Чинозлик тадбиркор «Ахмадбой»нинг тўйи «Дунё ўзбеклари» муҳокамасида (2)

---

«Ахмадбой»нинг тўйи ҳақидаги миш-миш ва хақиқат… (Мавзуга қайтиб)

---

«Янги БОЙ»лардан бири «Ахмадбой» тўй қилибди, бормадингизми?!

ВАТАНДАН ХАБАРЛАР, ИНСОН ВА ҚОНУН, МУҲОКАМА УЧУН МАВЗУ | 26.12.2015 22:33     21947 МАРТА ЎҚИЛДИ | ТАҲРИР ҚИЛИШ

---

«Янги БОЙ»лардан бири «Ахмадбой» тўй қилибди, бормадингизми?!

Ўзбекистонда халқ орасида «Салимбой» («Салимбойвачча»), «Гопирбой» ва бошка бойлар хакида куп гаплар юради. Улар тугрисида хаттоки афсонасифат миш-мишлар борлиги хам айни хакикат…

Охирги йилларда нафакат Тошкент вилояти, балким республикага кенг танилиб бораётган яна битта бойлардан – чинозлик «Ахмадбой» исмли «янги ўзбек бойи» пайдо булиб колибди.

Шуниси таажжубланарлики, Ахмадбой илгари харом ўлган молларнинг гўштини кассоб ва колбаса цехларига сотиб, кун кечириб юрарди. Охирги уч йил ичида бирданига бойиб кетиб, унча-мунча одамни тан олмай кўйган. Билишимча, у хозирда бир неча юзта автомашиналарни одамлардан бир йилдан кейин пулини бериш шарти билан бозор нархидан кимматрокка сотиб олиб, арзонрок нархда накд пулга сотиш билан шуғулланади. Бундан ташкари, кўп миқдордаги пулларни фоизда қарзга бериб келади. Яъниким, шариат томонидан кескин кораланадиган судхўрлик орқали бойиб кетган.

3 ноябрь куни Ахмадбой туман хокимлигидан сотиб олган алохида ер майдонида Мухаммаджон исмли ўғлига суннат тўй қилиб берди. Эътиборга сазовор жойи шундаки, Тошкент шахрининг Яшнаобод туманида жойлашган болалар уйидан 20 нафар болаларни хам суннат тўйини қўшиб ўтказди. Бу хабарни эшитган хар кандай инсонда самимийлик, гурур каби тўйгулар уйгониб, «Яшасин, унча-мунча пули бор одамлар бундай савоб ишни килаолмайди… Отангга рахмат!» деган фикр келиши тайин.

Лекин кейинчалик Ахмадбойнинг асл максадини нималигини эшитиб, билиб, ёка ушладим. Бу бойвачча ахоли орасида танилиб кетганидан, узининг сохта обрусини янада ошириш, махаллий хокимият вакиллари, оддий халқ олдида узини саховатпеша килиб курсатиш максадида бу ишларни килган экан!

Кейинчалик сурииштириб курсам, Ахмадбой Тошкент вилоятидаги бир нечта болалар уйига бориб, тўй утказишга болаларни ижарага сураган экан; лекин аксарият бу муассасаларнинг масъул ходимлари уни кимлигини аник билганликлари учун болаларни беришдан бош тортганидан сунг, Тошкент шахридаги болалар уйидан ижарага олиб келибди. Ижарага деганимдан хайрон булсангиз, сабаби хаммага маълум-ки, нафакат болалар уйидаги болалар, хатто махаллаларда яшовчи кам таъминланган оилалар фарзандларини купинча «Навруз» ва бошка байрамларда Давлатимиз томонидан, урнатилган тартибда суннат тўйлари утказиб берилади, шу Ахмадбой тўйини утказган 20 нафар болаларни аксарият кисминини хам суннат тўйлари илгари булиб утган экан…

Хуллас, етмиш етти махалага донги кетган тўйда Ўзбекистонда энг таникли булган хофиз, артист ва кушикчилардан Озодбек Назарбеков, Шерали Жураев, Хосила Рахимова, Равшан Комилов, Обид Асомов, Гуломжон Ёкубов, Достон Убайдуллаевлар каби санаткорлар «дежурный», яъни бошидан охиригача хизматда булишган, «майда» кушикчилардан Муниса Ризаева, Улугбек Рахматуллаев кабиларга навбат хам етмай колган! Шу тўйда билиб колдим: Озодбек Назарбековнинг «нархи» 10 минг АКШ доллари экан!

