Абдулла Орипов: Худо билар, ўтмай сал фурсат, Тополмассан кўланкамни ҳам…
АБДУЛЛА ОРИПОВ,
Ўзбекистон Қаҳрамони, Халқ шоири
Шошил, қуёш
Шошил қуёш, ўзингни кўрсат,
Нуринг билан ўраб ол теграм.
Худо билар, ўтмай сал фурсат,
Тополмассан кўланкамни ҳам.
Шамол шошил, шошилгин ёмғир,
Тезроқ қуршанг елкам, бошимни.
Бирдан ғойиб бўлурман, ахир,
Учратмассиз хатто лошимни.
Вақт чопмоқда билмасдан тиним,
Дўстим етар, анқайма, очил.
Имиллама сен ҳам, ғанимим,
Ёмонлигинг қилишга шошил.
9.04 2015 йил.
«Дунё ўзбеклари» учун махсус
МАҚОЛАНИ ДЎСТЛАР БИЛАН БАҲАМЛАШИНГ