Даҳо шоир Абдулла Орипов ва таниқли журналист Исмат Хушев жаноби олийларига

---

 

                             АКА…УКА  ҚАДРДОН

                               Даҳо шоир Абдулла

                               Орипов ва таниқли

                                журналист Исмат

                               Хушев жанобларига

                               Бирга бўлди неча кун

                                   ака…ука қадрдон,

                               Дунёда энг  я г о н а ,

                               иккиси ҳам меҳрибон.

                               Таърифу тавсифларин

                                 айтиш қийин ниҳоят,

                               Иккиси ҳам забардаст,

                                етук, зукко суҳандон.

                               Истеъдод ва талантда

                                уларга бас келар йўқ,

                               Иккисининг обрўйи

                                  оламаро дучандон!

                              Бир..бирларини кўриб,

                              ғоят мамнун бўлдилар,

                              Мамнунлик боисидан

                              Чунон отдилар хандон!

                              Айро эдилар  у л а р

                               юрту ватанларидан,

                              Жуда узоқ юртларда

                               юрар эди саргардон.

                              Аммо улар иккиси

                               маънавият бобида

                              Паҳлавон ботир эрур,

                              курашда марду майдон!

                              Назм, насрда улар

                              иккиси ҳам зўр шоввоз,

                               Санъат, адабиётда

                              ўта кетган билимдон!

                              Парвардигорнинг Ўзи

                               уларни хўп сийлаган,

                              Иккиси икки элда

                              катта соҳиби карвон.

                              Карвонбошилик қилиш

                              ҳар кимга насиб этмас,

                              Улар юксак чўққидан

                               жой олган етук сарбон.

                              Сарбонлар ўз карвонин

                                 доим олға бошлайди,

                              Сабр..қаноат билан

                                ошажаклар зўр довон.

                              Икки дўстнинг обрўйи

                              бундан ҳам баланд бўлсин,

                              Борар манзиллар аниқ,

                              чунон йўллари равон!

                              Суҳайлий икки дўстга

                              бахту омад тилайди,

                              Ҳамиша ва ҳар қачон

                               бўлсинлар соғу омон!

                                      …………………

27. 08. 2015 й.

                                   ХЬЮСТОНДА

                                     ЗЎР БАЙРАМ

                               Хьюстонда зўр байрам,

                                 ажойиб шодиёна,

                               Икки дўстлар учрашди,

                                жонлар бўлсин тўёна!

                               Юрар эдилар улар

                               бир..бирларин кўролмай,

                               Соғинишиб чунон ҳам

                                бўлардилар гирёна.

                               Иккиси ҳам ўзбекнинг

                                забардаст ўғлонлари,

                               Маънавий курашларда

                               куршаганлар мардона!

                              Бири назмда  д а ҳ о ,

                              иккинчиси насрда,

                              Уларнинг ёзганлари

                              бари гавҳар, дурдона!

                              Аммо улар шаънига

                              отилган таъна тошлар,

                              Чунки ғанимлари кўп,

                               юргай мунофиқона.

 

                              Мунофиқлар албатта,

                              Оллоҳ жазосин олгай,

                              Икки дўстнинг юриши

                               о л а м д а   ғолибона!

                             Ғолиб дўстлар ҳар қачон

                                 иззату ҳурматдалар,

                             Иккиси зўр аллома,

                               удумлари шарқона!

                             Улар саёҳат қилиб,

                             олам кезиб юрибди,

                             Дийдорлашиб олдилар

                               саёҳатлар баҳона.

                             Амриқо тупроғида

                             юз кўришди икки дўст,

                             Авваллари иккиси

                               юрар эди пинҳона.

                             Икки буюк аллома

                             олам..жаҳонга машҳур,

                            Иккиси ҳам улуғ зот,

                               яшашлари шоҳона!

                            Уларнинг буюклиги

                              беназир ва беқиёс,

                            Фозилу олим улар

                               бу оламда ягона!

                            Садоқатли дўстларнинг

                             меҳру вафоси юксак,

                            Оллоҳ Ўзи уларни

                             қилмагай ҳеч бегона!

                            Суҳайлий икки дўстнинг

                               ижодига тилакдош,

                            Кунлари ўтаверсин

                             ҳар доим байрамона!

                            Хьюстонда зўр байрам,

                              а ж о й и б   шодиёна,

                            Икки дўстлар учрашди,

                             жонлар бўлсин тўёна!

                                     ………………..

27. 08. 2015 й.

                                  С У Ҳ А Й Л И Й                                   

                              (Қоражон ҚОДИРОВ)

                                   Ў з б е к и с т о н 

МАҚОЛАНИ ДЎСТЛАР БИЛАН БАҲАМЛАШИНГ