Буни карангки, битта кушикчига Ахмадбой уртахол битта оила бир йил бемалол яшайдиган пулни 3-4 соатлик хизмати учун бервораяпти, буни кандай тушуниш мумкин? Изохлашчи? Санъат ахлини тушунса бўлади -имконияти борида, истеъдоди гуркираган даврда пайтдан фойдаланиб олиш керак. Вахоланки, бозор иктисодиётининг қонунларига кўра талаб таклифни туғдиради. Яъни: шунақа катта (оддий инсонлар учун!) маблағларни берувчи бойлар бор экан, қушиқчиларнинг «нархи» кўтарилса кўтарилади, асло тушмайди!

Тўйдаги ноз-нематларни исрофгарчилигини гапирмаса хам булади: куш сутидан анконинг уругигача бор эди. Ва куп нарса айниб, сасиб хам колди, чунки ўртамиёна инсоннинг ошкозони бундай таомларни кўп истеъмол килолмайди – ёрилиб кетиши мумкин. Одамларни хайратда колдирган нарсалардан яна бири – Ахмадбой 30 нафар Ички ишлар органи ходимларини тўй булаётган жойни атрофига саф килиб куйибди; буни курган одамлар бу жойда Давлат микёсидаги бир тадбир булаётган булса керак. деб уйлашган.

Кейинчалик билишса. милиция ходимлари ушбу тўйда стол устидаги нарсаларни болалар угирлаб кетмаслиги учун куриклаб турган экан. шекилли! Ахмадбой буни хам хужакурсинга эмас, тўйдаги хавфсизликни таъминлаш учун куйган деб уйлайман-у, лекин качондан бери ИИБ ходимлари тўйларни куриклашга жалб килинаётганлигини билмайман.

Вахоланки, ИИБ ходимлари бирон бир бойваччадан эмас, давлат бюджетидан маош олишади. Бюджетни эса – шу жумладан, – солиқ тўловчилардан тушган солик, бошка мажбурий тўловлар шакллантиради. Яъниким – сиз-у каминага ўхшаган солиқ тўловчилар!

Хокимият идоралари томонидан тўйларни камтарона утказиш зарурлиги, имконияти борича одамларни тўйда ортикча харажат килмасдан, мухтожларга ёрдам бериши хакидаги даъватлари каерга кетди? Ёки бизнинг жамиятда Қонун олдида барча баробар эмасми?

Халқ орасида бир накл бор: «Унг кулинг килган хайирни чап кулинг билмасин» деган; энди Ахмадбойни хаммага хужакурсинга тўй килиб, етим болаларни ижарага олиб, узини саховатпеша, сахий килиб курсатишдан максади нима экан? Сахийликнинг, саховатнинг заминида ёмон ният булса бундай амаллар Яратган томонидан кабул қилинармикан? Менимча, асло йук!

Умуман, нима сабабдан хуқуқ-тартибот идораси ходимлари Ахмадбойни фаолияти билан кизикишмайди? Хозир ундан бор мошиналари-ю уй-жойлари кайси маблаглар хисобидан келганлигини сурашса, суриштиришса ўзи хам саногидан адашиб кетса керак…

Халол йул билан шунча пул топиш мумкин деб уйлайсизми? Ёки айнан уша хуқуқ-тартибот органларининг масъул ходимлари Ахмадбойнинг хизматидадур? Яна ким билади…

Шавкат Султонов,

“Дунё ўзбеклари” учун махсус

4 шарҳ

1. Даврон

   25.12.2015 at 20:10  (Edit)

   Бу одам хакида мен хам эшитгандим, уйида худойи килганда бош вазир Мирзияев хам келган экан, бу шалврни одами булса керак балка?

