Бугун “Эрк” партияси Бош котиби Отаназар Ориповнинг таваллуд куни. Табриклаймиз!

---

Бугун “Эрк” партияси Бош котиби Отаназар Ориповнинг таваллуд куни.

Отаназар ака, сизни бутун “Эрк” аъзолари номидан туғилган кунингиз билан қизғин муборакбод этамиз!

Аллоҳ сизга миллатимизнинг, халқимизнинг шукуҳли кунларини кўрмоқликни насиб этсин.

Халқимизнинг озодлик йўлидаги курашларида сизнинг кўп хизматларингиз бор. Ҳали сиз халқимиз ва мамлакатимиз учун янада кўп яхши ишларни амалга оширасиз деган умиддамиз.

Оила аъзоларингиз билан ҳамиша соғ-саломат бўлинг.

Аллоҳ сизга узоқ умр берсин.

ЎХҲ таҳририяти

http://uzxalqharakati.com/

 

Токи замона зўрники экан…

31 август куни озодлик радиоси Мустақилликка ташқи ва ички таҳдидлар борми, деган саволни ўртага ташлади.

Мен бу суҳбатга қўшилиш имконим бўлсада, ундан кўра суҳбатдаги фикрларни тўлиқича эшитсам, ўзим учун бирон нима оламанми деган мақсадда қўшилмадим.

Суҳбат давомидаги фикрлардан иккитаси диққатимни тортди. Қолгани умумий гаплар бўлди.

Биринчи фикр Отаназар Ориповнинг фикри ва унга эътироз билан билдирилган Камолиддин Раббимов фикри бўлди.
Бу фикрларнинг карама-қарши жойи Ўзбекистонда ҳукуматнинг легитимлигини тан олиш ва олмасдан ижро этилишидадир.

Отаназар Орипов фикрича, сиёсий тузумнинг йўқлиги мустақиллик учун реал таҳдиддир.

К.Раббимовда ҳукумат авторитар аммо у бор (яъни легитим демоқчи), авторитар ҳукумат бўлсада мустақиллик бор, Россиянинг бир қисми эмасмıз шунга шукур қилиш керак деган ҳудди ҳукумат ўз легитимлигини оқлаш учун биз қурол билан, зулм билан бўлсада тинчликнинг гаровимиз деган муждани бераётгандек ўхшаш бир фикр билдирди.

Раббимов ҳукуматни оқламоқчи, деган фикрдан йироқман. Ўхшатишларим хусуматсиздир.

Ҳар иккала фикрни ўзим учун керакли деб билдим.

Бугун Ўзбекистон мустақиллигига ташқи ва ички таҳдид борми ва улар нималардан иборат деган саволга менимча жавоб қуйидагича:

Мустақилликка таҳдидлар бор, энг катта таҳдид бу Ўзбекистондаги расмий ҳокимиятсизлик, эгасизлик, қонунсизлик, эрксизлик ва албатта иймонсизликдир.

Бугунги Ўзбекистон ўз халқи билан эгасиз томорқага ўхшайди. Расмий эгаси йўқ.

Каримов бошлиқ жиноий тўданинг, мафиянинг даромад келтирадиган территориясидир.

Эрксизлик ва қонунсизлик жиҳатдан 13 районга ўхшайди.

Табиийки, расмий эгаси йўқ территорияни ҳохлаган тўда, мафия ўзига ёйинки ўз одамлари номига расмийлаштириш учун талашиши эҳтимоли юқори.

Ким зўр, ким кучли бўлса ким енгиб чиқса шуники бўлиши аниқ. Зўрлар бўлса кўп. Америка битта зўри дунёнинг Россия яна битта зўри. Мана, ИШИД дегани чиқди, халифаликни даьво қилиб.

Бутун дунё бирлашиб бас келолмагандан кейин, дунёнинг зўрида! Ана шундай зўрлар эгасиз, эрксиз, қонунсиз территорияни ўзлари билганча расмийлаштиришга ҳаракат қилади.

Мана бу таҳдид бугун Ўзбекистон мустақиллигига реал таҳдиддир. Яъни ички ва ташқи таҳдидлар Бир-бирига боғлиқдир.

Мана шу таҳдид бугун каримовнинг ўзини, оиласини, мафиясини, тўдасини хавотирга солиб қўйган.

Ва ниҳоят иймонсизлик.

Барча-барчасининг калити.

На халқ ва на Каримов бу территорияни эркин бир қонуний холис сайловлар асосида расмий эгасига топширишни истамайди, ҳаракат ҳам қилмайди.

Агар халқ умумбирликга келиб, иймонга келиб, ҳеч қандай алоқаларсиз сўзсиз бири-бирларини тушунса ҳар қандай зўрнинг ўз территориясидаги ҳатти харакатларига нуқта қўя олади.

Мустақилликка, давлатчиликга таҳдид йўқ деган фикр алдоқчи фикрдир.

Кучли давлатларнинг билвосита бошқарувидаги мустақил давлатларни мустақил давлат деб бўладими.

Бундай давлатларнинг давлатчилигиям мустақиллигиям у мустақилми деган саволларни ўртага ташлайди.

Ироқда Саддам Ҳусайннинг демократик сайловлар билан ҳокимят алмашинувига йўл бермагани ва бунинг узоқ ва оғир асоратларга олиб келганини гувохи бўляпмиз, Ливиядаги ёйинки Суриядаги Диктаторлик бошқарувининг ўта оғир асоратларини кўряпмиз.

Дунёнинг зўрларининг одами бўлган Сисининг ҳатто қонуний ҳокимиятни тўнтариб, ўз билганча президент бўлиши ва бу ҳолат Миср мустақиллигини, давлатчилигини савол остига олмадими?

Мисрдаги бугунги манзара Диктатор Хусни Муборак бошқарувининг мевасидир.

Диктаторларнинг бошқарув услуби бир хил бўлгани учун ҳам бу бошқарувларнинг натижаси бир хилдир.

Ўзбекистонда ҳам юқоридаги давлатлар каби Диктаторлик бошқаруви давом этяпти ва Каримовдан кейин натижалар бир хил кўрсаткичларни такрорлайверади.

Ўзбекистон мустақиллиги учун, давлатчилиги учун энг катта хавф бу Диктаторлик бошқарувидир.

Зудлик билан мухолифат иштирокида мамлакат президентлигига холис ва эркин демократик сайловлар билан расмий президент сайланмас экан, Ўзбекистонда давлатчиликга, мустақилликга юқоридаги таҳдидлар ўз кучида қолаверади.

Муслим Туркистонли
http://uzxalqharakati.com/archives/33376

 

Суратда: “Эрк” демократик партияси Бош котиби, профессор Отаназар Орипов “Озодлик” радиосининг меҳрибон ва дилбар ходими Меҳрибон билан…

 

“Дунё ўзбеклари”дан:

Нашримизнинг кўпминг сонли мухлис ва ўқувчилари номидан профессор Отаназар Ориповни таваллуд айёмлари билан чин юракдан табриклаймиз. У кишига олис Канададан туриб сиҳат саломатлик, бахт саодат ва узоқ умр тилаб қоламиз.

Яхши ва ёруғ, янги ва муборак кунларда Ўзбекистонда дийдор кўришмоқлик бизга насиб этсин, илоҳим, Отаназар ака!

Бахтимизга доим соғ бўлинг!

Ҳурмат билан,

Исмат Хушев,

“Дунё ўзбеклари” Бош муҳаррири,

15 март, 2016 йил

Торонто шаҳри, Канада…

 

МАҚОЛАНИ ДЎСТЛАР БИЛАН БАҲАМЛАШИНГ