«Дунё ўзбеклари» Бош муҳарририга мактублар» туркумидан
Маколамни шахсий сайтингизга жойлаштириб, минглаб укувчиларингиз билан бахам курганингиз учун Сизга катта миннатдорчилик билдираман.
Жонингиз омон булсин. Ижодингиз мухлиси булганман хамиша. Каламингиз хамиша шундай уткир булсин.
Фарзандларингиз рохатини куринг.
Яна бир марта рахмат Сизга.
Хурмат билан, Ф.С.
Тошкент шаҳри
Ассалому алайкум Исмат ака.
Ўзбекистон, ўзбек халқи ва унинг жабру жафоларига ҳеч қачон бефарқ бўлмаган ва бўлолмайдиган Инсонсиз.
Сизнинг интернет газетангизда чоп этилса халқимизни кўп йиллардан бери қийнаб келаётган муаммога эътибор қаратилармиди, деган умидим бор.
Ҳурмат билан Ф.М.
Тошкент шаҳри
Темур Алиев
Asslomu alaykum Ismat aka.
Men Kitobingizning birinchi qismini katta qiziqish bilan tugatdim. Hayotiy voqeliklar bilan bog’liq bo’lgan bu kitobingiz menga ko’p o’xshash xotiralarni eslatdi va yig’lab ham oldim.
Lekin yoqmagan joylari ham bo’ldi yani ruslarni biroz bo’rtirib, ulug’lab ko’rsatgandek tuyuldi. Albatta vaqt nuqtai nazaridan buni to’g’ri tushunish mumkin.
Kitobingizni keyingi 80 yillar oxiriga bag’ishlangan bo’limlari buni oqlashi mumkin.
Lekin shuni ham takidlash joizki agar menda ham sizning otangizdagi shijoat meni otamda va Abdulla Oripovdek “Tank”kam bo’lganda men Opkom bo’lar edim(+MGU diplomi).
Xullas men kitobingiz uchun sizga albatta minnaddorchilik bildirmoqchiman. Katta raxmat! Ishlaringizga omad tilayman.!
Men so’ramoqchi bo’lgan narsa kitobingizning ikkinchi qismi haqida. Ikkinchi kitobingizni ham chiqarganmisiz?
Iltimos agar chiqarga bo’lsangiz saytingizga qo’ying.
Raxmat.
Temur Aliev
Seoul.
Ассалому алайкум ҳурматли Исмат Хушев!
Президент Ислом Каримов ҳақидаги хотираларингизни доим ўқиб бораман. Сиздаги очиқкўнгиллик ва самимият менга ёқади.
Ростини айтсам, бугун менинг сиздан яқин бошқа дарддошим йўқ. Отам Тошкентда яшайдилар, мен эса Афғонистондаман.
Давлат ишлари билан келиб қолдик оила баҳона…
Ўзим ҳақда ортиқча ҳеч нарса айтолмайман. Бу ерларда бир пайтлар Рустам Иноятов СНБ раиси бўлишидан анча олдин хизмат қилган экан.
Унинг автобиографиясида Афғонистон борлигини билардик, лекин эрта бир кун ўзим турмуш ўртоғим билан (бизлар ҳарбийлармиз) шу ерга тушиб қоламиз деб ўйламаганмиз.
Хизмат вазифамизга кўра ижтимоий тармоқларда – дунё сайтларида Ўзбекистонга оид хабарларни кузатиб борамиз.
Ҳар кун иш якунида ўз фикр ва хулосаларимиз билан раҳбариятга ҳисоб бериб, ўртоқлашамиз.
Асосий баҳс майдонини албатта сизнинг “Дунё ўзбеклари” нашрингизда эълон қилинган мақолалар ташкил қилади.
Сизга айтиш мумкин бўлган гаплар мана шулардан иборат. Бошқа ҳеч нарса ёзолмайман.
Бахтимизга доим соғ бўлинг.
Ҳурмат билан: М.А.
Қобул, Афғонистон.
“Дунё ўзбеклари” Бош муҳаррири Исмат Хушевга: Китобингизни ўқидик…
Ассалому алайкум Исмат ака!
Биз “Оқланмаган ишонч қиссаси” 1 китоб 12 бобида Ўшлик курсдошингиз марҳум Ботиржон Мадумаров хақида ёзганингизни ўқиб хурсанд бўлдик.
Чунки Ботир ака бизга қариндош.
Муҳтарам Исмат ака!
Ботиржон Мадумаров хақида эсдаликларингизни батафсироқ қилиб битта мақола ёзсангиз деб илтимос қиламиз.
Сизга ҳурмат билан қариндошлари номидан
Ўшдан Дилмурод
Суратда: Орқа тарафда тик турганларнинг ўнгдан биринчиси марҳум курсдошим Ботиржон…
Ҳурматли дўстим Дилмурод!
Раҳматли курсдошим Ботиржонинг суратларини кўриб юрак бағрим эзилиб кетди. Бу расмлар учун Сизга минг раҳмат.
Жуда очиқ кўнгил ва дилкаш йигит эди раҳматлик. Курсимиздаги аксар қизлар уни яхши кўришарди. У шунақа кўримли ва дилбар йигит эди.
Унинг оила аъзоларига, уйидагиларга биздан салом денг.
Ботиржон ҳақида унинг синфдошлари, дўстлари ва яқинларининг хотиралари бўлса бизга юборинг, эълон қилайлик.
Сизга ҳурмат билан,
Исмат Хушев,
«Дунё ўзбеклари» Бош муҳаррири
Торонто шаҳри, Канада
МАҚОЛАНИ ДЎСТЛАР БИЛАН БАҲАМЛАШИНГ