"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Абдулла Орипов: Унут энди илмнинг кучин, Ақча сени кўтаргай пастдан…

Абдулла Орипов: “Онажоним – шеърият!”, Адабиёт | 13/02/2016 07:54-     10633 марта ўқилди

ЎЗБЕКИСТОН ҚАҲРАМОНИ,
ХАЛҚ ШОИРИ АБДУЛЛА ОРИПОВ
 Абдулла ака дўппида

ФОЖИА

 

 Боласин дафн этган учта суҳбатдош,
Бир давра бўлишиб йиғлашар эди.
Бу ғамга тоғлар ҳам беролмас бардош,
Қалбларин беаёв тиғлашар эди.
Тўртинчи суҳбатдош боласин қучиб,
Қалт-қалт титрар эди: – Бермайман, – дея.
Ўлим боқар эди ранги қув учиб,
Эски дарвозани очганча қия.
03.02.2016
ҲАЁТ МУАММОЛАРИ

 

Ота-бола кезарди сарсон,
Юраклари тўлганча оҳга.
Яқин бориш эмасдир осон,
Иш берувчи бирор даргоҳга.
Кимларгадир ялинмоқ учун,
Зўр ирода керакдир, ростдан.
Унут энди илмнинг кучин,
Ақча сени кўтаргай пастдан.
Ноёб эрур авлиё қадар,
Саҳоватли, бетаъма одам.
Имконини тополса агар,
Ҳақ сўрашар чумолидан ҳам.
Таъмирласанг Каъбани ҳатто,
Кўрмаганга оларлар ўзин.
Фазилатинг пайқашмас асло,
Нуқсонингга тикарлар кўзин.
Тафаккурдан мосуво инсон,
Нафснинг қули бўлгайдир, наҳот.
Бир чеккада Инсоф ва Виждон,
Секингина чекади фарёд.
01.02.2016

 

«Дунё ўзбеклари» учун махсус

Ўхшаш мақолалар:

  1. Хато қилишингни кутарлар…
  2. 21 март — Севимли шоиримиз Абдулла Орипов туғилган кун: «Биринчи муҳаббатим»
  3. Абдулла Орипов: Мен шоирман, истасангиз шу, Ўзимники эрур шу созим…
  4. «Дунё ўзбеклари» тақдим этади — Абдулла Орипов: Инсонга буюрсин Ватани фақат…
  5. Кимлардир кўзингни юмишдан аввал, Тозалаб қўяди чўнтакларингни…
  6. Абдулла Орипов: Она халқим — Ўзбекистонга, бутун дунё ўзбекларига мендан салом айт!
  7. Абдулла Орипов: ЎЗБЕК БЎЛИБ КЎРИНАВЕРАР
  8. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (8)
  9. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (10)
  10. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (42)
  11. Абдулла Орипов: Жулетта исмли бир қиз бор эди, Бир йигит бор эди Ромео деган…
  12. Абдулла Орипов: Узоқларда қолди туғилган уйим…
МАҚОЛАНИ ДЎСТЛАР БИЛАН БАҲАМЛАШИНГ

5 комментариев

  1. yurtparvar:
    14/02/2016 в 23:29-

    А.Орипов қоранғи, ёпиқ жамиятни қанчалик шармандали эканлигини фош қилишга ҳаракат қилибди. Тўғрисини айтганда мамлакатимиздаги ҳамма балоларнинг бошида турган якка ҳокимликдан қускинг келади. Бу сиёсат ва жамият инқирозга юз тутишга маҳкумдир!

    Ответить
  2. Tangrim dini-Turkiylarning dini:
    14/02/2016 в 03:51-

    Ishga joylashishni konkurs asosida olib borishadi barcha davlatlarda. O’zbekistonda esa tanish-bilishchilik. Buni yo’qotish vaqti kelganiga ancha bo’ldi. Lekin amaldorlar buni istashmaydi. Bu tanish-bilishchilik qancha davom etar ekan?

    Ответить
  3. Кодир:
    13/02/2016 в 22:29-

    Якинда улуг шоиримизни магазинда куриб колдим. Жуда кариб колиптилар. Лекин нуроний кария булиптилар.

    Ответить
  4. Мухаммад Ёкуб Хамроев:
    13/02/2016 в 22:09-

    Инсон умрининг қарийиб ярмини бугун-эрта дейишиб шамолга совурганларнинг ва энг даҳшатли томони биз дунёнинг барча ҳалқлари ва давлатларидан олдиндамиз дейишиб, ишонмаганларни қаматишиб, ватангадо қилишиб ёки ўлдириб юбораётганларнинг чорак асрлик ҚОН ТЎКИШИБ ҚИЛГАН «МЕҲНАТЛАРИНИ» БУЮК ШОИРИМИЗ БИТТА ТЎРТЛИКГА ЖОЙЛАБДИЛАР! ОФАРИН АБДУЛЛА АКА! УШБУ САТРЛАРИНГИЗ ТАРИХИМИЗНИ БЕЛГИЛАЙДИГАН МЕЗОН БЎЛИБ ҚОЛАВЕРАДИ, ЁЛҒОНЧИЛАР ЭСА ЎТКИНЧИ КИМСАЛАРДИР.

    Ответить
  5. Nour:
    13/02/2016 в 18:15-

    Кимларгадир ялинмоқ учун,
    Зўр ирода керакдир, ростдан.
    Унут энди илмнинг кучин,
    Ақча сени кўтаргай пастдан.

    Жамиятимизнинг ачинарли азволини рад килиб булмайдиган хакикат тарзида Яна Бир Шер тарзида битибдилар ,офарин Абдулла ака Орипов .

    Ответить

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.