"Дунё ўзбеклари" сайтини энди телефонда, планшетда ва комьютерда ихчам мобиль версияда кўришингиз мумкин: [fdx-switch-link]
  • Асосий
  • Ассалому алайкум!
  • Муаллиф ҳақида
  • МАҚОЛА ВА ФОТОСУРАТЛАР ЖЎНАТИШ

Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (25)

Абдулла Орипов: “Онажоним – шеърият!”, Адабиёт | 06/09/2015 16:37-     12030 марта ўқилди

 Шоир ва АҚШ
ЎЗБЕКИСТОН ҚАҲРАМОНИ,
ХАЛҚ ШОИРИ Абдулла ОРИПОВ
ИЖОД САБОҚЛАРИ
Ҳаётни тизгинда бўлмайди ушлаб,
Зилзила, ёнғинлар учрайди бари.
Мушук боласини бўйнидан тишлаб,
Ҳар хил кулфатлардан қочади нари.
Ярим аср бўлмиш бу гапга мана,
Билмайман, бировга нима деримни.
Лекин мушук каби излаб бошпана,
Кўтариб чопаман мен ҳам шеъримни.
Нафақага чиққан эринмас мухбир
Ва ёки ҳаваскор синчи — талаба.
Жами бисотингни текширар бир- бир,
Қусур топа олса — катта ғалаба.
Ҳеч кимса ўйламас, сатрлар аро
Кўз ёшлар, аламлар оқиб ётганин.
Биров хаёлига келтирмас асло,
Армонлар қаърига шоир ботганин.
Асли жаҳолатдир бу ҳолнинг сири,
Ўзини ҳакам деб санайди ҳар ким.
Ойболта кўтарган Луқмондир бири,
Бири найза тутган Суқротдир, балким.
Улар осмон қадар олис ҳаётдан,
Маъно тополмайсан кўзига қараб.
Дейдилар, ҳаммасин биламиз ёддан,
Сочини ўстириб юргандир Машраб.
Бу ғамсиз касларга ҳурмат нораво,
Лўттибоз мисоли сургайлар даврон.
Соқовин атарлар булбулугўё,
Салла патак бўлса — қолма ҳеч ҳайрон.
Ҳар банда ўзини ахтаргай ҳар чоқ,
Чўқинар — омадин кутиб, ҳойнаҳой.
Қудуқ қазганида шўр чиқар бироқ,
Ювиб кетаверар кулбасини сой.
Эзгу ният билан бошласа бир иш,
Афсуски, ғовларга дуч келар доим.
Наҳот, унга мудом ҳамроҳдир ташвиш,
Наҳот, қадамида қиёмат қоим.
Шоир, мақтанасан ўзингча нега,
Нодонлар ичида қилиб ифтихор.
Шеърингга мушукдай бўлолгин эга,
Машрабнинг, яхшиям, кучукчаси бор.
А.Қ.Ш. Хьюстон. 5.09.2015

Ўхшаш мақолалар:

  1. Хато қилишингни кутарлар…
  2. Абдулла Орипов: Тақдир қўлида ёйдек эгилиб борар қаддим…
  3. Абдулла Орипов: Бормикан сендайин иболи, Ўзбекнинг фаришта аёли…
  4. Абдулла Орипов: Дунёда топганинг Ватандир танҳо,
  5. «Хуршид Даврон» тақдим этади — Абдулла Орипов: Апрел шеърлари…
  6. «Дунё ўзбеклари» тақдим этади — Абдулла Орипов: Инсонга буюрсин Ватани фақат…
  7. Кимлардир кўзингни юмишдан аввал, Тозалаб қўяди чўнтакларингни…
  8. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (35)
  9. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (40)
  10. Улуғ ўзбек шоири Абдулла Ориповнинг Хьюстон (АҚШ) да ёзган янги шеърлари (44)
  11. АБДУЛЛА ОРИПОВ Ўзбекистон Қаҳрамони, Халқ шоири ОКТЯБРЬ ШЕЪРЛАРИ
  12. Абдулла Орипов ҳикмати: Кимсага ёмонлик қилмагил, Бир куни ўзингга қайтади…
МАҚОЛАНИ ДЎСТЛАР БИЛАН БАҲАМЛАШИНГ

3 комментария

  1. Barlos:
    06/09/2015 в 19:54-

    Абдулла ака ишонинг бу мансабларни зарпечакдек ўраболган «ёзувчи,шоирлар» шармандаси чиқиб амалдан ҳайдалади. Уларни ёзганларини диярли ҳеч ким ўқимайди, ким ҳам ўқисин ярим ёрти соҳта, ҳаётдан узилган маддохона ёзилган асарлар,шеърларни.

    Ответить
  2. O'zbekxon:
    06/09/2015 в 19:45-

    Ҳар куни сизни ўқиш учун Исмат Хушевнинг «Дунё ўзбеклари»га кирамиз. ҳар куни, ҳар соатда С сизни ўқиш учун «Дунё ўзбекларит»ни очамиз. Нашаванд кўкнорига ўрганиб қолганидеай, биз ҳам С сизнинг шеърларингизга интизормиз.

    Ответить
  3. Shayboni:
    06/09/2015 в 19:44-

    Абдулла ака. Сиз кўпам руҳий тушкунликка берилманг. Шеърларингиздан шуни сезиб турибмиз. Сиз улуғ устозимиз, буюк шоиримизсиз. Сизни қадр этмаётган бир гуруҳ тўраларга сира парво қилманг. Улар Исмат Хушев ёзгани каби Сизнинг ва истеъдодингиз олдида ким бўлибди? Ҳали Президентга бу гап сўзлар етади ва у буларнинг ҳаммасини жазолайди. У жазоламаса, халқ жазолайди. Шуни унутманг.

    Ответить

Leave a Comment

Фақат 500 белгигача рухсат этилади. Мақола ёки хабарларни МАҚОЛА ВА ФОТОСУРАТЛАР ЖЎНАТИШ ёки Биз билан алоқа шакли орқали жўнатинг.

Нажмите, чтобы отменить ответ.