   REPLY
2. Shayboni

   25.12.2015 at 15:11  (Edit)

   Мен ўйлашимча бундай ноқонуний бойларни пайдо бўлишига давлатни ўзи қаршилик кўрсатмайди, наборот шарт шароит яратиб беради. Мақсад молни семиртиргандек семиртиради, кейинроқ сўйиш учун. Бу ахмоқ, лақма бойлар эртага нима бўлишини тассовур ҳам қила олмайди.

   REPLY
3. Ozbekxan

   25.12.2015 at 14:58  (Edit)

   Нима ҳам дир эдек, ҳар ким, ўз экканини ўради. Бундай одамлар ўз ҳаракатлари билан, асл ким эканликларини кўрсатиб тўрибди. Назаримда бу тоифадаги кишилар “пул топдим, энди нима хохласам шуни қилишим мумкин” диган фикрда яшайди. Мол дунё, пул бир воситадир, уни бунёдкорлик учун ёки бузғунчилик ҳатто ўзига қарши ишлатиш мумкин.

   REPLY
4. Мухаммад Ёкуб Хамроев

   25.12.2015 at 09:40  (Edit)

   Кун курмаган-кундуз куни чирок ёкади дейишган. Босар тусарини билмай колган кимсаларнинг барчасининг жазосини Яратган эгамнинг узи беради. Биздаги органга эса ишонч колмади.
   Милиция масаласида тугри ёзилган, бизнинг Лангарнинг мол-мулкини Буритош Мустафоев ва Куроловнинг одамлари машиналарга юклаб кетишида халк кузголон килиб карши турганида Хатирчи райони милициясининг бир неча унлаб ходимлари халкни кайтариб, угриларнинг машиналарини куриклашиб олиб чикишган экан. Кейин эса каршиларни каматишди!!!

«Ахмадбой»нинг тўйи ҳақидаги миш-миш ва хақиқат…

Бозор иқтисодиёти даврида тадбиркорлик билан шуғулланиш, ўз бизнесини ташкил қилиш осон иш эмас, бу хамманинг ҳам қулидан келавермайди. Айниқса, хаммасини нолдан бошлаш керак булса. Баъзиларнинг қўлига тайёр бизнес ўтади ота-онасидан ёки қариндошларидан. Аммо шунда ҳам Яратган томонидан берилган қобилият бўлмаса, бизнесни ушлаб қолиш қийин масала.

Бизнесни ўз қули билан ташкил қилиб, уни ривожлантириш учун тадбиркордан катта куч ва харакат талаб қилинади. Тадбиркор одам, айниқса катта тадбиркорлар, ҳамманинг назарида бўлишади ва табиийки, улар ҳақида ижобий ҳам, салбий ҳам фикрлар билдирилади.

Бу сатрларни ёзишимга “Дунё ўзбеклари”да чоп этилган «Янги бой»лардан бири «Ахмадбой» туй килибди, бормадингизми?!” деган мақола туртки бўлди. Мен бу одамнинг кимлиги билан қизиқдим ва бир қанча маълумотларга эга бўлдим. Майли бой экан, майли тўй қилибди, таниқли санъаткорлар келибди. Хўш, нима бўлибди? Бор йўғи тўй қилибди, халқга ош берибти-ю.

Кимга оғирлиги тушибди бу тўйнию, кеган артистларни? Шу бойнинг ўзи, унинг яқинлари, ўша қишлоқнинг аҳли шу санъаткорларнинг мухлисларидир. Тўйга келган қанчадан-қанча одамлар, ўзимизнинг ўзбек қўшиқларини муаллифлари ижросида эшитиб, роҳатланса, бунинг нимаси ёмон? Ахир санъаткорлар халқ хизматидаги инсонлар. Биз ўзимиз ҳам шундай таниқли санъаткорларнинг концертига фалон пул тўлаб тушамизку.

