Наврўз айёмингиз муборак бўлсин, азиз Ватандошлар!

---

Бердиёр ЖУМАЕВ:

НАВРЎЗ КЕЛДИ ЭЛИМИЗГА!

Қишнинг ғам-ташвишларидан кекса-ёш халос бўлди,

Замин-осмон баҳорий хушбўй ифорларга тўлди,

Қир-адир, чўл, тоғ-боғларда гуллар-чечаклар кулди,

Уйғониш бошланганини жумлаи жаҳон билди –

Бизларнинг элимизгаям Наврўзи олам келди!

Наврўз – асли халқимизнинг ҳақиқий Янги йили,

Қутлуғ ниятимиз-ки, бўлсин бахтли унинг йўли,

Қачон эсгай, деб интиқмиз кўкламнинг жонбахш ели,

Янги кун келса, очилгай, барчанинг қулфи-дили –

Ўзимизнинг юртимизга Наврўзи олам келди!

Ҳамма эъзозлаб-олқишлар Наврўзи муҳтарамни,

Дўстлар, тўпланиб бизлар-да, нишонлайлик байрамни,

Кўнгилларни шод айлайлик, четга суриб аламни,

Зеро, жуда соғинганмиз айни фараҳбахш дамни –

Бизларнинг элимизгаям Наврўзи олам келди!

Хуш кўрдик, мўъжизий-мусиқий садоларнинг байрами,

Муҳаббат бобида кўнгли адоларнинг байрами,

Азиз-мўътабар боболар-момоларнинг байрами

Халқи-Ватанига умри фидоларнинг байрами –

Ўзимизнинг юртимизга Наврўзи олам келди!

Тилагимиз-ки, боз, бисёр Наврўзларни кутайлик,

Турмуш машаққатларин-да дадил енгиб ўтайлик,

Умр ғаниматлигини ҳам мудом ёдда тутайлик,

Доимо, бир-биримизнинг қадримизга етайлик –

Бизларнинг элимизгаям Наврўзи олам келди!

Қозоғистон

Ассалому-алайкум қадрли ватандошлар

Ҳурматли дўстлар, акалар-укалар, опа-сингиллар!

3000 минг йилдирки Наврўз дунё бўйлаб миллонлаб одамларнинг умид лахзалари бўлиб келади. Биз орзиқиб кутадиган баҳор, яшариш ва янгиланиш рамзи Наврўзи олам қутлуғ қадам ила ўлкамизга кириб келмоқда.

Наврўз барчамиз учун азал-азалдан аввало табиат уйғониши, шарқано Янги йил дебончаси, энг қадимий асл миллий байрам сифатида мўтадил фурсатдан фойдаланиб, мунаввар кунларда она табиатдан бахра олиб, сумалак, халим, гўжа ва кўксомса каби баҳорий неъматлар тортилган дастирхон артофига Наврўз қувончларини ўз яқинлари, аразлашган дўсту-ёрлар, опа-сингиллар, ака-укалар шу баҳонада ярашиб баҳорий нематлардан бархам кўришларини ОЛЛОХИМдан сўраб қоламан.

Барчангизга сихат-саломатлик, тинч-тотувлик тилаб хурмат ва эхтиром ила:

Абдукодир Нурмухаммад ўғли Саттаров

Кенг оламга гуллар сочиб,

саҳий бўлиб, келар Наврўз,

Тонг саҳарда сабо бўлиб,

қирлар ошиб, елар Наврўз!

Харир либослар эгнида,

келинчакдек нозланади,

Бутун борлиқ – табиатни

гуллар билан безар Наврўз!

 

Fasli Navbahor – Tavakkal Qodirov

“Дунё ўзбеклари” учун махсус

МАҚОЛАНИ ДЎСТЛАР БИЛАН БАҲАМЛАШИНГ