Муҳаммаджон Обидов: Хитой университетларида ўзбек тили ўқитилмоқда
Хитой университетларида ўзбек тили ўқитилмоқда
Тараққиётнинг “ўзбек модели”га дунёнинг тоборо кўпроқ мамлакатларида қизиқиш ортиб бормоқда. Бу Ўзбекистонга уни ўрганиш мақсадида ташриф буюраётган иқтисодчи, олим, мутахассислар сафи тобора кенгайиб бораётганидан ҳам яққол кўринади. Энди эса бошқа қитъа ва мамлакатларда ўзбек тилини ўқитишга интилиш кучайди. Америка, Европанинг айрим олий ўқув даргохларида бундай йўналишлар мавжуд. 2015 йилдан бошлаб “Буюк ипак йўли иқтисодий белбоғи”ни тиклаш ташаббускори Хитой университетлари ҳам ўзбек тилини ўқитишни бошладилар. Дунёнинг энг машхур юзта олий ўқув юрти рўйхатидан жой олган Шанхай университетида 2015 йил 24 октябрда ўзбек тили факультатив ўқув курси очилди.
— Дастлабки гурухда етти нафар, янги 2016 йилдан эса яна 20 нафар талаба ўзбек тилини ўргана бошлади,-дейди Хитой Халқ Республикасининг Ўзбекистондаги элчиси маслахатчиси Мёнг Фан Шуа. Аввалроқ Хитой Марказий Миллатлар Университетида ўзбек тили мутахассислиги бўйича махсус йўналиш очилган эди. Бу ўқув юртининг рус тили факултети талабалари 2-4 курсларда иккинчи чет тили сифатида ўзбек тилини ўрганадилар. Хозир 2 курснинг ўзида 30 нафар хитойлик ёшлар ўзбек тили йўналишида ўқимоқда.
Хитойнинг яна бир машхур университети Гансу провинциясининг Ланжоу шаҳрида жойлашган. Биз бу ерда ўзбек тилидан даср бераётган Феруза Хасанова билан боғландик.
-
Хитойлик талабаларда Ўзбекистонга нисбатан ва умуман ўзбек тили, маданиятига бўлган қизиқиш жуда катта. Бошланғич курс талабалари ўзбек тилини жуда мароқ билан ўрганишга киришдилар. Бироқ икки тилнинг товуш тизимларидаги айрим тафовутлар кўпроқ машқ қилишни талаб этади,-дейди Феруза. – Талабалар ўзбек урф-одатлари ҳақида жуда кўп саволлар билан мурожаат қилишади. Айниқса, ўзбек миллий мусиқа санъати, миллий эстрада намуналарига қизиқишлари катта.
Майли тилимиз маданиятимизни ўрганса Хитойликми ёки бошқасими бундан биз фақат ютамиз. Лекин нима керак қалбаки ёлғонни гапириб! Қандай иқтисодимизни жозибалиги ҳақида гапириш мумкин. Зўравонлик асосига қурилган иқтисод ҳақида бонг ўриш, шармандалик, аҳмоқгарчиликдир.
Охир замон деганлари якинлашибди! Узбек модели буйича ахолисининг 30-35 фоизи чет элга иш кидириб, мардикорликга чикишса борми 400 миллион одам хеч каерга сигмай кетади.
Мухаммаджон ака кайтаринг уларни бу моделдан — дунёни катта фалокатдан саклаб колган буласиз!