Суннат тўйига келсак. Фарзандини суннат қилиш ҳар бир мусулмон ота-она учун фарз. Ота-онаси йўқ, меҳрибонлик уйида тарбияланаётган етим болаларнинг ҳам бошини силаб, ўз фарзанди қаторида суннат қилган Ахмадбой катта савоб иш қилган. Бунака амалларни қилолганлар бор, қилолмаганлар қанча. Бу танқидга эмас, мақтовга, олқишларга сазовор ишдир.

Эътибор беринг, бу гаплар туйдан кейин эмас, мақолага жавобан айтилаяпти. Агар ҳам тўй қилиб, ҳам мақолада мақталганда эди, Ахмадбой ўзини кўрсатаяпти, дейишарди.
Суннат қилинган болалар ижарага олинибди, деган гап эса жуда ошиб тушибди, бу гапга ёш бола ҳам ишонмаса керак.

Суннат тўйи қилиб бераман деса, маҳалласидан, қишлоғидан талабгорларни топар эди-ку. Лекин Ахмадбой меҳрибонлик уйидаги кўнгли ўксик, кўзлари ғамгин болаларга тўй қилиб, уларни хурсанд қилишга ҳаракат қилган. Дабдабага келсак, бу ерда биргина бойнинг боласи эмас, балки бир нечта етим бола ҳам бор. Улар шунга арзимабдими?

Ҳар бир одамнинг ўзининг орзу хаваси бўлади. Бизнинг халқимиз, фарзандли бўлсам, қўй сўйиб, элга ош бериб, тўй қиламан деган ниятда яшайди. Дуо қилганида ҳам «сўйганимиз қўй бўлсин, кўрганимиз тўй булсин», деб дуо килади. Тўй қилган одам имкониятига қараб қилади. Шундай тўй қилибди қаддини урсин. Ахир ўзбек халқи меҳмондўстлиги, бўр-йўғини дастурҳонга сочиши билан дунёга машхурдир.

Ички ишлар ходимларининг тўйда хизмат қилишларини гапирмасаям бўлади – бу хавфсизлик чораси, бугунги кунда – давр талаби.

Биз ўзбекларда «Йўқ бўлсанг беролмайди, бор бўлсанг кўролмайди», деган ибора бор. Қанчалик тўғри айтилган гап. Ахмадбойни 4-5 йил олдин ҳеч ким танимас эди. Оддий эл қатордаги одам эди, у билан ҳеч кимнинг иши йўқ эди. Ҳеч кимнинг ёрдамисиз ўз меҳнати, ҳаракати билан шу даражага етишди. Энди у танилди, ўз обрўсига эга бўлди, одамлар назарига тушди. Уларнинг орасида дўст ҳам, душман ҳам бордур. Шунинг учун ҳам ҳар хил гаплар тарқалиши табиий. Ахир айтишадику, «мевали дарахтга тош отилади» деб. Бу бежиз эмас.

«Дабдабали тўй қилмасдан мухтожларга ёрдам берса бўлмайдими», дейилибди. Ахир шу тўй қишлоқ аҳолисининг дуосини олиш ниятда қилинган. Таниқли санъаткорлар ҳам ўша оддий халқни хизматида бўлишган.

Ҳуллас, гапирса гап кўп. Тадбиркорлар кўпайса, қанчадан-қанча одамлар иш билан таъмирланса, юртимиз ҳам, аҳолининг турмуш тарзи ҳам яхшиланади.

