклари» Бош муҳаррири,
Торонто шаҳри, Канада
15 апрель, 2016 йил.
«Дунё ўзбеклари» учун махсус
13 шарҳ
МАҚОЛАНИ ДЎСТЛАР БИЛАН БАҲАМЛАШИНГ1 Comment
-
Uchastka Noziri Izzatilla Hoshimovni ishdan ketgani zor ish boldi Boshqa milicalar aqlini yigib olmasa ularni xam bundan xam battar jazolar kutmoqda. Xozirgi vaqtda milicalar MXXchilar judaxam xadidan oshib ketyapti.
Leave a Comment
Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.
САВОЛИМГА ХЕЧ КИМ ЖАВОБ БЕРМАПТИ. ХАТТО МАНИ ХОДИМСИЗ ДЕБ ЁЗИШЯПТИ. ЭЙ ОДАМЛАР СИЗЛАР УЗ ХУКУКИНГИЗНИ БИЛМАСАНГ МИЛИЦИЯДА НИМА АЙБ. ХАЛКНИНГ ХУКУКИЙ ОНГГИ ОШМАС ЭКАН БУНАКА ИШЛАР КУПАЙГАНДАН КУПАЯДИ. НИМА БИРОРТА ИНСОН МАРД БУЛИБ ШУ АЁЛНИ ХИМОЯСИГА УТМАБДИ. УША ТЕПАДИГАН ЗУРНИЯМ УЗЛАРИ ЭПЛОЛМАГАНИДАН КЕЙИН ЧАКИРИШГАН. УЛАРНИ УРНИДА СИЗ БУСАЙИЗАМ ЧАКИРАДИЗ ЁКИ НОТУГРИМИ? КУЧАДА БИРОРТА БЕЗОРИ САЛ ТУРТКИЛАСА ДАРРОВ МИЛИЦИЯ. ВАЗИЯТГА ТУГРИ БАХО БЕРИНГ. БУ АТАЙИН УЮШТИРИЛГАН. НИМАГА ХАММА ЗАПИСЬ ЙУК. МИЛИЦИЯНИЯМ БОШИ ЖОЙИДА. ХАММАНИ ОЛДИДА КИМАЙДИ. ТИШЛАШГА ХАРАКАТ КИГАНДИР БАЛКИМ ШУНИНГ УЧУН ОЁГИ БИЛАН ХЕЗЛАНИБ КУРКИТГАНДИР…
булиши мумкинамас узи озодли, ббс, лар бухтон таркатиш буйича гиннесни рекордлар китобига киритилиши керак деб уйлиман.
Кушним милиса табийки хотини бн хангомалашиб уз огзидан эшитаман канака ифоослик килишларини масалан битта аел арз килиб келади уни бешта эркак зурлалагани хакида (аслида аел фохиша булади факат келишгандай пулни ололмагани учун келган шикоят килиб )милисаларчи унга жавобан камерага камаб уша аелни зурлашади кейин куйиб юборишганини фахр бн айтиб берган айолига кандай жирканч жин уриб кетсин бунака хукук посбонларини , суратдаги бу аел жинни булса милиса ларни нима дейиш мумкин .
Bundan ikki yilcha avval Bostonda bir politsiya hodimi yo’lda yotgan mushukni oyog’i bilan surib qo’ygani aks etgan video barcha kanallarda ko’rsatilgan edi. Natijada o’sha politsiya hodimi ishdan olingan edi. Jamiyat munosabati albatta muhim.
Биз ўз аёлимизга товшимизни балан кутаралмаймиз ожиза бўлгани учун одоб сақлаймиз. Бу золимни қаранг! Ҳайвонийлик қилишини яна форма кейиб олган нодон. Ҳар қандай ҳолда ҳам қўл кутаришни ҳеч ҳам кечириб бўлмайди. Исмат Хушевни тўлиқ қўллаб қувватлаймиз! Ўзбекистонлик тирик журналистлардан фақат шу одам бор экан. ББС ва Озодлик бор экан. Раҳмат шуларга.