Ахмадбой ҳам Ватан равнақи учун ўз ҳиссасини оз бўлса ҳам қўшиб келиб, қишлоғига қилиб-келаётган хайр-эҳсонлари учун хукумат томонидан бир қанча мукофот ва фахрий ёрлиқлар билан тақдирланган. Лекин шунча бойлик ва ютуқларга эришган бўлса ҳам ўзлигини йўқотмаган, кибр ва манманликка берилмаган…

Майли, нима бўлганда ҳам, шу нарсаларни мақолани ёзган муаллиф балким билгандур, балким билмагандур.

Энг асосийси – хаммага инсоф берсин…

Сардор Жаббаров,

“Дунё ўзбеклари” учун махсус

9 шарҳ

1. Александр

   19.01.2016 at 19:34  (Edit)

   Прочитал статью о Ахмадбай и увидел много ошибок, Ахмадбай не с Чиназа, а с пос.Олмазара Чиназского района. Я сам с Чиназа, лично с ним не знаком Вообщем он мужик, слово его железное, зря о нем кто то плохо говорит.

   REPLY
2. Musobek

   19.01.2016 at 18:48  (Edit)

   Возникает вопрос, а почему фермер, содержащий 10 тыс. голов скота и засеивающий 1000 гектаров родной земли не имеет право на благотворительность?

   REPLY
3. Muso Halilov

   19.01.2016 at 13:34  (Edit)

   Я на Сергелийском машинном базаре работаю. Реально знаю, этот человек дешево машины продает. Его люди привозят продают на 500-600 баксов дешевле, чем мы продаем. Как-то даже просто так Матиз взгрел одному старику, прям на базаре. Сам он на крутой тачке ездиет, на такой по Ташкенту больше вроде никто не ездиет. Нормальный мужик, лет 40, серьезный такой, мало говорит. Тоже слышал, что он с Чиназа.

   REPLY
4. Erkin_тингловчи

   19.01.2016 at 13:22  (Edit)

   Ман хам бу инсон тугрисида куп эшитувдим. У билан хар бир ишлаган одам бойивоттимуш. Бирни берсен икки кибервотти экан. Честно ишлар экан, хар бир сузига жавоб берар экан. Любой одам билан ишлаб кетаверар экан. Оддий халк бусаям.Кейин, вакти вактида пул берар экан. Хурматли муаллифлар, иложиси буса купрок маълумот берила, шунаками узи, нима нима иш килади узи у. Канака топса булади бу инсонни, агар ишлиман десам у билан, канака связьга чикса булади у биланми, якин одамлари биланми?

   REPLY
5. Vatandosh

   19.01.2016 at 11:53  (Edit)

   Я тоже слышал, что даже все кладбища, в том числе христианские и братское на его деньги привели в порядок. И что по ежемесячно по 100 млн. раздает сиротам в детских домах, как бы материальный попечитель. Раздает мясо по бедным и продает в родном поселке по цене 15-16 тыс сум. Делать такое при такой жизни – да ему памятник поставить надо при жизни. Подняться так на ноги за несколько лет только сильный человек может.

   REPLY
6. Saidali

   19.01.2016 at 11:44  (Edit)

   Мой брат живет в Чиназе. Ахмад у нас в районе всего лишь 7 лет назад продавал на районном базарчике кур со своего двора и порою у него не было возможности платить «патта пули», то есть 250-500 сум за место в день. Все крутятся как могут. По мне, лучше богатый Ахмад, чем бедный. Если бы не он, в нашем поселке все померзли, он оплатил все долги и сказал, что пока живой, пусть начальник газовщик подходит только к нему. Он построил новые дороги – отреставрировал, светафор куйлган, яна нима керак..

   REPLY
7. Алибек

   18.01.2016 at 18:43  (Edit)

   Бу маколани ёзганни Америкага, БАА, Кувайтга ёки Хитой, Гонконгга юбориш керак. Шунда инсонларнинг канчалик мол мулки борлиги, яшаш шароитлари канакалигини курганида, унинг ёпилган кузлари дунёни бошкача пайкаган булар эди-ми? Ундаги фиску фасоддан кимларгадир ёлланганлиги, кимнидир “заказ”ини бажаётганлиги куриниб турибди. Биз узбеклар качонгача бойликни уз карчимиз билан улчаймиз. Кани-ку Узбекларимиз яшаб колиш учун эмас, яшнаш учун яшасалар. Сизга – Шавкат – Уят!!!

   REPLY
8. Nuur

   18.01.2016 at 18:27  (Edit)

   Xar kim nima ish qilsa o’z foydasiga va zarariga, lekin ko’p boylar faqat dabdabasini kursatish bn ovora bulib qolishadi, A Usmonov Toshkentga kelganda qirq kun tavvalud ayomini nishonlagan ekan, bu tug’rimi notug’rimi xar kimni kissasidagi pul, uziniki, boshidagi aql va iymoniga qarab ishlatadi. Boy bulsin xalqimning xar bir fuqorosi ammo xozir biznig mustaqil Uzbekistonimizda jabrdiydalar xisobiga boy bulayotganlar xam ozgina emas. Nimaga Fermerlarni kosasi oqarmaydi, qanchadan qancha sog’lom aqlli tadbirkor (odamlarga sudxo’rlik qilib boyiydigan tadbirkor emas), mutaxasislarimiz bor, ularniku qullamasa xam qonun darajasida xarakat qilishiga quyib berisha edi erkin holga, chet el korxonayu loyihalarini qaytib chiqib ketadigan darajada ulpon solishadi, Izolasiyalab tashlandi xamma sohalar, bu ortiq davom etmasli kerak axir.

   REPLY
9. Мухаммад Ёкуб Хамроев

   18.01.2016 at 13:38(Edit)

   Хурматли дустлар, хар кандай яхши ёки ёмон амалларнинг хам уз чегараси булгани яхши!
   Ортикча дабдабанинг кимга кераги бор, ундан кура бирон болалар уйини ёки мактабни уз оталигига олиб, хеч жойга овоза килмасдан доим ёрдам бериб юрсалар савоби купрок булар эди!
   Турт соатлик дабдабага миллионлаб пуллар совурилган, отарчиларга неча минглаб доллар пуллар-узбек тадбиркорининг йикилишига сабаб буладиган бошланишдир.
   Хотам тойнинг дабдабали туй хашам килгани хакида бирон ривоят йук. Борини халкга улашган!!

    

   АҲМАДЖОН — ЎЗБЕКНИНГ МАРД ВА ТАНТИ ЎҒЛОНИ

Ватанимиз Ўзбекистоннинг мустақил бўлганига сал кам чорак аср бўлди. Бу давр мобайнида юртимиз мислсиз катта ютуқларга эришди, ҳар тарафлама ривожланди ва ўз мавқеига эга бўлди. Халқ турмуш тарзи яхши тарафга ўзгарди. Шулар қаторида тадбиркорлик соҳасига ҳам кенг йўл очиб берилди.

Ўрта мулкдорлар синфини шакллантириш, мамлакат иқтисодиётини юксалтириш, янги иш ўринларини яратиш ва аҳоли даромадини оширишнинг муҳим омили бўлган кичик бизнес ва хусусий тадбиркорликни ривожлантириш тўғрисида қарор қабул қилинди, шу сабабли юртимизда тадбиркорлар сони кўпайди.

Тадбиркорлар юрт ривожланиши ва аҳолининг турмуш тарзи яхшиланишига ўз ҳиссаларини қўшиб келмоқдалар. Шулардан бири — чинозлик Турсунбоев Ахмаджон, халқ орасида “Ахмадбой” деган номга эга бўлган, “CHINOZ AVTO HAMKOR” МЧЖ корҳонасининг раҳбаридир.

Ахмадбой Чиноз тумани Олмазор қишлоғида яшовчи аҳолидан биридир. Оддий камбағал оиладан чиқган. 6-7 йил олдин ҳам қишлоқ бозорида ҳўроз, мол, қўй сотиб кун кўрар эди. Хатто, айрим пайтларда “патта пули”ни ҳам тўлашга қурби етмай, бозор ташқарисида савдо қилишга мажбур бўлган.