“Давлат ва ҳукумат воизи бўлмиш – тинчлик ва осойишталикни сақловчи милиция ходимининг – ерда ётган аёлни бемалол хўрлаётганини кўра туриб, индамай томошо қилиб турган ўзбек халқидан хафаман…”
Халқ қолдими, Исмат ака, Ўзбекистонда. Уларнинг бари бугун манқурт оломонга айлантирилган. Аёл кишини тепиш жамият ва уни бошқараётган давлат учун, Президент учун мислиз шармандаликдир. Сиз, ББС ва Озодлик радиоси буни бугун баралла айтаяпсизлар. Лекин нега сизлардан бошқа журналистлар жим. Ўзбекистон нега жим. У ерда ахир беш юз мингдан зиёд журналист ишлайди, ойлик олади бари…
Исмат-ака, қойил сиздан бошқа одам бундай жасурлик билан чиқмаяпти, ўзингиз бир томон расмийлар бир томон бўлиб қолди.
Тугри милиция ходими харакатлари нотугри. ЛЕКИН ХАММАГА БИТТА САВОЛ. СИЗ ХОДИМСИЗ ШУ АЁЛ ХАММАНИ ХАКОРАТ КИЛИБ ЮЛУБ ТАГЁШЛАЯПТИ ХАТТО СИЗНИ ХАМ. СИЗ НИМА КИЛГАН БУЛАРДИНГИЗ…
xar xolda tepmagan bulardim kupchilikni oldida, bu savolingizga qaragana siz xam militsiya xodimisiz va usha xamkasbingizni yonini olishga urinmang, bu erda ayol kishini xurmati xaqida so`z boryapti militsiya xodimini emas….
Ichki ishlar xodimi shunaqa qilsa bu nma degan gap shu xodimning qilgan ishi vazirga yetib boradimi a Ismat aka nima deb uylaysiz
PREZIDENT. MXX. PROKTATURA PARLAMENT Bularning xammasi xalq uchun xizmat qilishlari kerak. Lekin bularning xammasi Karimov uchun xizmat qiladi. Ichki ishlar vaziri ketgani bilan yana xuddi shunga oxshagan pogoni bor qaroqchi xalq dardi bilan ishi yoq bbittasi keladi. Baliq boshidan chirigan. Tuzimni ozgartirish kerak tuzimni ilidizi bilan quporib tashlash kerak, matbuot erkinligi demokratiyaga chiqishimiz kerak. Demokratiyadan boshqa yol yoq.
Катта раҳмат сизга Исмат ака! Ўта долзарб масалани кўтариб чиқдингиз – МВД МИНИСТРИ ЗУДЛИК БИЛАН ИСТЕЪФОГА ЧИҚИШИ ШАРТ!
УШНИНГ ДАВРИДА КОНЦЛАГЕРЛАРДАН ҚАНЧАЛАБ ЎЛИКЛАР ЧИҚДИ ВА ЧИҚАЯПДИ. ЮҚУМЛИ КАСАЛЛИКЛАР АТАЙЛАБ ЮҚТИРИЛИШИ КЎПАЙИБДИ.
ЮРТБОШИМИЗНИ ҲАМ ЮРТБОШИ ДЕЙИШ МУШКУЛЛАШИБ БОРАЯПДИ, ТЎҒРИ БАҲО БЕРДИНГИЗ. БЕҲАБАР БЎЛСАЛАР ЧОРАК АСРДАН БУЁН! ЖУДА ШУБҲАЛИКДА!!!
“АҲЛИ АЁЛИНИ ҲОР-ЗОР ҚИЛГАН МАМЛАКАТНИ БОСИБ ОЛИШ ОСОН, ЧУНКИ БОТИРЛАРНИ ОНАЛАР ТАРБИЯ ҚИЛАДИЛАР”!
ОЁҚ ОСТИДА ҲЎРЛАНГАН ОНАЛАР, АФСУС!!
Исмат-ака, борингизга шукур.
Агар бу гаплар, сурат-видеолар Узбекистоннинг “катталарига” етиб бориб, бирон бир узгариш олиб келса (хакконий тарафга), хайратга тушар эдим.
Лекин, минг афсус, хеч кандай узгаришга олиб келмайди.
Жуда булмаганда ёшларнинг онгига етиб борса хам, бу кам эмас.