Қишлоғидаги баъзи танишларининг, пул топиш ниятида оиласини, бола чақасини ташлаб, Россия ва бошқа чет эл мамлакатларига ишлашга кетишлари ва у ердан ҳаста, касалманд бўлиб қайтишлари бошқалар каби Ахмадбойга ҳам оғир ботган.

Нима учун юртимизда ҳамма шароитлар бўла туриб, одамлар чет элга бориб ишлашга қизиқадилар? Чет элда бор шароитлар ўзимизда ҳам бор. Фақат озгина ақлни ишлатиб, яхшигина ғайрат бўлиш керак. Ўзбек халқи ЎЗига БЕК бўлган халқ. Бой тариҳга эга, келажаги эса порлоқ. Ўзбек халқидан буюк инсонлар етишиб чиққан: олимлар, саркардалар, юлдузлар, миллиардерлар. Бу халққа қул бўлиш ярашмайди. Ризқ хамма ерда бир хил.

Ахмадбой бу нарсани тушуниб етди ва ўз бизнесини ташкил қилишни режалаштирди. Бунга давлатимиз тарафидан кенг йўллар очиб берилган. Яратганнинг инояти билан ишлари юришиб, нияти амалга ошди, катта тадбиркор бўлиб етишди ва ўз обрусига эга булди. 4 йил ичида жуда катта ютуқларга эришди. Оддий камбағал одамдан бой-бадавлат, кучли шахсга айланди. Бундай даражага у ўз меҳнати, сабр-тоқати ва тиришқоқлиги билан эришди.

Одамлар у билан ишлашни ва ундан иш ўрганишни хоҳлайдилар. Ахмадбой сармоядорлардан пул олиб, маблағларни фойдали ишларга тикиб, уларга даромадларини тўлайди. Сармоядорлар орасида катта тадбиркорлар ҳам, оддий қишлоқ аҳли ҳам бор. Ҳар ким астойдил хоҳласа, бизнесни ўзгаларга бахт, маънавий ва моддий бойлик олиб келувчи ишга айлантириши мумкин.

Ахмадбойнинг иш фаолияти асосан деҳкончилик ва фермерликдан иборат. Бу халқимизнинг азалдан шуғулланиб келадиган касби. Ушбу тизим орқали эл ризқи бутун, дастурхони тўкин бўлади. “Деҳкон ишлаб дон сочар, элга ризқ йўлин очар”, деган мақол тўғри айтилган. Булардан ташқари қишлоғида кичик автомобил бозор ташкил қилган. Ахмадбойнинг бундай катта бизнеси нафақат ўзига, ишчиларига, балки давлатга ва қишлоқ аҳолисига ҳам фойда келтирмоқда.

Ахмадбой катта тадбиркор бўлиш билан бирга саховатпеша инсон ҳамдир. Унинг қилган хайр-эҳсонлари таҳсинга сазовор ва албатта таъқидлаб ўтишга арзийди. Чиноз туманидаги қабристонларни таъмирлатди. Бу билан ўтганларнинг руҳини шод қилиб, уларнинг хотирасига ўз ҳурматини билдирди.

Қишлоқ аҳолисининг газ бўйича катта миқдордаги қарзини тўлади ва қиш мавсумида газ ўчмаслигини таъминлади. Охирги йиллар давомида қиш мавсумида қишлоқда газ бўлмас эди ва одамлар уйларини ўтин билан иситишга мажбур бўлишарди. Ахмадбой бу масалани ҳал қилишни ўз буйнига олди ва сўзининг устидан чиқди. Энди одамлар уйларини газ билан иситиб, роҳатланиб ўтиришибди ва Ахмадбойни дуо қилишаяпти. Ким мард бўлса сўзида, ойдир элнинг кўзида.

Йул ҳаракати хавфсизлигини таъминлаш мақсадида қишлоққа асфальт йўллар еткизди. Бир сўз билан айтганда, қишлоғини ободонлаштириб, гўзал масканга айлантирди. Ахмадбойнинг шарофати билан Чиноз тумани аҳолисининг турмуш тарзи 3-4 маротаба яхшиланди.

Булардан ташқари ночор оилаларга ёрдамини аямайди. Айниқса Ўзбекистон Ногиронлар Жамиятига, Чиноздаги меҳрибонлик уйларига доимий равишда моддий ёрдам кўрсатиб келади. Бунинг учун хукуматимиз тарафидан бир неча мукофот ва фаҳрий ёрлиқлар билан тақдирланган.

Имконияти чекланган шахсларга ва етимларга меҳр- мурувват, саҳоват кўрсатилиши, бу кўнгли ярим инсонлар қийинчиликларни енгиб ўтишларига ҳам маънавий, ҳам моддий куч бағишлайди ва ҳаетга қизиқишлари ортади. Мақоламиз қахрамони халқимизнинг миллий қадриятларини ва анъаналарини қадрлагани сабабли хукуматимиз тарафидан фидокор деб тан олинган.

Ахмадбой олийжаноб инсонга хос бўлган сифатларга эга. Аввалам бор қўли очиқ, саҳий инсон. Бунга юқорида келтирилган маълумотлар далилдир. Самимий ва очиқ кўнгил. Катта-ю кичик, бой-у камбағал билан бирдай чиройли муомилада бўлади. Бойлиги ва обруси туфайли кибрланмайди, ўзи ҳам бир пайтлар камбағал инсон бўлган, буни хеч қачон унутмайди. Ишда ҳам, гапда ҳам ростгўй.

Сармоядорларининг орасида масжид имомларининг борлиги, унга бўлган ишончнинг кучлигидандир. Ичмайди, чекмайди, аҳлоқ-одоби жойида, иймони бутун. Қатъиятли, мард, ўз принципига эга. Ваъда берса, сўзида туради. Лавз у учун биринчи даражали нарса. Ўзбек ўғлонлари қадимдан бир сўзли, гапида турадиган эркаклардир. Ахмадбой қариндош уруғлари билан муносабати мустаҳкам. Қўли остида ишлайдиган ёрдамчиларининг аксарият қисми яқин қариндошлари, жиянларидир. Халқ орасида “садақани ҳам, яхшиликни ҳам оилангдан бошла” деган нақл бор. Ахмадбой ҳудди шундай йўл тутган, бу унинг яна бир ижобий томонларидан биридир.
Хар қандай иш асоси — одамларга ҳизмат қилишдир.

Бизнеснинг олий тушунчаси ана шу. Ахмадбой ўз фаолияти орқали ватанпарварлик туйғуси, бунёдкорлик завқи билан яшаётганини, нафақат ўзининг, балки қишлоқдошларининг ҳам чиройли келажаги ва фаровон ҳаёти сари интилаётганини намойиш этмоқда. Тўрт йил ичида мислсиз ютуқларга эга бўлиб, уни халқи билан бахам кўрмоқда. Шу сабабли мартабаси кундан-кун ошиб бормоқда. Ватанимизнинг янада гуллаб яшнашига муносиб ҳисса қўшиши, одамларнинг кайфиятини кўтарадиган хайру-саҳоват, меҳру-мурувватлар қилиши ва кишилар ҳаётига обод турмуш ғоясини олиб кириши — унинг фидокорлигининг далилидир.

Келажакда Ахмадбойни ишлари янада юришиб, нафақат Ўзбекистон, балки дунёга машҳур ўзбеклардан бўлишига ишонамиз, чунки у халқининг дуосини олган халқпарвар инсондир.

Сардор Жабборов

Маҳсус dunyouzbeklari.com учун

МАҚОЛАНИ ДЎСТЛАР БИЛАН БАҲАМЛАШИНГ